परिस्थिति सामान्य भइदिएको भए यतिबेला चिसिएको मौसममा ओस्कार अवार्डको माहोल तातिरहेको हुनेथियो । तर, कोरोनाभाइरसको वैश्विक महामारीले विश्व फिल्मकै सर्वोच्च अवार्डलाई पछि धकेलिदियो ।
सधैंजसो फेब्रुअरी १३ मा हुने ओस्कार यसपटक ढिलो भएर सन् २०२१ को अप्रिल २५ मा पुगेको छ । पाँच महीना बाँकी छ र फिल्म पण्डितहरू अवार्डको हारजितबारे भविष्यवाणी गर्न कस्सिएका छन् ।
ओस्कारको आउँदो संस्करणमा नेपालले कुनै पनि फिल्म पठाएको छैन । तीन फिल्मबीच प्रतिस्पर्धा भए पनि योग्य नभएको भन्दै काठमाडौंस्थित ओस्कार कमिटीले कुनैलाई पनि सिफारिश गरेन । हलिउड म्यागजिन इन्टरटेनमेन्ट विक्ली ले नोभेम्बर ३० सम्मको घटनाक्रमलाई लिएर ओस्कारको प्रक्षेपण गरेको छ ।
सर्वोत्कृष्ट फिल्म
ओस्कारको आगामी संस्करणलाई इतिहासकै लामो समयको दौड मानिएको छ । चोल झाओ निर्देशित र फ्रान्सिस म्याकडरम्यान्ड अभिनित क्रस कन्ट्री फिल्म ‘नोम्याडल्यान्ड’ ले उत्कृष्ट समीक्षा प्राप्त गरेको छ । कम्पासको सुई यही फिल्मतर्फ सोझिएको छ । नेटफिल्क्सको यही फिल्मले सर्वाधिक विधामा अवार्ड जित्ने भविष्यवाणी क्रिटिक्सको छ ।
१) नोम्याडल्यान्ड
२) म्यांक
३) वान नाइट इन मायामी
४) द ट्रायल अफ दी सिकागो सेभेन
५) मा रेइनीज ब्ल्याक बटम
६) सउल
७) जुडाज एन्ड दी ब्ल्याक मसिहा
८) द फादर
९) मिनारी
१०) द फाइभ ब्लड्स
सर्वोत्कृष्ट निर्देशक
डेभिड फिन्चर निर्देशित श्याम–श्वेत बायोपिक फिल्म ‘म्यांक’ यस विधाको बलियो दाबेदार हो । जसले हर्मन जे म्यांकविजको क्रेजी जीवनबारे चित्रण गर्छ । फिल्म उद्योगभित्रकै जीवन र बलियो कथ्य संरचनाको कारणले समीक्षा पनि राम्रै मिलेको छ ।
१) डेभिड फिन्चर – म्यांक
२) चोल झाओ – नोम्याडल्यान्ड
३) आरोन सरकिन – द ट्रायल अफ दी सिकागो ७
४) फ्लोरिय झेलर – द फादर
५) स्पाइक ली – द फाइभ ब्लड्स
सर्वोत्कृष्ट अभिनेत्री
जेनिफर हड्सनको फिल्म ‘रेस्पेक्ट’ ओस्कर अवार्डको दौडबाट बाहिरिएपछि यस विधामा जित दर्ता गर्ने सम्भावना भायोला डेभिसको लागि खुला भएको छ । उनी अभिनित ‘म रेनीज ब्ल्याक बटम’लाई अभिनयको खूबै तारिफ जुटेको छ । यसलाई नेटफिल्क्सको बहुप्रतीक्षित बायोग्राफिकल ड्रामाको रूपमा लिइएको छ ।
१) भायोला डेभिस – म रेनिज ब्ल्याक बटम
२) फ्रान्सिस म्याकडरम्यान्ड – नोम्याडल्यान्ड
३) भेनिसा कार्बी – पिसेज अफ अ वुमन
४) केट विन्सलेट – एमोनाइट
५) आन्द्रा डे – द युनाइटेड स्टेट्स भर्सेस विल्ली होलिडे
सर्वोत्कृष्ट अभिनेता
कहिलेकाहीं संयोग यस्तो हुन्छ र उसैलाई जिताउनुपर्ने हुनसक्छ । दिवंगत अभिनेता चाडवीक बोसम्यानको हकमा यही सूत्र लागू हुनसक्छ । सहानुभूतिको भोटलाई अलग राख्ने हो भने यी अभिनेताले ‘मा रेनिज ब्ल्याक बटम’ फिल्ममार्फत यस विधामा जित्न सक्छन् । यदि जिते भने उनीप्रति श्रद्धाञ्जली हुनेछ ।
१) चाडवीक बोसम्यान – मा रेनिज ब्ल्याक बटम
२) एन्थोनी हपकिन्स – द फादर
३) ग्यारी ओल्डम्यान – म्यांक
४) डेलरोय लिन्डो – द फाइभ ब्लड्स
५) किङ्सले बेन एडिर – वान नाइट इन मायामी
सर्वोत्कृष्ट सह–अभिनेत्री
हुन त म्यांक फिल्ममा केही दृश्य मात्रमा अमान्डा सेफ्राइडलाई देख्न सकिन्छ । वास्तविक जीवनका स्टार मारियन डेभिसको भूमिकमा आफूलाई बलियो पात्रको रूपमा अमान्डाले चित्रण गरेकी छन् ।
१) अमान्डा सेफ्राइड – म्यांक
२) ग्लेन क्लोज – हिलबिल्ली एलेगी
३) ओलिभिया कोलम्यान – द फादर
४) एलेन बर्सटाइन – पिसेज अफ अ वुमन
५) मारिया बाकालोभा – बोरत : सब्सिक्वेन्ट मूभि फिल्म
सर्वोत्कृष्ट सह–अभिनेता
साखा किङको ऐतिहासिक नाटकको एक मुख्य पात्र विलियन ओ निल, जो एफबीआईको जासूस हुन्छ । उक्त चरित्र चित्रण गर्ने डेनियल कालुयालाई यस विधामा बलियो मान्न सकिन्छ । ब्ल्याक प्यान्थरको रूपमा कालुयाको पात्र रूपान्तरण र घटनाक्रमको उतारचढाव मुख्य विशेषता हो ।
१) डेनियल कालुया – जुडाज एन्ड दी ब्ल्याक मसिहा
२) स्याचा ब्यारोन कोहेन – द ट्रायल अफ दी सिकागो ७
३) लेस्ली ओडेम जुनियर – वान नाइट इन मायामी
४) याहा अब्दुल माटिन द्वितीय – द ट्रायल अफ दी सिकागो ७
५) बिल मुर्रे – अन द रक्स
सर्वोत्कृष्ट मौलिक पटकथा
सरकिनले सन् २०१२ देखि नै कम्तीमा ओस्कारको यस विधामा कम्तीमा दुईवटा मनोनयन हुँदै आएका छन् । उनी लिखित ऐतिहासिक ड्रामा र कसिलो पटकथा वर्ष २०२१ का लागि पनि उपलब्ध छ । ओस्कार भोटरका लागि उनी अहिले आँखैमा झल्किएका छन् ।
१) द ट्रायल अफ दी सिकागो ७
२) म्यांक
३) मिनारी
४) द फाइभ ब्लड्स
५) सोल
सर्वोत्कृष्ट एडप्टेड पटकथा
यस विधामा ठ्याक्कै कसले बाजी मार्छ भनेर भन्न कठिन छ । तर, शुरूआती फिल्म समीक्षाको आधारमा मूल्यांकन गर्दा झाओद्वारा लिखित बलियो कथाले ओस्कारको यस विधामा जित दर्ता गर्न सक्छ ।
१) नोम्याडल्यान्ड
२) वान नाइट इन मायामी
३) म रेनिज ब्ल्याक बटम
४) द फादर
५) बोरत : सब्सिक्वेन्ट मूभी फिल्म