Tag: एपिएफ

काठमाडौं । जारी आरबीबी-एनभीए पुरुष तथा महिला राष्ट्रिय भलिबल लिगमा महिला तर्फ नेपाल एपिएफ क्लब र न्यू डायमण्ड स्पोर्ट्स क्लब विजयी भएका छन् ।

त्रिपुरेश्वरस्थित राष्ट्रिय खेलकुद परिषद्को कभर्डहलमा मंगलबार भएको पहिलो खेलमा नेपाल एपिएफ क्लबले भरतपुर मेट्राे खेलकुद परिषदलाई ३-० को सोझो सेटमा पराजित गरेको हो ।

दोस्रो खेलमा न्यू डायमण्ड स्पोर्ट्स क्लबले नेपाल पुलिस क्लबलाई ३-० को सोझो सेटमा हराएको हो । पहिलो खेलमा एपीएफले भरतपुर विरुद्ध २५-१३,२५-७,२५-९ को नतिजा निकाल्यो ।

दोस्रो खेल्मा न्यू डायमण्डले पुलिसलाई २५-२२,२५-२२,२५-१६ ले पराजित गर्‍यो ।

एपीएफ ४ खेल बाट १० अंकसहित लिग तालिका को दोस्रो स्थानमा छ भने समान खेलबाट समान अंकसहित सेटको आधारमा न्यू डायमण्ड लिग तालिकाको शीर्ष स्थानमा छ । पुलिस र आर्मीको बराबर ८ अंक छ ।

पुलिसले अर्को खेलमा बुधबार त्रिभुवन आर्मी क्लबसँग खेल्नेछ । न्यू डायमण्डले एपिएफसँग प्रतिष्पर्धा गर्नेछ ।

काठमाडौं । सशस्त्र प्रहरी बलको एपिएफ क्लब र टिपटप हेल्प नेपाल स्पोर्टस् क्लब पाँचौ आरबिबि एनभिए कप राष्ट्रिय महिला तथा पुरुष लिग भलिबल च्याम्पियनसिपमा पुरुष तर्फ शिर्ष स्थानमा रहन सफल भएका छन् । एपिएफले ३ मा तीनै खेल जित्दै ९ अंकका साथ शिर्ष स्थानमा रहन सफल भएको हो ।

यस्तै हेल्प नेपालले पनि ३ खेलमा तीनै खेल जित्दै एपिएफ संग समान अंकका साथ शिर्ष स्थानमा रहन सफल भएको हो । ७ क्लबको सहभागिता रहेको च्याम्पियनसिपमा सेनाको त्रिभुवन आर्मी र पुलिसको एनपिसी ३ खेलमा ६ अंक तथा बुलबुले रारा क्लब ४ खेलमा ६ अंक प्राप्त गरेका छन् ।

नयाँबजार समाज युवा क्लब ३ खेलमा र मणिमुकुन्द क्लब ४ खेलमा शुन्य अंकका साथ पुछारमा रहेका छन् । राष्ट्रिय बाणिज्य बैंकको प्रायोजन तथा नेपाल भलिबल संघको आयोजनामा भएको प्रतियोगितामा महिलातर्फ सेनाको त्रिभुवन आर्मी क्लब र पुलिसको एनपिसी ३ खेलमा तीनै खेल जित्दै समान ८-८ अंकका साथ शिर्ष स्थानमा रहेका छन् ।

आर्मीले ह्वाङ्गजी न्यू डायमण्डसंग र पुलिसले एपिएफसंग ५ सेट खेल्दै जित हात पारेका कारण अंक बाँट्न बाध्य भएका थिए । यस्तै न्यू डायमण्डको ३ खेलबाट ७ अंक रहेको छ भने एपिएफको २ खेलबाट ४ अंक भएको छ ।

भरतपुर मेट्रोको ३ खेल र ढोरपाटन स्पोर्टस् क्लब ४ खेलमा ० अंकमा रहेका छन् । शिर्ष दुई टोलीले फाईनलमा उपाधीका लागि प्रतिस्पर्धा गर्नेछन् । आज भएको महिलातर्फको खेलमा पुलिस र सेनाले जित हात पार्यो । पुलिसले ढोरपाटन स्पोर्टस् क्लबलाई २५-९, २५-५, २५-५ र सेनाले भरतपुर मेट्रो क्लबलाई २५-९, २५-८, २५-१३ ले पराजित गरेको हो । यस्तै पुरुषतर्फको प्रतिस्पर्धामा पुलिसले मणि मुकुन्द भलिबल क्लबलाई २५-१८, २५-१९, २५-११ ले पराजित गर्यो । तीन भारतीय खेलाडी सहितको टिपटप हेल्प नेपालले तीन पाकिस्तानी खेलाडीले सज्जित बुलबुले रारालाई २१-२५, २५-१८, २६-२४ र २५-२१ को सेटमा पराजित गर्दै ९ अंकका साथ शिर्ष स्थानमा रहन सफल भएको हो ।

काठमाडौं । उपहार गोलबाट अग्रता लिएको एपिएफले पुलिसमाथि २–१ को संघर्षपूर्ण जित निकाल्दै राजधानीमा जारी महिला राष्ट्रिय लिगमा अपराजित यात्रालाई सोमबार पनि निरन्तरता दिएको छ । ललितपुरस्थित अखिल नेपाल फुटबल संघ (एन्फा) मुख्यालयको मैदानमा सम्पन्न सोमबारको पहिलो खेलमा एपिएफले पुलिसलाई २–१ ले हराउँदै जितको लयलाई निरन्तरता दिएको हो ।

पहिलो हाफ गोल रहित बराबरी खेलेका विभागीय डर्बीमा पुलिसले ६९औं मिनेटमा उपहार गोल दिएपछि आफै दबाबमा परेको थियो । घिम कुमारी गुरुङले गोल गर्दा एपिएफले अग्रताको अवसर पाएको थियो । दबाब दिँदै खेल पस्किएको पुलिसका लागि अमृता जैशीले ७५औं मिनेटमा गोल गर्दै एपिएफविरुद्ध खेल बराबरीमा ल्याएकी थिइन् ।

अघिल्ला खेलमा फराकिलो जित निकाल्दै अपराजित यात्रालाई कायम राखेको एपिएफले खेल सकिन चार मिनेट बाँकी रहँदा वैकल्पिक खेलाडी रविना गोलले गोल गर्दै एपिएफको अग्रता २–१ मा पु¥याइन् । त्यसपछि दबाबमा परेको पुलिसले खेलमा फर्किन निकै प्रयास गरे पनि सफल हुन सकेन र एपिएफले पुलिसमा संघर्षपूर्ण जित निकाल्न सफल भयो ।

रोमाञ्चक जित निकालेको एपिएफले १० औं खेलमा अपराजित यात्रालाई निरन्तरता दिँदा उपाधि नजिक पुगेको छ । १० खेलबाट स्पष्ट ३० अंक जोडेको एपिएफ शीर्ष स्थानमा यथावत रहँदा अंक गुमाएको पुलिसको १० खेलबाट १४ अंक भएको छ । पराजयसँगै पुलिसको उपाधि उचाल्ने समिकरण समाप्त भएको छ ।

लिग अन्तर्गत सोमबार नै सम्पन्न दोस्रो खेलमा विराटनगर महानगरपालिकाले वालिङ नगरपालिका स्याङ्जालाई १–० ले स्तब्ध बनाएको छ । ३५औं मिनेटमा भारतीय खेलाडी आशा कुमारीले गरेको गोल निर्णायक बनेको थियो । विपक्षी खेलाडीले लडाएपछि प्राप्त फ्रिकिकमा आशा कुमारीले बललाई जाली चुमाउन सफल भएकी थिइन् । पहिलो हाफ लिएको अग्रता पछि दोस्रो हाफमा खेलमा फर्किने संघर्ष गरेको वालिङले पाएका केही राम्रा अवसरलाई सदुपयोग गर्न नसक्दा अंक सुम्पिन बाध्य भएको हो ।

जितसँगै विराटनगरले १० खेलबाट १३ अंक जोडेको छ । विराटनगर तालिकाको पाँचौ स्थानमा रहँदा अंक सुम्पिएको वालिङको १४ अंक छ । वालिङ तालिकाको तेस्रो स्थानमा छ । पुुलिससँग समान अंक भए पनि गोल अन्तरका आधारमा वालिङ तेस्रो स्थानमा अटाएको हो ।

काठमाडौं । सावित्रा भण्डारीको ह्याट्रिक प्रेरित एपिएफ क्लबले राष्ट्रिय महिला लिगमा चन्द्रपुर नगरपालिकालाई ६–० ले पराजित गरेको छ ।

एन्फा कम्प्लेक्स सातदोबाटोमा भएको खेलमा एपिएफका लागि सावित्राले १४औं, ६२औं र ७२औं मिनेटमा गोल गरिन् ।

सावित्राको गोलबाट अग्रता लिएको एपिएफका लागि २२ औं मिनेटमा अन्जली योन्जनले गोल गर्दै टोलीको अग्रता दोब्बर पारेकी थिइन् । चन्द्रपुरमाथि हाबी बनेको एपिएफले पहिलो हाफमा २–० को अग्रता लिएको थियो ।

दोस्रो हाफमा पनि दबदबा कायम राखेको एपिएफका लागि सावित्राले ६२औं मिनेटमा व्यक्तिगत दोस्रोा गोल गरिन् । त्यसको दुई मिनेट बित्न नपाउँदै एपिएफकी कप्तान अनिता बस्नेतले टोलीका लागि चौथो गोल गरेकी थिइन् ।

सावित्राले ७३औं मिनेटमा ह्याट्रिक पूरा गरेसँगै ५–० को अग्रता बनाएको एपिएफका लागि सब्स्टिच्युड खेलाडी प्रिती राईले ८९औं मिनेटमा अन्तिम गोल गरिन् ।

जितसँगै उपाधि दावेदार एपिएफले तीन अंक जोडेको छ । बुधबार भएको उद्घाटन खेलमा त्रिभुवन आर्मी फुटबल क्लब र नेपाल पुलिस क्लबले गोलरहित बराबरी खेलेका थिए ।