काठमाडौं । अभिनेत्री अनु शाह फिल्मभन्दा निजी जीवनले चर्चित छिन् । लामो समयदेखि उनी को-स्टार सविन श्रेष्ठसँग अफेयरमा छिन् । यो जोडीले अफेयरलाई सार्वजनिकरुपमा नस्वीकारे पनि मायालाई भने लुकाउन सकेको छैन ।
उनीहरुबीचको निकटता प्रशंसकदेखि फिल्म उद्योग सबैलाई थाहा भएको कुरा हो । अनुले गर्धनमा सविनको नामको ट्याटु पनि खोपाएकी छिन् । उनीहरुले विशेष अवसरमा एकअर्काप्रति माया पनि व्यक्त गर्ने गरेका छन् । उनीहरुबीच विहे भैसकेको हल्ला पनि नचलेको होइन ।
उनीहरुले टीकटकमा थुप्रै रोमान्टिक भिडियो पनि बनाएका छन् । यसैसाता, टीकटक भिडियोमा अनुको सिउँदो सिन्दूरले भरिएको देखियो । कतै अनु र सविनसँग विहे भैसकेको त होइन भन्ने आशंकालाई उक्त भिडियोले पनि बल पुर्याएको छ ।
को होला त्यो बोलको फिमेल भर्सनको गीतमा अभिनयको टीकटक भिडियोमा उनले सिन्दूर लगाएको देख्न सकिन्छ । यो भिडियो देखेपछि अनुलाई धेरैले विहे गरेको हो भनेर प्रश्न सोधेका छन् । अनुले जवाफ फर्काएकी छिन् । धेरैले यो भिडियो हेरेपछि सविन र अनुलाई शुभकामना पनि दिएका छन्
