Tag: सचिवालय

काठमाडौं । नेकपा एमालेको एकताका लागि अध्यक्ष केपी शर्मा ओली र बरिष्ठ नेता माधवकुमार नेपालबीच भेटवार्ताको तयारी भइरहेको भनिएका बेला नेपालको सचिवालयले जानकारी नभएको जनाएको छ ।

नेपालका स्वकीय सचिव मोहन गौतमले ओली र नेपालबीच भेट भएको वा हुने भन्ने समाचारमा सत्यता नरहेको र भेट्ने समय पनि तय नभएको बताएका छन् ।

गौतमले भनेका छन्- विभिन्न सन्चार माध्यमहरूमा पूर्व प्रधानमन्त्रीद्वय माधवकुमार नेपाल र केपी शर्मा ओली बीच आज भेट भएको र हुने तय भएको भन्ने समाचारहरू आइरहेकोमा उहाँहरू बीच भेट नभएको र भेट्ने समय तय पनि नभएको कुरा सम्बन्धित सबैमा स्पष्ट पार्दछु ।

काठमाडौं । प्रचण्ड-माधव पक्षीय नेकपाले देव गुरुङलाई प्रमुख सचेतकबाट हटाउने प्रधानमन्त्री केपी शर्मा ओलीले निर्णय स्वेच्छाचारी भएको भन्दै त्यो मान्य नहुने बताएको छ ।

सोमबार बिहान बसेको सचिवालय बैठकले सचेतक गुरुङलाई हटाउने निर्णयप्रति आपत्ति जनाएको प्रवक्ता नारायणकाजी श्रेष्ठले बताए ।

प्रतिनिधिसभा पुनःस्थापनापछि देव गुरुङलाई प्रमुख सचेतकबाट बर्खास्त गरी ओलीले खोटाङबाट निर्वाचित विशाल भट्टराईलाई प्रमुख सचेतक मनोनयन गरेका थिए ।

पछिल्ला राजनीतिक घटनाक्रमको सन्दर्भमा छलफल गर्न छिट्टै स्थायी कमिटी र केन्द्रीय कमिटीको बैठक बोलाउने पनि निर्णय गरेको प्रवक्ता श्रेष्ठको भनाइ छ ।

त्यसैगरी बैठकले पार्टीको आधिकारिकताको लागि आफूहरूले गरेको दाबीका आधारमा छिट्टै निर्णय गर्नको निम्ति निर्वाचन आयोगलाई अनुरोध गरेको पनि प्रवक्ता श्रेष्ठले जानकारी दिए ।

उनले भने, ‘निर्वाचन आयोगले पार्टीको आधिकारिकता सम्बन्धमा हामीले दाबी गरेको आधारमा संविधान र दल ऐन अनुरुप छिट्टै निर्णय गर्नका निम्ति पनि हामीले अनुरोध गरेका छौं ।’