काठमाडौं । तनहुँको व्यास नगरपालिकामा एमाले र गोविन्दराज जोशी समूहको गठबन्धनबाट कैंची चुनाव चिह्न लिएर चुनाव लडेका दिपकराज जोशीलाई हराउँदै नेपाली कांग्रेसका वैकुण्ठनाथ न्यौपाने मेयरमा विजयी भएका छन्।
वैकुण्ठले १२ हजार ७८ मत ल्याए भने उनका निकटतम प्रतिस्पर्धी जोशीले ११ हजार ८२६ मत पाए।
यस्तै उपप्रमुखमा पनि कांग्रेसकै इन्दिरा दरै निर्वाचित भइन्। उनले १२ हजार ४९८ मत पाइन्। उनका निकटतम प्रतिस्पर्धी नेकपा एमालेका वसुन्धरा घर्तीले १० हजार ४३ मत पाइन्।
न्यौपाने यसअघि पनि व्यासका मेयर थिए ।