Nepal Press

Tag: पूँजीबजार

  • सरकार पूँजीबजारको विरुद्धमा छैन: मुख्यमन्त्री राई

    सरकार पूँजीबजारको विरुद्धमा छैन: मुख्यमन्त्री राई

    काठमाडौं । प्रदेश नं १ का मुख्यमन्त्री राजेन्द्रकुमार राईले पूँजीबजारको विरुद्धमा सरकार नरहेको बताएका छन् । शनिबार नेपाल आर्थिक पत्रकार संघ (नाफिज)ले  आयाेजना गरेकाे प्रदेशस्तरीय पूँजीबजार सचेतना कार्यक्रममा बोल्दै मुख्यमन्त्री राईले पूँजीबजारले छरिएर रहेको पैसालाई समेट्ने र त्यसले अर्थतन्त्र विकासमा सहयोग पुर्‍याउने भएकाले पूँजीबजारको विरुद्धमा सरकार नरहेको बताएका हुन् ।

    ‘नेपालमा अहिलेको पूँजीबजारले विश्वास आर्जन गर्न सकिरहेको छैन । आममानिसमा सचेतना र जागरण ल्याउन यस्तै खालका कार्यक्रम गरी मनोबलको विकास गर्नुपर्छ,’ उनले भने । त्यसमा प्रदेश सरकारले आवश्यक सहयोग विस्तार गर्ने पनि उनले बताए ।

    मुख्यमन्त्री राईले भने,‘कानुन बनाउनु पर्ने भए बनाउँछौं, माथिल्लो सरकारमा आवश्यक समन्यव र सूचना पुर्‍याउन सहयोग गर्छौं, मोफसलमा पूँजीबजार फस्टाएको हेर्ने चाहना हाम्रो पनि छ।’

    नेपाल धितोपत्र बोर्डका कार्यकारी निर्देशक निरज गिरीले पूँजीबजारको विस्तार वृहतरुपले भइरहेको बताए । बजार विस्तारको तुलनामा धितोपत्र नियमनको आवश्यताअनुसार हुन बाँकी रहेको हुँदा त्यसका लागि बोर्डले पूर्वाधार निर्माण गरिरहेको उनले जानकारी दिए ।

    प्रदेश १ को आर्थिक मामिला तथा योजना मन्त्रालयका सचिव सुमन दाहालले यहाँ पूँजीबजारको विकास र विस्तारमा सघाउन मन्त्रालय सदैव तयार रहेको बताए । प्रदेश तहमा पनि शेयर बजारको सञ्चालनका लाागि पूर्वाधार, नियामक र अन्य संरचना हुनुपर्नेमा उनको जोड थियो ।

    नेपाल उद्योग परिसंघ प्रदेश १ का संयोजक भीम घिमिरेले सचेतनाको अभावमा देशका अधिकांश जनताले पूँजीबजारको सदुपयोग गर्न नसकेको बताए । राजधानी बाहिर पूँजीबजारका सम्बन्धमा सरोकारवाला, लगानीकर्ता र सरकारी निकाय समेत निष्कृय रहेको उनको भनाइ छ ।

    मर्चेन्ट बैंकर्स एशोसिएसनको तर्फबाट महासचिव पारसमणी ढकाल र ब्रोकर एशोसिएसनको महासचिव गुणनिधि भुसालले सेयर लगानीकर्ताहरुलाई प्रशिक्षण दिएका थिए ।

  • पूँजीबजारबारे ठूलो सैद्धान्तिक बहस गर्न खोजेको थिएँ, मान्छेले बुझेनन्ः प्रचण्ड (भिडिओ)

    पूँजीबजारबारे ठूलो सैद्धान्तिक बहस गर्न खोजेको थिएँ, मान्छेले बुझेनन्ः प्रचण्ड (भिडिओ)

    काठमाडौं । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ ले सेयर बजारको विषयमा आफूले दिएको अभिव्यक्तिको बचाऊ गरेका छन् । आफूले पूँजीबजार सिध्याउन चाहेको नभइ यसबारे ठूलो सैद्धान्तिक बहस सुरू गर्न खोजेको उनको भनाइ छ ।

    न्यूज एजेन्सी नेपाल (नान) सँगको अन्तरवार्तामा प्रचण्डले यस्तो प्रष्टीकरण दिएका हुन् । उनले आफू लगानीकर्ताको पक्षमै भएको बताए ।
    प्रचण्डले भने, ‘पूँजीको लगानी उत्पादनमूलक कार्यमा भन्दा छिटो पैसा आउने काममा भइरहेको छ । मुद्राबाट मुद्रा कमाउने काम भइरहेको छ । यसबारे मैले ठुलो सैद्धान्तिक बहस गर्न खोजेको हो । नेपालले रणनीतिकरूपमा कुन बाटो लिनु पर्ला भनेर हो । कसैलाई अहिल्यै घाटा पार्न खोजेको छु र ?’

    यो पनि पढ्नुहोस् : पूँजी बजारबारे प्रचण्डको टिप्पणी : संसारकै धन एकठ्ठा गर्ने योजना छ, माओवादीले लड्नुपर्छ (भिडिओ)

    मानिसहरूले नबुझेर आफ्नो अभिव्यक्तिको गलत व्याख्या गरेको प्रचण्डले बताए ।

    उनले थपे, ‘मैले अन्तर्राष्ट्रिय स्तरका प्रवृत्तिहरू भनेको हो । अन्तर्राष्ट्रिय आर्थिक प्रवृत्तिहरू के छ, पूँजीवादले कस्तो प्रवृत्ति बढाइरहेको छ ? हामी समाजवादीले अब कस्तो प्रवृत्तितिर कस्तो योजनातिर सोच्नुपर्छ भनेर गरेको व्याख्यालाई मानौँ नेपालको अहिले भर्खरकै संरचनामाथि हमला गरेको हो भनेको जस्तो गरी बुझियो । प्रचार गरियो । जानिबुझी कतिपयले त्यसलाई तोडमोड गरे । मेरो त्यो (आशय) होइन ।’

    ‘म त अहिले पनि भन्छु, पूँजीवाद अहिले वित्तिय पूँजीवादको रूपमा देखिएको छ । नाफा कमाउनु तिनीहरूको मुल ध्येय छ । पूँजीको लगानी उत्पादनमूलक कार्यमा भन्दा छिटो पैसा आउने घरजग्गा किनबेचका जस्ता काममा लागेको छ । छिटो पैसा त्यहाँबाट आउँछ । वा अरु त्यस्ता मुद्राबाट मुद्रा कमाउने । पैसाको लगानी पैसाको लागि गर्ने, उत्पादनको लागि नगर्ने, प्रवृत्ति हावी छ भन्न खोजेको हो मैले । मैले नेपालको शेयरबजार सिद्धिनुपर्‍यो भन्न खोजेकै होइन ।’