Category: भिडियो

बुधबार काठमाडौंको माइतीघरमा वायु प्रदूषणविरुद्ध प्रदर्शन भएको छ । केही दिनदेखि प्रदूषण निकै बढेपछि वातावरण जोगाउने अभियानमा लागेका युवाले प्रदूषण कम गर्नका लागि सरकारलाई दबाब दिन प्रदर्शन गरेका हुन् ।

काठमाडौं । नेपाल कम्युनिष्ट पार्टी(नेकपा) पुष्पकमल दाहाल प्रचण्ड–माधवकुमार नेपाल पक्षको विद्यार्थी संगठन अनेरास्ववियूले दिउँसै लाल्टिन जुलुस निकालेर विरोध प्रदर्शन गरेको छ ।

प्रचण्ड–माधव पक्षधर अखिल नेपाल स्वतन्त्र विद्यार्थी यूनियनले बुधबार लाल्टिन जुलुुस गरी सरकारले प्रतिनिधि सभा विघटन गरेको कदमप्रति विरोध जनाएको हो ।

माइतीघर मण्डलाबाट विद्यार्थीहरुले बानेश्वरसम्म दिउँसै लाल्टिन बालेर जुलुश प्रर्दशन गरेका थिए । प्रदर्शनपछि आयोजित कोण सभालाई सम्बोधन गर्दै अनेरास्ववियूका सह–संयोजक रञ्जित तामाङले नेपालको संविधानमा प्रतिनिधि सभा विघटनको कुनैपनि धारा नभएको बताए ।

प्रधानमन्त्रीलाई गल्तीको प्रायश्चित गर्ने र सच्याउने अवसर अझै भएको भन्दै कानूनसम्मत्, संविधान सम्मत् निर्णय सच्याउन उनले माग गरे । प्रतिनिधि सभा पुर्नस्थापना नभएसम्म अनेरास्ववियूले विरोधका विभिन्न कार्यक्रम जारी रहने बताए ।

विद्यार्थीहरुले ‘दिउँसै लाल्टिन बाल्दा पनि भेटिएन है, संविधानमा संसद विघटनको धारा खै’ भन्ने ब्यानर लिएर प्रदर्शन गरेका थिए । विद्यार्थीहरुले ‘संसद विघटनको धारा खै, दिउँसै लाल्टिन बाल्यौँ है, ‘हामि अरु जान्दैनौँ, संसद विघटन मान्दैनाै ’ लगायतका नारा समेत लगाएका थिए ।

हिजोदेखि मौसममा आएको बदलावसँगै काठमाडौं उपत्यकामा वायु प्रदूषण ह्वात्तै बढेको छ ।

यसले बालबालिका, वृद्धवृद्धा, दम–खोकी जस्ता श्वासप्रश्वाससम्बन्धी र मुटुका बिरामीलाई यसबाट उच्च जोखिम बढेको छ ।

उनीहरूलाई सकेसम्म घरबाट बाहिर ननिस्कन वातावरण विभागले आह्वान गरेको छ।

शिख धर्मावलम्बीहरूका गुरु गोविन्दसिंह जयन्ती मंगलबार मनाइँदैछ । विश्वभर रहेका शिखहरूले गुरु गोविन्दसिंहको जन्मोत्सब जनवरी ५ का दिन मनाउने गर्छन् । नेपालमा रहेका शिखहरूले पनि यस दिन उत्सवका साथ गुरु गोविन्दसिंह जयन्ती मनाउने गर्छन् । तर, अघिल्लो वर्षहरूमा तामझामका साथ मनाइने जयन्तीमा यसवर्ष कोरोनाको प्रभाव परेको छ । काठमाडौंको थापाथलीमा हुने पूजा र भजनको तयारीमा यसवर्ष भक्तजनहरूको चाप निकै पातलो थियो ।

भारतकाे पटनामा जन्मेका गोविन्दसिंह (१६६६–१७०८) शिखका दशाैं गुरु थिए ।

काठमाडौं । शिल्पी थिएटरका कलाकारले नेपालमा पछिल्लो समय भइरहेका राजनीतिक गतिविधिको विरोध गर्दै आज (शनिबार) माइतीघरमण्डलमा सडक नाटक प्रस्तुत गरेका छन्।

सत्तारुढ दल नेपाल कम्युनिष्ट पार्टी (नेकपा) फुटको सँघारमा रहेको र यो अवस्थामा आउनुको कारण पद तथा कुर्सीको लोभ हो भन्ने चर्चा चलिरहेको छ । सोही विषयप्रति व्यङ्ग्य गर्दै बत्तीसपुतलीस्थित शिल्पी थिएटरका कलाकारले सडक नाटक प्रस्तुत गरेका हुन् ।

राष्ट्रिय प्रजातन्त्र पार्टी (राप्रपा)ले शुक्रबार काठमाडौंमा विरोध प्रदर्शन गरेको छ । प्रदर्शनपछिको सभालाई सम्बोधन गर्दै राप्रपा अध्यक्ष कमल थापाले सर्वपक्षीय सम्मेलमार्फत् हिन्दू राष्ट्र र राजसंस्था पुनर्स्थापित गर्न माग गरेका छन् ।

माग पूरा नभए सडकबाटै आफ्ना मान्यता स्थापित गर्ने उनले चेतावनीसमेत दिए ।

शुक्रबार प्रस्तावित आठौं राष्ट्रिय पोशाक दिवस मनाइएको छ । राष्ट्रिय धरोहर संरक्षण प्रतिष्ठान नेपाल र श्रद्धावान नेपालले संयुक्त रुपमा पोशाक दिवस मनाएको हो । राष्ट्रिय पोशाकको संरक्षण गर्न सरकारलाई आग्रह गर्दै -यालीसमेत गरिएको थियो । -यालीमा दौरा, सुरुवाल र ढाकाटोपी लगाएका सयौं युवा उपस्थित थिए । -यालीपछिको कोणसभामा विभिन्न सांस्कृतिक प्रस्तुति प्रदर्शन गरिएको थियो ।

अम्ब्रेला स्ट्रिटले चर्चा पाएसँगै संकटा मन्दिरमा आउने दर्शनार्थीको संख्या पनि बढेको छ । २ दिनमा तयार भएको अम्ब्रेला स्ट्रिटलाई दर्शकले मन पराएसँगै यसलाई अझै बढाउने तयारी भइरहेको छ ।

‘प्रतिनिधिसभा विघटनविरुद्ध नागरिक आन्दोलन’ का अभियन्ताहरुले बुधबार माइतीघरमा नौमती बाजा र कविता वाचनसहित प्रदर्शन गरेका छन् ।

नेकपाको प्रचण्ड–माधव नेपाल पक्षले संसद विघटनविरुद्ध देशभर विरोध प्रदर्शन शुरु गरेको छ । राजधानीका विभिन्न स्थानबाट भृकुटीमण्डपमा जम्मा भएको जुलुस प्रचण्ड- माधव नेपालको नेतृत्वमा सहिद गेट, पुतलीसडक, रत्नपार्क हुँदै पुनः भृकुटीमण्डपमा आएर विरोध सभामा परिणत भएकाे थियाे।

नेपाली कांग्रेस संसद विघटनविरुद्ध सडकमा उत्रिएको छ । प्रतिनिधिसभा भंग गर्ने सरकारको कदम असंवैधानिक र अलोकतान्त्रिक रहेको आरोप लगाउँदै कांग्रेसले देशभरका १६५ निर्वाचन क्षेत्रमा प्रदर्शन गरेको हो । प्रदर्शनलाई सम्बोधन गर्दै कांग्रेसका नेताहरुले सरकारको तीव्र आलोचना गरेका छन् भने सर्वसत्तावादको अभ्यासलाई सफल हुन नदिने घोषणा गरेका छन् ।

पोखरा अन्तर्राष्ट्रिय विमानस्थल निर्माणका लागि चिनियाँ कामदार कोरोना खोप लगाएर नेपाल आएका छन् । पोखरा अन्तर्राष्ट्रिय विमानस्थल निर्माणकालागि ५२ जना चिनियाँ कामदार चीनमा बनेको कोरोना खोप लगाएर आइतबार नेपाल आइपुगेका हुन् ।

प्रतिनिधिसभा विघटनविरुद्ध आन्दोलनमा उत्रिएको जनता समाजवादी पार्टीले आज संघीय राजधानी काठमाडौंमा विरोध प्रदर्शन गरेको छ । रत्नपार्कस्थित शान्तिवाटिकाबाट शुरु भएको र्‍यालीको नेतृत्व डा. बाबुराम भट्टराई, उपेन्द्र यादव, राजेन्द्र महतोलगायतले गरेका छन् ।

विभिन्न पेशा व्यवसायमा आबद्ध नागरिक अगुवाहरुको एउटा समूहले शनिबार प्रतिनिधिसभा विघटनको विरोधमा काठमाडौंको माइतीघरमा प्रदर्शन गरेको छ । प्रतिगमनविरुद्ध बृहत् नागरिक आन्दोलनको ब्यानरमा उक्त प्रदर्शन भएको हो।

सहभागीले समृद्धिको यात्रा– ओलीको गाईजात्रा, म नागरिक संविधानको पालक– नेताज्यू तपाइँ नि ?, संविधानमाथि तीरैतिर–प्रतिगामीलाई खीरैखीर लेखिएका प्लेकार्ड बोकेका थिए । उक्त अवसरमा बृहत् नागरिक आन्दोलनले आन्दोलनका कार्यक्रम पनि घोषणा गरेको छ ।

आगामी १८ गतेसम्म दिन बिराएर प्रदर्शन गर्ने योजना उनीहरुको छ । उनीहरुले संविधान भित्रैबाट समाधान खोज्न समेत माग गरेका छन् ।

प्रतिनिधिसभा विघटनविरुद्ध आन्दोलनमा उत्रिएको प्रचण्ड–माधव नेपाल नेतृत्वको नेकपाले आज पहिलो दिन काठमाडौंको माइतीघरमण्डलमा विरोध प्रदर्शन शुरु गरेको छ ।

संसद विघटनकाे विराेधमा जनता समाजवादी पार्टीले आन्दाेलकाे घाेषणा गरेकाे छ। आन्दाेलनकाे क्रममा पुत्ला दहन, मसाल जुलुस तथा बृहत प्रदर्शन गर्ने कार्यक्रम रहेको छ ।

काठमाडौं । के बेलायतमा देखिएको कोरोनाभाइरस नेपालसम्म पुग्ला ? सरकारले बेलायतबाट नेपाल आगमनमा रोक लगाएसँगै चिन्ता र चासो बढेको छ ।बेलायतमा कोरोनाभाइरसको नयाँ स्वरुप देखिएपछि विश्वभर महामारीको चिन्ता बढेको छ ।

हालसम्मको अध्ययन अनुसार यो भाइरस पुरानो कोरोनाभाइरस भन्दा ७० गुणा संक्रामक छ ।नयाँ स्वरुपको कोरोनाभाइरस एक व्यक्तिबाट अर्को व्यक्तिमा छिटो सर्छ ।

बेलायतमा देखिएको नयाँ कोरोनाभाइरसको स्वरुप के हो ? पुरानो कोरोनाभाइरस विरुद्ध बनाइएका खोपले यो भाइरसलाई काम गर्छ कि गर्दैन ? विश्वमा फेरि यो भाइरस फैलिने सम्भावना कत्तिको छ ? अहिले बेलायतको अवस्था कस्तो छ ? नेपालमा नयाँ स्वरुपको कोरोनाभाइरस आउने सम्भावना कत्तिको छ लगायतका विषयमा बेलायतको अक्सफोर्ड विश्वविद्यालयमा वरिष्ठ वैज्ञानिकको रुपमा काम गरिसकेका र हाल कोभेन्ट्री विश्वविद्यालयमा इपिडिमियोलोजी तथा हेल्थ केयर रिसर्च विषयका सहप्राध्यापक डा. ओम कुर्मीसँग नेपाल प्रेसले भिडियो वार्ता गरेको छ । जसले सबैको चासो र चिन्तालाई सम्बोधन गर्नेछ ।

हेर्नुस्,विशेषज्ञ कुर्मीको अन्तर्वार्ता

काठमाडौंको नागढुंगादेखि धादिङको सिस्नेखोला जोडने सुरुङ्मार्गको निर्माण कार्य शुरु भएको छ । प्रधानमन्त्री केपी शर्मा ओलीले शिलान्यास गरेको १४ महिनापछि सुरुङ खन्ने काम शुरु भएको हो । सन् २०२२ को अन्तिमसम्ममा निर्माण सम्पन्न गर्नुपर्ने यो सुरुङमार्ग कोभिडका कारण प्रभावित भएपछि सुरुङ खन्ने काम ढिलो गरी शुरु भएको छ ।

प्रचण्ड-माधव नेपाल पक्षधर नेकपा केन्द्रीय कमिटीको मंगलबार काठमाडाैंकाे बबरमहलस्थित कार्की पार्टी प्यालेसमा भएको छ । प्रचण्डको अध्यक्षतामा शुरु भएको बैठकको संचालन नारायणकाजी श्रेष्ठले गरेका छन् ।

नेकपा(प्रचण्ड–माधव) पक्षधर केन्द्रीय कमिटीको बैठकले गरेको निर्णय सुनाउँदै प्रवक्ता नारायणकाजी श्रेष्ठ ।

प्रधानमन्त्री केपी शर्मा ओलीले संसद विघटनको निर्णय गरेपछि काठमाडौंका विभिन्न ठाउँमा आज विरोध प्रदर्शन भएका छन्।

प्रधानमन्त्री ओलीले चालेको कदमप्रति विरोध जनाउँदै नेकपा सम्बद्ध जनवर्गीय संगठनहरू, नेपाली कांग्रेस, विवेकशील साझा पार्टी लगायतका कार्यकर्ताहरूले प्रदर्शन गरेका हुन् ।