Category: भिडियो

काठमाडौं । नेकपा एमालेका उपमहासचिव एवं सांसद प्रदीप ज्ञवालीले प्रधानन्यायाधीश चोलेन्द्रशमशेर जबरा महाभियोगका भागिदार नै थिए भने किन अहिलेसम्म नटुंग्याएको भनी प्रश्न गरेका छन् । उनले सत्ता गठबन्धनले निलम्बनका लागि मात्र महाअभियोग ल्याएको बताए ।

‘उनी महाभियोगको भागिदार हुन् भने अहिलेसम्म किन प्रक्रिया बढाइएन । हामीले गहिरो छानबिन गरौं भनिरहेकै थियो,’ सदनमा उनले भने, ‘तर, यो ढंगले होइन ? यसप्रकारणको प्रतिशोध साँध्नेगरी होइन ।’

सत्ता गठबन्धनले गलत नियतका साथ यो महाअभियोग ल्याइएको उनले बताए । ‘कस्तो देखियो नियत भने, जसरी पनि अमुक व्यक्तिलाई निलम्बन गर्नैपर्ने,’ उनले भने ।

फागुन २९ गते दर्ता भएको महाभियोग सामान्यतयाः तीन महिनामा टुंगिनुपर्नेमा अहिले आएर प्रक्रिया सुरू गर्नुले गलत नियत देखिएको सांसद ज्ञवालीले बताए ।

‘नेपालीमा एक उखान छ । दिन उजेली सुती गुमाई रात उजेली बिस्कुन सुकाई,’ उनले भने, ‘दिनभरि त यो सरकार सुतेर बस्यो, अब सदनले तीन महिना पाउँछ कि पाउँदैन ।’

काठमाडौं । प्रमुख प्रतिपक्षी नेकपा एमालेले महँगी र भ्रष्टाचारविरुद्ध हस्ताक्षर अभियान सुरू गरेको छ ।

दैनिक उपभोग्य सामग्रीदेखि पेट्रोलियम पदार्थको मूल्यमा चर्को वृद्धि भएको भन्दै एमालेले हस्ताक्षर अभियान सुरू गरेको हो । अभियान तीन दिनसम्म चल्ने एमालेले जनाएका छन् ।

अभियानका क्रममा सवै वडा कमिटीहरुले हस्ताक्षर संकलन गरेका छन् । महँगी र भ्रष्टाचारका कारण नागरिकहरूले दु:ख पाउनुपरेको भन्दै अभियानमा सहभागीता जनाउन एमालेले आह्वान पनि गरेको छ ।

यसअघि गत सोमबार एमालेले काठमाडौंमा महँगी नियन्त्रणमा सरकार उदासीन देखिएको भन्दै प्रदर्शन गरेको थियो ।

काठमाडौं । एमाले अध्यक्ष केपी ओलीले अहिलेको पाँचदलीय गठबन्धनका नेताहरूसँग कुनै गन्तव्य नभएको टिप्पणी गरेका छन् । सबैको व्यक्तिगत स्वार्थ मात्र रहेको भन्दै उनले शीर्ष नेताहरूप्रति कटाक्ष गरेका हुन् ।

शुक्रबार एमालेको उपत्यका विशेष प्रदेश कमिटी रणनीतिक कार्यशाला गोष्ठीमा ओलीले प्रमुख नेताहरूप्रति आलोचना गरेका हुन् । उनले पाँच वर्ष यो गठबन्धनले सरकार चलाउने भने देश ध्वस्त हुने आरोप लगाए ।

‘अहिलेका नेताको कुनै गन्तव्य छैन । मोहनविक्रम सिंहको गन्तव्य प्युठान । शेरबहादुरको गन्तव्य म्याडम साहेव । प्रचण्डको गन्तव्य सुपुत्री । माधव नेपालको त के कुरा गरौं । उनको जिन्दगी छटपटीमै बित्छ । करबते बदल्ते रहे सारे रात हम जस्तो छ । गन्तव्य केही पनि छैन,’ ओलीले भने ।

उनले इतिहासमै अहिले जस्तो राज्यसंयन्त्रको दुरुपयोग कहिले नभएको पनि दाबी गरे । कानुन नभएको शासनजस्तो अहिलेको सरकार रहेको ओलीले बताए ।

‘राज्यसत्ताको यो भन्दा नग्न दुरुपयोग कहिले भएको थिएन । महान्यायाधिवक्ताको कामै मान्छे मार्नेको जाहेरी नलिन दबाब दिने गरेका छन् । कति सारो खेलवाड ?’ ओलीले भने ।

काठमाडौं । नेकपा एमालेका नेता तथा पूर्व उपप्रानमन्त्री डा. भीम रावलले सत्तारुढ पाँचदलीय गठबन्धन सिद्धान्तहीन र गन्तव्यहीन रहेको भन्दै उनीहरूको बीचमा सत्तास्वार्थ बाहेक देशको पक्षमा कुनै एजेण्डा नरहेको दाबी गरेका छन् ।

रिपोर्टर्स क्लबमा शुक्रबार आयोजित साक्षात्कारमा बोल्दै डा. रावलले यो गठबन्धन नेपालको संविधानका धारा २७९ को विपरीत रहेको दाबीसमेत गरे । उनले सिद्धान्त र कार्यक्रम केही नमिल्ने दलहरूबीचको गठबन्धन आदर्शविहीन रहेको टिप्पणी समेत गरे । उनले प्रचण्ड-माधवप्रति कटाक्ष गर्दै कम्युनिष्ट भन्नेहरू कांग्रेसलाई चुनाव जिताउन पाएर दंग परिरहेको बताए ।

रावलले भने, ‘जसको कुनै सिद्धान्त, कार्यक्रम मिल्दैन तिनीहरूबीचको गठबन्धन गन्तव्यहीन, आदर्शहीन र सिद्धान्तहीन हो । कोही संघीयताका विरोधी छन्, कोही संघीयताका जननी छन् यस्ताको स्वार्थ कसरी मिल्यो ? उनीहरूको नारा के हो ? नेपाङ्ग्रेस जिन्दावाद भन्ने नारा लाग्छ ?

रुपन्देही । नेकपा एमालेका उपाध्यक्ष सुवासचन्द्र नेम्वाङले प्रमुख प्रतिपक्षी दलसँग कुनै छलफल नगरी निर्वाचनको मिति घोषणा गरेर सरकारले न्युनतम व्यवहार पनि नदेखाएको बताएका छन् ।

संविधानसभाका अध्यक्षसमेत रहेका नेम्वाङले बिहीबार बुटवलमा प्रेस चौतारी रुपन्देहीले आयोजना गरेको पत्रकार भेटघाट कार्यक्रममा सत्ता गठबन्धनबाट यस्तो असहिष्णु व्यवहारका बाबजुद निर्वाचन घोषणाको स्वागत गरेको जनाएका छन् ।

नेम्वाङले अहिलेको सत्ता गठबन्धन संसदीय मूल्य र मान्यता विपरीतको दूषित गठबन्धन भएको बताएका छन् । अहिलेको गठबन्धनलाई संसदीय प्रणालीका मूल्य र मान्यताबारे कुनैपनि जानकारी नभएको उनको आरोप थियो ।

‘प्रमुख प्रतिपक्षी दल भइरहँदा अहिले पनि सबैभन्दा धेरै मत प्राप्त गरेर देशको ठूलो दल एमाले हो, प्रमुख प्रतिपक्षी दल राज्यको अभिन्न अंग पनि हुन्छ, निर्वाचन जस्तो महत्वपूर्ण विषयमा हामीसँग मात्र होइन अन्य दलहरुसँग पनि छलफल गरिनुपर्थ्याे ’, उनले भने ।

उपाध्यक्ष नेम्वाङले सरकारले विगतमा गर्ने निर्णयजस्तै निर्वाचनको घोषणाको निर्णय पनि सुटुक्क र छापामार शैलीमा गरेको बताएका छन् । ‘निर्वाचनको मिति घोषणा हुनुपर्थ्याे भयो राम्रो भयो, तर सरकारले विगतका निर्णयहरु जसरी सुटुक्क, छापामार शैलीमा निर्णय पर्थ्याे अहिले पनि त्यसैगरी निर्णय गर्यो’, नेता नेम्वाङले भने, ‘एमालेले समयमै निर्वाचन घोषणा गरिनुपर्छ भन्दै आएको थियो, विभिन्न दबाबका कार्यक्रम गर्दै पनि आएको थियो, निर्वाचन आयोगले पनि पहिलेदेखि नै समयमै निर्वाचन गर्न सल्लाह र सुझाव दिइरहेकोले सरकारले निर्वाचनको मिति घोषणा गर्न बाध्य भएको हो तर यस्तो विशेष निर्णयमा हामीलाई एकपटक पनि सल्लाह गरिएको छैन ।’

उनले आफुहरुसँग सल्लाह नगरिएपनि तोकिएको मितिमा निर्वाचन गर्न एमालेले सहयोग गर्ने उल्लेख गर्दै निष्पक्ष, स्वच्छ र भयरहित वातावरणमा समयमै निर्वाचन गर्न सरकारलाई आग्रह गरे । ‘हामीलाई नसोधिए पनि निर्वाचनको मिति घोषणा भयो अब निर्वाचन हुने भयो भनेर हामी खुसी छौं, सरकारले स्वच्छ, निष्पक्ष र भयरहित वातावरणमा निर्वाचन गर्नुपर्छ’, नेम्वाङले भने ।

नेता नेम्वाङले सत्तागठबन्धन एमालेविरुद्ध जतिसुकै लागेपनि जनताले निर्वाचनमार्फत दुधको दुध पानीको पानी छुट्टयाइदिने बताए । निर्वाचन घोषणा भइसकेपछि अब जनताले फैसला गर्ने भन्दै आफूहरु निर्वाचनको तयारीमा जुटिसकेको बताए ।

‘हामी दनदनाएर निर्वाचनको तयारीमा जुटेका छौं, एमाले बैंक खातासहित निर्वाचनको मैदानमा उत्रिसकेको छ, फैसला जनताले गर्नेछन् त्यसैको तयारीका लागि हामी सबै खटिएका छौंं’, उनले भने ।

अहिलेको संवैधानिक व्यवस्था अनुसार एकै दललाई प्रष्ट बहुमत ल्याउन समस्या हुने हुँदा गठबन्धन र तालमेलका लागि एमालेले सबै ढोका खुला राखेको तर अपवित्र गठबन्धन भने नगर्ने नेता नेम्वाङले बताए । ‘हामीले सबै ढोका खुला राखेका छौं, केही छलफलमा पनि आएका छन् तर हामी एकल रुपमै चुनावमा जाने तयारीका साथ हिंडेका छौं, अपवित्र गठबन्धन हुँदैन’, उनले भने ।

अर्थमन्त्री जनार्दन शर्माको छानबिन प्रकरणमा एमालेले सुरुदेखि राखेका अडानमा प्रष्ट भएको बताउँदै त्यो समयको कल डिटेल नखोजिनु, सीसीटिभी झिलझिल बनाएर हेर्न नमिल्ने बनाइनु छलकपटका प्रष्ट आधार भएको तर ती विषयमा सरकारको नेतृत्व तथा स्वयम् अर्थमन्त्री तयार नभएपनि र आम नेपालीले कसको गल्ती छ भन्ने जानकार भइसकेको उनले बताए ।

काठमाडौं । नेकपा एमालेका सांसद डा. भीम रावलले अमेरिकी स्टेट पार्टनरसिप प्रोग्राममा नेपाल सहभागी नहुने भनी सरकारले अमेरिकालाई पठाएको पत्र संसदीय समितिमा पेश गर्नुपर्ने बताएका छन् ।

सिंहदरबारमा बिहीबार बसेको संघीय संसद अन्तर्गतको राज्यका निर्देशन सिद्धान्त र नीति दायित्वको कार्यान्वयन अनुगमन तथा मुल्याङ्कन समितिको बैठकमा राववले एसपीपीमा सहभागी नहुने निर्णय गरेर अमेरिकालाई नै पत्र पठाइसकेको अवस्थामा सरकारले संसदीय समितिमा पत्र पेश गर्नुपर्ने बताएका हुन् ।

एसपीपी कार्यक्रममा सहभागी नहुने भनी पठाएको पत्र सार्वजनिक गर्न ढिलाइ भएकै कारण सरकारप्रति अविश्वास बढेको उनको भनाई छ । संसदीय समितिको निर्णय कानूनी शासन मान्ने सरकारले मान्नुपर्ने रावलले बताए । उनले समितिले मागेका कागजात नपठाएर सरकारले समितिको अवमूल्यन गरेको जिकिर गरे ।

बैठकमा अन्य सांसदहरुले समितिले दिएको निर्देशन सरकारले कार्यान्वयन गर्नुपर्ने बताएका थिए ।

काठमाडौं । नेकपा एमालेका उपाध्यक्ष विष्णु पौडलले एमालेसँग एक्लै प्रतिस्पर्धा गर्ने हैसियत नेपालका कुनै राजनीतिक दलसँग नरहेको टिप्पणी गरेका छन् । गत स्थानीय चुनावजस्तै आगामी चुनावहरु पनि एमाले भर्सेस गठवन्धन हुने उनले बताए ।

आज पार्टीको ललितपुरस्तरीय कार्यकर्ता भेला तथा प्रशिक्षणमा बोल्दै पौडेलले स्थानीय चुनाव कांग्रेसले जितेको भन्न नमिल्ने उल्लेख गरे ।

उनले भने, ‘स्थानीय तहको निर्वाचन कांग्रेसले जित्यो भन्ने सुन्छौं । माओवादीले जित्यो, जसपाले जित्यो आदि चर्चा गरेको पाउँछौं । तर सच्चाइ पृथक छ । यसको फरक ब्याख्या हुनुपर्छ । स्थानीय चुनावमा कांग्रेसले जितेको पनि होइन हारेको पनि होइन । कांग्रेसले खासमा चुनावै लडेन । माओवादी, जसपाहरुले पनि लडेनन् ।’

पौडेलले दुईवटा पार्टी र दुई प्रवृत्तिका विचमा चुनाव भएको बताए । स्थानीय चुनाव लडेको एक मात्र पार्टी नेकपा एमाले भएको उनको भनाइ थियो ।

‘अरुले पार्टीका रुपमा चुनाव लडेनन् । कांग्रेसले ललितपुरमा लड्यो ? चिरिबाबु कांग्रेसका होइनन् र भन्नुहोला । तर म भन्छु, कांग्रेसले ललितपुरमा लडेन । ७७ वटै जिल्ला र ७५३ पालिकामा कांग्रेसले लडेन । यो कुरा हामीले जनतालाई बताउन सक्छौं कि सक्दैनौं ?’ पौडेलले भने ।

उनले थपे, ‘नेपालको राजनीतिमा एमाले नामको यस्तो पार्टीको उदय भएको छ, जसको विचारसँग कुनै पार्टीको विचारको तुलना नै हुँदैन । एमालेसँग तुलना हुने कुनै पार्टी छैन । एमाले नामको पार्टीले यस्तो शक्ति निर्माण गर्यो कि यसका विरुद्धमा चुनाव लड्ने दुई खुट्टाले टेकेको पार्टी नेपाल नामको धर्तिमा देखिएन । एमालेका विरुद्धमा चुनाव लड्ने मात्र होइन, नोमिनेसन गर्ने आँट भएको पार्टी पनि नेपालमा छैन । आजको यथार्थ यही हो ।’

पार्टीका रुपमा एक्लै चुनाव लडेको एमाले मात्रै भएको उनले दोहोर्‍याए । ‘ललितपुरमा चिरिबाबुले कसरी जिते ? एकातिर एमाले र अर्कोतिर गठवन्धन लडेर जिते । कहाँ कांग्रेस, माओवादी लड्यो ? गठवन्धन लड्यो । एमाले भर्सेस गठवन्धनको बीचको चुनाव हो । यसरी बुझ्नुपर्छ ।’

काठमाडौं । नेकपा एमालेका उपाध्यक्ष विष्णु पौडेलले पदका लागि नै शक्तिशाली कम्युनिष्ट पार्टी विभाजन गरिएको बताएका छन् ।

जीवराज आश्रित स्मृति प्रतिष्ठानले वुधबार बुटवलमा आयोजना गरेको कार्यक्रममा पौडेलले कम्युनिष्ट पार्टी विभाजित हुनुमा दलीय लालचाबाहेक केही नभएको जिकिर गरे ।

पौडेलले पदका लागि जे पनि गर्ने प्रवृत्तिले कम्युनिष्ट आन्दोलन कमजोर बनेको पनि बताए । उनले अग्रज नेताहरुको त्याग र र विचारको राजनीतिक संस्कार सिक्नु जरुरी रहेको समेत औल्याए ।

कार्यक्रममा आश्रित स्मृति प्रतिष्ठानका संस्थापक अध्यक्ष एवं संरक्षक देवेन्द्र घिमिरे, एमाले केन्द्रीय सदस्य शिवराज सुवेदी, प्रतिष्ठानका अध्यक्ष चरणदास तिमिल्सेना लगाएतले आश्रितको योगदानमाथि चर्चा गरेका थिए ।

काठमाडौं । पेट्रोलियम पदार्थको मूल्य समायोजन गर्न माग गर्दै अनेरास्ववियुले आयल निगममा विरोध प्रदर्शन गरेको छ ।

अन्तराष्ट्रिय बजारमा पेट्रोलियम पदार्थको मूल्य घट्दासम्म नेपालमा पुरानै दर कायम रहेको भन्दै अनेरास्ववियु वागमती प्रदेश उपत्यका विशेष कमिटीले निगममा ध्यानाकर्षण पत्र पनि बुझाएको छ ।

अनेरास्ववियुले स्वचालित मूल्य प्रणालीअनुसार समायोजन गर्न माग गरेका छन् । प्रदर्शनमा सहभागीहरूले मूल्यवृद्धि फिर्ता गर, स्वचालित मूल्य प्रणाली कायम गर लेखिएका प्लेकार्ड प्रदर्शन गरेका थिए ।

उपत्यका विशेष कमिटीका अध्यक्ष पंकज भण्डारीले पेट्रोलियम पदार्थको मूल्य बढ्दा दैनिक उपभोग्य वस्तुलगायतको मूल्यवृद्धि भएको हुँदा अहिले पेट्रोलियम पदार्थको मूल्य घट्दा नेपालमा पनि घटाउनुपर्ने बताए । आफ्नो कमजोरी लुकाउन निगमले सधैँ घाटा मात्र देखाउने गरेको उनको आरोप थियो ।

पेट्रोलियम पदार्थको मूल्य समायोजन नभए कडा संघर्ष गर्ने सो संगठनको चेतावनी छ ।

काठमाडौं । नेकपा एमालेका अध्यक्ष तथा पूर्वप्रधानमन्त्री केपी शर्मा ओलीले लिम्पियाधुरासहितको भूमि नेपालको नक्सामा समेटेपछि आफूलाई प्रधानमन्त्रीबाट हटाइएको दाबी गरेका छन् ।

पूर्वसचिव द्वारिकानाथ ढुंगेलको पुस्तक ‘चक्रव्यूहमा नेपालको जलस्रोत’ सार्वजनिक गर्दै ओलीले आजको युगमा देश जोगाउन लड्न नपर्ने भन्दै देशभक्तिको पक्षमा अडिए पुग्ने बताए ।

ओलीले भने, ‘हाम्रो गुमेको भू-भाग समेटेर नक्सा जारी गर्दै गर्दा मलाई प्रधानमन्त्रीबाट हट्नुपर्छ, अब उपद्रो हुन्छ भन्ने थाहा थियो । नभन्दै हट्नुपर्‍यो । त्यसमा मलाई पीर छैन तर देश जता लगिँदैछ त्यस कुरामा चाहिँ पीर छ । आजको दिनमा देशभक्त हुन लडाइँ लड्नु पर्दैन, देशको पक्षमा अड्नुपर्छ । अडिए पुग्छ, म अडिएको हुँ । अडिँदा प्रधानमन्त्रीबाट हटाउँछन् भन्ने थाहा थियो ।’

ओलीले पहिलोपटक प्रधानमन्त्री हुँदा चीनसँग पारवहन सन्धि गरेपछि आफूलाई हटाइएको भन्दै दोस्रोपटक लिम्पियाधुरासहितको नक्सा जारी गरेपछि हट्नुपरेकोमा कत्ति पनि हिनताबोध नरहेको बताए ।