Category: नेकपा एस

काठमाडौं । नेकपा (एमाले) का अध्यक्ष  केपी शर्मा ओलीलगायतका नेताविरुद्ध नेकपा एसका विद्यार्थीहरूले अख्तियार दुरुपयोग अनुसन्धान आयोगमा  उजुरी दिएका छन् ।

पार्टीनिकट विद्यार्थी संगठन अ‍नेरास्ववियूले विहीबार  तत्कालीन प्रधानमन्त्री ओली र उनको क्याबिनेटमा रहेका ईश्वर पोखरेल, योगेश भट्टराई, पद्मा अर्याल र भानुभक्त ढकालविरुद्ध उजुरी दर्ता गरेको हो । उजुरीको दर्ता नम्बर सी-०२८०५५ रहेको छ ।

उजुरीपत्रमा झापा जिल्लास्थित गिरीबन्धु टी स्टेटको नाममा विर्तामोड र अर्जुनधारामा रहेको कबिर ३०० बिघा सट्टापट्टा गर्न पाउने गरी ऐन संशोधन गरी ओली र अर्यालले नीतिगत भ्रष्टाचार गरेको आरोप लगाइएको छ ।

त्यस्तै कोरोना महामारीको समयमा ओम्नी ग्रुपसँग मिलेमतो गरी स्वास्थ्य सामग्री खरिद प्रक्रियामा तत्कालीन सीसीएमसीको संयोजक हैसियतमा पोखरेल र स्वास्थ्य मन्त्री ढकालले भष्टाचार गरेको आरोप लगाइएको छ।

नेपाल भ्रमण वर्षका नाममा प्रचारप्रसारको लागि भन्दै राज्यकोषको करोडौं रकम तत्कालीन संस्कृती पर्यटन तथा नागरिक उड्डयन मन्त्री भट्टराईले अपचलन गरेको आरोप उजुरीमा छ ।

हेर्नुस् उजुरीपत्र :-

तस्बिरहरु: गाैरव पौडेल।

काठमाडौं । नेकपा एकीकृत समाजवादीले शनिबार स्थायी कमिटीको बैठक बोलाएको छ ।

पार्टीका प्रचार विभाग प्रमुख जगन्नाथ खतिवडाका अनुसार बैठक ७ गतेका लागि बोलाइएको हो ।

उनका अनुसार समसामयिक विषयमा छलफल गर्न बैठक बोलाइएको हो ।

काठमाडौँ । नेकपा एमालेले निष्कासन गरेका १४ संघीय सांसद र लुम्बिनी प्रदेशका २ सांसदलाई सभामुखले गैरकानूनी रुपमा जोगाएका भन्दै एमालेले दर्ता गरेके मुद्दाको सुनुवाई आज पनि रोकिएको छ ।

लुम्बिनी प्रदेशका मुख्य न्यायाधिवक्तालाई कोरोना संक्रमण भएको भन्दै सुनुवाई सार्न निवेदन परेपछि आज पेशी तोकिएको सुनुवाई सरेको हो । न्यायाधीश ईश्वर खतिवडा र कुमार रेग्मीको संयुक्त इजलासमा सो मुद्दाको पेशी तोकिएको थियो ।

यसअघि पटक पटक स्थगित हुँदै आएको सुनुवाई आज अघि बढ्न लागेकै बेला प्रधान न्यायाधीशविरुद्ध महाअभियोग दर्ता भएको थियो ।

काठमाडौं । नेकपा (एकीकृत समाजवादी) का अध्यक्ष माधवकुमार नेपालले आफ्नो पार्टीको वैधानिकताबारे कसैले प्रश्न उठाए सैह्य नहुने चेतावनी दिएका छन् ।

नेकपा एमालेले साधारण सदस्य र सांसद सदस्यबाट निष्कासन गरेका १४ जनालाई पदमुक्त नगरी सभामुखले गैरकानूनी काम गरेको तथा तीनै व्यक्तिको सनाखतबाट नयाँ दल दर्ता भएको भन्दै परेको मुद्दामा सुनुवाइ तोकिएको दिन नेपालले यस्तो बताएका हुन् ।

आफ्नो पार्टीले कानुनी आधारमा वैधानिकता पाएको र आफूहरूलाई सांसदको रूपमा स्वीकार गर्ने स्थिति बनाइएको दाबी उनको छ ।

अध्यक्ष नेपालले भने, ‘हामी वैधानिकरूपमा निर्माण भएको पार्टी हौं । हामीले कानुनी आधारमा पार्टीको मान्यता पाएका छौं । र, सांसदको रूपमा स्वीकार गर्ने स्थिति पनि बनाएका छौं । यसमाथि कसैले धावा बोल्न खोज्छ भने, औंलो ठड्याउन खोज्छ भने हामी सहन गर्दैनौं । त्यसो हुनाले हामी अघि बढेका छौं ।’

आइतबार काठमाडौंमा आयोजित पार्टी प्रवेश कार्यक्रममा नेपालले सत्तारुढ गठबन्धन मिलेर तीनवटै तहको निर्वाचनमा जाने दोहोर्‍याए ।

‘स्थानीय तहको चुनाव वैशाख ३० गते तोकिसकिएको छ । अव हाम्रो पार्टीको सम्पूर्ण काम चुनावको तयारीमा जुट्नु हो । सबै तहको निर्वाचनमा पाँच दलीय गठबन्धन मिलेर जानेछ ’, नेपालले भने ।

अध्यक्ष नेपालले देशको हितमा कुठाराघात नहुने गरी एमसीसीलाई अघि बढाउन आफूले चाहेको पनि बताए । एमसीसीका कारण नेपाललाई रणभूमि बनाउने पक्षमा आफूहरू नरहेको उनको प्रष्टोक्ति छ ।

काठमाडौं । विभिन्न पार्टी परित्याग गरी नेकपा एकीकृत समाजवादी रोजेका नेता-कार्यकर्तालाई अध्यक्ष माधवकुमार नेपालले स्वागत गरेका छन् ।

नेकपा एस प्रवेश गरेकामा एमाले मधेस प्रदेश कमिटी सदस्य नरबहादुर स्याङदान, एमालेका तेजप्रसाद अधिकारी, एमालेकै महोत्तरीका नेता सुवर्णप्रसाद पौडेल र महोत्तरी मनरसिसवा नगरपालिकाका जसपा नेता जयकुमार झा रहेको सो पार्टीले जनाएको छ ।

आज बिहान आलोकनगरस्थित पार्टी मुख्यालमा अध्यक्ष नेपालले उनीहरूलाई स्वागत गरे ।

काठमाडौं । नेकपा एमालेले साधारण सदस्य र सांसद सदस्यबाट निष्कासन गरेका १४ जनालाई पदमुक्त नगरी सभामुखले गैरकानूनी काम गरेको तथा तीनै व्यक्तिको सनाखतबाट नयाँ दल दर्ता भएको भन्दै परेको मुद्दामा आज सुनुवाइ हुँदैछ ।

पटकपटक पेसी चढेर हेर्न नभ्याइनेमा परेको सो मद्दा आज न्यायाधीशहरू ईश्वर खतिवडा र कुमार रेग्मीको इजलासमा परेको छ । आज सो मुद्दामा आदेश आउने सम्भावना रहेको सर्वोच्च स्रोतले जनाएको छ । सर्वोच्चले सो मुद्दाउपर निकास नदिँदा संसदसमेत बन्धक छ ।

आज संयुक्त इजलासको सुरूमै रहेकाले सो मुद्दाको सुनुवाइ अघि बढ्ने देखिएको छ । अध्यक्ष ओलीले लुम्बिनी प्रदेशका दुई सांसदको निष्कासनको कारबाही अघि नबढाएकोमा लुम्बिनी प्रदेशका सभामुखलाई समेत विपक्षी बनाएका छन् । एमालेको सूर्य चिन्ह लिएर निर्वाचित भएका विमला वली र अजय शाहीलाई निष्कासन गरिएको सूचना सभामुखले प्रकाशन नगरेकोमा एमाले अदालत गएको हो ।

एमालेले साउन २५ को केन्द्रीय कमिटी बैठकको निर्णयअनुसार माधव नेपालसहित १४ सांसदलाई निष्कासन गरेको पत्र भदौ १ गते संसद सचिवालय र निर्वाचन आयोगमा पठाएको थियो ।

तर, सचिवालयले सो सूचना टाँस नगरेपछि माधव नेपालले एमालेबाट विभाजनका लागि निर्वाचन आयोगमा निवेदन दिए । आयोगले नेकपा एकीकृत समाजवादीलाई दलको मान्यता दिइसकेपछि मात्र संसद सचिवालयले नयाँ दल दर्ता भइसकेकाले कारवाही गर्नु नपर्ने सूचना टाँस्यो ।

कानूनबमोजिम पार्टीले प्रक्रिया पूरा गरेर निष्कासन गरेका सांसदहरुलाई सभामुखले पदमुक्त गरेको सूचना टाँस्नुपर्ने भन्दै एमालेले उनीहरुलाई सांसदको रूपमा संसदमा प्रवेश दिएको विरोधमा सदन अवरोध गरिरहेको छ ।

अदालतले ओलीको मागअनुसार अन्तरिम आदेश दियो भने नेकपा एसका सांसदहरू माधव नेपाल, मुकुन्द न्यौपाने, भवानी खापुङ, कृष्णलाल महर्जन, जीवनराम श्रेष्ठ, रामकुमारी झाँक्री, विरोध खतिवडा, मेटमणी चौधरी, निरा जैरु, सरला यादव, पुष्पा कर्ण कायस्थ, कल्याणी खड्का, लक्ष्मीकुमारी चौधरी र कलिला खातुनको सांसद पद रहने छैन ।

काठमाडौं । नेकपा (एकीकृत समाजावदी) को भ्रातृ संगठन अनेरास्ववियूले एमसीसीलाई नवउपनिवेशको रूप भन्दै अमेरिकी अधिकारीहरूले धम्कीको प्रतिवाद गर्न आग्रह गरेको छ।

‘हिजो मात्रै अमेरिकी अधिकारीहरूले एमसीसी पास नगरेमा नेपाल हेर्ने नीतिमै हेरफेर गर्ने छौं भन्ने साम्राज्यवादी थ्रेटको अनेरास्ववियू घोर निन्दा र भर्त्सना गर्दछ,’ अध्यक्ष सुदेश पराजुलीले विज्ञप्ति जारी गर्दै भनेका छन्, ‘विश्व साम्राज्यवादको नाइके अमेरिकाको कुनै पनि खालको प्रलोभन र धाक धम्कीमा नपरी यसको कडा प्रतिवाद गर्न अनेरास्ववियू सम्पुर्ण राजनितिक दल, नागरिक समाज, पत्रकार, युवा विद्यार्थी, बुद्धिजिवि लगायत आम जनसमुदायलाई हार्दिक अपिल गर्दछ।’

एमसीसी खारेज गर्न र संसदमा टेवल नगर्न दबाबको लागि फागुन १ गते ७७ ओटै जिल्लामा आन्दोलन गर्ने पनि अनेरास्ववियूले बताएको छ ।

काठमाडौं । नेकपा एकीकृत समाजवादी निकट युवा संघ नेपालले एमसीसीविरुद्ध देशव्यापी प्रदर्शन गर्ने भएको छ । एकीकृत समाजवादीको मोर्चाले दिएको निर्देशन अनुसार फागुन १ गते देशभर प्रदर्शन गर्ने संघका उपमहासचिव तथा प्रवक्ता सन्जीव राईले बताए ।

युवा संघको केन्द्रीय कार्यलयमा प्रचार बिभागको एक कार्यक्रम माझ एकीकृत समाजवादी सम्बद्ध मोर्चा संगठनको बैठकले एमसीसी सम्झौताविरुद्ध देशव्यापी प्रदर्शन गर्ने निर्णय गरेको मोर्चा संगठन प्रमुख डा. विजय पौडेलले बताए ।

फागुन १ गते दिउँसो २ बजे ७७ वटै जिल्लामा एकैपटक प्रदर्शन गरिने उनले जानकारी दिएका छन् । त्यसको तयारीमा जुट्न जनवर्गीय संगठनलाई बैठकले निर्देशन दिएको छ ।

फागुन २ गते बस्ने संसद बैठकमा सरकारले एमसीसी प्रस्ताव पास गर्ने तयारी गरिरहेको समयमा सत्ता साझेदार दल एकीकृत समाजवादीको उक्त धारणा आएको हो ।

काठमाडौं। नेपकपा (एकीकृत समाजवादी)का उपमहासचिव विजय पौडेलले अमेरिकी सहायता परियोजना एमसीसी स्वीकार गरिए नेपालको संविधानले ग्यारेन्टी गरेको समाजवादमा समेत जान नसकिने बताएका छन् ।

नेकपा एसनिकट युवा संघले बिहीबार आयोजना गरेको कार्यक्रममा एमसीसी संशोधनबिना अनुमोदन गरिए नेपालको कानून भन्दामाथि अमेरिकी कानून माथि हुने दाबी पौडेलले गरे।

एमसीसीमा नेपालले उदारवादी खुला अर्थतन्त्र लागू गर्नुपर्ने शर्त राखिएकाले पनि नेपाललाई समाजवादमा जानबाट यसले रोक्ने उनको भनाइ छ। ‘एमसीसीमा नेपालले उदारवादी खुला अर्थतन्त्र लागू गर्ने छ भनेको छ, त्यो भनेको नेपाल समाजवादमा जान पाउने छैन भन्ने हो, जुन हामीले संविधानमै लेखेका छौं। वैदेशिक अनुदानसँग हामी समाजवाद साट्न सक्दैनौं,’ पौडेलले भने।

एमसीसी इन्डो प्यासेफिक रणनीतिअन्तर्गत रहेको बताउँदै पौडेलले यो ऋण हो कि अनुदान हो भन्ने कुरामा समेत दुविधा भएको उल्लेख गरे। ‘एमसीसीको पैसाले ब्याज उत्पादन भयो भने त्यसको ब्याज एमसीसीलाई दिनुपर्ने छ भनिएको छ,’ उनको प्रश्न छ, ‘यो ऋण हो कि अनुमोदन हो ?’

एमसीसी संसदबाट अनुमोदन गर्ने कुरा जालसाजीपूर्वक राखिएको टिप्पणी गर्दै पौडेलले यो संसोधनबिना स्वीकार गर्न नसकिने बताए।

‘एमसीसीको सम्झौतामा अत्यन्त हानिकारिक प्रावधान राखिएको छ,’ उनको भनाइ छ, ‘त्यसलाई संशोधन गरेर मात्रै हामी स्वीकार गर्न सक्छौं । नेपालको कानूनमाथि अमेरिकी कानून लागू हुने कुरा स्वीकार गर्न सकिन्न।’

जनकपुरधाम । मधेस प्रदेशमा नेकपा एकीकृत समाजवादीबाट एक राज्यमन्त्री थपिएका छन् ।

मुख्यमन्त्री लालबाबु राउतले नागेन्द्रराय यादवलाई उद्योग, पर्यटन, वन तथा वातावरण मन्त्रालयको राज्यमन्त्री बनाएका हुन् । प्रदेश प्रमुख हरिशंकर मिश्रको उपस्थितिमा मुख्यमन्त्री राउतबाट यादवलाई सपथ गराइएको छ ।

यादव तत्कालीन नेकपा एमालेको तर्फबाट रौतहट क्षेत्र नम्बर ३ (१) बाट निर्वाचित भएका थिए ।

नेकपा एसबाट यसअघि उद्योग, पर्यटन, वन तथा वातावरण मन्त्री शत्रुधन महतो र प्रमोद कुमार यादव कानून, न्याय तथा प्रदेशसभा मामिला मन्त्री ०७८ मंसिर ५ मा नियुक्त भएका छन् ।

योसँगै मधेस प्रदेशमा मुख्यमन्त्री लालबाबु राउत नेतृत्वको मन्त्रिपरिषद् १४ सदस्यीय बनेको छ ।

काठमाडौं । नेकपा एकीकृत समाजवादीनिकट निजामती कर्मचारीहरुले बेग्लै संगठन स्थापना गरेका छन् । यसअघि नेपाल निजामती कर्मचारी संगठनकै नामबाट समानान्तर समिति गठन गरिएकोमा सो समितिका अध्यक्ष रेवन्त गौतमसहितका पदाधिकारी मूलधारमै फर्किएपछि नयाँ संगठन घोषणा गरिएको हो ।

शनिवार सम्पन्न विशेष राष्ट्रिय भेलाले मोहन घिमिरेको अध्यक्षतामा एकीकृत सरकारी कर्मचारी संगठन नेपाल घोषणा गरेको हो । घिमिरे यसअघि निजामति कर्मचारी संगठनको अध्यक्ष रहिसकेका थिए ।

विभाजनपछि उनी माधव नेपाल नेतृत्वको नेकपा एसमा सक्रिय रहेका छन् । नवगठिन एकीकृत सरकारी कर्मचारी संगठनले सदस्यता विस्तार र ट्रेड युनियन दर्ताका लागि हस्ताक्षर संकलन एकैपटक अघि बढाउने भएको छ ।

संगठनको स्थानीय, प्रदेश र संघ सबै तह तथा सम्पूर्ण सेवा समूहको संगठन बन्ने र त्यसमा करारका कर्मचारी समेत समेटिने घिमिरेले बताएका छन् ।

नेकपा एसले आफ्नो पार्टीमा सरकारी कर्मचारी र शिक्षकलाई सदस्यता नदिने घोषणा गरेको थियो । शनिवारको विशेष राष्ट्रिय भेलालाई नेकपा एसका अध्यक्ष माधवकुमार नेपाल, श्रम मन्त्री किसान श्रेष्ठ लगायतले सम्बोधन गरेका थिए ।

काठमाडौं । नेकपा (एकीकृत समाजवादी) का नेता मेटमणि चौधरीले नेकपा एमालेको हारको शृंखला सुरु भएको भन्दै यो निरन्तर अघि बढ्ने बताएका छन् ।

एमालेका नेताहरुले राष्ट्रियसभा निर्वाचनमा आफ्नो पराजयलाई ‘गठबन्धनको अन्तिम भोज’ का रुपमा व्याख्या गरिरहेका बेला चौधरीले यस्तो बताएका हुन् ।

‘अल्पज्ञानिहरूलाई के थाहा– यो हार भर्खर सुरू भएको छ र यो हारको शृंखला निरन्तर अघि बढ्ने छ,’ सामाजिक संजालमा उनले लेखेका छन्, ‘अबदेखि नेकपा एमाले र विजयको बीचमा कहिल्यै भेट हुने वाला छैन् । नेकपा एमालेले जितेको कुरा कुनै पनि पत्रकारले लेख्ने अवसर पाँउनै छैनन् । २०७४ सालमा जितेको कुरा कथा बन्नेछ र भावी सन्ततिहरूलाई सपना जस्तै लाग्नेछ ।’

चुनावी मोर्चामा आएपछि मुख्य कुरा जित्नु मात्रै भएको भन्दै उनले एक्लै र मिलिजुली जितेको कुराले अर्थ नराख्ने बताएका छन् ।

अरुको टेकोमा चुनाव जितेको भन्ने एमाले नेताहरुलाई २०७४ को चुनावमा गरेको गठबन्धन हेर्न चौधरीले आग्रह गरेका छन् ।

काठमाडौं । नेकपा एमालेका ललितपुर जिल्ला कमिटी पूर्वउपाध्यक्ष श्यामकृष्ण सिलवाल नेकपा एसमा प्रवेश गरेका छन् ।

विहीबार केन्द्रीय कार्यालय आलोकनगरमा आयोजित कार्यक्रममा सिलवाललाई पार्टी अध्यक्ष माधवकुमार नेपालले खादा लगाएर नेकपा एसमा प्रवेश गराएका हुन् ।

२०७४ सालको स्थानीय तह निर्वाचनमा ललितपुरको गोदावरी नगरपालिकामा एमालेबाट मेयरको उम्मेदवार बनेका सिलवाल झिनो मतले कांग्रेसका गजेन्द्र महर्जनसँग पराजित भएका थिए ।

पार्टी प्रवेश कार्यक्रममा नेकपा एसका उपाध्यक्ष प्रमेश हमाल, उपमहासचिव गंगालाल तुलाधार लगायतका नेताहरूले सिलवाललाई स्वागत गरेका थिए ।

विराटनगर । राष्ट्रियसभा चुनावअन्तर्गत आज भएको मतदानबाट प्रदेश १ मा जयन्ती राई विजयी भएकी छन् । सत्ता गठबन्धनबाट उम्मेदवार बनेकी राई नेकपा एसकी केन्द्रीय उपाध्यक्षसमेत हुन् ।

महिला तर्फकी उम्मेदवार राईले ४६५२ मत ल्याइन् । निकटतम प्रतिद्वन्द्वी एमालेकी सुमित्रा भण्डारीले ४ हजार ३६२ मत प्राप्त गर्दा राप्रपाकी रन्जु प्याकुरेल १२० मत ल्याएकी छन् । तीन मत बदर भएको छ ।

काठमाडौं । नेकपा (एकीकृत समाजवादी) का अध्यक्ष माधवकुमार नेपालले राष्ट्रियसभाको आज भइरहेको चुनावमा गठबन्धनले सबै सिट जित्ने दाबी गरेका छन् ।

बुधबार पार्टी केन्द्रीय कार्यालय शान्तिनगरमा पार्टी प्रवेश गरेकाहरूलाई स्वागत गर्दै नेपालले यस्तो दाबी गरेका हुन । राष्ट्रियसभाको चुनावको परिणामले अन्य चुनावमा पनि तरंग पैदा गर्ने उनले बताए । उनले भने, ‘सबै ठाउँमा हामी जित्छौं । त्यसले पनि एउटा तरंग पैदा गर्नेछ ।’

संविधानलाई सर्वोपरी राखेर कानूनअनुसार नै चुनाव हुनुपर्छ भन्ने आफूहरूको भनाइ रहेको बताउँदै उनले सबै चुनाव एकैपटक गर्नसक्दा राम्रो हुनेमा जोड दिए ।

‘एउटा चुनाव गराउन ५ अर्ब खर्च हुन्छ,’ नेपालको भनाइ छ, ‘तीनवटा चुनाव गराउन २० अर्ब खर्च हुन्छ । एकैपटक गर्दा यो खर्च जोगिन्छ । उम्मेदवारको पनि पैसा जोगिन्छ ।’

काठमाडौं । नेकपा एकीकृत समाजवादीका अध्यक्ष माधवकुमार नेपालले स्थानीय तहको निर्वाचन अर्को वर्षको चैत महिनासम्म गर्न सकिने संवैधानिक र कानूनी सुविधा सत्ता गठबन्धनलाई रहेको बताएका छन् ।

रामेछाप जिल्लाका विभिन्न पार्टीका युवालाई नेकपा एसमा प्रवेश गराउने कार्यक्रमलाई सम्बोधन गर्दै अध्यक्ष नेपालले २०७९ चैतसम्म स्थानीय तहको चुनाव गराउन सकिने भए पनि आउने मंसिरभित्र तीनै तहको चुनाव गराउने छलफल गठबन्धनमा भइरहेको बताए ।

नेपालले भने, ‘हामी पाँच दल मिलेरै चुनावमा जान्छौं । आउने असोज, कात्तिक मंसिर महिनामा केन्द्रको चुनाव, प्रदशको चुनाव र स्थानीय चुनावमा जानेछौं । यसमा छलफल चलिरहेको छ । अहिले देखि नै तयारी गर्नुपर्छ । पार्टी प्रवेश अभियान प्रशिक्षण अभियान चलाउनुपर्छ ।’

अध्यक्ष नेपालले २०७४ असोज ७ गते स्थानीय तहको अन्तिम मत परिणाम आएकोले त्यसैलाई आधार मानेर अर्को चैतसम्म चुनाव गर्नुपर्ने बताए ।

संविधानमा गाउँसभा र नगरसभाको चुनाव सम्पन्न भएको ५ वर्ष पुगेको ६ महिनाभित्र अर्को चुनाव गराउने व्यवस्था रहेकाले एमालेको वितण्डाको अर्थ नरहेको नेपालले बताए ।

जनकपुरधाम । नेकपा एकीकृत समाजवादीका केन्द्रीय परिषद् सदस्य सरोज यादवले पार्टी छाडेको घोषणा गरेका छन् ।

महोत्तरीको औरही नगरपालिका घर भएका यादवले फेसबुकमार्फत नेकपा एस परित्यागको घोषणा गरेका हुन् । पार्टी नयाँ बन्यो तर नयाँपन केही नदेखिएपछि छाडेको उनले बताए । यादवले नेपाल प्रेससँग भने, ‘पार्टी ज्वाइन गर्दा बखान गर्ने र छाड्दा गाली गर्ने प्रवृत्ति ठीक होइन् । पुरानै एजेण्डा र शैलीमा पार्टी चलेपछि त्यागेको मात्र भन्छु ।’

नेकपा माओवादी केन्द्र र नेकपा एमाले एकीकरणपछि बनेको नेकपाकालमा उनी महोत्तरी सचिव थिए । यादव नेकपा एमालेको भ्रातृ संगठन अनेरास्ववियुको केन्द्रीय सचिवसमेत रहिसकेका छन् । उनले पुन: एमालेमै फर्किन सकिने बताए ।