काठमाडौं । प्रमुख विपक्षी दलका नेता तथा माओवादी अध्यक्ष प्रचण्डले आह्वान गरेको विपक्षी दलहरुको बैठकमा राष्ट्रिय स्वतन्त्र पार्टी सहभागी नहुने भएको छ ।
यसअघि प्रचण्डले बोलाएको बैठकमा सहभागी हुने गरेको रास्वपा पछिल्लो परिस्थिति र जे जी आन्दोलनका माग विश्लेषण गर्दै बैठकमा नजाने भएको हो ।
यसैबीच रास्वपाको केन्द्रीय समितिको आकस्मिक बैठक आजै बस्दैछ । कार्यवाहक सभापति डोल प्रसाद अर्यालले अपरान्ह १ बजे केन्द्रीय कार्यालयमा पछिल्लो परिस्थितिबारे छलफल गर्न बैठक डाकेका हुन् ।
काठमाडौं । राष्ट्रिय स्वतन्त्र पार्टीले आकस्मिक सचिवालय बैठक बोलाएको छ । केहीबेरमा केन्द्रीय कार्यालयमा बस्नेगरी बैठक बोलाइएको प्रवक्ता मनिष झाले बताए। उनका अनुसार बैठक ४ बजे बस्नेछ ।
जेनजीको आन्दोलनमा सरकारी धरपकड र अबको बाटोका सन्दर्भमा छलफल गर्नको लागि बैठक बोलाएको हो ।
जेन जी पुस्ताको आन्दोलन उग्र बनेर संसद् भवन नै प्रवेश गरेपछि कर्फ्यु आदेश जारी गरिएको छ ।
काठमाडौं । राष्ट्रिय स्वतन्त्र पार्टी (रास्वपा) का नेता तथा प्रतिनिधिसभा सदस्य अशिम शाहले जेन्जीले गर्ने नयाँ स्वरुपको आन्दोलन केवल युवाको आन्दोलन मात्र नभई सम्पूर्ण नेपाली युवाहरूको अधिकार र स्वतन्त्रताको आन्दोलन भएको बताएका छन् ।
उनले सामाजिक सञ्जाल फेसबुकमा एक पोष्ट सेयर गर्दै उनले आफु पनि युवाको आवाजसँग रहेको बताए ।
‘भोलि सेप्टेम्बर ८ मा काठमाडौंमा उठ्ने ‘न्भल श् को आन्दोलन’ केवल युवाको आन्दोलन मात्र होइन, यो सम्पूर्ण नेपाली युवाहरूको अधिकार र स्वतन्त्रताको आन्दोलन हो,’ उनले लेखेका छन्, ‘सांसदका रूपमा म स्पष्ट रूपमा भन्न चाहन्छु—म युवाको आवाजसँग छु, र अभिव्यक्ति स्वतन्त्रता कुण्ठित गर्ने हरेक निर्णयको विरोधमा छु।’
सुचीकरण नभएका सामाजिक सञ्जाल फेसबुक, युट्युब र ह्वाट्सएप लगायत २६ एप्लीकेशनलाई सरकारले ब्याण्डगपछि त्यसको विरोध गर्दै उनले युवाहरु भविष्य डिजिटल स्वतन्त्रता, पारदर्शिता र जवाफदेहीतामा अडिएको बताए ।
जेन्जीले गर्ने आन्दोलनले देशको लोकतन्त्रलाई अझै बलियो बनाउनेमा विश्वास रहेको उनले बताए ।
काठमाडौं । राष्ट्रिय स्वतन्त्र पार्टी (रास्वपा) ले सामाजिक सञ्जाल कम्पनी सूचीकरणबारे जिज्ञासा राख्दै मेटा र युट्युबलाई पत्र पठाएको छ ।
रास्वपाका सहमहामन्त्री विपीन आचार्यले सामाजिक सञ्जाल कम्पनी (मेटा, गुगल) र नेपालबीच दर्ता सम्बन्धी संवाद सुरु गर्न पहलको लागि पत्र पठाएको प्रवक्ता मनिष झाले बताए ।
रास्वपाले मेटासँग नेपाल सरकारको निर्देशन अनुसार फेसबुक, इन्स्टाग्राम र ह्वाट्सएपलाई नेपालमा दर्ता चालिएका कदम, दर्ता प्रक्रियामा देखिएका कानुनी चुनौतीलगायतको विषयमा जिज्ञासा पत्र पठाएको हो ।
सरकारले नेपालमा सूचीकरण नभएका २६ सामाजिक सञ्जाल बन्द गरेको छ। रास्वपाले सामाजिक सञ्जाल बन्द गर्ने निर्णय तत्काल फिर्ता लिन सरकारसँग माग गरेको छ ।
काठमाडौं । राष्ट्रिय स्वतन्त्र पार्टी (रास्वपा) ले सामाजिक सञ्जाल बन्द गर्ने निर्णय तत्काल फिर्ता लिन सरकारसँग माग गरेको छ ।
केन्द्रीय विज्ञान, सञ्चार तथा सूचना प्रविधि विभाग प्रमुख सुमना श्रेष्ठले विज्ञप्ति जारी गर्दै सरकारद्वारा गरिएको सामाजिक सञ्जाल बन्द गर्ने निर्णयले अभिव्यक्ति स्वतन्त्रता, नागरिकको सञ्चार अधिकार र सूचना प्रवाहमा गम्भीर अवरोध पुर्याएको बताइन् ।
विज्ञप्तिमा भनिएको छ, ‘सामाजिक सञ्जाल आजको डिजिटल युगमा केवल मनोरञ्जन वा व्यक्तिगत प्रयोगका लागि मात्र नभई, नागरिकको मौलिक हक, विचार-अभिव्यक्ति, व्यवसाय, शिक्षा, अनुसन्धान र सूचना आदान-प्रदानको प्रमुख माध्यम बनेको छ । यसलाई एकैपटक बन्द गर्ने निर्णय जनताको हक अधिकारमाथि प्रत्यक्ष प्रहार हो ।’
अभिव्यक्ति स्वतन्त्रता लोकतान्त्रिक समाजको मेरुदण्ड रहेको भन्दै यसलाई नियन्त्रण गर्ने, बन्द गर्ने वा संकूचित गरेको भन्दै आपत्ति जनाएको छ ।
विज्ञप्तिमा भनिएको छ, ‘नेपालको संविधानको धारा १७ ले विचार र अभिव्यक्ति स्वतन्त्रतालाई र धारा १९ ले सूचना तथा सञ्चारको हकलाई मौलिक हकका रूपमा प्रत्याभूत गरेको छ । संविधाले नागरिकलाई दिएको संवैधानिक अधिकार खोस्ने सरकारको रवैयाप्रति राष्ट्रिय स्वतन्त्र पार्टी कडा प्रतिवाद गर्दछ ।
सामाजिक सञ्जाललाई एकैपटक बन्द गर्नु नागरिक अधिकारको प्रत्यक्ष उल्लङ्घन मात्र नभई लोकतान्त्रिक मूल्य र संवैधानिक व्यवस्था विपरीत कदम हो ।’
काठमाडौं । राष्ट्रिय स्वतन्त्र पार्टी (रास्वपा) का सार्वजनिक मामिला विभागका सचिव बदन भण्डारीमाथि आक्रमण भएको छ ।
गएराति काठमाडौंको कपन प्रगति चोकमा राति पौने ९ बजे आक्रमण भएको रास्वपाले जनाएको छ । घर जाँदै गर्दा नम्बर प्लेट छोपेर मोटरसाइकलमा आएका तीन जनाको समूहले भण्डारीको टाउकोमा फलामको रडले प्रहार गर्नुकासाथै गाडीसमेत तोडफोड गरिएको रास्वपाले विज्ञप्तिमार्फत जानकारी दिएको छ ।
ज्यान लिने उद्देश्यले घटना भएको भन्दै रास्वपाले तत्काल विश्वसनीय छानबिन तथा दोषीलाई पक्राउ र कानूनी कारबाही गर्न माग गरेको छ । रड प्रहारबाट भण्डारीको टाउकोमा १० टाँका लगाउनु पर्ने गरी गहिरो चोट लागेको र शरीरभर निलडाम रहेको बताइएको छ ।
स्थानीय प्रत्यक्षदर्शीहरूका अनुसार आक्रमणकारीहरूको पन्जाबाट फुत्केर भागेका कारण भण्डारीले ज्यान जोगाउन सफल भएका थिए ।
पीडित भण्डारीका अनुसार एक टिभीमा केही समयअघि दिएको अन्तरवार्तालाई कारण बनाएर निरन्तर धम्की आइरहेको थियो । केही दिनअघि एक समूहले भण्डारीको अफिस रहेकै भवनमा आएर उनीबारे सोधखोज गरेका थिए ।
काठमाडौं । राष्ट्रिय स्वतन्त्र पार्टीको तर्फबाट रुपन्देही-३ को उम्मेदवार बनेका न्युरोचिकित्सक लेखजंग थापाले आफ्नो पारिवारिक जीवनबारे उठेका प्रश्नहरूको जवाफ दिएका छन्।
थापाले सामाजिक सञ्जालमा प्रमाणहरु राख्दै आफ्नो पारिवारिक जीवन गैरकानूनी र समस्याग्रस्त नभएको बताएका हुन् ।
उनले सम्बन्धविच्छेद भएकी पत्नीबाट जन्मिएको एक सन्तान रहेको र उसको भविष्यलाई ध्यानमा राख्दै दुवै अभिभावकले सौहार्दपूर्ण सम्बन्ध कायम गरिरहेको बताएका छन् ।
उनले भनेका छन्, ‘मसँग सम्बन्धविच्छेद भएकी श्रीमतीसँग सन्तान छ, र उसको पालनपोषणका लागि हामीले साझा जिम्मेवारी लिएका छौं। यसलाई समस्या वा गैरकानूनी भनेर व्याख्या गर्नु गलत हो ।’
उनले यो विषयलाई व्यक्तिगत आक्रमण नभई आफ्नो पार्टीमाथि गरिएको योजनाबद्ध प्रहार भएको बताएका छन् । सामाजिक सञ्जालबाट उनले भनेका छन्, ‘माथि आक्रमण भएको भए म चुप लाग्थें, तर यो आक्रमण सुसंस्कृत राजनीति गर्ने राष्ट्रिय स्वतन्त्र पार्टीमाथि भएको हो।”
थापाले पेशागत जीवनले दिएको सन्तुष्टिबाट मात्रै नपुगेर, देशमा बढ्दो विकृतिबाट असन्तुष्ट भएर आफू राजनीतिक यात्रामा आएको पनि बताएका छन् । “म नेता बन्न होइन, देश बदल्ने सहयात्री बन्न आएको हुँ। रूपान्तरणको सुनामी ल्याउन जोसुकै त्याग गर्न तयार छु,” उनले भने।
थापाले पार्टीले गर्ने कुनै पनि निर्णयलाई आफूले सम्मानपूर्वक स्वीकार्ने पनि बताएका छन् ।
काठमाडौं । राष्ट्रिय स्वतन्त्र पार्टी (रास्वपा)का केन्द्रीय सदस्य गणेश कार्कीले पार्टीले पहिलोपटक अभ्यास गरेको उम्मेदवार छनोट प्रक्रियामा केही कमीकमजोरी भएका हुन सक्ने स्वीकार गरेका छन् । त्रुटिको आशंका भएपछि त्यसको निरुपण गर्नुपर्ने उनको राय छ ।
सामाजिक सञ्जालमा स्टाटस लेख्दै उनले सम्भावित त्रुटि ‘नियत’ को नभएर ‘नियती’ को होस् भन्ने कामना गरेका छन् ।
यसअघि आम निर्वाचनमा पार्टीले समानुपातिक सांसद छनोट गर्दा भएको त्रुटिपूर्ण निर्णयले आफू धपाइएको स्मरण गर्दै कार्कीले अहिलेको प्रक्रियामा पनि जान–अञ्जानमा त्रुटि भएको हुनसक्ने संकेत गरेका हुन् ।
कार्कीले लेखेका छन्, ‘पार्टीको समानुपातिक सांसद छनौट १२ क्लस्टरमा चुनाव भएर नतिजा निकालिएको थियो । पछि सांसद छान्दा ६ क्लस्टर बनाइयो र म धपाइएँ । त्यसैले मैले आफु अलग्गै रहेर यसपटकको उम्मेदवार छनौटको प्रक्रिया चासोका साथ हेरेका थिएँ ।’
प्रक्रियामा कुनै त्रुटि भएको जस्तो आफूलाई नलागेको र अहिले पनि त्यस्तो निस्कर्षमा पुगिनसकेको उनको भनाइ छ ।
‘यद्यपि केही कमजोरी भएका हुन सक्छन्, जसको छानविन र निष्कर्ष आवश्यक छ । पहिलेको समानुपातिक सांसद छनौटको विवाद पनि समाधानमा पुगेन, जुन बेला–बेला भिन्न स्वरूपमा कच्पल्टिइरहन्छ । यसले नयाँ प्रणाली निर्माणमा शंका बढाउँछ । त्रुटी हुने वा भएको आशंका हुने तर त्यसको निरूपण नहुने हो भने ति थुप्रिदै गएर थामी नसक्नुका बन्छन्,’ उनले भनेका छन् ।
रास्वपाले रुपन्देही ३ मा उम्मेदवार खडा गरेका लेखजंग थापाको निजी जीवनबारे उत्पन्न विवादमा पनि कार्कीले प्रतिक्रिया दिएका छन् ।
उनको भनाइ यस्तो छः
बहुविवाहका सन्दर्भमा पहिलेको श्रीमतीसँग छोडपत्र भइसकेको तर सम्बन्ध चै अहिले पनि सुमुधुर रहेको भन्ने जानकारी प्राप्त गरेको छु । कानूनीरूपमा सम्बन्ध विच्छेद भएको भए अन्य त व्यक्तिगत र पारिवारिक सन्दर्भको बिषय भइहाल्यो । एउटा सम्बन्ध ‘बिग्रिए पछि’ कि मर्नु कि एक्लै जिन्दगीभर बस्नु भन्ने कसैले पनि चाहदैन भन्ने मानेको छु ।
रुपन्देही । राष्ट्रिय स्वतन्त्र पार्टी (रास्वपा) ले रुपन्देही ३ मा उम्मेदवार छान्न गत बिहीबार र शुक्रबार दुई दिन ‘प्राइमरी इलेक्सन’ गर्यो । नेपालमा कुनै पनि राजनीतिक दलले उम्मेदवार छनोटमा गरेको यो नयाँ प्रयोग हो ।
उक्त निर्वाचनमा मतदानको संख्या भने आश्चर्यजनकरुपमा न्यून देखिएको छ । रास्वपाको विधानमा पहिल्यैदेखि प्राइमरी इलेक्सनको व्यवस्था रहे पनि व्यवहारिक अभ्यासमा आएको थिएन । पहिलोपटक गरिएको यो अभ्यास विवादमुक्त भने रहन नसक्ने स्थिति देखिएको छ ।
रास्वपाको निर्वाचन आयोगले मतदानका लागि दुई दिन गरी ३६ घन्टा (बिहान ७ बजेदेखि राति ७ बजेसम्म) समय तोकेको थियो ।
सम्बन्धित क्षेत्र (रुपन्देही ३) का पार्टी सदस्य एवं विभिन्न निकायमा प्रतिनिधित्व गर्ने नेता कार्यकर्ता तथा केन्द्रीय सदस्यहरुले प्राइमरी इलेक्सनमा मतदानमा भाग लिन पाउने विधानमा व्यवस्था छ । सो क्षेत्रमा रास्वपाका २ हजार ७ सय १६ जना पार्टी सदस्य छन् भने केन्द्रीय समिति ६२ जनाको छ । यसरी कुल २ हजार ७ सय ७८ जना प्राइमरी इलेक्सनका मतदाता थिए ।
रास्वपाका अनुसार केन्द्रीय सदस्यबाहेक १५ सय ६७ मत खसेको छ । यो भनेको करिब ५८ प्रतिशत हो । रास्वपाका ११ सय ४९ जना सदस्यले प्राइमरी इलेक्सनमा भाग लिएनन् । यो आश्चर्यजनक हो ।
तर, योभन्दा आश्चर्यको विषय अर्को छ । ६२ जना केन्द्रीय सदस्यमध्ये २७ जनाको मात्रै मत खसेको छ । पार्टीका ३५ जना केन्द्रीय सदस्य (आधाभन्दा बढी) ले प्राइमरी इलेक्सनमा भोट हालेनन् वा उनीहरुको भोट गणना भएन ।
यस्तो न्यून मतदान के कारणले भयो भन्ने विषयले रास्वपाभित्रै कौतुहल पैदा गरेको छ । यसमा विभिन्न तर्कहरु आएका छन् । रुपन्देही ३ का कतिपय पार्टी सदस्यहरुसँग स्मार्ट फोन नरेको र अझै टिकटिके मोबाइल चलाइरहेकाले भोट हाल्न नपाएको हुन सक्ने एक नेताले बताए । यद्यपि, यो दावी पत्यारिलो छैन ।
केन्द्रीय सदस्यहरुका हकमा चाहिँ उनीहरुले उम्मेदवारहरुलाई राम्ररी नचिनेकाले ‘नो भोट’ मा गएको हुन सक्ने दावी गरिएको छ ।
‘प्राविधक समस्या केही पनि थिएन । तल्लो तहका केही सदस्यहरुसँग स्मार्ट फोन थिएन होला, तर केन्द्रीय सदस्यहरुसँग नहुने कुरै भएन । ३५ जना केन्द्रीय सदस्य आन्तरिक मतदानमा सहभागी नहुनु आश्चर्यको विषय हो । उम्मेदवारहरुलाई राम्ररी नचिनेको हुँदा आफ्नो भोट गलत ठाउँमा नजाओस भनेर सचेत भएका हुन् कि भन्ने पनि छ । तर, प्राइमरि इलेक्सनपूर्व नै सबै उम्मेदवारहरु जनमानसमै परिचित भइसकेको स्थितिमा केन्द्रीय सदस्यले नचिन्ने कुरा आउँदेन’, एक केन्द्रीय सदस्यले भने ।
यसैबीच रुपन्देही ३ का झण्डै तीन दर्जन पार्टी सदस्यहरुले रास्वपाको केन्द्रीय कार्यालयमा उजुरी गरेका छन् । प्राइमरी इलेक्सनमा सिस्टम ह्याक गरिएको र आफूहरुले मतदान गर्न नपाएको उनीहरुको दावी छ । ३२–३३ जनाको उजुरी प्राप्त भएको पार्टी स्रोतले बतायो ।
रास्वपा रुपन्देही अध्यक्ष डा. बुद्धि शर्माले केही प्राविधिक समस्याले यस्तो भएको बताएका छन् ।
‘एकैपटक भोटिङ गर्दा लोड भएर पनि समस्या भयो, नेपालको प्राविधिक समस्या पनि छँदैथियो, सबैले मोबाइल राम्रो नचलाएका पनि भेटिए, यो क्षेत्रमा करिब २७ सय मतदान गर्न मिल्ने सदस्य हुनुहुन्थ्यो’ उनले भने–‘केहीको भोट हालन नपाएको निवेदन आएर पनि समाधान भएको हो, केहीको युजर पासवर्डमा पनि समस्या आएको भेटियो, पहिलो प्रयोगमा सामान्य समस्या आए पनि समाधान हुन्छन् ।’
यो विषयमा रास्वपाले छानबिन गर्ने भएको छ । यस निम्ति भोलि–पर्सीतिर एउटा कार्यदल गठन हुन सक्ने एक नेताले जानकारी दिएका छन् ।
काठमाडौं । राष्ट्रिय स्वतन्त्र पार्टी (रास्वपा) बाट रुपन्देही-३ मा उम्मेदवार बन्न चाहेका ९ आकांक्षीहरूले आज सभापति रवि लामिछानेलाई कारागारमा गएर भेट गरिरहेका छन् । भेटघाटका लागि उपलब्ध गराइने नियमित समयमा उनीहरूले भेटेका हुन् ।
कारागारमा हरेक दिन ११ बजेदेखि ३ बजेसम्म थुनुवाहरूलाई भेट्न पाइन्छ । रास्वपाका ९ जना आकांक्षीहरू ११ बजे नै कारागार पुगेका थिए । त्यसपछि उनीहरूले एकपटकमा दुईजना गरी आलोपालो गरी भेटिरहेका छन् । एक्लाएक्लै भेट्दा धेरै समय लाग्ने भएकाले कारागार प्रशासनले २-२ जना भेट्न आग्रह गरेको थियो ।
स्रोतका अनुसार प्रत्येकले करिब १० मिनेट कुराकानी गरेका छन् । सुलभ खरेल र पार्थिबेन्द्र उपाध्यायको जोडीले सबैभन्दा बढी समय (करिब आधा घन्टा) लिएका थिए ।
भेटेर निस्किएपश्चात खरेलले सभापतिले उम्मेदवारका विषयमा कुनै पनि संकेत नगरेको बताए ।
उनले भने, ‘मलाई आशा थियो उहाँले केही संकेत गर्नुहुन्छ भन्ने । तर, कुनै पनि छनक दिनुभएन ।’
अरुभन्दा बढी समय कुराकानी गरेको बारे उनले भने, ‘हामी दुवै जना कानूनको विद्यार्थी र राजनीतिक ज्ञान पनि बढी भएकाले अलि धेरै समय छलफल गर्ने अवसर पायौं । सभापतिज्यूले पनि धेरै कुराहरु जान्न खोज्नुभएकाले समय लाग्यो ।’
खरेलका अनुसार रविले आफूलाई पनि को उम्मेदवार बन्छ भन्ने थाहा नभएको बताएका थिए ।
‘दिउँसो सचिवालय बैठक बसेर टुंग्याउने हो, मलाई पनि सचिवालय बैठक पछि मात्रै थाहा हुन्छ, भन्नुभयो’ उनले सुनाए ।
रास्वपाका कतिपय सचिवालयका नेताहरूलाई समेत जनताले चिन्दैनन् तर तपाईंहरु सबै तिर परिचित भइसक्नुभयो भन्दै रविले आकांक्षीहरुलाई हौस्याइरहेका छन् ।
एक आकांक्षीका अनुसार रविलाई राखिएको कोठाको ढोका आज खुल्ला छोडिएको थियो र उनीहरूले बसेरै आरामसँग कुराकानी गरेका थिए ।
काठमाडौं । राष्ट्रिय स्वतन्त्र पार्टी (रास्वपा) ले आज रुपन्देही ३ मा हुने उपनिर्वाचनका लागि आफ्नो उम्मेदवार घोषणा गर्दैछ ।
संसदमा प्रतिनिधित्व गर्ने दलहरूमध्ये उम्मेदवार घोषणा गर्नेमा रास्वपा पहिलो हुने भएको हो ।
उपचुनावका लागि रास्वपाबाट ९ जना आकांक्षीहरु आन्तरिक प्रतिस्पर्धामा छन् । पार्टीले प्राइमरी इलेक्सनबाट उम्मेदवारको टुंगो लगाउने नवीन अभ्यासको थालनी गरेको छ ।
प्राइमरी इलेक्सन भइसकेको छ भने अब सचिवालय बैठक आज बसेर उम्मेदवारको नाम फाइनल गर्ने रास्वपा प्रवक्ता मनिष झाले जानकारी दिएका छन् ।
आज बेलुकी ५ बजे उम्मेदवार घोषणा गर्ने भनिएको छ । त्यसभन्दा अगाडि आजै ९ जना आकांक्षीहरु रविलाई भेट्न एकैपटक नख्खु कारागार पुगेका छन् । उनीहरूसँग भेटेपश्चात् पार्टीलाई रविले आफ्नो राय दिनेछन् ।
रास्वपाबाट उम्मेदवार बन्न कुसुम महर्जन, पार्थिवेन्द्र उपाध्याय, लेखजंग थापा, ज्ञानु पौड्याल, पुनमकुमारी अग्रवाल, जितबहादुर गुप्ता (जेबी), कुसुम महर्जन, रचना क्षेत्री, मधु अर्याल र सुलभ खरेल मैदानमा छन् ।
काठमाडौं । राष्ट्रिय स्वतन्त्र पार्टी र राष्ट्रिय प्रजातन्त्र पार्टीले आज पनि सदन बहिस्कार गरेका छन्।
प्रतिनिधिसभाको बैठकमा रास्वपाबाट गणेश पराजुली र राप्रपाबाट ज्ञानेन्द्र शाहीले बोलेपछि बैठक छाडेर हिँडे। त्यसअघि संसद सुरु हुनेबितिकै दुई दलका सांसदहरुले उठेर जनाएका थिए ।
त्यसपछि सभामुख देवराज घिमिरेले आफ्ना केहि कुरा राखेर रास्वपा सांसद गणेश पराजुलीलाई बोल्न दिए । सांसद पराजुलीले भिजिट भिसा प्रकरणमा संसदीय छानविन समिति गठन भएसम्म आन्दोलन जारी रहने बताए ।
उनले प्रधानमन्त्रीको चीन भ्रमणअघि सदनबाट राष्ट्रियताका सवालमा साझा अपधारणा बनाउन आग्रह गरे । साझा अवधारणकै आधारमा छिमेकी दुवै राष्ट्र प्रमुखसँग केबल शिष्टाचार मात्रै नभई दृढ परिणाममुखी, शान्तिपूर्ण र कूटनीतिक प्रभावकारी संवाद गर्नुपर्ने उनले बताए । उनले अन्तर्राष्ट्रिय सीमा र राष्ट्रियताको मुद्दामा जनताले मौनता नभइ सरकारको स्पष्ट जवाफ माग गरेको बताए ।
त्यस्तै राप्रपाका सांसद ज्ञानेन्द्र शाहीले भारत र चीनबिच लिपुलेकलाई समेटेर भएको सहमतिप्रति आपत्ति जनाउदै संयुक्त राष्ट्र सङ्घमा कुरा राख्न माग गर्नुभयो । शाहीले भारत र चीनसंग प्रधानमन्त्रीस्तरीय वार्ता गर्न अपिल गरे । उनले भिजिट भिसा प्रकरणमा सरकारले संसदीय छानबिन समिति गठन नहुँदासम्म आन्दोलन जारी राख्ने जिकिर गरे ।
पराजुली र शाहीले धारणा राखेपछि दुबै दलका सांसदहरुले सदन बहिष्कार गरेका थिए । भिजिट भिसा प्रकरणमा उच्चस्तरीय छानविन समिति गठन गर्नुपर्ने माग राख्दै रास्वपा र राप्रपाका सांसदहरुले जेठ १३ गतदेखि सदनमा निरन्तर विरोध जनाउदै आएका छन् ।
काठमाडौं । राष्ट्रिय स्वतन्त्र पार्टीले प्रधानमन्त्री केपी ओली चीन भ्रमणमा जानुअघि सीमाबारे सदनबाट साझा धारणा बनाउन माग गरेको छ ।
प्रतिनिधिसभाको बैठकमा बोल्दै सांसद गणेश पराजुलीले सीमाबारे आफ्नो पार्टीको स्पष्ट धारणा सार्वजनिक गरिसकेको पनि बताए ।
उनले भने, ‘प्रधानमन्त्री चीन भ्रमणमा जानुअघि यो सदनले सत्ता र प्रतिपक्ष भन्दा पनि माथि उठेर राष्ट्रिय सार्वभौमिकता र सीमाको पक्षमा सर्वसम्मत साझा धारणा बनाउन माग गर्दछु ।’
उनले सोही अवधारणकै आधारमा छिमेकी दुवै राष्ट्र प्रमुखसँग केबल शिष्टाचार मात्रै नभई दृढ परिणाममुखी, शान्तिपूर्ण र कूटनीतिक प्रभावकारी संवाद गर्नुपर्ने बताए।
काठमाडौं । प्रधानमन्त्री केपी शर्मा ओलीले आज १ बजेको संसद बैठकमा सम्बोधन गर्दै छन् । चीन भ्रमणमा जानुपूर्व उनले प्रतिनिधिसभा बैठकमा मन्तव्य राख्ने भएका हुन् ।
चिनियाँ राष्ट्रपति सी चिनफिङको मैत्रीपूर्ण निमन्त्रणमा प्रधानमन्त्री ओली नेपाली प्रतिनिधिमण्डलको नेतृत्व गर्दै शनिबार प्रस्थान गर्ने कार्यक्रम छ । साङघाई सहयोग संगठन (एससीओ) शिखर सम्मेलनमा भाग लिन उनी त्यसतर्फ जान लागेका हुन् । चीनपछि भारत भ्रमणमा जाने तालिका रहेको छ ।
आजको सम्बोधन प्रधानमन्त्रीले आसन्न चीन र भारत भ्रमणबारे जानकारी गराउने छन् । पछिल्लो समय उब्जिएको लिपुलेक-कालापानी विवादबारे पनि सरकारको धारणा राख्ने अपेक्षा गरिएको छ ।
प्रधानमन्त्रीको सम्बोधनलाई दुई प्रतिपक्षी दल राष्ट्रिय स्वतन्त्र पार्टी (रास्वपा) र राष्ट्रिय प्रजातन्त्र पार्टी (राप्रपा) ले भने बहिष्कार गर्ने भएका छन् । भिजिट भिसाको दुरुपयोगसम्बन्धी प्रकरणमा गृहमन्त्रीको राजीनामा माग्दै दुई दलले लामो समयदेखि गरिरहेको संसद बहिष्कारलाई आज पनि निरन्तरता दिने भएका हुन् ।
आज रास्वपाले प्रधानमन्त्रीलाई बोल्न दिने भनेर केही सञ्चारमाध्यममा आएका समाचारलाई प्रवक्ता मनिष झाले इन्कार गरे ।
उनले नेपाल प्रेससँग भने, ‘हाम्रो अवरोध निरन्तर छ, र आज पनि रहन्छ । हाम्रो मागको सम्बोधन नभएकाले प्रधानमन्त्रीको सम्बोधन सुनेर बस्दैनौं ।’
रास्वपाको तर्फबाट गणेश पराजुलीले बोलेर सबै सांसदहरू बाहिरिने तयारी गरिएको छ ।
यस्तै राप्रपाले पनि संसद बहिष्कार गर्ने सो पार्टीका उपाध्यक्ष ध्रुवबहादुर प्रधानले जानकारी दिए ।
उनले भने, ‘प्रधानमन्त्रीको सम्बोधनका विषयमा कुनै नयाँ निर्णय भएको छैन । बहिष्कार जारी रहन्छ ।’
काठमाडौं । राष्ट्रिय स्वतन्त्र पार्टीले प्रदेश, जिल्ला र तल्लो संरचना सुदृढीकरण बनाउने निर्णय गरेको छ। सचिवालय बैठकसमसामयिक राजनीतिक एवं संगठन गतिविधिबारे छलफल र निर्णय भएको प्रवक्ता मनिष झाले बताए।
पार्टीको संगठन गतिविधि, प्रशिक्षण कार्यक्रम, हस्ताक्षर अभियान लगायतका विषयमा र आगामी कार्यक्रमवारे बैठकमा छलफल भएको उनले बताए। उनले भने, ‘केन्द्रीय विभागहरूलाई गतिशील बनाउने केन्द्रीय सङ्गठन विभाग, केन्द्रीय प्रशिक्षण विभाग, केन्द्रीय अभियान तथा प्रचारप्रसार विभाग र प्रवास नेपाली सम्पर्क विभागलाई थप गतिशील बनाउने निर्णय भएको छ।’
प्रदेश तथा जिल्ला संगठनलाई थप रणनीतिक रूपमा सशक्त बनाउन, वडा अधिवेशन, पालिका अधिवेशन र जिल्ला अधिवेशन तोकिएको समयमा सम्पन्न गर्ने लक्ष्य, तालिका र कार्यनीति तयारीका लागि आवश्यक अख्तियारी प्रदेश इन्चार्जलाई दिने र संगठन सुदृढीकरणका लागि रणनीतिक प्रस्ताव सचिवालयमा पेश गर्न निर्देशन दिने निर्णय भएको समेत बताए।
रूपन्देही–३ मा हुने उपनिर्वाचनका लागि उम्मेदवार छनोट प्रक्रिया लोकतान्त्रिक, पारदर्शी, जनपक्षीय र योग्यताका आधारमा हुने व्यवस्थाको सर्वत्र स्वीकार्यता देखिएकोप्रति कृतज्ञता व्यक्त गर्दै सहयोग पुर्याउने सबैललाई बैठकले धन्यवाद दिएको छ।
उनले भने, ‘प्रारम्भिक छनोट प्रक्रियामा असाध्यै मेहनत, उत्साह र इमानदारीका साथ सहभागी हुनुभएका नौ उम्मेदवारहरूको भूमिकाप्रति कृतज्ञता व्यक्त गर्दै, प्रारम्भिक निर्वाचनलाई महत्वपूर्ण मानिएकोले सामाजिक आचारसंहिताभित्र रही सद्भावपूर्ण सहभागिताका लागि सबैलाई आह्वान गरिएको छ।’
पार्टीले सञ्चालन गर्ने प्रारम्भिक निर्वाचन कार्यविधि, २०८२ र वडा परिषद् कार्यविधि, २०८२ स्वीकृत गर्ने निर्णय गरेको समेत बताए।
कृषि, स्वास्थ्य, उद्योग तथा वाणिज्य, श्रम तथा रोजगार तथा सहकारी क्षेत्रका विज्ञहरूलाई सम्बन्धित क्षेत्रका समस्या विश्लेषण, समाधानका उपायहरूको पहिचान तथा अन्वेषण गर्ने र विज्ञहरूसँगको छलफलमार्फत राष्ट्रिय समृद्धिमा योगदान पुर्याउन आवश्यक नीति–कार्यक्रमका सुझावसहितको प्रतिवेदन पेश गर्ने कार्यमा संलग्न गराउने निर्णय गरेको पनि बताए।
रुपन्देही । राष्ट्रिय स्वतन्त्र पार्टी (रास्वपा)का सभापति तथा पूर्वगृहमन्त्री रवि लामिछानेको मुद्दामा उच्च अदालतले कैफियत प्रतिवेदन माग गरेको छ ।
उच्च अदालत तुलसीपुर बुटवल इजलासमा सोमबार लामिछानेको तर्फबाट दिइएको मुद्दा बुधवार न्यायाधीश सागर विष्टको इजलासमा परेको थियो ।
सहकारी ठगी तथा संगठित अपराध मुद्दामा लामिछाने चैत २५ गतेदेखि पुर्पक्षका लागि थुनामा छन् । यसअघि जिल्ला अदालत रुपन्देहीमा सहकारी ठगी प्रकरणमा बिगो बुझाएर रिहा गर्न मागसहितको मुद्दा अस्वीकार भएसँगै लामिछाने उच्च अदालत पुगेका हुन् ।
जिल्ला अदालतले बिगोलाई आधार मान्न नसकिने भन्दै उनलाई थुनामै राखेर अनुसन्धान गर्न आदेश गरेको थियो । सोमबार उच्च अदालत बुटवलमा परेको मुद्दामा आजका लागि पेशी तोकिएकोमा न्यायाधीश विष्टको एकल इजलासमा परेको हो ।
अदालतका सूचना अधिकारी रामबहादुर कुँवरले लामिछानेको मुद्दा न्यायाधीश विष्टको एकल इजलासको परेको र कैफियत प्रतिवेदन माग भएको जानकारी दिए । बुधवार लामिछानेको तर्फबाट अधिवक्ता महेन्द्र पाण्डे र बाबुराम पाण्डेले बहस गरेका थिए । उच्च अदालतले मिसिल माग गरेपछि एक साता भित्रमै त्यो आइपुग्ने र अर्को बहस हुने कुँवरले बताए । ‘यो छिटै हुन्छ, एक साता भित्रमै गर्नुपर्ने हुन्छ तर यहाँ छिटो हुन्छ’ उनले भने ।
लामिछाने पत्नी निकिताले सोमबार श्रीमानको तर्फबाट उच्च अदालत बुटवलमा बिगो तोके बराबरको बैंक जमानत लिएर जेल बाहिरबाटै मुद्दा लड्न दिनुपर्ने मागसहित रिट दायर गरेकी थिइन् ।
आज निवेदनमाथिको प्रारम्भिक सुनुवाइसँगै जिल्लाको मिसिल माग भएको हो । बुटवलको सुप्रिम सहकारी ठगी प्रकरणमा रवि लामिछाने विगत ४ महिनादेखि थुनामा छन् । हाल लामिछानेलाई रुपन्देहीबाट नख्खु कारागारमा राखिएको छ ।
काठमाडौं । पूर्वराष्ट्रपति विद्या भण्डारीले आफू राजनीतिमा अघि बढिसकेको भन्दै अब नफर्कने बताएकी छन् । भंगालमा भेट्न पुगेका राष्ट्रिय स्वतन्त्र पार्टीका प्रवक्ता मनिष झासँग भण्डारीले एमाले अध्यक्ष ओलीले अहिले आफैं बोलीबाट ब्याक भएर रोक्न खोजेको बताइन् ।
भण्डारीको भनाई उदृत गर्दै झाले भने, ‘म राजनीतिक रूपमा अगाडि बढिसकेँ । एमालेबाटै अघि बढ्न चाहन्छु । अस्तिसम्म केपी ओलीले नै पूर्व राष्ट्रपति राजनीतिमा आउन मिल्छ भनेर अन्तर्वार्ता दिनुभएको छ । अहिले उहाँले आफैँ बोली फेरेर मलाई रोक्दै हुनुहुन्छ ।’
पूर्वराष्ट्रपति भण्डारीबारे प्रधानमन्त्रीसमेत रहेका ओलीले दिएको अन्तर्वार्ता अहिले सामाजिक सञ्जालमा भाइरल भइरहेको छ । पूर्वराष्ट्रपति भण्डारी राजनीतिमा आउनु हुँदैन भन्ने बेकारको कुरा भन्दै आउन पाइने बताएका थिए ।
काठमाडौं । राष्ट्रिय स्वतन्त्र पार्टीका प्रवक्ता मनिष झाले पूर्वराष्ट्रपति विद्यादेवी भण्डारीसँग भेटवार्ता गरेका छन् । भण्डारी निवास भंगालमा पुगेर झाले भण्डारीसँग भेट गरेका हुन् ।
भण्डारीलाई करिब २ घण्टा छलफल भएको झाले बताए । पछिल्ला विकसित राजनीतिक घटनाक्रमबारे छलफल भएको बताए ।
उनले भने, ‘सहकारीको विषय समाधान गर्नुपर्ने थियो । तर यसलाई राजनीतिक मुद्दा बनाएर रवि लामिछानेलाई दु:ख दिइराखिएको छ । त्यसमा म असन्तुष्ट छु । उहाँप्रति मेरो सद्भाव छ भन्नुभयो ।’
उनले नयाँ पढेलेखेका पुस्ता राजनीतिमा आउँदा आफूलाई खुसी लागेको बताएको पनि सुनाए ।
झाले थपे, ‘अहिले नयाँ पुस्तालाई राजनीतिमा आउन सहज छ । हामी आउँदा धेरै गाह्रो थियो । अहिले पढेलेखेकाहरू आउन थालेको छ । त्यो राम्रो हुँदै छ । विचारको बहस धेरै होस् त्यसमा हामी सघाउँछौँ भन्नुभएको छ ।’
काठमाडौं । राष्ट्रिय स्वतन्त्र पार्टी (रास्वपा) नेतृ निशा डाँगी हरेक वर्ष तीजमा पशुपतिनाथ मन्दिरमा पुग्ने गर्छिन् । आज पनि उनी परम्परा धान्दै परिवारका सदस्यहरूसहित मन्दिर दर्शन गर्न गइन् ।
रास्वपाकी समानुपातिक सांसदसमेत रहेकी निशा ‘कान्छी माननीय’ का रूपमा परिचित छिन् । उनी अविवाहित हुन् । पशुपति मन्दिरमा पुग्दा उनी रातो सारी र फुल मेकअपमा निकै खुलेकी थिइन् । केही घन्टा लाइन बसेर उनले पशुपतिनाथ दर्शन गरिन् । चिन्नेहरूले उनीसँग फोटो/सेल्फी खिचे ।
निस्किने क्रममा सञ्चारकर्मीको नजरमा परिन् निशा । उनलाई सोधियो- कति घन्टा लाइन बस्नुभयो ?
निशाले अघिल्ला वर्षहरूको तुलनामा यसपालि छिटो पालो आएको बताइन् । यद्यपि, सांसद भनेर आफूले कुनै सुविधा र सहुलियत नलिएको उनको भनाइ थियो ।
‘म हरेक वर्ष परिवारसहित आउँछु र लाइन बसेर दर्शन गर्छु । यसपालि पनि त्यहीँ गरेँ । सांसद हुनासाथ बेग्लै सेवा सुविधा चाहिन्छ जस्तो लाग्दैन ।’ उनले भनिन् ।
उनले तीजमा व्रत पनि बसेको जनकारी गराइन् । यसपालिको तीजमा आफ्नो पार्टी रास्वपा र देशकाे भलाइकाे लागि व्रत बसेको उनको भनाइ छ ।
निशाले भनिन्, ‘म हाम्राे पार्टी रास्वपा र देशकाे मङ्गल कामना गरेर व्रत बस्छु । अहिले हाम्रो पार्टी सभापति कारागारमा हुनुहुन्छ । हामी उहाँको रिहाइकाे आशामा छाै । पशुपतिनाथले पक्कै पनि सभापतिज्यू र हाम्रो पार्टी रास्वपालाई कृपा गर्नु हुनेछ । उच्च अदालतले सभापतिज्यूलाई रिहाइ गर्ने ठूलो आशा छ ।’
काठमाडौं । राष्ट्रिय स्वतन्त्त पार्टीले प्रधानमन्त्रीको आसन्न भारत तथा चीन भ्रमणका क्रममा सम्बन्धित नेतृत्वसँग लिपुलेक, लिम्पियाधुरा र कालापानी क्षेत्रको प्रश्न स्पष्ट र दृढतापूर्वक प्रस्तुत हुन माग राखेको छ ।
अन्तर्राष्ट्रिय सम्बन्ध विभाग प्रमुख शिशिर खनालले एक विज्ञप्तिजारी गर्दै प्रधानमन्त्रीले सीमाका विषयमा कुरा उठाउन भनेको हो ।
भारत र चीनबीच नेपाली भुभाग लिपुलेक पास हुँदै परम्परागत सीमा व्यापार मार्ग पुनः खोल्ने विषयमा भएको हालैको सम्झौतापछि नेपाल सरकारले प्रस्तुत गरेको रवैयाप्रति राष्ट्रिय स्वतन्त्र पार्टीको गम्भीर ध्यानाकर्षण भएको जनाउँदै यस्तो माग राखेको हो ।
नेपालको संविधान, सन् १८१६ को सुगौली सन्धि र त्यसपश्चात् भएका अन्य ऐतिहासिक सन्धिसम्झौताहरूका आधारमा लिपुलेक, लिम्पियाधुरा र कालापानी क्षेत्र नेपालको सार्वभौम भूमिको अविभाज्य अंश भएको विषयमा राष्ट्रिय स्वतन्त्र पार्टी स्पष्ट रूपमा हिमाल झै अडिग रहेको उल्लेख जनाउँदै विवादहरुको समाधान कूटनीतिक र संवादबाट खोज्नुपर्ने पनि खनालले उल्लेख गरेका छन् ।
काठमाडौं । राष्ट्रिय स्वतन्त्र पार्टीका सभापति रवि लामिछानेलाई जमानतमा छोड्नुपर्ने माग लिएर उनी पत्नी निकिता पौडेलले उच्च अदालतको ढोका ढक्ढकाएकी छन् ।
जिल्ला अदालत रुपन्देहीले रविलाई जमानतमा छाड्न नमानेपछि निकिताले आज उच्च अदालत बुटबलमा पुनरावेदन गरेकी हुन् ।
सामाजिक सञ्जालमा स्टाटस लेख्दै निकिताले आफ्नो श्रीमान जेलभित्र सुरक्षित नरहेको बताएकी छन् । रविलाई बिगो ताक्न र त्यस बराबरको बैंक जमानत लिएर जेलबाहिरबाट मुद्दा लड्न दिन उनको माग छ ।
निकिताले फेसबुकमा लेखेकी छन्, ‘आज मैले उच्च अदालत, बुटवलको ढोका पनि ढक्ढक्याएँ । मेरो श्रीमान भन्नुहुन्छ, ‘यो देशमा शक्ति पृथकीकरण समाप्त भएको धेरै भइसक्यो, एउटै रावणका फरक टाउका गन्न छाडिदेउ ।’ तर, श्रीमतीका रुपमा मेरो पनि जिद्दी छ, न्याय पाइयोस कि नपाइयोस, म संविधान र कानुनले अनुमति दिएका देशभित्र र बाहिरका न्यायका हरेक ढोका ढक्ढक्याउने छु ।’
आफ्नो श्रीमानको जीवन सुरक्षित नरहेको र प्रधानमन्त्रीदेखि महामन्त्रीसम्मले संसदको रोष्ट्रमबाट धम्क्याइरहेको उनले बताएकी छन् ।
‘मैले हिजो पनि भनेकी हुँ र आज पनि भन्छु, मेरो श्रीमानको जीवन सुरक्षित छैन । भैरहवा कारागारमा उहाँलाइ कसरी राखिएको थियो, अब मैले केही भनिरहन पर्दैन । यिनिहरुले किन जेल सार्न मानिरहेका थिएनन्, यिनिहरुको नियत के थियो, त्यो पनि बताइरहन पर्दैन ।
आफैंले झुटा मुद्दा लगाएर, सत्ता र शक्तिको चरम दुरुपयोग गरेर जेलमा थुनेको एउटा बन्दीलाई प्रधानमन्त्रीदेखि महामन्त्रीसम्मले संसद्को रोष्ट्रमबाट किन धम्क्याइरहेका होलान्, त्यो पनि अब मैले भनिरहन पर्दैन,’ उनले लेखेकी छन् ।
काठमाडौं । नेपाल प्रहरीले उपसभामुख इन्दिरा राना जोडिएको बालबालिकाको अवैध ओसारपसारसम्बन्धी घटनाको अनुसन्धान सुरू गरिएको छ ।
उपसभामुख इन्दिरा राना कार्यकारी प्रमुखको जिम्मेवारीमा रहँदा प्रिजनर्स असिस्टेन्ट (पीए) नेपाल नामक गैरसरकारी संस्था अवैधरूपमा बालबालिका ओसारपसारमा संलग्न रहेको एक सरकारी प्रतिवेदन सार्वजनिक भएपछि प्रहरीले अनुसन्धान थालेको छ ।
‘सार्वजनिक सरोकारको विषय पनि भएको हुँदा यस विषयलाई गम्भीरतापूर्वक अनुसन्धान गर्न र दोषी पहिचान गर्न केन्द्रीय अनुसन्धान ब्युरो (सीआईबी) लाई निर्देशन दिइएको छ’, केन्द्रीय प्रहरी प्रवक्ता डीआईजी विनोद घिमिरेले नेपाल प्रेसलाई बताए ।
भदौ ५ गते प्रतिनिधिसभाको बैठकमा एमाले सांसद तथा पार्टीका केन्द्रीय सचिव योगेश भट्टराईले बालबालिकाको अवैध ओसारपसारमा उपसभामुख रानासम्वद्ध संस्था पिए नेपालको संलग्नता रहेको दाबी गरेका थिए । भट्टराईको दाबीलाई पुष्टि गर्दै पत्रकार सुमन ढुंगानाले सोही दिन नेपाल प्रेसमा उक्त घटनाको समाचार संकलन गर्दा आफू कार्यरत टेलिभिजनबाट जागिर खोसिएको र सोसम्बन्धी रिपोर्ट लुकाइएको भन्दै लेख लेखेका थिए ।
उपसभामुखको मानव तस्करीको प्रमाण जुटाउँदा मेरो जागिर खोसियो, कार्यक्रम रोकियो
प्रहरी अनुसन्धानका क्रममा पत्रकार ढुंगानासँग उपलब्ध प्रमाणसहित अन्य प्रमाण संकलन भइरहेको सीआईबी स्रोतले बतायो ।
२०७२ साल कात्तिक १७ गते सिफलस्थित बाल संगठनको बालगृहबाट पाँच बालबालिका हराएका थिए । उनीहरू कहाँ गए भन्ने खोजी तीव्र भएको थियो । २०७२ माघ १८ गते बालगृहका एक कर्मचारीले बाल कल्याण समितिमा दिएको बयानमा पीए नेपालसँग सम्बन्धित व्यक्तिहरुले ती बालबालिकालाई जबरजस्ती लिएर गएको बयान दिएका थिए । उक्त संस्थाको कार्यकारी निर्देशक राना थिइन् ।
चौतर्फी चासोको विषय बनेपछि सरकारले उच्च अदालतका न्यायाधीशको अध्यक्षतामा एक जाँचबुझ आयोग गठन भएको थियो । उक्त आयोगले पिए नेपाल र त्यसकी कार्यकारी निर्देशक रानाको संलग्नता पुष्टि गर्दै प्रतिवेदन पेश गरेको थियो । सांसद भट्टराईले उक्त प्रतिवेदन सार्वजनिक गरिनुपर्ने माग गरेका थिए ।
सीआईबीकै मातहतमा रहेको मानव बेचबिखन अनुसन्धान ब्युरोले उक्त घटनाका अन्य प्रमाण संकलन गरिरहेको स्रोतले जनाएको छ । घटनामा उपसभामुख राना एक्लै संलग्न नभएर संगठितरूपमा त्यस्तो कार्य भएको प्रहरीको प्रारम्भिक निष्कर्ष छ । मानव बेचबिखनसँगै संगठित अपराधसम्बन्धी मुद्दा आकर्षित हुने स्रोतले जनायो ।
काठमाडौं । राष्ट्रिय स्वतन्त्र पार्टी (रास्वपा) ले रुपन्देही ३ को उपनिर्वाचनका लागि उम्मेदवार छनोट गर्न नौलो र जटिल अभ्यास गरिरहेको छ । आलोचकहरुले भने फरक गर्ने नाममा उम्मेदवार छनोटलाई बढी नाटकीय बनाइएको भन्दै टिकाटिप्पणी गर्न थालेका छन् ।
रास्वपाले उम्मेदवार बन्न इच्छुकहरूका दरखास्त आह्वान गरेको थियो, जसमा नौ जना (मधुप्रसाद अर्याल, डा. लेखजंग थापा, कुसुम महर्जन, पार्थबेन्द्र उपाध्याय, ज्ञानु पौडेल, रचना क्षेत्री, सुलभ खरेल, पुनम कुमारी अग्रवाल र जितबहादुर गुप्ता) ले आवेदन दिए । आवेदन दिने सबै रुपन्देही ३ कै स्थानीय हुन् । उनीहरूमध्ये एकजना उत्कृष्ट छनोट गर्न आन्तरिकरूपमा विभिन्न प्रक्रियाहरू भइरहेका छन् । सबै प्रक्रियाहरूको भिडिओ खिचेर फेसबुक र युट्यूवमा समेत हालिन्छ ।
आाकांक्षीहरुबीच ‘प्राइमरी इलेक्सन’ मार्फत उम्मेदवार छान्ने रास्वपाको विधानमा भएको पुरानै व्यवस्था हो । तर, अहिलेसम्म व्यवहारिकरूपमा यसको प्रयोग हुन सकेको थिएन । उम्मेदवारीका लागि दरखास्त माग गरिए पनि ‘सहमति’ का नाममा माथिबाटै मिलाएर टिकट दिने गरिएको थियो । अहिलेको उपनिर्वाचनमा भने नेतृत्वले कसैलाई टिका लगाउन चाहेन, जसले गर्दा प्राइमरी इलेक्सनको प्रक्रियामा गएको छ ।
यो समग्र प्रक्रियाको नेतृत्व रास्वपाका सहमहामन्त्री तथा लुम्बिनी इन्चार्ज विपीन आचार्यले गरिरहेका छन् । रास्वपाले उनलाई उपनिर्वाचनको कमाण्डर बनाएर सबै जिम्मेवारी सुम्पिएको हो । आचार्यले प्रजातान्त्रिक अभ्यासमार्फत उम्मेदवार छनोटमा जोड दिएका छन् ।
तर, यसक्रममा अपनाइएका तौरतरिकाहरु भने ‘राजनीतिक’ प्रकृतिका छैनन् । यस्तो महसुस हुन्छ कि यहाँ कुनै दलले उम्मेदवार छानिरहेको होइन, एउटा आइएनजीओले कर्मचारी भर्ति गरिरहेको छ ।
रास्वपाको विधानअनुसार उम्मेदवार छनोटका लागि हुने प्रारम्भिक इलेक्सनमा सम्वन्धित क्षेत्रका पार्टी सदस्यहरुले भाग लिन सक्छन् । यस्तै, पार्टीका केन्द्रीय सदस्यहरुलाई पनि मतदानको अधिकार हुन्छ । तर, प्राइमरी इलेक्सनबाटै उम्मेदवार तय हुने भन्ने होइन । पहिलेको व्यवस्थामा संसोधन गरेर ५० प्रतिशत अंकभार मात्रै प्रारम्भिक निर्वाचनको नतिजाले प्राप्त गर्ने प्रावधान राखिएको छ ।
बाँकी ५० प्रतिशतमध्ये लिडरसिप एकेडेमीको नतिजालाई २५ प्रतिशत, पोलिटिकल प्रोक्सिमिटी (राजनीतिक आवद्धता) लाई २० प्रतिशत र समावेशीतालाई ५ प्रतिशत भाराङ्क दिने व्यवस्था संसोधित कार्यविधिमा गरिएको हो ।
रास्वपाको लिडरसीप एकेडेमी सञ्चालनमा आइसकेको छैन । त्यतिञ्जेलसम्मका लागि लिडरसिप एकेडेमीको काम पार्टीकै सचिवालयले गर्ने भनिएको छ । यसको अर्थ उम्मेदवारको २५ प्रतिशत मूल्यांकन सिधै सचिवालयको हातमा आएको छ ।
उम्मेदवारीको दौडमा रहेकाहरूलाई सुरूमा एकै ठाउँमा राखेर कोही एकजनाको नाममा सहमति जुटाउने प्रयास गरियो । सहमहामन्त्री आचार्यले नै यसको समन्वय गरेका थिए । तर कुनै पनि उम्मेदवार पछि हट्न नचाहेपछि अन्य प्रक्रियाहरु अगाडि बढेका हुन् । अहिले दोस्रो चरणमा ‘क्यान्डिडेट बेन्च’ सञ्चालन भइरहेको छ, जसमा चार नेताहरु बसेर उम्मेदवारको पालैपालो अन्तर्वार्ता लिइरहेका छन् ।
क्यान्डिडेट डेस्कको पनि भिडिओ फेसबुकमा हेर्न सकिन्छ । यसो हेर्दा टिभी रियालिटी शोको अडिसनजस्तो लाग्छ । आकांक्षीहरुलाई नेताहरुले नाम सोधेर सुरुवात गर्छन् ।
निर्णायकको कुर्सीमा छन् सहमहामन्त्री आचार्य, प्रवक्ता मनिष झा तथा केन्द्रीय सदस्यहरु शिशिर खनाल र प्रा.डा. चन्दा कार्की ।
उम्मेदवारीको दौडमा रहेकी केन्द्रीय सदस्य कुसुम महर्जनले भने अन्तरवार्तामा बस्नासाथ असन्तुष्टि व्यक्त गरेकी थिइन् ।
उनले कुर्सीमा बस्दै भनिन्, ‘यो त सजाय दिएजस्तो भयो ।’
महर्जनले के कुरालाई ‘सजाय दिएजस्तो’ भनेर टिप्पणी गरेकी हुन् खुलेको छैन । तर, आफूसँग एउटै कमिटी (केन्द्रीय समिति) मा रहेका नेताहरूलाई यसरी अन्तरवार्ता दिनुपर्दा पक्कै उनलाई मजा आइरहेको थिएन ।
उनीसहित केही आकांक्षीहरू यो सबै प्रक्रियाप्रति भित्रभित्रै असन्तुष्ट बनिरहेको पार्टी स्रोतको दाबी छ ।
स्रोतले भन्यो, ‘बाहिर भन्न नसक्नु एउटा कुरा हो, तर उम्मेदवारहरु यसमा खुशी छैनन् । अगाडि राखेर हुर्मत लिन खोजिएको जस्तो उनीहरुले महसुस गरेका छन् ।’
आवरणमा हेर्दा अहिलेको प्रक्रिया अत्यन्तै पारदर्शी र प्रजातान्त्रिक देखिन्छ । तर, यस्तो जटिल प्रक्रियालाई नै स्थापित गरेर लैजान सम्भव छ त भन्ने मुख्य प्रश्न हो । अहिले एउटा क्षेत्रको उपनिर्वाचनमा यो अभ्यास सम्भव होला । भोलि आमनिर्वाचनमा पनि सबैतिर यसैगरी उम्मेदवार छनोट गरिएला त ?
यो प्रक्रियाप्रति असन्तुष्ट एक केन्द्रीय सदस्य भन्छन्, ‘यस्तो प्रहसन आमनिर्वाचनमा दोहोर्याउन सम्भव नै छैन । मानौं रवि लामिछाने वा स्वर्णिम वाग्ले क्षेत्रमा अन्य आकांक्षीहरु पनि अगाडि आए । भने, लामिछाने वा वाग्लेलाई पनि यसैगरि, मझौला नेताहरुले अगाडि राखेर अन्तर्वार्ता लिन सक्लान् ? उनीहरुलाई ‘यो प्रश्नको अंग्रेजीमा जवाफ दिनुस’ भन्न सक्छन् ? यो नौटंकी सिवाय केही होइन ।’
ती केन्द्रीय सदस्यको चर्को असन्तुष्टि चाहिँ सबै दृष्यहरुको भिडिओ बनाएर युट्यूव-फेसबुकमा हालिएकोप्रति रहेछ । अत्यन्त आन्तरिकरूपमा हुनुपर्ने काम-कारबाहीलाई पारदर्शीताका नाममा किन यसरी छताछुल्ल बनाईंदैछ भन्ने बुझ्न नसकेको उनी बताउँछन् ।
उनले थपे, ‘खासमा एउटा उम्मेदवारसँग गरिएको संवाद अर्को उम्मेदवारलाई पनि थाहा हुनु हुँदैन । यहाँ त फेसबुकमै प्रचारप्रसार गरेर आकांक्षीहरुको गोपनियताको हकको उल्लंघन भइरहेको छ ।’
सहमहामन्त्री आचार्यले टिभी रियालिटी शोमा आफ्नो अनुभव अहिले उम्मेदवार छनोटमा प्रयोग गर्न खोजिरहेको ती केन्द्रीय सदस्यको आरोप छ । आचार्यको नोबडी प्रोडक्सनले ‘सारेगामप लिटिल च्याम्प्स’ र ‘को बन्छ करोडपति’ जस्ता रियालिटी शोको उत्पादन गरेको थियो । लिटिल च्याम्प्सको दोस्रो सिजन अहिले प्रशारण भइरहेको छ ।
सामाजिक सञ्जालमा आइरहेका प्रतिक्रियाहरू भने अधिकांश सकारात्मक देखिन्छन् । पुराना दलहरूभन्दा रास्वपाले अलग अभ्यास गरेको भन्दै धेरैले प्रशंसा गरिरहेको पाइन्छ । कतिपयले चाहिँ अनावश्यक नौटंकी गरेको भन्दै आलोचना गरेका छन् ।
यो प्रक्रियाका समर्थक एक केन्द्रीय सदस्यले रास्वपाले अन्य ठूला दलहरूलाई पनि प्रजातान्त्रिक अभ्यासको पाठ सिकाइरहेको टिप्पणी गरे ।
उनले भने, ‘हामीले जे सुरुवात गरेका छौं, त्यो ठूला दलहरुका लागि पनि अनुकरणीय छ । नेतृत्वले टीका लगाएर होइन, आकांक्षीहरूको क्षमता, योग्यता र लोकप्रियताको समुचित मूल्यांकन गरेर उम्मेदवार खडा गर्न खोजिएको हो । आलोचना गर्नुको कुनै तुक छैन ।’
डोटी । राष्ट्रिय स्वतन्त्र पार्टी (रास्वपा) का सह–प्रवक्ता रमेश प्रसाईले प्रधानमन्त्री केपी शर्मा ओलीले चुच्चे नक्सा ल्याएर राष्ट्रवादको नाटक गरेको आरोप लगाएका छन् ।
सहकारी ठगी र संगठित अपराधको अभियोगमा पुर्पक्षका लागि थुनामा रहेका पार्टी सभापति रवि लामिछानेमाथी राजनीतिक प्रतिसोध साँधिएको भन्दै त्यसका बिरुद्ध हस्ताक्षर संकलन गर्ने क्रममा डोटी पुगेका प्रसाईले उक्त आरोप लगाएका हुन् ।
‘कुनै बेला प्रधानमन्त्री केपी शर्मा ओलीले चुच्चे नक्सा ल्याएर नाटक गरे,’ प्रसाईले भने, ‘त्यो नाटक रहेछ भन्ने कुरा कतिखेर थाह पाईयो भने पोहर दशैंमा सरकारले नयाँ नोट छापेन ।’ नयाँ नोट छापेपछि कालापानी, लिपुलेक र लिम्पियाधुरा सहितको चुच्चे नक्सा राख्नुपर्छ भनेरनै नयाँ नोट नछापेको उनको आरोप थियो ।
यस पटकको भारत भ्रमणका बेला पनि प्रधानमन्त्री ओलीले यस बिषयमा गम्भिर कुरा गर्ने सम्भावना नभएको प्रसाईले वताए । बरु भारतले कुत्ता उपहार पठाएको हल्ला चलिरहेको छ हाम्रा प्रधानमन्त्रीलाई भन्दै उनले व्यङ्ग्य गरे ।
रवि लामिछाने साधारण पत्रकार हुँदा पनि लिपुलेक, लिम्पियाधुरा र कालापानीको बिषयमा तथ्य प्रमाण सहित टेलिभिजनबाट कुरा उठाएको उनको दावी छ । उनले परिवर्तनका लागि रास्वपामा आवद्ध हुन आव्हान गरे। एक बिवाहित जोडीको झगडाको कथा सुनाउँदै उनले भने ‘हामी पाँच बर्षसम्म पुराना दलहरुलाई गाली गर्छौं तर चुनावमा तिनैलाई भोट हाल्छौँ, अनि परिवर्तन कसरी हुन्छ ?’
रवि लामिछोनमाथी राजनीतिक प्रतिसोध साँधिएको भन्दै प्रसाईले यस अन्यायका बिरुद्ध एक हस्ताक्षर गर्न आग्रह गरे । एमालेले २०७९ सालको निर्वाचनमा समानुपातिकतर्फ २८ लाख मत ल्याएर पहिलो पार्टी भएको हो । आज हाम्रो अभियानमा ३४ लाखले हस्ताक्षर गरिसकेका छन् । यसले पनि रविमाथी राजनीतिक प्रतिसोध साँधिएको हो भन्ने पुष्टि गरेको उनको भनाई छ।
उनले रास्वपा नेता कार्यकर्ताहरुले मात्रै नभएर अन्य दलका नेता कार्यकर्ताहरुले समेत रविमाथी अन्याय भएको आरोप लगाईरहेका वताए ।
‘कांग्रेसका नेता डा। शेखर कोईराला र माओवादी अध्यक्ष प्रचण्डले रविमाथी राजनीतिक प्रतिसोध साँधिएको हो भन्दै हुनुहुन्छ’, उनले भने ‘उनीहरुका स्थानीय नेता कार्यकर्ताहरुले हस्ताक्षर अभियानमा सहयोग गरिरहेका छन् ।’
अहिलेसम्म कुनै प्रमाण नभेटिएपनि सरकारले रविलाई प्रतिसोधपूर्ण रुपमा थुनामा राखिरहेको आरोप उनको थियो । देशभरीका सहकारी संस्थाहरुमा ८८ अर्व वरावरको ठगी भएको र ठगीमा अन्य दलका नेताहरु समेत संलग्न रहेको दावी गर्दे उनले रविमाथी मात्रै किन थुनियो भन्दै उनले प्रश्न गरे ।
‘रविमाथी कानुनको दुरुपयोग गरेर झुट्टा मुद्धा लगार्ईएको छ, यो राजनीतिक प्रतिसोध हो’ उनले भने ‘यदि साँच्चै सहकारी पीडितहरुप्रति सरकारले चिन्ता गरेको भए जिवि राईको नाममा काठमाण्डौं र पोखरामा रहेको एक सय रोपनी जग्गा कव्जा गरेर उनीहरुको पैसा फिर्ता गर्न सकिन्थ्यो ।’
अदालतप्रति पनि व्यङ्ग्य
सम्वोदनका क्रममा सह–प्रवक्ता प्रसाईले अदालतको बिषयमा बोल्नै नमिल्ने भन्दै अदालतवारे छोटो व्यङ्ग्य गरेका थिए ।
‘म अदालतको बिषयमा केही बोल्दनँ, किनभने अदालतको बिषयमा बोल्नै मिल्दैन’, उनले भने ‘अदालतबाट मान्छेलाई ईटा भट्टामा पोलिदिने आफ्ताव आलम छुट्छ, तर अदालतको वारेमा बोल्न हुँदैन ।’ उनले थपे ‘अदालतमा न्यायाधिशहरु नियूक्त हुँदा कुन पार्टीको भागमा कुन न्यायाधिश नियुक्त भयो भन्ने छ्यापछ्याप्ती समाचार आउँछ तर पनि अदालतवारे बोल्नु केही हुँदैन है।’
काठमाडौं । नक्कली शैक्षिक प्रमाणपत्र बनाउन संलग्न भएको आरोपमा पक्राउ परेका रास्वपा बागमती प्रशिक्षण विभागका संयोजक हरिप्रसाद कँडेललाई पार्टीले निलम्बन गरेको छ ।
रास्वपाको केन्द्रीय अनुशासन आयोगले कँडेललाई कुनै पनि जिम्मेवारीमा नरहने गरी निलम्बन गरेको हो ।
आयोगका कार्यवाहक प्रमुख रमाकान्त रिमालले कँडेललाई पठाएको पत्रमा लेखिएको छ, ‘हाल आएका सूचनाहरूको आधारमा नेपाल सरकारको अद्यावधिक कानून विपरीतका कार्यहरु नक्कली शैक्षिक प्रमाण पत्र छपाईमा संलग्न भनी रूपन्देही जिल्ला प्रहरी कार्यलयबाट प्रकाउ गरिएको सूचना प्राप्त भएको हुँदा सो विषयमा प्रहरीको आवश्यक छानबिन र अनुसन्धानका क्रममा सहजता पुर्याउने उद्देश्यका साथै प्रमाणित भएमा अन्य थप कारबाही समेत हुन सक्ने गरी हाल तपाईँलाई पार्टीको कुनै पनि जिम्मेवारीमा नरहने गरी निलम्बन गरिएको जानकारी गराउँदछौं ।’
रुपन्देही प्रहरीले गत साउन ३० गते बेलहिया बसपार्कस्थित होटल मुक्तिनाथ परिसरबाट ठूलो मात्रामा विभिन्न विश्वविद्यालयका नक्कली शैक्षिक प्रमाणपत्रसहित भारतको कानपुर नौबस्तीका २५ वर्षीय अभिषेक यादवलाई पक्राउ गरेको थियो ।
उनको साथमा नेपाली तथा भारतीय विश्वविद्यालयका नक्कली कागजात र ती बनाउन प्रयोग हुने सामग्री समेत फेला परेको थियो । तीनै यादवको बयानका आधारमा कँडेललाई पक्राउ गरिएको हो ।
दाङ । राष्ट्रिय स्वतन्त्र पार्टी (रास्वपा)का नेता हरिप्रसाद कँडेल नक्कली शैक्षिक प्रमाणपत्र बनाउन संलग्न भएको आरोपमा पक्राउ परेका छन् । चितवनको कालिका नगरपालिका ५ पदमपुरका हरिप्रसाद कँडेललाई भदौ ४ गते रुपन्देही प्रहरीले पक्राउ गरेको हो ।
कँडेल रास्वपाको बागमती प्रदेश प्रशिक्षण विभाग संयोजक हुन् । रुपन्देही प्रहरी प्रमुख एसपी प्रदीप क्षेत्रीका अनुसार कँडेललाई चितवनबाट पक्राउ गरी रुपन्देही ल्याइएको छ । कँडेलमाथि नक्कली शैक्षिक प्रमाणपत्र बनाएको कसुरमा अनुसन्धान सुरु भएको एसपी क्षेत्रीले जानकारी दिए ।
रुपन्देही प्रहरीले गत साउन ३० गते बेलहिया बसपार्कस्थित होटल मुक्तिनाथ परिसरबाट ठूलो मात्रामा विभिन्न विश्वविद्यालयका नक्कली शैक्षिक प्रमाणपत्रसहित भारतको कानपुर नौबस्तीका २५ वर्षीय अभिषेक यादवलाई पक्राउ गरेको थियो । उनकाे साथमा नेपाली तथा भारतीय विश्वविद्यालयका नक्कली कागजात र ती बनाउन प्रयोग हुने सामग्री समेत फेला परेकाे थियो । यादवको बयानका आधारमा कँडेललाई पक्राउ गरिएको हो ।
काठमाडौं । नेकपा एमालेका सचिव योगेश भट्टराईले उपसभामुख इन्दिरा रानामगरको विषयलाई संवैधानिक परिषद्को अङ्कगणितसँग जोड्न आवश्यक नभएको बताएका छन्।
प्रतिनिधि सभाको बैठकमा बोल्दै उपसभामुखमाथि गत वर्षदेखि नै प्रश्न उठिरहेको बताए।
उनले भने, ‘उहाँले पत्र लेखेको विषय सदनलाई जानकारी नै छ। जिम्मेवार पदमा बसेको मान्छेले दूतावासमा पत्र लेख्न हुन्छ कि हुँदैन भन्ने कुरा सामान्य जानकारी राख्नुपर्ने हो। उहाँ संसद्को गरिमासँग जोडिएको व्यक्ति हो।’
उनले उपसभामुखको विषयमा शिफल बाल सङ्गठनको सुधार गृहबाट ५ जना बच्चा हराएको विषयलाई पनि जोडे।
उनले थपे, हराएका बच्चाहरूको खोजी हुँदा २०७२ साल माघ १८ गते सो कार्यालयका एक कर्मचारीले केन्द्रीय बाल कल्याण परिषद्मा गएर एउटा बयान दिन्छन्। ती बच्चाहरू पिए नेपालका मानिसहरूले जबरजस्ती लिएर गएका छन्। त्यसको कार्यकारी प्रमुख हुनुहुन्थ्यो अहिलेको हाम्रो उपसभामुखज्यू।
उनले अवैध रूपमा बालबालिका ओसारपसारमा संलग्नहरूको अध्ययन गर्नको लागि तत्कालीन सरकारले पाटन उच्च अदालतका न्यायाधीशको नेतृत्वमा जाँचबुझ आयोग बनाएको स्मरण गरे। आयोगले बुझाएको प्रतिवेदन अझै सार्वजनिक नभएको भन्दै त्यसमा पिए नेपाल पनि संलग्न रहेको चर्चा रहेको बताए।
उनले भने, ‘२०७२ कात्तिक १७ गते बाल संगठनको बालगृहबाट ५ बच्चाहरु हराए । २०७२ माघ १८ गते बाल कल्याण समितिमा एकजना कर्मचारीले दिएको बयानमा पिए नेपालले लगेको भनिएको छ । प्रिजनर्स असिस्टेन्ट नेपालको कार्यकारी अध्यक्ष त्यो बेला हालको उपसभामुख इन्दिरा राना हुनुहुन्थ्यो । उच्च अदालतका न्यायाधीशको अध्यक्षतामा गठित समितिले उक्त संस्थाको नाम किटान गरेको भनिएको छ । प्रतिवेदन सार्वजनिक होस् ।’
उनले प्रतिवेदनमा पिए नेपालमाथि पनि सङ्गठित अपराधमा अनुसन्धान गरी कारबाही गर्न सिफारिस भएको उल्लेख रहेको भन्दै तत्काल प्रतिवेदन सार्वजनिक गर्न सरकारसँग माग गरे। उनले राना उपसभामुख भएपछि मात्रै त्यो संस्थाबाट अलग भएको बताए।
काठमाडौं । नेपाली कांग्रेसमा महामन्त्री गगन थापाले रास्वपा सभापति रवि लामिछानेलाई लक्षित गर्दै सिंगो देश एउटा ठगी अभियुक्तको अघिपछि घुमेको टिप्पणी गरेका छन्।
प्रतिनिधि सभाको बैठकमा बोल्दै कांग्रेस, एमाले, माओवादीमा आबद्ध भएका दर्जनौँ मान्छेहरू पनि सहकारी ठगी आरोपमा थुनामा गएको बताए।
उनले भने, ‘कांग्रेस, एमाले, माओवादीमा आबद्ध भएका दर्जनौँ मान्छेहरू कोही धरौटीमा छुटे, कोही थुनामा छन्, कोही फरार छन्। गोर्खा मिडियामा आबद्ध भएका मान्छेहरू पनि भित्र छन्। तर एउटा ठगीको अभियुक्तको वरिपरि बहस घुमेको छ। नयाँ पार्टी आयो, नयाँ पार्टीसँग अपेक्षाहरू भए। आफ्नो पार्टीका नेतालाई सरकारले पूर्वाग्रह राख्यो कि भन्ने कुरा पनि अस्वभाविक होइन।’
उनले सातवटा अदालतले छाड्न अस्वीकार गरेको अभियुक्तलाई भेट्न पूर्वप्रधानमन्त्रीहरुको दौड चलिरहेको टिप्पणी गरे।
काठमाडौं । राष्ट्रिय स्वतन्त्र पार्टीका सभापति रवि लामिछानेको पक्षमा ३४ लाखले हस्ताक्षर गरेका छन्।
पार्टी सभापति लामिछानेमाथि गरिएको राजनीतिक प्रतिशोध विरुद्ध हस्ताक्षर संकलन अभियान जारी रहेको प्रवक्ता मनिष झाले बताए।
उनका अनुसार आजसम्म ३४ लाखले हस्ताक्षर गर्दा ६५ लाख सहयोग संकलन भएको छ।
हस्ताक्षर संकलन अभियान पश्चिमदेखि पूर्वी नेपालको देश यात्रामा निस्किएको उनले बताए।
उनले भने, ‘हिजोदेखि सुदूरपश्चिमको कञ्चनपुरबाट पनि अभियानको सुरु भएको छ। यसको नेतृत्व सचिवालय सदस्य दीपक बोहरा गर्नुभएको छ।’
रास्वपाले सभापति लामिछानेविरुद्ध राजनीतिक प्रतिशोध राखेको भन्दै असार ७ गतेदेखि अभियानको सुरु गरेको थियो।
काठमाडौं । राष्ट्रिय स्वतन्त्र पार्टीले उपसभामुख इन्दिरा राना मगरलाई हटाउन कांग्रेस र एमालेले अघि बढाएको प्रयासप्रति आपत्ति जनाएको छ।
प्रतिनिधिसभाको बैठकमा बोल्दै प्रमुख सचेतक सन्तोष परियारले नयाँहरूलाई निषेध गर्न खोजेको आरोप लगाए।
उनले भने, ‘उहाँले जति सम्मान पाउनुभएको छ तपाईँहरू जति उफ्रे पनि त्यति माथि पुग्न सक्नुहुन्न। विवेकलाई बन्दी नबनाऔँ सांसद आफैँमा सार्वभौम हो। सांसदको विवेकलाई हस्ताक्षरमा परिणत गरेर राजनीतिक स्वार्थ पूर्ति गर्ने मुद्दा नबनाऔँ।’
उनले आफूहरूलाई कमजोर बनाउने खोजिए पनि निषेध गर्न कुनै हालतमा सक्ने बताए। उनले सदनमाथि बारम्बार भइरहेको आक्रमण टुलुटुलु हेरेर बस्न नसक्ने चेतावनी दिए।
काठमाडौं । सभामुख देवराज घिमिरेले राखेको कार्यव्यवस्था समितिको बैठकमा कांग्रेस र माओवादीले उपसभामुख इन्दिरा राना मगरको अमेरिका भ्रमणबारे प्रश्न उठाएको छ ।
बैठकमा माओवादीका प्रमुख सचेतक हितराज पाण्डेले उपसभामुखको विषय चर्चामा आइरहेको भन्दै विषय उठाएपछि कांग्रेस सांसद रामहरि खतिवडाले उपसभामुखको भ्रमणबारे प्रश्न उठाए ।
पाण्डेले बैठकमा भने, ‘उपसभामुखलाई हटाउने भन्ने विषय हिजोदेखि आइरहेको छ । यो के हो ? जानकारी होस् ।’
त्यसपछि सभामुखले व्यक्तिगत कार्यक्रममा लागि उपसभामुख अहिले अमेरिका भ्रमण गएको जानकारी गराए । सभामुखले उपसभामुखबारे जवाफ दिएपछि कांग्रेस सांसद खतिवडाले उपसभामुख कस्तो कार्यक्रममा सहभागी हुन गएको भन्दै प्रश्न उठाए ।
खतिवडाले सभामुखलाई भने, ‘उपसभामुख सांसदसँग सम्बन्धित कार्यक्रममा जानुभएको हो कि अरू कुनै एनजिओ, आइएनजीओको? सभामुखलाई जानकारी गराउनुभएको होला । रातो पासपोर्ट बोकेर उपसभामुख पटक पटक विदेश जान मिल्छ कि मिल्दैन ?’
खतिवडाले पटक-पटक संसदीय समितिमा एनजीओ आईएनजीओ कार्यक्रम रोक्न कुरा उठाउने तर आफू घुम्न जाने यसमा महासचिवले पनि कडाइ गर्नुपर्यो भन्दै सभामुखसँग सवाल जवाफ गरेका थिए ।
खतिवडाले भने, ‘संसदमा एनजीओ आइएनजीओ कार्यक्रम रोक्ने । आफू चाहिँ यस्ता कार्यक्रममा जाने, यस्ता कार्यक्रममा जान रोक्नुपर्यो । उहाँ कसको खर्चमा जानुभएको हो ?’
सभामुख घिमिरेले उपसभामुख सहभागी हुने कार्यक्रम संसदीय कार्यक्रम नभएको जानकारी दिएका थिए । सभामुखले भने, ‘एउटा कार्यक्रममा बिदा मागेर जानुभएको छ । संसद्को त होइन ।’
कांग्रेसले प्रश्न उठाएपछि उपसभामुख सहभागी भएको कार्यक्रम संसदीय नभएको र आफूलाई जाने आउने समय मात्रै बनाएको जवाफ फर्काएका थिए ।
कांग्रेस एमालेले उपसभामुख मगरको आचरणमाथि प्रश्न उठाउँदै हटाउनको लागि हस्ताक्षर सांसदहरूको हस्ताक्षर जुटाइरहेको छ । देशबाहिर हुँदा राम्रो सन्देश नजाने भन्दै फर्केपछि हटाउने प्रस्ताव अघि बढाउने तयारी छ ।
उनी भदौ १३ गते स्वदेश फर्किने कार्यक्रममा छ ।
काठमाडौं । सत्तारुढ दल नेकपा एमालेका मुख्य सचेतक महेश बर्तौँलाले आज भोलि नै उपसभामुख इन्दिरा राना मगरलाई हटाउन मनसायले सांसदहरूको हस्ताक्षर सङ्कलन नगरिएको दाबी गरेका छन्।
संसदीय दलको कार्यालय परिसरमा सञ्चारकर्मीहरूसँग कुरा गर्दै उपसभामुखको बारेमा केही प्रशंग संसद्मा उठेको यथार्थ भएको बताए।
उनले भने, ‘अहिले रास्वपासहित केही दलहरूले भिजिट भिसा प्रकरणको विषयलाई लिएर सदन बहिस्कार गरिरहेका छन्। हिजो उपसभामुखले पनि असम्बन्धित मान्छेलाई अमेरिका लैजानको लागि अमेरिकी दूतावासमा पत्र लेख्नुभएकै हो। त्यो विषय अहिलेसम्म राफसाफ भएको छैन। उहाँलाई आज भोलि नै सत्तारुढ दलहरूले पद अनुसारको आचरण नगरेको भनेर हटाउने प्रस्ताव ल्याउन लागिएको होइन। अहिले भर्खर कुनै प्रस्ताव दर्ता गर्न खोजिएको छैन। तर उहाँमाथि प्रश्न उठेको छ।’
भिजिट भिसा प्रकरणले सदनमा विरोध र बहिस्कार चलिरहेको बेलामा सभामुखको विषयमा छलफल सतहमा आउनुलाई अन्यथा लिन नहुने बताए।
उनले थपे, ‘तर उठेका बहस र छलफललाई समयक्रममा निरूपण गर्नुपर्छ। उहाँमाथि उठेको विषयमा संसद्ले राफसाफ पार्नुपर्छ। यो सरकारको विषय होइन। संसद्को विषय हो। तर आजभोलि नै उहाँलार्ई हटाउने प्रस्ताव राख्ने मनसाय छैन।’
काठमाडौं । रास्वपा सभापति एवं पूर्वगृहमन्त्री रवि लामिछानेको भिटामिन ‘डी’ को कमी देखिएको छ ।
हिजो अस्वस्थपछि गरिएको रगत परीक्षणको रिपोर्टमा उनलाई भिटामिन डी को कमी देखिएको डा. जितेन्द्रप्रसाद यादवलाई उद्धृत गर्दै प्रवक्ता मनिष झाले जानकारी दिए ।
उनले भने, ‘रूपन्देही कारागारमा १२६ दिनसम्म भित्र नै थुनेर राखेको, बाहिरी हावा नपाएको । धेरै दिनसम्म शरीरले घाम नपाएको कारण यस्तो भएको भन्ने राय डाक्टर सा’वको ।
डाक्टर यादव जितेन्द्रप्रसाद यादव आवश्यक स्वास्थ परामर्शका लागि लामिछानेलाई भेट्न नख्खु कारागार पुगेका छन् ।
काठमाडौं । सत्तारुढ गठबन्धनले उपसभामुख इन्दिरा रानालाई हटाउने तयारी गरिरहेका बेला उनी भने अमेरिकामा रहेको बुझिएको छ ।
संसद सचिवालय स्रोतका अनुसार साउन ३० गते उनी अमेरिकातर्फ गएकी हुन् । उनको १० दिने व्यक्तिगत भ्रमण रहेको बताइएको छ ।
उपसभामुखलाई हटाइने चर्चाले उनको मातृ पार्टी रास्वपा तरंगित भएको छ । पार्टीका शीर्ष नेताहरू अनौपचारिक छलफलमा जुटेका छन् । औपचारिक बैठक भने अहिलेसम्म डाकिएको छैन । एक शीर्ष नेताले मिडियाबाट खबर थाहा पाएपछि आफूहरू पार्टी कार्यालयमा अनौपचारिक कुराकानी गरिरहेको बताए ।
उपसभामुख इन्दिरा रानाले आफूसहित पाँचजनालाई भिसाको अन्तर्वार्ताका लागि समय उपलब्ध गराउन लेखेको पत्रको विषयमा आफ्नो पदीय मर्यादा बिर्सेको भन्दै नैतिकतामाथि प्रश्न उठाउँदै हटाउने प्रस्ताव लैजाने सत्ता गठबन्धनले तयारी गरेका हुन् ।
काठमाडौं । भैरहवा कारागारबाट काठमाडौंको नख्खु जेलमा सरुवा भएका रास्वपा सभापति रवि लामिछानेलाई कतै ‘तावाबाट उम्केर भुंग्रोमा’ परेजस्तो त हुने होइन ? उनका समर्थकहरू यही चिन्तामा छन् ।
रवि आफैँले भैरहवाबाट नख्खु जेलमा सरुवा मागेका थिए । अदालतले आदेश गरेर पनि सरकारले लामो समय आलटाल गरे । चौतर्फी दबाबपछि हिजो मात्रै उनलाई भैरहवाबाट काठमाडौं ल्याइएको हो ।
पहिलो रात रविका लागि सुखद रहेन । शनिबार ढिलो कारागार पुर्याइएका कारण रविलाई अन्य ४१४ जना कैदी, बन्दी राखिएकै ब्लकमा कोचियो । नख्खु कारागारका जेलर भीम कोइरालाका अनुसार लामिछानेको सुरक्षा र स्वास्थ्यलाई ख्याल गरेर आजदेखि उपयुक्त स्थानमा राखिँदैछ ।
‘कारागारभित्र उपलब्ध सेवा र सुविधाभित्रै उहाँको सहजताको खोजी गर्छौं’, उनले भने, ‘हिजो अलिक व्यवस्थापन गर्न सकेनौँ, आजदेखि सहज हुन्छ ।’
कारागार व्यवस्था विभाग स्रोतका अनुसार लामिछानेले ‘सिंगल रुम’ पाउनेछन् । रुमभित्र एउटा सुत्ने खाट मात्रै हुनेछ । एसी, पंखा, कुलरजस्ता सुविधा कारागारले दिनेछैन ।
स्रोतले भन्यो, ‘यस्तो सुविधाका लागि कि मन्त्रालयले अलग्गै बजेट निकासा गरेर पठाउनुपर्छ, कि स्वयं थुनुवाले व्यवस्था गर्नुपर्छ, कारागारले कसैलाई पनि दिन सक्दैन ।’
अत्यधिक गर्मी रहेको भैरहवा कारागारमा रविलाई दुईवटा पंखा दिइएको थियो । यस्तै, उनलाई सुरुबाटै फोन र छुट्टै शौचालयको सुविधासमेत दिइएको तथा भेटघाट सहज बनाइएको कारागारले दाबी गरेको छ । नख्खु कारागारमा ती सुविधाहरू प्राप्त हुने सम्भावना छ कि छैन भनेर हामीले जेलर कोइरालासँग जिज्ञासा राख्यौँ ।
उनले जवाफ दिए, ‘कारागार ऐन, नियमावलीअनुसार सुरक्षा र स्वास्थ्यको ख्याल गरेर हामी राख्छौँ । कानून र नियमावलीले दिन मिल्ने कुरा दिन्छौँ, नमिल्ने कुरामा हामीले गरेर केही हुँदैन ।’
कारागार ऐनअनुसार कुनै पनि कैदी, बन्दीले कारागार प्रशासनको अनुमतिबिना बाहिरका कुनै पनि चिज लैजाने पाइने सुविधा हुँदैन । स्वास्थ्यमा समस्या भएमा सरकारी अस्पतालमा भर्ना हुन पाइने, फोन चलाउनु परेमा कारागारभित्रै निश्चित समय सुविधा पाइन्छ । लामिछानेका हकमा पनि यीबाहेकका सुविधा नदिइएको कारागार व्यवस्था विभागस्रोतले जनाएको छ ।