Category: माओवादी केन्द्र

काठमाडौं । पदाधिकारी चयनको निकै रस्साकस्सीपछि अन्ततः देव गुरुङ नेकपा माओवादी केन्द्रको महासचिव बनेका छन् ।

राष्ट्रिय महाधिवेशन सकिएको ८ महिनासम्म माओवादीले पदाधिकारी टुंगो लगाउन सकेको थिएन । वर्षमान पुन र जनार्दन शर्माको सशक्त दाबेदारीका कारण महासचिव चयनमा अध्यक्ष पुष्पकमल दाहाल ‘प्रचण्ड’लाई सकस परिरहेको थियो । त्यही भएर शर्मा र पुन दुवैलाई उपमहासचिवमा राखेर प्रचण्डले तेस्रो विकल्पको रूपमा गुरुङलाई अघि सारेका छन् ।

गुरुङको जन्म मनाङ नासोङ गाउँपालिका ४ मा भएको हो । २०३८ सालमा नेकपा मसालको केन्द्रीय सदस्य हुँदै उनी २०४० मा अखिल आठौंको केन्द्रीय अध्यक्ष बनेका थिए ।

२०४७ सालको पार्टी एकतापछि गुरुङ नेकपा एकता केन्द्रको केन्द्रीय सदस्य बने त्यसपछि २०४८ मा उनी ‘एक वाम एक ठाम’ को नारा लिएर लमजुङ १ मा संयुक्त जनमोर्चाबाट चुनाव लडेका थिए ।

गुरुङले २०५३ देखि ४ वर्ष जेलजीवन बिताए । भूमिगत कालमा उनी २०६१ सालमा स्थायी समिति सदस्य, २०६२ मा नेकपा माओवादीको तर्फबाट सरकारसँग दोस्रो वार्ताटोलीको सदस्यको जिम्मेवारीमा रहे । जनयुद्धकालमा उनको नाम कान्छाबहादुर थियो । उनी पहिलो वार्ताकालमा माओवादीबाट वार्ता टोली सदस्य पनि थिए ।

माओवादी शान्ति प्रक्रियामा आएसँगै २०६४ मा उनी अन्तरिम संसदको सदस्य तथा संसदीय दलको उपनेता बने भने २०६४ मै स्थानीय विकास मन्त्री भएर एक वर्ष काम गरे । पहिलो संविधानसभा चुनावमा गुरुङ कास्की १ बाट निर्वाचित भए । उनी २०६५ मा कानुन तथा न्यायमन्त्री भएका थिए ।

२०६६ देखि दुई वर्ष संसदीय दल प्रमुख सचेतक रहेका गुरुङ पार्टी विभाजनमा मोहन वैद्यलाई साथ दिएर हिँडे ।

वैद्य नेतृत्वको माओवादीमा रहँदा उनीहरूले २०७० को संविधानसभा निर्वाचन बहिष्कार गरे । पछि पुनः एकीकृत माओवादीमा फर्किएर २०७४ को संसदीय चुनावमा वामगठबन्धनबाट उम्मेदवार बनेका गुरुङ नेपाली कांग्रेसका नेता दीलबहादुर घर्तीलाई हराउँदै लमजुङबाट विजयी बने ।

एमाले-माओवादी एकतापश्चात नेकपाकालमा उनी संसदीय दलको प्रमुख सचेतक बने । हाल माओवादीबाट गुरुङ प्रमुख सचेतक छन् ।

माओवादीभित्र वैचारिक नेताकारुपमा लिइने गुरुङले स्नातकोत्तरसम्म अध्ययन गरेका छन् । माओवादीभित्रको अन्तरसंघर्षमा भने देव गुरुङ अधिकांश बेला प्रचण्डको विपक्षमा उभिए । उनले मोहन वैद्य किरणलाई साथ दिने गरेका थिए ।

कृष्णबहादुर महरा र देव गुरुङ दुवैजना वैद्यका भरोसायोग्य पात्र थिए । तर २०६९ मा पार्टी विभाजन हुँदा महराले वैद्यलाई साथ दिएनन् । माओवादीमा फर्किएपछि पनि बादल समूहका रुपमा देव गुरुङहरु थिए । तर, पछिल्लो नेकपाकालमा भने उनी प्रचण्डको पक्षमा दह्रिलोसाथ उभिए ।

संसदीय दलका नेता केपी शर्मा ओलीले उनलाई प्रमुख सचेतक समेत बनाउन मानेका थिएनन् । तर, प्रचण्डको कोटाबाट परेका थिए । यसपटक पनि प्रचण्डले पार्टीभित्र सन्तुलन मिलाउन अनपेक्षित रुपमा उनको नाम महासचिवमा प्रस्ताव गरे ।

काठमाडौं । नेकपा माओवादी केन्द्रको स्थायी कमिटी बैठकमा अध्यक्ष प्रचण्डले २१ जना पदाधिकारीको नाम प्रस्ताव गरेका छन् । एक नेताका अनुसार महासचिवमा देव गुरुङको नाम प्रस्ताव भएको छ ।

वरिष्ठ उपाध्यक्षमा नारायणकाजी श्रेष्ठ र उपाध्यक्षमा कृष्णबहादुर प्रस्ताव भएका छन् । त्यस्तै, उपमहासचिवमा गिरीराजमणी पोखरेल, वर्षमान पुन, हरिबोल गजुरेल, पम्फा भुसाल, जनार्दन शर्मा, मात्रिका यादव र शक्ति बस्नेत प्रस्ताव भएका छन् ।

त्यस्तै, सचिवहरुमा दिनानाथ शर्मा, चक्रपाणी खनाल, देवेन्द्र पौडेल, लिलामणी पोखेरेल, गणेश साह, हितमान शाक्य, हितराज पाण्डे, डिलाराम

आचार्य र राम कार्की छन् भने कोषाध्यक्षमा श्रीराम ढकाल प्रस्ताव भएका छन् ।

यस्तो बन्यो माओवादी केन्द्रको पदाधिकारी टिम

अध्यक्ष

पुष्पकमल दाहाल ‘प्रचण्ड’

वरिष्ठ उपाध्यक्ष

नारायणकाजी श्रेष्ठ

उपाध्यक्ष

कृष्णबहादुर महरा

महासचिव

देव गुरुङ

उपमहासचिव

हरिबोल गजुरेल

वर्षमान पुन

पम्फा भुसाल

जनार्दन शर्मा

गिरिराजमणि पोखरेल

शक्ति बस्नेत

मात्रिका यादव

सचिव

दिनानाथ शर्मा

चक्रपाणी खनाल,

देवेन्द्र पौडेल

लिलामणि पोखरेल

गणेश शाह

हितमान शाक्य

हितराज पाण्डे

डिलाराम आचार्य

राम कार्की

कोषाध्यक्ष

श्रीराम ढकाल प्रशान्त

काठमाडौं । नेपालका लागि संयुक्त राष्ट्रसंघका आवासीय प्रतिनिधिसहित यहाँस्थित अन्तर्राष्ट्रिय समुदायले नेपालको शान्ति प्रक्रियाको मौलिक नेपाली मोडल सफल होस् भन्दै सुभेच्छा प्रकट गरेको छ ।

सत्तारुढ नेपाल कम्युनिष्ट पार्टी (माओवादी केन्द्र)का अध्यक्ष पुष्पकमल दाहाल ‘प्रचण्ड’सँग आज उनकै निवास खुमलटारमा शिष्टाचार भेटवार्ता गर्दै अन्तर्राष्ट्रिय समुदायले शान्ति प्रक्रियाको सफलताको कामना गरेको हो ।

नेपालका लागि संयुक्त राष्ट्र सङ्घका आवासीय प्रतिनिधि रिचर्ड होवर्ड, संयुक्त राज्य अमेरिका, संयुक्त अधिराज्य (बेलायत), अस्ट्रेलिया, जर्मनी, स्वीजरल्याण्ड तथा युरोपेली युनियनका राजदूतको संयुक्त प्रतिनिधिमण्डलले अध्यक्ष दाहाललाई भेटी नेपालको शान्ति प्रक्रिया टुङ्गोमा पुग्दै गरेकामा आफूहरुको सकारात्मक सहयोग र सद्भाव रहने बताएका हुन् ।

नेपालको शान्ति प्रक्रिया नेपालीले नै नेतृत्व गरेको र यो मौलिक प्रकृतिको रहेको पनि उनीहरुले बताएको अध्यक्ष दाहालको सचिवालयद्वारा जारी प्रेस नोटमा उल्लेख छ । सो अवसरमा उनीहरुले गम्भीर मानव अधिकार उल्लङ्घनका घटना र पीडितको पुनरावेदनको अधिकारकाबारे चासो राखेको थिए ।

अध्यक्ष दाहालले नेपालको शान्ति प्रक्रियामा संयुक्त राष्ट्रसङ्घ र अन्तर्राष्ट्रिय समुदायको सकारात्मक योगदानको चर्चा गर्दै शान्ति प्रक्रिया टुङ्गोमा पुग्दै गर्दा उनहरुले देखाएको सामुहिक सुभेच्छा र चासोका लागि धन्यवाद व्यक्त गरेका थिए । विस्तृत शान्ति सम्झौता र सङ्क्रमणकालीन न्यायको संवेदनशिलताप्रति राजनीतिक तहमा गम्भीर छलफल भएको, सर्वोच्च अदालतको आदेश, पीडितको आवाज र अन्तर्राष्ट्रिय चासोलाई ध्यान दिएर यो प्रक्रियालाई टुङ्गोमा पु¥याउन सफल हुने उनले विश्वास व्यक्त गरे ।

‘वर्तमान गठबन्धन सरकार शान्ति प्रक्रियाका बाँकी कामलाई निष्कर्षमा पु¥याउन लागिपरेको छ”। प्रेस नोटमा उल्लेख छ ।

काठमाडौं । नेकपा माओवादी केन्द्रको स्थायी कमिटीको बैठक शुरु भएको छ । बैठक पार्टी मुख्यालय पेरिसडाँडामा दिउँसोको १ बजे भनिएको बैठक केहीढिला गरी शुरु भएको हो ।

बैठकमा पदाधिकारी टुंगो लगाउने, चुनावी कार्यक्रम बनाउने र नेताहरुको कार्य बिभाजनको बारेमा छलफल शुरु भएको प्रवक्ता कृष्णबहादुर महराले बताए । हिजोको बैठकमा अध्यक्ष पुष्पकमल दाहाल प्रचण्डले २१ सदस्य पदाधिकारी प्रस्ताव गरेका थिए ।

आजको बैठकमा अध्यक्ष प्रचण्डले पार्टीको पदाधिकारी चयन गर्नेछन् । हिजो बसेको बैठकले ‘पदाधिकारीको विषयमा छलफल भएपनि पदाधिकारीको विषय अहिलेसम्म मूर्तरूपले टुंगिएको थिएन ।

अध्यक्ष पुष्पकमल दाहाल ‘प्रचण्ड’को कार्यव्यस्तताले हिजो टुंग्याउन नसकिएको प्रवक्ता कृष्णबहादुर महरा भनाइ थियो । यसअघि बुधबार बसेको पार्टी बैठकले पदाधिकारीबाहेकका सबै समिति टुङ्गो लगाइसकेको छ । खासगरी महासचिवको विषयले कारण माओवादीमा पदाधिकारी चयन पेचिलो बनेको छ ।

काठमाडौं । नेकपा माओवादी केन्द्रका अध्यक्ष पुष्पकमल दाहालले नेपाली कांग्रेसका नेता एवं प्रतिनिधिसभा सदस्य प्रदीप गिरिको स्वास्थ्य लाभको कामना गरेका छन् ।

अध्यक्ष प्रचण्डले आज बिहान ललितपुर स्थित मेडिसिटी अस्पताल पुगेर लामो समयदेखि उपचार गराईरहेका गिरीको स्वास्थ्य अवस्थाबारे जानकारी लिएका हुन् ।

उनले गिरीको स्वास्थ्य लाभको कामना गरेको प्रचण्डको निजी सचिव गंगा दाहालले जानकारी दिइन् ।

गिरिको मेडिसिटी अस्पतालमा चलिरहेको छ । उनलाई निमोनिया देखिएपछि अस्पताल भर्ना गरिएको थियो । गतवर्ष उनलाई घाँटीमा क्यान्सर भएपछि भारतको मुम्बईमा उपचार गरिएको थियो ।

नेता गिरीको स्वास्थ्य अवस्था गम्भीर भएपछि शुक्रबार  कांग्रेस नेताहरु उनलाई भेट्न अस्पताल पुगेका थिए ।

काठमाडौं । नेकपा माओवादी केन्द्रको स्थायी कमिटीको बैठक आज पनि बस्दैछ ।

बैठक पार्टी मुख्यालय पेरिसडाँडामा दिउँसोको १ बजे बस्नेछ । आज बस्ने बैठकले अध्यक्ष पुष्पकमल दाहाल प्रचण्डले पार्टीको पदाधिकारी चयन गर्ने भएका छन् ।

हिजो बसेको बैठकले ‘पदाधिकारीको विषयमा छलफल भएपनि पदाधिकारीको विषय अहिलेसम्म मूर्तरूपले टुंगिएको थिएन ।
अध्यक्ष पुष्पकमल दाहाल ‘प्रचण्ड’को कार्यव्यस्तताले हिजो टुंग्याउन नसकिएको प्रवक्ता कृष्णबहादुर महरा भनाइ थियो ।

पटकपटक पदाधिकारी टुंग्याउने भनिएपनि अहिलेसम्मका बैठकले ठोस निर्णय गर्न सकेको छैन । यसअघि बुधबार बसेको पार्टी बैठकले पदाधिकारीबाहेकका सबै समिति टुङ्गो लगाइसकेको छ । खासगरी महासचिवको विषयले कारण माओवादीमा पदाधिकारी चयन पेचिलो बनेको छ ।

काठमाडौं । नेकपा (माओवादी केन्द्र) को युवा संगठन योङ कम्युनिस्ट लिग (वाईसीएल) को राष्ट्रिय भेला सुरू भएको छ । काठमाडौंको राष्ट्रियसभागृहमा सुरू दुई दिने भेलाको माओवादी अध्यक्ष पुष्पकमल दाहाल ‘प्रचण्ड’ ले उद्घाटन गरे ।

भेलामा भूगोल तथा गैरभूगोल जिल्ला, प्रदेशबाट गरेर ६०० प्रतिनिधि सहभागी रहेको संयोजक सुमन देवकोटाले जानकारी दिए । उनका अनुसार भेलामा केन्द्रीय समितिबाट १९६ जना, प्रत्येक जिल्लाबाट ३/३ जना गरी २५२ जना, प्रदेश कमिटीबाट ३५ जना, तीन वटा आयोगबाट ५२ जना, केन्द्रीय प्रतिनिधि १६ जना, ५ प्रतिशत केन्द्रीय कार्यालयबाट मनोनित गर्ने र विभिन्न एकता प्रक्रियाबाट २१ जना प्रतिनिधि सहभागी रहनेछन् ।

गत भदौ १२ र १३ गते भएको पहिलो राष्ट्रिय भेलाबाट सर्वसम्मत रूपमा पदाधिकारी चयन हुन नसकेकाले भेलाले वाईसीएलको नयाँ नेतृत्व छनोट गर्नेछ ।

भदौको भेलाले छिट्टै अर्को भेला गर्ने गरी सुमन देवकोटा संयोजक र सुवोद सिर्पाइली सहसंयोजक भएको राष्ट्रिय भेला आयोजक समिति बनाएको थियो ।

काठमाडौं । नेकपा माओवादी केन्द्र अध्यक्ष पुष्पकमल दाहाल प्रचण्डले पार्टीको भ्रातृ संगठन वाईसीएललाई फौजको रूपमा प्रस्तुत हुन निर्देशन दिएका छन् ।

काठमाडौंमा शुक्रवार योङ कम्युनिष्ट लीग (वाईसीएल) को दोस्रो भेलालाई सम्बोधन गर्दै प्रचण्डले वाईसीएल शान्ति पूर्ण आन्दोलनमा फौजको रूपमा प्रस्तुत हुन निर्देशन दिएका हुन् ।

देशको राजनीतिलाई सही दिशामा अगाडि बढाउन युवाको भूमिका अग्रणी हुने भन्दै उनले यसमा लाग्न पनि निर्देशन दिए ।

क्रान्ति नदोहोरिन भएकाले परिमार्जित र विकसित रूपमा संघर्ष गर्नुपर्ने भन्दै उनले अझै पनि शोषण र उत्पीडन अन्त्यका लागि काम गर्नुपर्ने अवस्था रहेको बताए ।

काठमाडौं । नेकपा माओवादी केन्द्रको पदाधिकारी चयन पेचिलो बन्दै गएका वेला अध्यक्ष पुष्पकमल दाहाल प्रचण्डले २१ पद प्रस्ताव गरेका छन् । अध्यक्ष, वरिष्ठ नेता, उपाध्यक्ष, महासचिव, उपमहासचिव, सचिव र कोषाध्यक्ष गरी २१ सदस्यीय पदाधिकारी रहने प्रस्ताव स्थायी कमिटी बैठकमा पेस भएको हो ।

शुक्रबारको बैठकले पदाधिकारी चयन गर्ने भने पनि महासचिवमै सात नेताले दाबी गरेका कारण टुंगो नलागेको बताइएको छ । माओवादीको विधानमा पदाधिकारीको संख्या प्रस्ट नभएकाले अध्यक्ष प्रचण्डले आफ्नो तजबिजमा नेता व्यवस्थापन गर्न २१ सदस्यीय प्रस्ताव गरेका हुन् ।

एक स्थायी कमिटी सदस्यका अनुसार अध्यक्ष, वरिष्ठ नेता, उपाध्यक्ष, महासचिव र कोषाध्यक्ष एकएक जना हुनेछन् । उपमहासचिव ७ र सचिव ९ जना रहने प्रस्ताव आएको ती नेताले बताए ।

अहिलेसम्म माओवादीमा अध्यक्ष प्रचण्ड, वरिष्ठ नेता नारायणकाजी श्रेष्ठ र उपाध्यक्ष कृष्णबहादुर महरा चयन भइसकेका छन् ।
अब बाँकी नेताहरुको व्यवस्थापन महासचिव, उपमहासचिव, सचिव र कोषाध्यक्षमा हुनेछ ।

कतिपय नेताले उपमहासचिवको संख्या घटाएर उपाध्यक्षको संख्या थप्न सुझावसमेत दिएका छन् । सिनियर नेताहरुको व्यवस्थापन गर्न उपाध्यक्ष पदको संख्या बढाउन सुझाव आएको एक स्थायी कमिटी सदस्यले बताए ।

माओवादीको महासचिवमा देव गुरुङको सम्भावना बढेको छ । यद्यपि हरिबोल गजुरेल, वर्षमान पुन, जनार्दन शर्मा, पम्फा भुसाल, गिरिराजमणि पोखरेल र शक्ति बस्नेतले पनि महासचिवमा दाबी गरेका छन् ।

काठमाडौं । आज पदाधिकारी टुंग्याउने भनिएको  नेकपा माओवादी केन्द्रको स्थायी कमिटी बैठक विना निष्कर्ष सकिएको छ । आजको बैठक आसन्न प्रदेश र केन्द्रीय कमिटी बैठकमा केन्द्रित भएको प्रवक्ता कृष्णबहादुर महराले जानकारी दिए ।

‘पदाधिकारीको विषय, कार्यक्रमको विषयमा विस्तृत र गम्भीर छलफल भयो । तर, पदाधिकारीको विषय अहिलेसम्म मूर्तरूपले टुंगिएन,’ महराले भने, ‘भोलि १ बजे फेरि बस्ने गरी आज टुंगिएको छ । छलफल लगभग टुंगिएको छ । खाली अन्तिम निष्कर्ष मात्रै बाँकी हो ।’

अध्यक्ष पुष्पकमल दाहाल ‘प्रचण्ड’को कार्यव्यस्तताले आज टुंग्याउन नसकिएको उनको भनाइ थियो ।

पटकपटक पदाधिकारी टुंग्याउने भनिएपनि अहिलेसम्मका बैठकले ठाेस निर्णय गर्न सकेकाे छैन । बुधबार नै प्रवक्ता कृष्णबहादुर महराले धेरै नाम फाइनल भइसकेकाे भन्दै बिहीबार नै सकिने बताए थिएका । तर, हिजाेकाे बैठक विभिन्न कारण देखाएर पटकपटक सारियाे ।

खासगरी महासचिवकाे विषयले माओवादीमा पदाधिकारी चयन पेचिलाे बनेकाे छ । महासचिवमा वर्षमान पुन र जनार्दन शर्माको दाबी छ । दुईजनामध्ये कसलाई रोज्ने भन्ने सकसमा परेका प्रचण्डले बुधबारको बैठकमा विकल्पको रूपमा देव गुरुङको प्रसंग निकालेका थिए ।

काठमाडौं । नेकपा (माओवादी केन्द्र)को युवा संगठन योङ कम्युनिस्ट लिग (वाईसीएल)को दुई दिने राष्ट्रिय भेला आजदेखि सुरु हुँदैछ । काठमाडौंको राष्ट्रियसभागृहमा आज बिहान ११ बजे माओवादी अध्यक्ष पुष्पकमल दाहाल ‘प्रचण्ड’ले भेलाको उद्घाटन गर्नेछन् ।

गत भदौ १२ र १३ गते भएको पहिलो राष्ट्रिय भेलाबाट सर्वसम्मत रुपमा पदाधिकारी चयन हुन नसकेकाले भेलाले वाईसीएलको नयाँ नेतृत्व छनोट गर्नेछ । भेलाबाट पदाधिकारी र नयाँ केन्द्रीय समिति चयन हुने पत्रकार सम्मेलनमार्फत जानकारी गराइएको छ ।

भेलामा भुगोल तथा गैरभुगोल जिल्ला, प्रदेशबाट गरेर ६ सय जना प्रतिनिधि सहभागी हुने वाइसीएलका संयोजक सुमन देवकोटाले जानकारी दिए ।

उनका अनुसार भेलामा केन्द्रीय समितिबाट एक सय ९६ जना, प्रत्येक जिल्लाबाट ३÷३ जना गरी २ सय ५२ जना, प्रदेश कमिटीबाट ३५ जना, तीन वटा आयोगबाट ५२ जना, केन्द्रीय प्रतिनिधि १६ जना, ५ प्रतिशत केन्द्रीय कार्यालयबाट मनोनित गर्ने र विभिन्न एकता प्रक्रियाबाट २१ जना प्रतिनिधि सहभागी रहनेछन् ।

यसअघि सम्पन्न भेलाले छिटै अर्को भेला गर्ने गरि सुमन देवकोटा संयोजक र सुवोद सिर्पाइली सहसंयोजक भएको राष्ट्रिय भेला आयोजक समिति बनाइएको थियो ।

उम्मेर हदका कारण संयोजक देवकोटाले वाईसीएलबाट बिदा लिनुपर्ने भएकाले अध्यक्षमा यसअघिका सहसंयोजक सुवोध शेपाईली हुने निश्चित जस्तै छ । वाईसीएलमा ४० वर्षे उमेर हदको व्यवस्था गरिएको छ ।

देवकोटालाई संयोजक बनाउँदा पनि उनलाई पछि अध्यक्ष बनाइने आश्वासन दिएकाले सिर्पाइली अध्यक्षमा निश्चित जस्तै भएका हुन । उनी पार्टीका केन्द्रीय सदस्यसमेत रहेका छन् ।

अध्यक्षमा सिर्पाइली पक्का जस्तै हुँदा महासचिवमा अकाक्षी भने धेरै जना देखिएका छन् । महासचिवमा गणेश शाही, ज्ञानबहादुर गुरुङ र मिङ्माडन्डु शेर्पाको बढी आकाक्षी देखिएका छन् । गुरुङ र शाही पार्टीका बैकिल्प केन्द्रीयसदस्य समेत रहेका छन् ।

वाईसीएलमा अध्यक्ष, नौ उपाध्यक्ष, महासचिव, २३ सचिव र कोषाध्यक्ष रहने व्यवस्था छ । विधान संशोधन गरेर उपमहासचिव थप्नुपर्ने आवाज उठिरहेकाले सचिवको संख्या केही घट्न अनुमान गरिएको छ ।

काठमाडौं । नेकपा माओवादी केन्द्रको स्थायी कमिटी बैठक आज पनि बस्दै छ । बैठक पार्टी मुख्यालय पेरिसडाँडामा साढे ८ बजे बस्नेछ । आज बस्ने बैठकले अध्यक्ष पुष्पकमल दाहाल प्रचण्डले पार्टीका पदाधिकारी चयन गर्ने भएका छन् ।

पटकपटक पदाधिकारी टुंग्याउने भनिएपनि अहिलेसम्मका बैठकले ठाेस निर्णय गर्न सकेकाे छैन । बुधबार नै प्रवक्ता कृष्णबहादुर महराले धेरै नाम फाइनल भइसकेकाे भन्दै बिहीबार नै सकिने बताएका थिए । तर, हिजाेकाे बैठक विभिन्न कारण देखाएर पटकपटक सारियाे ।

यसअघि बुधबार बसेको पार्टी बैठकले पदाधिकारीबाहेकका सबै समिति टुङ्गो लगाइसकेको छ । खासगरी महासचिवकाे विषयले कारण माओवादीमा पदाधिकारी चयन पेचिलाे बनेकाे छ ।

प्रचण्डले हिजोको बैठकमा देव गुरुङलाई महासचिव बनाउने संकेत दिएका थिए । उनले दीनानाथ शर्मा, कृष्णबहादुर महरा, गणेश साह, पम्फा भुसाल र हरिबोल गजुरेललाई उपाध्यक्ष, वर्षमान पुन, जनार्दन शर्मा र गिरिराजमणि पोखरेललाई उपमहासचिव बनाउने चर्चा छ । प्रचण्डले वरिष्ठ उपाध्यक्षको जिम्मेवारी भने यसअघि नै नेता नारायणकाजी श्रेष्ठलाई दिइसकेका छन् ।

काठमाडौं । नेकपा (माओवादी केन्द्र)को युवा संगठन योङ कम्युनिस्ट लिग (वाईसीएल)को दुई दिने राष्ट्रिय भेला शुक्रबारदेखि सुरु हुने भएको छ । काठमाडौंको राष्ट्रियसभागृहमा शुक्रबार बिहान ११ बजे माओवादी अध्यक्ष पुष्पकमल दाहाल ‘प्रचण्ड’ले भेलाको उद्घाटन गर्नेछन् ।

गत भदौ १२ र १३ गते भएको पहिलो राष्ट्रिय भेलाबाट सर्वसम्मत रुपमा पदाधिकारी चयन हुन नसकेकाले भेलाले वाईसीएलको नयाँ नेतृत्व छनोट गर्नेछ । भेलाबाट पदाधिकारी र नयाँ केन्द्रीय समिति चयन हुने पत्रकार सम्मेलनमार्फत जानकारी गराइएको छ ।

भेलामा भुगोल तथा गैरभुगोल जिल्ला, प्रदेशबाट गरेर ६ सय जना प्रतिनिधि सहभागी हुने वाइसीएलका संयोजक सुमन देवकोटाले जानकारी दिए ।

उनका अनुसार भेलामा केन्द्रीय समितिबाट एक सय ९६ जना, प्रत्येक जिल्लाबाट ३÷३ जना गरी २ सय ५२ जना, प्रदेश कमिटीबाट ३५ जना, तीन वटा आयोगबाट ५२ जना, केन्द्रीय प्रतिनिधि १६ जना, ५ प्रतिशत केन्द्रीय कार्यालयबाट मनोनित गर्ने र विभिन्न एकता प्रक्रियाबाट २१ जना प्रतिनिधि सहभागी रहनेछन् ।

यसअघि सम्पन्न भेलाले छिटै अर्को भेला गर्ने गरि सुमन देवकोटा संयोजक र सुवोद सिर्पाइली सहसंयोजक भएको राष्ट्रिय भेला आयोजक समिति बनाइएको थियो ।

उम्मेर हदका कारण संयोजक देवकोटाले वाईसीएलबाट बिदा लिनुपर्ने भएकाले अध्यक्षमा यसअघिका सहसंयोजक सुवोध शेपाईली हुने निश्चित जस्तै छ । वाईसीएलमा ४० वर्षे उमेर हदको व्यवस्था गरिएको छ ।

देवकोटालाई संयोजक बनाउँदा पनि उनलाई पछि अध्यक्ष बनाइने आश्वासन दिएकाले सिर्पाइली अध्यक्षमा निश्चित जस्तै भएका हुन । उनी पार्टीका केन्द्रीय सदस्यसमेत रहेका छन् ।

अध्यक्षमा सिर्पाइली पक्का जस्तै हुँदा महासचिवमा अकाक्षी भने धेरै जना देखिएका छन् । महासचिवमा गणेश शाही, ज्ञानबहादुर गुरुङ र मिङ्माडन्डु शेर्पाको बढी आकाक्षी देखिएका छन् । गुरुङ र शाही पार्टीका बैकिल्प केन्द्रीयसदस्य समेत रहेका छन् ।

वाईसीएलमा अध्यक्ष, नौ उपाध्यक्ष, महासचिव, २३ सचिव र कोषाध्यक्ष रहने व्यवस्था छ । विधान संशोधन गरेर उपमहासचिव थप्नुपर्ने आवाज उठिरहेकाले सचिवको संख्या केही घट्न अनुमान गरिएको छ ।

कैलाली । माओवादी केन्द्रका अध्यक्ष पुष्पकमल दाहाल प्रचण्डले पार्टीका पदाधिकारी आफू अनुकूल चयन गर्ने भएका छन् । हिजो बसेको पार्टी बैठकले पदाधिकारीबाहेकका सबै समिति टुङ्गो लगाइसकेको छ ।

पदाधिकारीको लागि आज बिहान ९ बजे बैठक बस्ने भनिएको थियो । तर, रामवृक्ष यादवको २८ औं स्मृति दिवसको अवसरमा काठमाडौंमा आयोजित कार्यक्रममा प्रचण्ड जाने भएपछि ९ बजेको बैठक ४ बजेसम्मका लागि स्थगित गरिएको थियो । साँझ ४ बजे हुँदै ६ बजे बस्ने भनिएको बैठक भाेलि बिहान ८:३० बजेमात्रै बस्ने भएकाे छ ।

महाधिवेशन सम्पन्न भएको ८ महिनासम्म पदाधिकारी टुङ्गो लगाउन नसकेको भन्दै पार्टीभित्र र बाहिर प्रचण्डको आलोचना भइरहेको छ । तीब्र दबाबका बीच हिजो पदाधिकारीबाहेकका सबै समिति टुङ्गो लगाइएको थियाे ।

माओवादीका एक स्थायी कमिटी सदस्यले भने, ‘पदाधिकारी को को बन्दैछन् भन्ने कुरा नाम प्रस्ताव नआउँदासम्म भन्न सकिँदैन । अहिले आइरहेका कुराहरू अनुमानमात्रै हुन् ।’ बैठकमा अध्यक्ष प्रचण्डले पदाधिकारीको नाम वाचन गर्ने र स्थायी कमिटी सदस्यहरूले त्यसलाई ताली बजाएर अनुमोदन गर्ने सम्भावना रहेको उनले बताए ।

प्रचण्डले हिजोको बैठकमा देव गुरुङलाई महासचिव बनाउने संकेत दिएका थिए । उनले दीनानाथ शर्मा, कृष्णबहादुर महरा, गणेश साह, पम्फा भुसाल र हरिबोल गजुरेललाई उपाध्यक्ष, वर्षमान पुन, जनार्दन शर्मा र गिरिराजमणि पोखरेललाई उपमहासचिव बनाउने चर्चा छ । प्रचण्डले वरिष्ठ उपाध्यक्षको जिम्मेवारी भने यसअघि नै नेता नारायणकाजी श्रेष्ठलाई दिइसकेका छन् ।

तर, प्रचण्डले नाम वाचन नगर्दासम्म पदाधिकारीका विषयमा अनुमान लगाउने कामबाहेक केही नहुने उनको भनाइ छ ।

माओवादी केन्द्रले गत वर्ष पुस ११ देखि २५ गतेसम्म आठौं राष्ट्रिय महाधिवेशनको आयोजना गरेको थियो ।

रुपन्देही । नेकपा माओवादी केन्द्रले आधार इलाका मानेको लुम्बिनी प्रदेशबाट ४३ सदस्यीय स्थायी कमिटीमा १४ जना परेका छन् । बुधबार सार्वजनिक भएको स्थायी कमिटी सदस्यको नामावली पार्टीले आधिकारिक रूपमा घोषणा भने आज गर्ने भएको छ ।

लुम्बिनीबाट स्थायी कमिटीमा कृष्णबहादुर महरा दाङ, वर्षमान पुन रोल्पा, पम्फा भुसाल अर्घाखाँची, जयपुरी घर्ती रोल्पा, ओनसरी घर्ती रोल्पा, बलदेव खनाल कपिलवस्तु, डिलाराम आचार्य अर्घाखाँची, पूर्णाकुमारी सुवेदी बाँके, रेखा शर्मा दाङ, गणेशमान पुन पूर्वीरुकुम, जोखबहादुर महरा रोल्पा, कुलप्रसाद केसी रोल्पा, महेश्वर गहतराज बाँके, हकिकुल्लाह खाँ रुपन्देही प्रस्तावित छन् ।

उनीहरूमध्येबाट पार्टी पदाधिकारीमा कृष्णबहादुर महरा वरिष्ठ उपाध्यक्ष, वर्षमान पुन महासचिव, पम्फा भुसाल उपमहासचिव, र जयपुरी घर्ती, ओनसरी घर्ती, बलदेव खनाल, डिलाराम आचार्य, प्रदेश उपाध्यक्ष वा सचिवमा पर्ने गरी छलफल चलेको एक नेताले जानकारी दिए । त्यसैगरी हकिकुल्लाह खाँ मधेसी कोटा तथा महेश्वर गहतराजले दलित कोटाबाट विशेष जिम्मेवारी पाउने सम्भावना छ ।

यसअघि महाधिवेशनबाट यो प्रदेशबाट ४० जना केन्द्रीय कमिटीमा परेका थिए । १२ जिल्ला रहेको प्रदेशबाट धेरै केन्द्रीय कमिटीमा पर्नेहरु रुकुम, रोल्पा, दाङबाट धेरै समेटिएका छन् । नयाँ केन्द्रीय समितिमा इन्द्रजित थारु दाङ, जीवन गौतम रुकुम, तेजबहादुर ओली पूर्वी रुकुम, हेमराज शर्मा पोखरेल दाङ, गणेशमान पुन पूर्व रुकुम, जगप्रसाद शर्मा रोल्पा, वर्षमान पुन रोल्पा, महेश्वरजंग गहतराज बाँके, ओनसरी घर्ती, रोल्पा, कुलप्रसाद केसी रोल्पा, दामा शर्मा दाङ, डोरप्रसाद उपाध्याय, कपिलवस्तु, सुबबहादुर रोका रुकुम, चक्रपाणि खनाल कपिलवस्तु, कृष्णध्वज खड्का प्युठान, कृष्णबहादुर महरा दाङ, बामदेव क्षेत्री गुल्मी, हकिकुल्लाह खाँ रुपन्देही, वसन्त घर्ती पाल्पा छन् ।

यसैगरी सुशिला श्रीपाली अर्घाखाँची, डिलाराम आचार्य अर्घाखाँची, पम्फा भुसाल अर्घाखाँची, झक्कु सुवेदी रोल्पा, जयपुरी घर्ती रोल्पा, रेखा शर्मा दाङ, पूर्णाकुमारी सुवेदी बांके, घनश्याम यादव नवलपरासी, सिता बौडेल नवलपरासी, दलजित श्रीपाली पुर्वी रुकुम, सुवोध श्रीपाली दाङ, कमला रोका पुर्वी रुकुम, दीपेन्द्र पुन रोल्पा, कृष्णा चौधरी, तिलकराम शर्मा बर्दिया रहेका छन् । उनीहरूमध्येबाट नै स्थायी कमिटीमा १४ जना परेका हुन् ।

काठमाडौं । नेकपा माओवादी केन्द्रको स्थायी कमिटी बैठक दिउँसोको लागि सरेको छ ।

विहान ९ बजेकाे निर्धारित बैठक अपरान्ह ४ बजेका लागि सरेको हो । नेताहरु आन्तरिक छलफलमा संलग्न रहेकाले बैठक सरेको  नेता शक्ति बस्नेतले बताए ।

उनले भने,’रामवृक्ष यादवको स्मृतिको कार्यक्रम सकेर स्थायी समितिको बैठक बसेर गठबन्धनको बैठकमा जाँदा समयको प्रेसर हुने भएकाले र पदाधिकारी टुंग्याउने विषयमा आन्तरिक तयारी पनि गर्नुपर्ने भएकाले बैठक सारिएको हो ।’

आजको बैठकले पदाधिकारीको नाम टुंगो लगाउनेछ ।

आज १० बजे गठबन्धन बैठक बस्दैछ ।

 

 

कैलाली । माओवादी केन्द्रले गत वर्ष पुस ११ देखी २५ सम्म आठौँ राष्ट्रिय महाधिवेशनको आयोजना गर्‍यो । राष्ट्रिय सम्मेलनको तयारी गरेको माओवादी केन्द्रले अन्तिममा राष्ट्रिय महाधिवेशनकाको नाम दिएको थियो ।

माओवादी केन्द्रले २०६९ पछि महाधिवेशन गरेको थिएन । एक दशक पछि भएको महाधिवेशनले पनि पुष्पकमल दाहाल प्रचण्डलाई दोहोराउने बाहेकको अन्य पदाधिकारीको विषय टुङ्गाउन सकेन । महाधिवेशन सकिएको करिब ८ महिना पछि माओवादीले पदाधिकारी पाउने भएको छ ।

आज बस्ने स्थायी कमिटीको बैठकले पदाधिकारी टुङ्गो लगाउने प्रवक्ता कृष्ण बहादुर महराले जनाएका छन् । माओवादी केन्द्रका अध्यक्ष पुष्प कमल दाहाल प्रचण्डलाई सबै भन्दा बढी सकस महासचिव चयन गर्न रहेको बताइएको छ ।

अहिले सम्म महासचिवमा, देव गुरुङ,जनार्दन शर्मा, वर्षमान पुन पम्फा भुसाल लगायतले आकांक्षा व्यक्त गरेका छन् । उनीहरु मध्ये शर्मा र पुनको बढी चर्चा भइरहेको छ । तर, माओवादी स्रोतका अनुसार शर्मा र पुनलाई उछिन्दै गुरुङ महासचिव बन्ने सम्भावना बढि देखिएको छ ।

तर, जनार्दन र वर्षमानमाथि दबाब सिर्जना गर्न प्रचण्डले गुरूङकाे कार्ड फालेकाे प्रचण्डनिकट एक नेताले नेपाल प्रेसलाई बताए । हिजोको बैठकमा प्रचण्डको अभिव्यक्तिले धेरैले गुरुङलाई प्रचण्डले महासचिव बनाउन खोजेको बुझेका छन् ।

‘हिजाको बैठकमा पार्टी अध्यक्षले सिनियर नेताहरूबाट महासचिव बनाउने आशय व्यक्त गर्नु भएको थियो’ बैठकमा सहभागी एक स्थायी कमिटी सदस्यले भने, ‘नारायणकाजी श्रेष्ठ र कृष्णबहादुर महरा पछिको सिनियर नेता देव गुरुङ हुनुहुन्छ । सायद उहाँ नै महासचिव बन्नुहुन्छ होला ।’ श्रेष्ठ र महराले जिम्मेवारी पाइसकेको हुँदा अब गुरुङ जिम्मेवारी पाउन सक्ने ती नेताले बताए ।

हिजो बसेको बैठकले पदाधिकारी बाहेकका सबै समिति टुङ्गो लगाइसकेको छ ।

 

काठमाडौं । नेकपा माओवादी केन्द्रको स्थायी समिति बैठक आज पनि बस्दै छ । बैठक पार्टी मुख्यालय पेरिसडाँडामा ९ बजे बस्नेछ ।
आजको बैठकले पदाधिकारीको नाम टुंगो लगाउने प्रवक्ता कृष्णबहादुर महराले जानकारी दिए ।

उनले भने, ‘केन्द्रीय समिति, पोलिटब्यूरो र पदाधिकारीको छलफल हिजोको स्थायी समिति बैठकमा लगभग सकिएको छ । आजसम्म सबै सकिन्छ ।’ त्यसको गृहकार्यको जिम्मा अध्यक्ष प्रचण्डलाई दिइएको महराले बताए ।

माओवादीमा खासगरी महासचिवको विषयले पदाधिकारी चयन पेचिलो बनेको छ । वर्षमान पुन र जनार्दन शर्मा आकांक्षी रहेकाले कसलाई छान्ने विषयमा प्रचण्ड सकसमा छन् । हिजो बसेको बैठकले पदाधिकारीबाहेक सबै समिति टुंगो लगाएको छ ।

पार्टी कार्यालय पेरिसडाँडामा बसेको स्थायी समिति बैठकले ४१ सदस्यीय स्थायी समिति गठन गर्ने, १२५ सदस्यीय पोलिटब्यूरो समिति गठन गर्ने, २६ जना वैकल्पिक पोलिटब्यूरो बनाउने र ३४१ सदस्यीय केन्द्रीय समिति गठन गर्ने निर्णय गरेको थियो ।

 

 

 

काठमाडौं । नेकपा (माओवादी केन्द्र)ले पदाधिकारीबाहेक सबै समिति टुंगो लगाएको छ ।

पार्टी कार्यालय पेरिसडाँडामा बसेको स्थायी समिति बैठकले ४३ सदस्यीय स्थायी समिति गठन गर्ने, १२५ सदस्यीय पोलिटब्यूरो समिति गठन गर्ने, २६ जना वैकल्पिक पोलिटब्यूरो बनाउने र ३४१ सदस्यीय केन्द्रीय समिति गठन गर्ने निर्णय गरेको हो ।

बैठकले ६ जना रिक्त रहेको केन्द्रीय सदस्यको पनि पदपूर्ति गरेको स्थायी समिति सदस्य गिरीराजमणी पोखरेलले नेपाल प्रेसलाई जानकारी दिए । उनका अनुसार भोलि बिहान ८ बजे फेरी बैठक बस्ने गरी आजको बैठक स्थगित भएको र भोलि नै पदाधिकारी टुग्याउने तयारी छ ।

काठमाडौं । नेकपा माओवादी केन्द्रले भोलिसम्ममा पदाधिकारीको नाम टुंग्याउने भएको छ ।

आज बसेको स्थायी कमिटी बैठकले भोलिसम्म पदाधिकारी टुंगो लगाउने निर्णय गरेको प्रवक्ता कृष्णबहादुर महराले जानकारी दिए । उनले भने, ‘केन्द्रीय समिति, पोलिटब्यूरो र पदाधिकारीको छलफल आज लगभग सकिएको छ । भोलिसम्ममा सबै सकिन्छ ।’

त्यसको गृहकार्यको जिम्मा अध्यक्ष प्रचण्डलाई दिइएको महराले बताए ।

माओवादीमा खासगरी महासचिवको विषयले पदाधिकारी चयन पेचिलो बनेको छ । वर्षमान पुन र जनार्दन शर्मा आकांक्षी रहेकाले कसलाई छान्ने विषयमा प्रचण्ड सकसमा छन् ।

हेटौंडा । वागमती प्रदेशका पूर्वसामजिक विकास मन्त्री तथा नेकपा माओवादी केन्द्रका केन्द्रीय सदस्य युवराज दुलालले हँसिया हथौडाबाट चुनाव लड्ने वामदेव गौतमको निर्णयप्रति कटाक्ष गरेका छन् ।

फेसबुकमा स्टाटस लेख्दै नेता दुलालले कोही राजनीतिकर्मी लाजहराम भयौं भन्दैमा राजनीति लाजहराम नहुने बताएका छ्न् ।

‘…. भन्दा देख्नेलाई लाज ! हामी कोही राजनीतिककर्मी लाजहराम भयौं भन्दैमा राजनीतिनै लाजहराम त हुँदैन नी ! राष्ट्रियसभा सदस्य राजीनामा दिएर चुनाव उठ्ने कुरा देशको आवश्यकता होइन’, उनले लेखेका छन्, ‘गोलाकारभित्रको हँसिया हथौडा चिन्हमा उठे पनि हुँदैन, अरु कुनैमा उठे पनि मतदाताले अनुमोदन गर्दैनन् । चेतना भया !’

काठमाडौं । नेकपा माओवादी केन्द्रको स्थायी कमिटी बैठक दिउँसोको लागि सरेको छ ।

विहान ८ बजे निर्धारित बैठक अपरान्ह १ बजेका लागि सरेको हो ।नेताहरु आन्तरिक छलफलमा संलग्न रहेकाले बैठक सरेको बताइएको छ ।

आजै गठबन्धनको सिट बाँडफाँट कार्यदलको बैठक बस्दैछ । सो बैठकमा पार्टीको तर्फबाट गरिने सिटको दावीका बारेमा पनि स्थायी कमिटीमा छलफल हुँदैछ ।

काठमाडौं । नेकपा माओवादी केन्द्रको स्थायी समिति बैठक आज पनि बस्दै छ । बैठक पार्टी मुख्यालय पेरिसडाँडामा ८ बजे बस्नेछ ।

आसन्न मंसिर ४ को संघीय र प्रदेशसभा निर्वाचनको तयारीबारे छलफल, पदाधिकारी चयन, स्थायी कमिटीलाई पूर्णता दिनेबारे छलफल गर्न बैठक बोलाइएको प्रचण्डका स्वकिय सचिव रमेश मल्लले जानकारी दिए ।

हिजो बसेको बैठकले बाबुराम भट्टराई अध्यक्ष रहेको नेपाल समाजवादी पार्टी र बामदेव गौतमलाई माओवादीबाट चुनाव लड्न दिने निर्णय गरेकाे थियो ।

काठमाडौं । नेकपा माओवादी केन्द्रले डा. बाबुराम भट्टराई र वामदेव गौतमलाई आफ्नो चुनाव चिन्हबाट आगामी निर्वाचनमा भाग लिन दिने निर्णय गरेको छ ।

माओवादी केन्द्रको केन्द्रीय कार्यालय पेरिसडाँडामा मंगलबार बिहान बसेको स्थायी कमिटी बैठकले बाबुराम नेतृत्वको नेपाल समाजवादी पार्टी र वामदेव नेतृत्वको नेकपा एकता अभियानलाई आफ्नो चुनाव चिन्ह प्रयोग गर्न दिने निर्णय गरेको हो ।

बैठकपछि पत्रकारसँग कुरा गर्दै माओवादी उपाध्यक्ष कृष्णबहादुर महराले वामदेव र बाबुरामका कतिपय सर्तहरू रहेको र त्यसबारेमा गठबन्धनमा पनि छलफल हुने जानकारी दिए । माओवादी स्थायी कमिटी बैठक बुधवार फेरि बस्ने महराले बताए ।

काठमाडौं । नेकपा माओवादी केन्द्रको स्थायी कमिटी बैठकमा नेताहरुको ‘सीट एरेन्जमेन्ट’मा सामान्य हेरफेर भएको छ । मंगलबारको बैठकबाट वर्षमान पुनलाई शीर्ष नेताको लहरमा राखिएको छ ।

यसअघिका बैठकमा अध्यक्ष प्रचण्डसँगैको लहरमा वरिष्ठ नेता नारायणकाजी श्रेष्ठ, उपाध्यक्ष कृष्णबहादुर महरा र बयोवृद्ध नेता नन्दकुमार प्रसाईंमात्र मञ्चमा बस्ने गरेका थिए । मंगलबारको बैठकमा भने वर्षमान पुन पनि शीर्ष लहरमा बसेका थिए ।

माओवादी पार्टीमा महासचिवलगायतका पदाधिकारी चयन पेचिलो बनिरहेका बेला प्रभावशाली नेता पुनलाई शीर्ष लहरमा राखिनुलाई अर्थपूर्ण मानिएको छ । यद्यपि माओवादीका एक नेताले भने वर्षमान केन्द्रीय कार्यालयको इन्चार्जको जिम्मेवारीमा रहेकाले कार्यालय भूमिकाका कारण अग्रपंक्तिको लहरमा रहेको हुनसक्ने बताए ।

केन्द्रीय कार्यालय पेरिसडाँडामा माओवादीको बैठक बसिरहेको छ । तर, पुन भने केहीबेर बैठकमा बसेर बाहिरिएका थिए ।

तस्बिरहरू : उमेश कार्की । 

काठमाडौं । आगामी मंसिर ४ गते हुने प्रतिनिधिसभा र प्रदेशसभाको निर्वाचनमा एउटै चिह्नबाट चुनाव लड्ने जानकारी दिन नेकपा माओवादी केन्द्र र बाबुराम भट्टराई नेतृत्वको नेपाल समाजवादी पार्टी नेसपा निर्वाचन आयोगमा जाँदैछन् ।

दिउँसो १ बजे दुवै दलका प्रतिनिधि निर्वाचन आयोगमा पुगेर एउटै चिन्ह्रबाट चुनाव लड्ने जानकारी गराउने कार्यक्रम रहेको पुष्पकमल दाहाल प्रचण्डको निजी सचिव रमेश मल्लले बताए ।  उनले भने,  ‘दुई पार्टी एक चुनाव चिन्हको मान्यताबाट अघि बढिने र निर्वाचन आयोगमा पनि सोही बमोजिम जानकारी गराउने हाे ।  अध्यक्षज्यू जानुहुँदैन  ।पार्टीका अरु नेता  जानुहुन्छ हाेला ।’

माओवादी पार्टीबाट बाहिरिएको ७ वर्षपछि अन्ततः डा. बाबुराम भट्टराई माओवादीकै चुनाव चिन्हबाट आउने प्रतिनिधिसभा र प्रदेशसभाको चुनावमा भाग लिने निश्चित भएको छ ।

माओवादी अध्यक्ष प्रचण्डसँगको चरणबद्ध वार्तापछि एउटै चुनाव चिन्ह र घोषणापत्रबाट प्रतिनिधिसभा र प्रदेशसभाको निर्वाचनमा भाग लिने सहमति भएको थियो ।

बाबुराम नेतृत्वको नेपाल समाजवादी पार्टीले आँखा चिन्ह होल्ड गर्दै माओवादीकै गोलाकारभित्रको हसिया हथौडाबाट चुनाव लड्ने सहमति भएको छ । दुवै पार्टीको घोषणापत्र पनि एउटै हुनेछ ।

योबाहेक सीट बाँडफाँटका बारेमा भने छलफल हुन बाँकी छ । नेसपा दल अलग्गै रहे पनि चुनाव चिन्ह भने माओवादीको कायम हुनेछ ।

यो सहमतिसँगै अब नेसपा सत्ता गठबन्धनको छैटौं घटक हुने निश्चित भएको छ ।

काठमाडाैं ।  नेकपा माओवादी केन्द्रको स्थायी कमिटीको बैठक बस्दैछ । पार्टी कार्यालय पेरिसडाँडामा आज बिहान ८ बजे बैठक बस्न लागेको हो ।सोमबार स्थायी कमिटी बैठक बोलाइए पनि तयारी नपुगेको भन्दै अन्तिम समयमा स्थगित भएको थियो ।

बैठकमाआसन्न मंसिर ४ को संघीय र प्रदेशसभा निर्वाचनको तयारीबारे छलफल, पदाधिकारी चयन, स्थायी कमिटीलाई पूर्णता दिनेबारे छलफल हुनेछ ।

राष्ट्रपति विद्यादेवी भण्डारीले नागरिकता विधेयक थप छलफलका लागि संघीय संसदमा फिर्ता पठाएको सन्दर्भमा उक्त बैठकमा स्वाभाविक रूपमा छलफल हुने नेता हरिबोल गजुरेलले जानकारी दिए ।

काठमाडौं । नेकपा माओवादी केन्द्रको स्थायी समिति बैठक बोलाइएको छ ।

आसन्न मंसिर ४ को संघीय र प्रदेशसभा निर्वाचनको तयारीबारे छलफल, पदाधिकारी चयन, स्थायी कमिटीलाई पूर्णता दिनेबारे छलफल गर्न बैठक बोलाइएको प्रचण्डका स्वकिय सचिव रमेश मल्लले जानकारी दिए । बैठक पार्टी मुख्यालय पेरिसडाँडामा १ बजे बस्नेछ ।

राष्ट्रपति विद्यादेवी भण्डारीले नागरिकता विधेयक थप छलफलका लागि संघीय संसदमा फिर्ता पठाएको सन्दर्भमा उक्त बैठकमा स्वाभाविक रूपमा छलफल हुने एक नेताले बताए ।