Category: माओवादी केन्द्र

काठमाडौं । संस्कृति पर्यटन तथा नागरिक उ्डयनमन्त्री सुदन किराँतीले देशको अवस्थालाई हेरेर प्रधानमन्त्री प्रचण्डले बुद्वमार्गी नीति लिनुपर्ने बताएका छन् ।

त्रिभुवन विश्वविद्यालय बुद्ध दर्शन विभागद्वारा बुधबार बिहान आयोजित कार्यक्रममा मन्त्री किराँतीले देशका जल्दोबल्दो समस्या सम्हाल्न प्रचण्डको अग्रसरताको खाँचो औंल्याएका हुन् ।

अर्थतन्त्रमा देखिएको संकट, शान्ति प्रक्रियाको टुंगोलगायतका विषयमा प्रधानमन्त्रीको पहलकदमी आवश्यक रहेको उनको भनाई थियो ।

किराँतीले भने, ‘देशमा देखिएका आर्थिक संकट, जनताको खबरदारी, शान्ति प्रक्रियाका तार्किक निष्कर्ष, राष्ट्रिय अन्तर्राष्ट्रिय नजर, सबैलाई हेरेर मध्यमार्गी भएर जानुको विकल्प छैन ।’

लमजुङ । मंसिर ४ गतेको प्रदेश तथा प्रतिनिधि सभा सदस्य निर्वाचनमा लमजुङका प्रतिनिधि सभा सदस्य उम्मेदवार नेकपा माओवादी केन्द्र महासचिव देवप्रसाद गुरुङले चुनावी खर्च सार्वजनिक गरेका छन् ।

उनका प्रतिनिधि हरिजंग तामाङले  निर्वाचन कार्यालयमा बुझाएको निर्वाचन खर्च विवरण अनुसार चुनावमा २४ लाख ५२ हजार २२५ रुपैयाँ खर्च भएको छ ।

खर्च विवरण अनुसार सवैभन्दा बढी प्रतिनिधि परिचालनमा ८ लाख रुपैयाँ खर्च भएको जनाइएको छ ।

यसैगरी, मतदाना नामावली खरिदमा ३ हजार, प्रचारप्रसार सामाग्री ३ लाख ३९ हजार ३ सय ५०, गोष्ठी अन्तरक्रिया ८ स्थानमा १ लाख ५० हजार, सवारी साधन २ वटाको ३ लाख खर्च भएको छ भने ढुवानी खर्च १ लाख, कार्यालय सञ्चालन ३ लाख ३६ हजार ४ सय, इन्धन डिजेल पोट्रोल ३ लाख ३३ हजार ४ सय ७५ र प्रचारप्रसार एवं प्रतिनिधि परिचालनमा १ लाख रुपैयाँ खर्च भएको जनाएको छ ।

काठमाडौं । माओवादी केन्द्र निकट विद्यार्थी संगठन अखिल (क्रान्तिकारी) ले अनलाइनमार्फत डिजिटल सदस्यता अभियान सुरु गरेको छ ।

आज काठमाडौंको नयाँ बानेश्वरस्थित एक कार्यक्रममा संगठनका सम्पूर्ण गतिविधिलाई आफ्नो वेब साइट www.annisurevolutionary.com मार्फत जानकारी गराउन र उक्त वेबसाइटबाट आफ्ना सदस्यहरुलाई अनलाइन सदस्यता प्रदान गर्नका लागि डिजिटल सदस्यता वितरण अभियान २०८० सञ्चालन सुरु गरेको हो ।

कार्यक्रममा क्रान्तिकारीका केन्द्रीय संयोजक पवन कार्कीले आफ्नो सदस्यता अनलाइनमार्फत दर्ता गरी अभियानको उद्घाटन गरे । अब अखिल (क्रान्तिकारी) को सदस्य बन्न विद्यार्थीहरूले अनलाइन आवेदन गर्नु पर्नेछ । आवेदनपछि उनीहरूले डिजिटल क्युआर कोडमार्फत आफ्नो सदस्यता नं. सहितको डिजिटल कार्ड ईमेल मार्फत प्राप्त गर्नेछन् ।

यो अभियानबाट क्रान्तिकारीले दुई लाख सदस्यता वितरण गर्ने संगठनका प्रवक्ता उपदेश यादवले दाबी गरे । वेब साइट मार्फत संगठनका सम्पूर्ण गतिविधि सार्वजनिक गरिने छ भने सम्पूर्ण तहका कमिटी हरु केन्द्रिय समिति, प्रदेश समिति, राष्ट्रिय समिति ,जिल्ला समिति, स्थानीय तहका समिति, क्याम्पस सामिति र इकाई समितिहरुको विवरण पनि प्राप्त गर्न सकिने छ ।

जसका लागि क्रान्तिकारीको वेबसाइटमा जानुपर्ने हुन्छ ।

काठमाडौं । उपप्रधान एवं गृहमन्त्री नारायणकाजी श्रेष्ठले बलिदानबाट प्राप्त परिवर्तन उट्याउन ठूलो षड्यन्त्र र घेराबन्दी भइरहेको बताएका छन् ।

गोरखाको बारपाक सुलिकोट गाउँपालिकाले मंगलबार गोरखा भूकम्पको केन्द्रविन्दु बारपाकमा आयोजना गरेको भूकम्प स्मृति दिवस कार्यक्रममा उनले परिवर्तनलाई उल्ट्याउन खोज्ने सबै प्रकारका प्रयत्नलाई असफल पारेर महान उपलब्धिको रक्षा गर्नुपर्ने बेला आएको बताएका हुन् ।

पछिल्लो समय राजनीतिक पार्टी तथा तिनका नेतालाई बदनाम गर्ने र देशमा अराजकता उत्पन्न गरी अराजकताको जगमा देशको राष्ट्रियता कमजोर पार्ने विभिन्न षड्यन्त्र भइरहेको भन्दै उनले त्यसविरुद्ध सचेत रहन पनि सबैलाई आग्रह गरे ।

उपप्रधानमन्त्री श्रेष्ठले कुनै भ्रममा नपरी गलत प्रवृत्तिलाई असफल पार्नुपर्नेमा जोड दिए । ‘नेपालमा राजनीतिक पार्टीले युगान्तकारी परिवर्तनका लागि संघर्ष गरेका छन् । संविधानसभाबाट संविधान बनाएर परिवर्तनको संस्थागत विकास भयो । यसलाई उल्ट्याउन खोज्ने सबै प्रकारका प्रयत्नलाई असफल पारेर महान उपलब्धिको रक्षा गर्नु आवश्यक छ’, उनले भने ।

उनले वर्तमान परिवर्तनलाई सामाजिक र आर्थिक क्षेत्रमा विस्तार गर्न भइरहेको प्रयत्नलाई समेत बदनाम गर्न खोजिएको बताए । उनले व्यवस्थामा परिवर्तन भएपछि अवस्थामा सापेक्षित परिवर्तन गर्न किन सकिएन भन्नेतर्फ दलले पनि समीक्षा गर्नुपर्ने आवश्यकतात औंल्याए ।

उनले जनतालाई रुपान्तरणको महसुस गराएरै छाड्नेसमेत बताए । उपप्रधानमन्त्री श्रेष्ठले सरकारले भूकम्पलगायतका विपदलाई रोक्न नसके पनि विपदबाट हुने क्षतिलाई न्यूनीकरण गर्न योजना निर्माण गरिरहेको उल्लेख गरे ।

उनले भने, ‘पहिले बारपाकले सुन्दर गाउँ, पर्यटकीय गाउँलगायतको पहिचान दिएको थियो । २०७२ वैशाख १२ को भूकम्पले थप पहिचान पनि दिएको छ ।’

काठमाडौं । नेकपा माओवादी केन्द्रका पोलिटब्युरो सदस्य रामप्रसाद सापकोटा ‘दीपशिखा’ ले पार्टी अध्यक्ष पुष्पकमल दाहाल ‘प्रचण्ड’ नेतृत्वको सरकार असफल भए माओवादी सकिने टिप्पणी गरेका छन् ।

सरकारको अहिलेको कार्यसम्पादनप्रति सन्तुष्ट हुन नसकिरहेको उनको भनाई छ ।

उनले पार्टी अध्यक्ष तथा प्रधानमन्त्रीको ध्यानाकर्षण भन्दै फेसबुकमा लेखेका छन्, ‘सरकार असफल हुँदा माओवादी पनि सकिन्छ, जुन उचाइबाट सरकारको कार्यसम्पादन हुनुपर्ने हो, भइरहेको छैन ।’

ढ्याउ गरेर डकारिरहेको सिंहदरबारलाई छाक टार्न लडिरहेका तलकाहरूले सधैँ नबोक्ने उनको बुझाई छ ।

‘यतिबेलामात्रै सरकार सफल हुन्छ जतिबेला जनता, कार्यकर्ता र नेतालाई आफ्नो जस्तो लाग्छ । ढ्याउ गरेर डकारिरहेको सिंहदरबारलाई छाक टार्न लडिरहेका तलकाहरूले सधैँ बोक्दैन है’, उनले भनेका छन् ।

नेतृत्वप्रति आफ्नै हुन् भने बस्दा अस्तित्व नै समाप्त हुनेतिर उन्मुख भएकाले अब बोल्नुपर्ने समय आएको उल्लेख गरेका छन् ।

‘अब बोल्न सुरू गर्नुपर्छ । नबोल्दा र आफ्नै हुन् भनी सहँदा अस्तित्व नै समाप्त हुनेतिर उन्मुख भयो । बढी भए अर्थ न बर्थको जिम्मेवारीबाट मुक्त होइन्छ । अरू कै नै जान्छ र ?’ उनले भनेका छन् ।

सुर्खेत । कर्णाली प्रदेशका मुख्यमन्त्री राजकुमार शर्माले आफू नेतृत्वको सरकारको सय दिन पूरा गरेको अवसरमा उपलब्धि सार्वजनिक गरेका छन् ।

आइतबार मुख्यमन्त्री शर्माले प्रदेश सरकारले सम्पादन गरेका प्रमुख कार्यहरु र उपलब्धिहरु सार्वजनिक गरेको हुन् ।

गत पुस २८ गते कर्णाली प्रदेश सरकारको तेस्रो मुख्यमन्त्री बनेका शर्माले आन्तरिक मामिला तथा योजनाको वेबसाइटमा सरकारका ५५ बुँदे उपलब्धि सार्वजनिक गरिएको छ ।

मन्त्रिपरिषद्को ८ वटा बैठकबाट २७ वटा निर्णय भएको छ । गत वर्षको तुलनामा यो वर्षको सोही अवधिको वित्तीय तथा भौतिक प्रगतिमा बढोत्तरी भएको उल्लेख गरिएको छ । ०७९ चैत मसान्तसम्म प्रदेश सरकारको कूल विनियोजित बजेट मध्ये चालु तर्फ ९२.९६ प्रतिशत र पूँजीगत तर्फ २२.१२ प्रतिशत गरी जम्मा २६.४७ प्रतिशत प्रगति भएको जनाइएको छ ।

आर्थिक वर्ष ०८०÷०८१ का लागि स्थानीय तहमा हस्तान्तरण गरिने वित्तीय समानीकरण अनुदान र सवारी साधन कर (राजस्व बाँडफाँट) को अनुमानित विवरण स्थानीय तहलाई उपलब्ध गराइएको छ ।

प्रदेश सरकार स्थापना भए देखि आर्थिक वर्ष २०७७÷०७८ सम्मको महालेखा परीक्षकको कार्यालयबाट लेखापरीक्षण हुँदा कायम भएको बेरुजु रकम कर्णाली प्रदेश बेरुजु व्यवस्थापन सूचना प्रणालीमा प्रविष्ट गरी बेरुजु अद्यावधिक गरिएको छ ।

साथै, आर्थिक मामिला तथा योजना मन्त्रालयमा बजेट तर्जुमा समिति गठन गरी आगामी आर्थिक वर्षको बजेट तथा कार्यक्रम तर्जुमा प्रक्रिया अघि बढाइएको छ ।

कर्णाली प्रदेशमा वार्षिक १० हजार रोजगारी सिर्जना गर्ने सम्बन्धमा अध्ययन गर्न आर्थिक मामिला तथा योजना सचिवको संयोजकत्वमा कार्यदल गठन गरिएको छ । यसलाई कार्यान्वयन गर्ने गरी आगामी आर्थिक वर्षको बजेट तथा कार्यक्रमलाई निर्देशित गरिने जनाइएको छ । यस सम्बन्धमा तत्कालका लागि कर्णाली प्रदेशका बेरोजगार व्यक्तिको तथ्याङ्क सङ्कलनको कार्यका लागि सफ्टवयेर प्रणाली स्थापना गर्ने कार्य प्रारम्भ भएको छ ।

प्रदेश अस्पतालको तला थप, जिल्ला कृषि कार्यालय रुकुम पश्चिमको भवन र अइरेनि सिचाई आयोजना जुम्ला गरी तीनवटा वहुवर्षीय आयोजना स्वीकृति गरिएको छ । मुगु र रुकुम पश्चिममा भू तथा जलाधार व्यवस्थापन कार्यालयहरुको साईट कार्यालय स्थापना गरिएको छ ।

मुगुको रारा, रुकुमको खारा, कालिकोटको पिलि, पचालझरना र त्रिवेणी पाटनको पर्यापर्यटकिय पूर्वाधार विकासको लागि वहुवर्षीय आयोजना स्वीकृत भई कार्यान्वयन भइरहेको छ । २ वटा टुर एण्ड ट्राभल एजेन्सी, २ वटा साहसिक पर्यटन र १२ वटा गाइड प्रमाणीकरण गरिएको छ ।

यस्तो छ सरकारको उपलब्धिको पूर्णपाठः

काठमाडौं । प्रधानमन्त्री एवं नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ ले नेपाल कम्युनिष्ट पार्टीको स्थापना दिवसको शुभकामना दिएका छन् ।

उनले मुलुक विकास, समृद्धि, स्थिरता र सुशासनको अभ्यासको चरणमा प्रवेश गरेको भन्दै जनतालाई सामाजिक न्यायसहितको समृद्धिको नयाँ युगमा पुर्‍याउन सरकार प्रतिबद्ध रहेको बताएका छन् ।

कम्युनिस्ट क्रान्तिकारी र वामपन्थी प्रगतिशील शक्तिबीच एकता र ध्रुवीकरणसहित समाजवादको आधार निर्माण अभियानमा सहभागी हुन उनले अपील पनि गरेका छन् ।

शान्ति, समृद्धि र स्थायित्वको जिम्मेवारी पूरा गर्ने दायित्व आफूहरूको काँधमा भएको भन्दै प्रधानमन्त्री प्रचण्डले वामपन्थी, देशभक्त र लोकतान्त्रिक शक्तिहरूको साझा संघर्षको परिणामस्वरूप चुनावबाट गठबन्धनको पक्षमा जनमत प्राप्त भएको जिकिर गरेका छन् ।

‘प्रतिगमनविरोधी वामपन्थी तथा लोकतान्त्रिक शक्तिको वर्तमान गठबन्धन प्राप्त उपलब्धिहरू, लोकतान्त्रिक प्रणाली र संविधानको रक्षा गर्न दृढ छ’, प्रधानमन्त्रीले शुभकामना सन्देशमा भनेका छन्, ‘लेनिन जयन्ती तथा पार्टी स्थापना दिवसको यस ऐतिहासिक अवसरमा म देशका सम्पूर्ण कम्युनिस्ट क्रान्तिकारी र वामपन्थी प्रगतिशील शक्तिबीच एकता र ध्रुवीकरणको अभियानमा लामवद्ध हुन तथा समाजवादको आधार निर्माणको ऐतिहासिक अभियानमा सहभागी हुन अपील गर्दछु ।’

काठमाडौं । नेकपा (माओवादी केन्द्र) का सांसद देवेन्द्र पौडेलले बैंकमा जम्मा भएर बसेका रकमलाई उद्योगमा लगानी गरी रोजगारी सिर्जना गर्न माग गरेका छन् ।

मंगलबार प्रतिनिधि सभा बैठकको आकस्मिक समयमा बोल्दै सांसद पौडेलले बैंकमा ५५ खर्ब रुपैयाँ जम्मा भएको समाचार सार्वजनिक भएको उल्लेख गर्दै सो रकम देशका रुग्ण उद्योगहरुमा परिचालन गर्नुपर्ने बताएका हुन् ।

उनले अप्ठ्यारोमा परेका उद्योगहरुमा सो रकम परिचालन गरी रोजगारी सिर्जना गर्न माग गरे । त्यस्तै, उनले देशमा ४० लाख खोप प्रयोगबिहीन अवस्थामा रहेको भन्दै प्रयोगविहीन भएको सम्बन्धमा सम्बन्धित निकायले छानबिन गर्नुपर्ने बताएका हुन् ।

भिडिओ

‘बैंकमा ५५ खर्ब रुपैयाँ जम्मा भएको समाचार सार्वजनिक भएको छ । खुशीको कुरा हो । ५५ खर्ब रकम भनेको नेपाल सरकारले औसत ३ पटक प्रश्तुत गर्ने बराबरको बजेट हो । त्यो रकम बैंकमा जम्मा भएर बसेको छ’, उनले भने, ‘त्यो रकमलाई छिट्टै देशका रुग्ण भएका, अपm्ठ्यारोमा परेका उद्योगहरुलाई परिचालन गरी रोजगार सिर्जना गर्नेगरी प्रधानमन्त्रीले गरेका घोषणा अनुसार अगाडी बढाइयोस् ।’

पौडेलले चालिस लाख खोप प्रयोग नभएको भनेर समाचार आएको र त्यो खोप प्राविधिक हिसावले नमिल्ने भएर प्रयोग नभएको हो कि, हाम्रो लापरबाहीको कारणले प्रयोग नभएको हो भन्नेबारे छानबिन हुनुपर्ने पनि माग गरेका छन् ।

‘अर्को राम्रो समाचार आएको छ विद्यार्थीले समयमै पाठ्यपुस्तक प्राप्त गरे, दुर्गम ठाउँमा किताबहरु पुगे भन्ने समाचार राम्रो हो । त्यसैगरी हस्पिटलमा इमर्जेन्सी उपचार गर्न गएको बिरामीले पनि राम्रोसँग उपचार गर्न पाएको कुरा सम्बन्धित निकायबाट अनुगमन गरेर सुरुवात गरियोस् र सुन्न पाउँ’, सांसद पौडेलले भने, ‘त्यसैगरी किसानले पनि समयमै कृषि प्रक्रिया शुरुवात गर्नुभन्दा पहिला मल प्राप्त गर्ने र राज्यको तर्फबाट यस प्रकारका अत्यावश्यक वस्तुहरुको व्यवस्थापन भएको कुरा खुशी साथ बाहिर आओस् ।’

सांसद पौडेलले यस वर्ष विद्यार्थीहरुले समयमै पाठ्यपुस्तक पाउनु राम्रो भएको उल्लेख गर्दै यसैगरी अस्पतालहरुमा पनि बिरामीले आकस्मिक उपचार पाउनुपर्ने बताए । उनले किसानले समयमै मल पाउनुपर्ने पनि बताए ।