Category: माओवादी केन्द्र

काठमाडौं । पूर्व सभामुख तथा नेकपा माओवादी केन्द्रका प्रवक्ता अग्नि सापकोटामाथिको अपहरण तथा ज्यान मार्ने मुद्दाको अन्तिम सुनुवाइ हेर्दाहेर्दैमा रहेको छ ।

बुधबार संवैधानिक इजलासमा भएको बहसपछि सो मुद्दा हेर्दाहेर्दैमा रहेको हो । प्रधानन्यायाधीश प्रकाशमान सिंह राउतसहित सपना प्रधान मल्ल, कुमार रेग्मी, मनोजकुमार शर्मा र कुमार चुँडालको संवैधानिक इजलासमा भएको सुनुवाइपछि हेर्दाहेर्दैमा राखिएको छ ।

यसअघि माओवादी उपाध्यक्ष एवं पूर्वसभामुख सापकोटाविरुद्ध परेको ज्यान मुद्दाको जाहेरीमा हालसम्म भएको अनुसन्धानको विवरण झिकाउन सर्वोच्च अदालतले आदेश गरेको थियो ।
सापकोटालाई काभ्रेका अर्जुन लामाको अपहरणपछि हत्या गरेको अभियोगमा सजाय माग गर्दै कनकमणि दीक्षित, अर्जुनकी पत्नी पूर्णिमाया लामा र सुशील प्याकुरेलसमेतले रिट दायर गरेका थिए ।

सापकोटालाई सभामुख र मन्त्री बनाउने निर्णयविरुद्ध परेका रिटको लामो समयसम्म फैसला आएको छैन । पटकपटक पेशीमा चढे पनि यसको निर्णय सुनुवाइ भने अन्तिममा टर्ने गरेको छ ।
माओवादी युद्धका बेला अपहरणपछि मारिएका काभ्रेका अर्जुन लामाको हत्यामा सापकोटा प्रमुख दोषी रहेको भन्दै सापकोटाविरुद्ध २०६८ सालमा पहिलो पटक मुद्दा परेको थियो । अर्जुन लामाकी पत्नी पूर्णिमाया लामा, मानव अधिकारकर्मी सुशील प्याकुरेललगायतले २०६८ असार ६ गते दर्ता गरेका थिए ।

उक्त मुद्दामाथि प्रारम्भिक फैसला गर्दै तत्कालीन न्यायाधीश सुशीला कार्की र ओमप्रकाश मिश्रको इजलासले उक्त मुद्दा संवैधानिक इजलासमा जाने आदेश गरेको थियो ।
संवैधानिक इजलासमा सापकोटाविरुद्ध तीन वटा मुद्दा छन् । लामाकी श्रीमती पूर्णिमाया लामाले २०६९ मंसिर ७ गते आफ्ना पतिको हत्यामा सापकोटाको हात रहेकाले तत्काल कर्तव्य ज्यान मुद्दा अघि बढाउन माग गर्दै रिट निवेदन दायर गरेकी थिइन् ।

त्यस्तै पत्रकार कनकमणि दीक्षितविरुद्ध पनि सापकोटाले अदालतको अवहेलना मुद्दा दायर गरेका थिए । उनलाई सभामुख बनाउने निर्णयप्रति असन्तुष्टि जनाउँदै राष्ट्रपतिका राजनीतिक मामिलाविज्ञ सुशील प्याकुरेलले राजीनामा दिएका थिए ।

रूपन्देही । नेकपा माओवादी केन्द्रका अध्यक्ष पुष्पकमल दाहाल प्रचण्डले कहिले एमाले र कांग्रेससँगै गठबन्धन गर्दा उनीहरूको रोग सरेकोले अब त्यो गल्ती जनतासँग माफी मागेर मैदानमा आएको बताएका छन् ।

आज बुटवलमा मगर मुक्तिमोर्चाको छैटाैं राष्ट्रिय सम्मेलनको उद्घाटन समारोहलाई सम्बोधन गर्दै उनले अब त्यो गल्ती नदोहोराउने र विगतमा मजदुर किसानसँग केही सम्बन्ध कमजोर भएकोले अब त्यसलाई सुधारेर जाने तर हिंसात्मक होइन शान्तिपूर्ण अभियान चलाउने जनाए ।

‘सदन र सडकबाट भण्डाफोर अभियानमा छौं, तर रौतहटमा आउँदा सरकारको गलत कृयाकलापले इतिहासबाट परास्त समूहले चुनौती दिएकाले काठमाडौं गएर विरोध गरेका छौं’ उनले भने,’अहिलेको सबै अधिकारको जननी माओवादी हो, त्यसका रक्षा गर्ने जिम्मेवारी पनि हो, धमिलो पानीमा माछा मार्ने चलखेल सफल हुँदैन, दलालको इशारामा सरकारले जनतालाई सताउन दिँदैनौ ।’ उनले सरकारविरूद्ध कडा आलोचना गरे ।

‘हामीले नेतृत्व गरेको सरकारले भ्रष्टाचारको फाइल खोलिरहेको थियो, देशव्यापी सकारात्मक काम भएको थियो, भारत, चीन युरोपसँग कुटनैतिक मर्यादा बनाएको थियो, सबैलाई सम्झना होला,’उनले भने,’अन्तर्राष्ट्रिय मन्चमा हामी अब्बल थियौ, हाम्रो धारणाले प्रशंसा पाएको थियो तर त्यो आन्दोलनको धेरैलाई मन परेको थिएन, संविधान मिचेर षड्यन्त्रमूलक तरिकाले सरकारबाट बाहिर फालिएको हो, मैले अन्तिमपटक सदनमा पनि भनेको थिएँ त्यो व्यवहारविरूद्ध झापड दिने बताएको थिएँ अहिले तराईमा त्यो अभियान चलाएका छौं ।

उनले सरकारका गलत कामको खबरदारी गरिरहने बताए ।

‘कुलमान मैले नियुक्ति गरेको हो,उनकै कारणले देश उज्यालो भएको हो। परिवर्तन उल्टाउने र गलत गर्ने कसैलाई छुट दिँदैनौ ।’

उनले उत्पीडित समुदायको मोर्चाबाटै पार्टीले गरेको जनयुद्ध सफल भएको बताएका छन् ।

उनले यो समुदायको उच्च सम्मान भएको बताए ।

‘सबै जात र क्षेत्रमा मोर्चा बनेका थिए । सबै वर्ग,जाति समुदायको बलिदानबाट अहिलेका अधिकार आएका हुन्, प्रतिक्रियावादीको जतिसुकै अत्याचारविरूद्व गोलबन्द एकता जातीय मोर्चाले गरेको हो’उनले भने,’उत्पीडित जातिका मोर्चाले नै दुस्मनका सबै योजना असफल भएको हो’

उनले अहिलेका अधिकारविरूद्व जुनसुकै बेला सडकमा आउन तयारीमा रहन अनुरोध गरे ।

रुपन्देही । रुपन्देहीको ओमसतियामा नेकपा माओवादी केन्द्रका अध्यक्ष तथा पूर्वप्रधानमन्त्री पुष्पकमल दाहाल प्रचण्डलाई ७१ केजीको माला लगाएर स्वागत गरिएको छ ।

ओमसतिया ६ जमुहानी पोखरा ताल व्यवस्थापन समितिले प्रचण्डलाई उनको उमेर बराबरको केजीको फूलको माला लगाइदिएको मन्दिर व्यवस्थापन समितिका अध्यक्ष तथा ओम सतिया गाउँपालिका वडा नम्बर ६ का अध्यक्ष शिवकुमार धवलले जानकारी दिए ।

प्रचण्ड आज विभिन्न कार्यक्रममा सहभागी हुन रुपन्देही आएका छन् । ७१ किलोको मालाले सम्मान गरिएको माओवादी नेता देवेन्द्र पाण्डेले जानकारी दिए ।

रुपन्देही । नेकपा (माओवादी केन्द्र) का अध्यक्ष तथा पूर्वप्रधानमन्त्री पुष्पकमल दाहाल ‘प्रचण्ड’ आज दिनभर रुपन्देहीका विभिन्न कार्यक्रममा रहने भएका छन् ।

प्रचण्डले ऐतिहासिक तथा धार्मिक स्थलको शिलान्यासदेखि खेलकुद प्रतियोगिता समापनसम्मका कार्यक्रमहरूमा भाग हुनेछन् भने दिउसो मगर मुक्ति मोर्चाको सभामा सम्बोधन गर्नेछन् ।

अध्यक्ष प्रचण्डको कार्यतालिका अनुसार फागुन २८ गते बिहान ११ बजे रुपन्देही जिल्लाको ओमसतिया–६ मा अवस्थित रामजानकी जमुहानी पोखरा ताल पार्कको शिलान्यास गर्ने कार्यक्रम रहेको छ।

त्यसपछि बुटवल उपमहानगरपालिकाको समन्वयमा ज्योतिनगर पहिरो क्षेत्रको निरीक्षण गर्नेछन्। पछिल्लो समय बुटवलका पहिरोग्रस्त स्थानमा ज्योतिनगर पहिरोका कारण स्थानीयवासी समस्यामा परेका छन् ।

दिउँसो बुटवल ट्राफिकचोकमा आयोजना हुने मगर मुक्ति मोर्चाको राष्ट्रिय सम्मेलनलाई सम्बोधन गर्नेछन्। मगर समुदायको हक, अधिकार र पहिचानबारे माओवादी आन्दोलनको महत्त्वपूर्ण भूमिका रहेको भन्दै अध्यक्ष प्रचण्डले सम्मेलनलाई सम्बोधन गर्ने कार्यक्रम रहेको छ।

रुपन्देहीका कार्यक्रमको अन्तिम कार्यक्रमअन्तर्गत अध्यक्ष प्रचण्डले सैनामैनामा चलिरहेको सुनगाभा सैनामैना गोल्डकप फुटबल प्रतियोगिताको समापन समारोहमा प्रमुख अतिथिको रूपमा उपस्थित रहनेछन्। माओवादी केन्द्रका रुपन्देही जिल्ला संयोजक निर्मल जीसीका अनुसार अध्यक्ष प्रचण्डको २८ गते दिनभर व्यस्त कार्यतालिका रहेको छ।

अध्यक्ष प्रचण्डसहित माओवादीका शीर्ष नेताहरू पनि आउने भएका छन् । केही नेताहरू मङ्गलवार नै आइसकेका छन् भने केही आज आउने कार्यक्रम रहेको छ ।

काठमाडौं । नेकपा माओवादी केन्द्र निकट अखिल क्रान्तिकारीले अहिलेसम्म २१ वटा क्याम्पसमा निर्विरोध सभापति जित हासिल गरेको छ ।

संगठनका अध्यक्ष विजयप्रकाश सापकोटाका अनुसार देशभरका विभिन्न क्याम्पसमा उम्मेदवारी दर्ता भएकोमा २१ वटा क्याम्पसमा सभापति उम्मेदवार निर्विरोध जित हासिल गरेको हो ।

जसमा अखिल (क्रान्तिकारी)ले सबैभन्दा बढी रुकुम पश्चिमका ५ वटा क्याम्पसमा स्ववियु सभापति निविरोध जित हासिल गरेको छ भने दोस्रोमा काभ्रेपलाञ्चोकका ३ वटा क्याम्पसमा निर्विरोध स्ववियु सभापति चयन भएका छन् ।

यस्तै काठमाडौंको सहयोगी बहुमुखी क्याम्पसमा पनि अखिल (क्रान्तिकारी)ले स्ववियु सभापति निर्विरोध जित हासिल गरेको छ ।

अहिलेसम्म अखिल (क्रान्तिकारी)का निर्विरोध सभापति

१.सानीभेरी शिक्षा क्याम्पस, रुकुम पश्चिम–बीरभान भण्डारी
२.सिम्रुतु क्याम्पस त्रिवेणी, रुकुम पश्चिम–दिपेन्द्र ओली
३.शितल क्याम्पस चौरजहारी, रुकुम पश्चिम–प्रकाश डाङ्गी
४.राडीज्युला शिक्षा क्याम्पस, रुकुम पश्चिम–सुप्रिम ओली
५.स्यार्र्पु बहुमुखी क्याम्पस, रुकुम पश्चिम–टेकराज विश्वकर्मा
६.श्रीकृष्ण क्याम्पस, काभ्रेपलाञ्चोक–सविन श्रेष्ठ
७.संजिवनी क्याम्पस, काभ्रेपलाञ्चोक–दिपक रानामगर
८.प्रभा बहुमुखी क्याम्पस, काभ्रेपलाञ्चोक–सुजन चौलागाई
९.सहयोगी बहुमुखी क्याम्पस, काठमाडौ–प्रदिप श्रेष्ठ
१०.जुगल बहुमुखी क्याम्पस, सिन्धुपाल्चोक–सुस्मिता श्रेष्ठ
११.शंकरापुर क्याम्पस, दार्चुला–जानकी टमटा
१२.नेत्रावती बहुमुखी क्याम्पस, धादिङ–अभिषेक थपलिया
१३.आदर्श जनता क्याम्पस, सर्लाही–रेवेन्द्र दाहाल
१४.बनगाढ क्याम्पस, सल्यान–जिवन विष्ट
१५.भाषा क्याम्पस, धनकुटा–सरोज थापा
१६.सिद्दीपृथ्वी जनता क्याम्पस, दांङ–सुदिप चौधरी
१७.गलुवा क्याम्पस, हुम्ला–रिमिलाल बुढा
१८.सिजा बहुमुखी क्याम्पस, जुम्ला–सन्तोष आचार्य
१९.लिकु संयुक्त क्याम्पस, डोल्पा–राजेन्द्र गिरी
२०.शान्ति आदर्श बहुमुखी क्याम्पस चौघानपाटा, बझाङ– बम धामी
२१.तिनपाटन बहुमुखी क्याम्पस, सिन्धुली–दुर्गा बहादुर मगर

काठमाडौं । प्रमुख प्रतिपक्षी दल नेकपा माओवादी केन्द्रका अध्यक्ष पुष्पकमल दाहाल प्रचण्डले प्रतिनिधिसभाको बैठकमा सम्बोधन गरिरहेको छन् ।

प्रमुख प्रतिपक्षी दलका नेता प्रचण्डले सम्बोधन गरिरहँदा प्रधानमन्त्री केपी शर्मा ओली भने अनुपस्थित छन् । प्रधानमन्त्री ओली कोशी प्रदेशसभा बैठकमा सम्बोधन गर्ने कार्यक्रम रहेको छ ।

यसअघि माघ २४ गते पनि प्रचण्डले सम्बोधन गरेका थिए । त्यो बैठकमा पनि ओली उपस्थित थिएनन् । त्यसबेला ओली बालुवाटारमै थिए ।

काठमाडौं । प्रमुख प्रतिपक्षी दल नेकपा माओवादी केन्द्रका अध्यक्ष पुष्पकमल दाहाल प्रचण्डले आज प्रतिनिधिसभामा सम्बोधन गर्ने भएका छन् ।

सोमबारको कार्य व्यवस्था परामर्श समितिको बैठकमा प्रचण्डले सम्बोधन गर्ने विषयमा छलफल भएको थियो ।

प्रमुख प्रतिपक्षी दलका नेताले सम्बोधन गर्ने तय भएपनि प्रधानमन्त्री केपी शर्मा ओली भने अनुपस्थित हुने भएका छन् । आज प्रधानमन्त्री ओली कोशी प्रदेशसभा बैठकमा सम्बोधन गर्न जाने भएका हुन् । कोशी प्रदेशसभामा प्रधानमन्त्रीले दिउँसाे साढे २ बजे सम्बोधन गर्ने कार्यसूची छ ।

यसअघि माघ २४ गते पनि प्रचण्डले सम्बोधन गरेका थिए । त्यो बैठकमा पनि ओली उपस्थित भएका थिएनन् । प्रचण्डको सम्बोधनका समयमा ओली बालुवाटारमै थिए ।

काठमाडौं । प्रमुख प्रतिपक्षी दल नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ ले भोलिको संसद बैठकमा सम्बोधन गर्ने भएका छन् ।

सभामुख देवराज घिमिरेले राखेको प्रमुख सचेतकहरूको बैठकपछि सञ्चारकर्मीहरूसँग कुरा गर्दै एमालेका मुख्य सचेतक महेश बर्तौँलाले भोलिको बैठकमा प्रचण्डले बोल्नेगरी कार्यसूची तय भएको बताए ।

उनले भने, ‘पूर्वप्रधानमन्त्री एवं प्रमुख प्रतिपक्ष दलका नेताले भोलि समय माग्नुभएको छ । भोलिको संसदमा बोल्नका लागि संसदसँग समय माग्नुभएको छ । उहाँले बोल्ने गरी समय निर्धारण भएको छ ।’

सरकारको पछिल्लो गतिविधिप्रति प्रमुख प्रतिपक्षी दल माओवादी सन्तुष्ट छैन । सरकारकै कारणले व्यवस्थाविरोधी राजावादी शक्तिहरू सक्रिय भएको आज बसेको माओवादी पदाधिकारी बैठकले निष्कर्ष निकालेको थियो ।

यस्तै, २८ गते बस्ने बैठकमा स्वीकृत अध्यादेश बमोजिमका प्रतिस्थापन विधेयकहरूको प्रक्रिया अघि बढाइने बर्तौँलाले बताए ।

कैलाली । माओवादी अध्यक्ष पुष्पकमल दाहाल ‘प्रचण्ड’ ले पटक-पटक दिएको लिखित तथा मौखिक निर्देशन कार्यान्वयन गर्न पहिलो पटक सुदूरपश्चिम प्रदेशमा माओवादी संसदीय दलमा छलफल भएको छ । अघिल्लो वर्ष माघ १२ गते बहुमतबाट खगराज भट्टलाई हटाएर मानबहादुर धामीलाई दलको नेता बनाइएपछि माओवादीमा विवाद सुरू भएको थियो । त्यसपछि माओवादी संसदीय दलको बैठक एउटा पक्षले सबै वहिष्कार गरिरह्यो ।

भट्टलाई हटाएर धामीलाई जिम्मेवारी दिँदा सभामुख बाहेकका १० सांसदमध्ये भट्टको पक्षमा ४ जना र धामीको पक्षमा ६ सांसद उभिएका थिए ।

धामीको पक्षमा रहेका शिव ओली पनि अहिले भट्टको पक्षमा उभिएपछि ५\५ जना पुगेका छन् । अहिले भट्टको पक्षमा ओली सहित, झपट साउद, रमेश धामी, जानकी पौडेल कुँवर छन् । भने धामीको पक्षमा अक्कल रावल, ओमविक्रम भाट सरल, लक्ष्मी विक र गीता माल रहेका छन् । दुवै पक्षमा बराबरी भएपछि हेडक्वार्टरको निर्देशन पनि कार्यान्वयन हुन सकेको थिएन ।

यसैबीच आइतबार यो विषय समाधान गर्ने भन्दै माओवादीका सबै सांसद एक ठाउँमा बसे । रमेश धामी बैठकमा आएनन् । अरु सबै सांसदहरू अध्यक्ष प्रचण्डले दिएको निर्देशन कार्यान्वयन गर्ने पक्षमा उभिए । प्रचण्डले भट्टलाई दलको नेता बनाउन लिखित तथा मौखिक निर्देशन दिएका थिए । आइतबार अनौपचारिक छलफलमा आफूहरू अध्यक्षको निर्देशन कार्यान्वयन गर्ने पक्षमा रहेको तर, केही असहमतिका विषयहरू रहेको भन्दै धामीले विषय उठान गरेका थिए ।

‘दलको विषयमा टुङ्गो लगाउनु पर्छ । पहिलो पटक यसरी सबै सबेर सामूहिक छलफल भयो । राम्रो कुरा हो ’ धामीले भने, ‘केन्द्रको सर्कुलर कार्यान्वयन हुनुपर्छ तर, मेरा पनि केही विषयहरू छन् जुन सम्बोधन हुनुपर्छ ।’

धामीले केन्द्रमा पनि जिम्मेवारी भट्टलाई दिँदा आफूले पाउने जिम्मेवारीबारे प्रष्ट हुनुपर्ने भन्दै आइरहेका छन् । आफू संसदीय व्यवस्थाअनुसार चुनिएको दलको नेता भएको भन्दै पहिले आफ्नो व्यवस्थापन भएपछि मात्रै दलको नेता फेरिने अडानमा उनी छन् । आइतबार पनि उनले त्यही संकेत गरेका थिए ।

झपट साउँदले धामीका केही कुराहरूलाई सम्बोधन गर्दै अहिले ५ \५ जना सांसद लिएर कहिँ पुग्न नसकिने बताएका थिए ।

‘केन्द्रको सर्कुलर लागू गरौँ यसरी ५ \५ जना सांसद बोकेर हामी कहीँ पुग्दैनौँ’, उनले भनेका थिए ।

साउँदले अध्यक्ष प्रचण्डसँग यसअघि नै धामीले सिफारिस गरेका व्यक्तिहरू मन्त्री कायम हुने तर, भट्टलाई दलको नेता बनाउने गरी दिएको निर्देशन आफूहरूले मानेपनि धामी समूहले उल्लंघन गरेको बताएका थिए ।

‘त्यो बेला मन्त्री यथावत् राख्ने र दलको नेता फेर्ने सहमति भएको थियो त्यो पनि पूरा भएन’, उनले भने ।

जानकी पौडेल कुवरले साउँदकै कुरालाई समर्थन गरिन् । अक्कल रावलले विधिको कुरा प्रधान हुने टिप्पणी गरे । गीता मालले छलफल र संवादबाट विवाद टुङ्गो लगाउनु पर्नेमा जोड दिइन् ।

माओवादी सांसद ओमविक्रम भाट ‘सरल’ ले संसदीय दलको नेता फेरिने अवस्थामा सुदूरपश्चिम प्रदेशको इन्चार्ज पनि स्थानीयलाई नै दिनुपर्ने बताए ।

अहिले प्रदेश इन्चार्ज गिरिराजमणि पोखरेल छन् । धामी पक्षले भने इन्चार्ज पोखरेलबाट विभेदपूर्ण व्यवहार भइरहेको भन्दै इन्चार्ज फेर्नुपर्ने बताउँदै आइरहेको छ ।

भाटले इन्चार्ज फेर्ने विषय आफूले उठान गरे पनि यो धामी पक्षका पाँच सांसदहरूको साझा माग रहेको बताएका थिए । भाटले यसअघि १४ फागुनमा खुमल्टारमा पनि सुदूरपश्चिम प्रदेशको इन्चार्ज विना मगरलाई बनाउनु पर्ने प्रस्ताव अगाडि सारेका थिए ।

विनालाई इन्चार्ज बनाउँदा परिवारवादको आरोप लाग्ने अवस्थामा उनले लक्ष्मण जोशी, त्रिलोचन भट्ट वा जगत पार्कीमध्येबाट पनि इन्चार्ज बनाउन सकिने बताएका थिए ।

आइतबारको छलफलमा पनि सरलले सोही प्रस्ताव सारे । स्थानीय इन्चार्ज बनाउनुपर्ने उनको प्रस्तावमा केही सांसदले समर्थन गरेका थिए भने केहीले मौन समर्थन जनाएका थिए । केही सांसदले भने स्थानीय इन्चार्ज बनाउँदा पार्टी र संगठन बलियो हुने तर्क गर्दै संसदीय दलले भने नाम किटान गर्न नहुने बताएका थिए ।

सांसद लक्ष्मी विकले संसदीय दलको विवाद मिलाउन विगतका तिक्ततालाई अगाडि ल्याउन नहुने बताएकी थिइन् ।

‘सबैलाई सहज हुनेगरी मिल्नु पर्छ । दीर्घकालीन सहज हुनेगरी विवाद टुङ्गो लगाउनु पर्छ’, उनले भनिन्, ‘पहिलेका कुरा ल्याएर फेरि विवाद गर्नुहुँदैन । ’

खगराज भट्टले केन्द्रको निर्देशन कार्यान्वयन हुनुपर्ने भन्दै आफूले आगामी दिनमा सबैलाई समेटेर लैजाने प्रतिबद्धता गरेका थिए । प्रदेशसभाको एक वर्ष भट्ट नै दलको नेता थिए । पहिलो पटक सरकारमा जाँदा आफै गएको, सबै सांसदहरूसँग छलफल नगरेको, प्रतिपक्ष हुँदा पनि कमजोर भएको लगायतका आरोप उनीमाथि लाग्दै आइरहेको थियो । आइतबार विगतका आफ्नो केही कमजोरी स्वीकार गर्दै आगामी दिनमा पार्टी र संसद् दुवैलाई बलियो बनाउने गरी अगाडि बढ्ने बताए ।

करिब एक वर्षपछि एकताको सन्देश दिनेगरी भएको अनौपचारिक छलफलमा माओवादीभित्रको विवाद मिलाउने, संसद्मा प्रमुख प्रतिपक्षको भूमिका बलियो बनाउने र केन्द्रको सर्कुलर कार्यान्वयन गर्ने विषयमा करिब सहमति जुटेको छ । तर, धामी पक्षले आफ्नो बटमलाइन बनाएको इन्चार्ज फेर्ने विषयले भने दलको नेता फेर्ने विषय पनि पेचिलो नै बनेको छ ।

काठमाडौं । नेकपा माओवादी केन्द्रले गणतन्त्र र संविधान रक्षाका लागि काठमाडौंमा प्रदर्शन गरेरमात्रै अभियानमा फर्किने निर्णय गरेको छ ।

पार्टी तराईं मधेश जागरण अभियानमा केन्द्रित हुँदा काठमाडौंका सडक खाली भएकाले राजावादीहरूले मौका पाएको निष्कर्ष निकालेको सचिव डोरप्रसाद उपाध्यायले बताए ।

उनले भने, ‘अहिले हामी समीक्षामा छौं । यो प्रदर्शनबारे सरकारको राय पनि बुझ्छौं । सबै गणतन्त्रवादी शक्तिहरूलाई एकजुट बनाएर काठमाडौंको सडक र सदनलाई पनि प्रभावकारीरूपमा प्रस्तुत भएरमात्रै अभियानमा फर्किन्छ ।’

उनले अहिलेसम्म अभियानले नयाँ जागरण पैदा गरेको भन्दै काठमाडौं केन्द्रित कार्यक्रम गरेपछि मात्रै नयाँ कार्यतालिका सार्वजनिक गर्ने बताए ।

आन्दोलनबारे छलफल गर्नको लागि आज समाजवादी मोर्चाको बैठक अपरान्ह ४ बजे प्रचण्डले सिंहदरबारमा डाकेका छन् । भोलि बस्ने पदाधिकारी बैठकले आन्दोलनका कार्यक्रम घोषणा गर्ने तयारी छ ।

प्रचण्डले आज खुमलटारमा परिस्थिति गणतन्त्रवादीको हातभन्दा बाहिर जाने स्थिति बन्न खोजिरहेको ब्रिफिङ गरेको सचिव उपाध्यायको भनाइ छ । व्यवस्थाविरुद्ध राजतन्त्रवादीहरूको प्रयासको कारणबारे अध्ययन गरिने उनले बताएका थिए ।

प्रचण्डले यही विषयमा प्रधानमन्त्री केपी शर्मा ओली र कांग्रेस सभापति शेरबहादुर देउवासँग पनि संवाद गर्ने तयारीमा आफू रहेको बताएका छन् ।

काठमाडौं । नेकपा माओवादी केन्द्रले संविधान संशोधनको बहस चलिरहेको बेला बाह्य शक्तिले हिन्दू राज्यको अवधारणासहित नेपालमा आन्दोलन चर्काउन खोजेको आशंका गरेको छ ।

आज प्रचण्ड निवास खुमलटारमा बसेको पदाधिकारी बैठकमा हिजो पूर्वराजा ज्ञानेन्द्र शाहको स्वागतमा भारत उत्तर प्रदेशका मुख्यमन्त्री आदित्यनाथ योगीको तस्बिर प्रयोग भएको विषयमा पनि छलफल भएको छ ।

बैठकपछि सचिव डोरप्रसाद उपाध्यायले भने, ‘बाह्य शक्तिहरुले हिन्दू राज्यको अवधारणसहित अगाडि आउनुपर्छ भनेर संविधान संशोधन लगायतका विषयहरूमा जोड पुगोस् भनेर सडक तताएको हुनसक्छ भन्ने आशंकासहित छलफल चलिरहेको छ । त्यसमा अहिलेको सरकारको नेतृत्वको मौनता रहस्यमय छ ।’

यस्तै आन्दोलन चलिरहे माओवादीले ल्याएको व्यवस्था कमजोर पार्न सकिन्छ भन्ने सरकारमा हुनेहरूले सोचेको हुनसक्ने आशंका व्यक्त गरे । उनले अब सडक र सदनको मोर्चालाई बलियो बनाउनुपर्ने निष्कर्ष निकालेको सुनाए ।

उपाध्यायका अनुसार अध्यक्ष प्रचण्डले परिस्थिति गणतन्त्रवादीको हातभन्दा बाहिर जाने स्थिति बन्न खोजिरहेको ब्रिफिङ गरेको बताए । व्यवस्थाविरुद्ध राजतन्त्रवादीहरूको प्रयासको कारणबारे अध्ययन गरेर थप छलफलको लागि भोलि फेरि बैठक बस्ने भएको छ ।

उनले अध्यक्ष प्रचण्डले प्रधानमन्त्री केपी शर्मा ओली र कांग्रेस सभापति शेरबहादुर देउवासँग पनि संवाद गर्ने तयारी रहेको बताए ।

काठमाडौं । माओवादी अध्यक्ष प्रचण्ड निवास खुमलटारमा सोमबार बसेको माओवादी पदाधिकारी बैठकले दुईदलीय सरकारको कुशासनका कारण प्रतिगामीहरू सक्रिय भएको निष्कर्ष निकालेको हो ।

प्रतिगामीहरू सक्रिय भएपनि नेपाली जनतालाई भने धेरै प्रभाव नपरेको बैठकको निष्कर्ष रहेको प्रवक्ता अग्नि सापकोटाले बताए । अहिले पनि नेपाल जनता लोकतन्त्रको पक्षमा रहेकाले लोकतन्त्रको विकल्प उन्नत लोकतन्त्रमात्रै हुन सक्छ भन्ने पार्टीको निष्कर्ष रहेको सापकोटाले सुनाए । उनले मुलुकमा राजतन्त्र फर्कने कुनै सम्भावना नगरेको जिकिर गरे ।

संविधान जारी गरेको र मुलुकको संघीयतासहितको परिवर्तन मन नपराउनेहरूले सरकारको कुशासनका कारण फेरि टाउको उठाउन खोजेको उनको जिकिर छ ।

अहिलेको संविधान र व्यवस्थाप्रति केहि प्रश्न उठेपनि त्यसको समाधानसमेत रहेको प्रवक्ता सापकोटाले बताए । बैठकले संघीय संसदका साथै सातै प्रदेशका संसदहरूमा माओवादीले सशक्त भूमिका निर्वाह गर्ने र जनताका समस्यालाई उजागर गर्ने निर्णय गरेको छ । .

त्यस्तै पार्टीले वृहत् जनपरिचालन गर्ने निर्णय गर्दै त्यसको मिति भए अर्को बैठकले तय गर्ने सापकोटाले जानकारी दिए । बैठकमा जनतासँग माओवादी अभियानको प्रारम्भिक समिक्षा भएको र झापादेखि रौटहटसम्म आइपुग्दा जनतामा नयाँ जागरण पैदा भएको ठहर गरेको छ । हाललाई स्थगित गरिएको अभियान अर्को महिना पुन: सुरु गर्ने माओवादीले जनाएको छ ।

काठमाडौं । नेकपा माओवादी केन्द्रले ‘जनतासँग माओवादी, तराई-मधेश जागरण अभियान’ स्थगित भएको छ । राष्ट्रिय राजनीतिलाई मध्यनजर गरेर अभियान स्थगित भएको महासचिव देव गुरुङले जानकारी दिए ।

अध्यक्ष पुष्पकमल दाहाल प्रचण्डसहितको टोली अहिले रौतहटमा छ । अभियान स्थगित गरेर प्रचण्डसहित माओवादीका शीर्ष नेताहरू काठमाडौं फर्किँदैछन् ।

अभियान र पछिल्ला विकसित घटनाक्रमबारे छलफल गर्न भोलि पदाधिकारी बैठक बस्ने उनले बताए । पछिल्लो समयमा राजावादी शक्तिहरूको सक्रियतापछि माओवादीले अभियान स्थगित गरेको बताइन्छ ।

माओवादीले फागुन १२ गते झापाबाट एक महिने अभियान सुरु गरेको थियो ।

काठमाडाैं। जसपाका नेपालका पूर्व सांसद प्रमोद साह नेकपा माओवादी केन्द्रमा प्रवेश गरेका छन् ।

जनतासँग माओवाद, तराई मधेस जागरण अभियानअन्तर्गत सर्लाहीको मलंगवामा आयोजित जनसभामा उनी माओवादी केन्द्रमा प्रवेश गरेका हुन्। उनलाई माओवादी केन्द्रका अध्यक्ष पुष्पकमल दाहाल ‘प्रचण्ड’ले पार्टीमा स्वागत गरेका हुन् ।

साह २०७४ को आम निर्वाचनमा सर्लाही क्षेत्र नम्बर १ बाट प्रतिनिधिसभा सदस्यमा निर्वाचित भएका थिए भने २०७८ देखि प्रमुख सचेतको भूमिका निर्वाह गरेका थिए ।

पार्टी प्रवेशपछि नेता साहले २४० वर्षे एकात्मक सामन्ती राजतन्त्रको अन्त्य गरी संघीय लोकतान्त्रिक गणतन्त्र स्थापना गर्ने प्रमुख दल माओवादी केन्द्र भएकाले आफूले यही दल रोजेको बताए। तमाम उत्पीडित समुदायलाई मुक्ति दिने माओवादी र यसको कुशल नेतृत्व प्रचण्डले नै अब मधेस आन्दोलनका बाँकी कार्यभार पूरा गर्नसक्ने ठहर गरी आफू माओवादीको हिस्सेदार बन्न पुगेको उनले स्पष्ट पारे।

अहिले काङ्ग्रेस र एमाले पहिचान बिरोधी दलको रुपमा देखिएको तथा मधेसी दल अवसरवादमा लिप्त भएकाले अब माओवादीलाई विश्वास गरेर मात्रै मधेसी जनताको मुक्ति सम्भव हुने बताए। अब आफू माओवादी आन्दोलनमा रहेर पहिचान, अधिकार र सुशासनको पक्षमा अघि बढ्ने उनले प्रतिबद्धता व्यक्त गरे ।

सो क्रमा पूर्व प्रदेश सभा सदस्य निराकुमारी साहसहित ठूलो संख्यामा जसपा नेपालसहित विभिन्न दलका नेता कार्यकर्ता माओवादी केन्द्रमा प्रवेश गरेका छन् ।

काठमाडौं । नेकपा माओवादी केन्द्रका अध्यक्ष पुष्पकमल दाहाल प्रचण्डले प्रधानमन्त्री केपी शर्मा ओलीलाई शिक्षकहरूलाई अपमान गर्ने अधिकार नभएको बताएका छन् ।

सर्लाहीको ब्रहम्पुरीमा आयोजित जागरणसभालाई सम्बोधन गर्दै उनले कार्यसम्पादन मूल्याङ्कनमा फेल भएका प्रधानमन्त्री ओलीलाई प्रधानमन्त्रीको कुर्सीमा बस्ने अधिकार नभएको बताए ।

उनको भनाइ जस्ताको तस्तै

देशको प्रधानमन्त्रीको कुर्सीमा बसेको व्यक्तिले गैरजिम्मेवार तरिकाले शिक्षकहरूलाई होच्याउने र अपमानित गर्ने अभिव्यक्ति दिएपछि त्यस्तो नेतृत्वबाट शिक्षा विधेयक सजिलै संशोधन भएर पारित होला भन्ने विश्वास गर्ने आधार नभएपछि मैले नै शिक्षा विधेयक सदनमा दर्ता गर्न नेतृत्व गरेको थिएँ ।

मैले बोलेकै हो, शिक्षकहरूले एसईईमा ४८ प्रतिशतमात्रै पास गरेको हुनाले शिक्षकहरूलाई अपमानित हुने गरी बोल्ने प्रधानमन्त्री आफैँ कार्यसम्पादन मूल्याङ्कनमा २८ प्रतिशत, २१ प्रतिशत, ७ प्रतिशत भएकोलाई के भन्ने ? सबैभन्दा ठूलो फेल त राज्यको नेतृत्व गर्ने प्रधानमन्त्री नै भएको होइन, त्यसको नैतिक जिम्मेवारी लिनुपर्दैन भनेर बोलेकै हो । त्यो साँचो कुरा पनि हो ।

बजेटको उचित व्यवस्था नगर्ने, अरू तलब सुविधा र सम्मान गर्नुपर्नेथ्यो त्यो नगर्ने, अनि उल्टो शिक्षकहरूलाई नै अपमानित गर्ने अधिकार प्रधानमन्त्रीलाई छैन । त्यस्तो प्रधानमन्त्रीलाई प्रधानमन्त्रीको कुर्सीमा बस्ने नैतिक अधिकार छैन । त्यसको तरङ्ग तपाईँहरूले देखिराख्नुभएको छ ।

काठमाडौं । पूर्वप्रधानमन्त्री एवं नेकपा माओवादी केन्द्रका अध्यक्ष पुष्पकमल दाहाल प्रचण्डसहित अभियान टोलीलाई महोत्तरीको एकडारा गाउँपालिकाले स्वागत गरेको छ।

कार्यक्रम भएको स्थल काठमाडौ महानगरपालिका प्रमुख बालेन्द्र साहको पुर्ख्यौली घर हो, जो हाल गाउँपालिकाले भाडामा प्रयोग गरिरहेको छ।

जनतासँग माओवादी तराई मधेस जागरण अभियान अन्तर्गत आज प्रचण्ड बालेनको पुर्ख्यौली घरमा पुगेको उनको सचिवालयले जनाएको छ ।

महोत्तरी । पूर्वप्रधानमन्त्री एवं नेकपा माओवादी केन्द्रका अध्यक्ष पुष्पकमल दाहाल प्रचण्डले महोत्तरीको भिट्ठामोड सुख्खा बन्दरगाह निर्माणमा सहयोग गर्ने प्रतिबद्धता व्यक्त गरेका छन् ।

भारतीय सिमानामा रहेको सुख्खा बन्दरगाह निर्माणस्थलको अवलोकनपछि जलेश्वर उद्योग वाणिज्य संघले आयोजना गरेको छलफलमा उनले सो प्रतिबद्धता जनाएका हुन् ।

आफू प्रधानमन्त्री भएको बेला यो बन्दरगाह निर्माणका लागि सम्बन्धित निकायलाई निर्देशन दिएको र केही काम सुरु पनि भएको उल्लेख गर्दै उनले बाँकी प्रक्रियाका लागि सहयोग गर्ने बताए ।

आफ्नो पार्टीले सञ्चालन गरेको जनतासँग माओवादी, तराई मधेस जागरण अभियानको एउटा उद्देश्य सीमा क्षेत्रका जनताको अवस्था बुझ्ने र सम्भावित विकास निर्माणका काम अघि बढाउन पहल गर्ने भएकाले यो सवाल पनि अभियानकै एजेन्डा बन्ने अध्यक्ष प्रचण्डले स्पष्ट गरे ।

सो क्रममा जलेश्वर उद्योग वाणिज्य संघले ज्ञापनपत्र पनि बुझाएको थियो। कलकत्ता बन्दरगाहबाट तेस्रो मुलुकको सामान आयात निर्यात गर्न जलेश्वर भन्सारबाट एकतर्फी २२५ किलोमिटर मात्रै रहेको जानकारी गराउँदै सङ्घका अध्यक्ष शिवचन्द्र चौधरीले यो बन्दरगाह मधेसका सबै जिल्लाको पायक स्थानमा पर्ने जानकारी गराए । साथै उनले मणिपाल कलेजका लागि ३५ बिघा जग्गा स्थानीयबाट सस्तोमा लिएर अलपत्र छाडेकाले तत्काल काम सुरु आवश्यक निर्देशन दिन पनि अध्यक्ष प्रचण्डसँग आग्रह गरे ।

कैलाली । नेकपा माओवादी केन्द्रमा उपमहासचिव जनार्दन शर्माले मुलुकको नेतृत्व गर्ने अवसर थारु र मधेसी नागरिकले पाउनुपर्ने बताएका छन् ।

कैलालीको टिकापुरमा माओवादी केन्द्र निकट थारु राष्ट्रिय मुक्ति मोर्चाको चौथो राष्ट्रिय सम्मेलन उद्घाटन समारोहमा उनले थारु समुदायको जनयुद्ध र नेतृत्व निर्माणमा ठुलो योगदानको रहेको भन्दै देशको नेतृत्व गर्न पाउनु पर्ने बताएका थिए ।उनले कार्यकारी स्थानमा यो समुदायलाई पुराउन आवश्यक रहेको टिप्पणी गरेका थिए ।

उपमहासचिव शर्माले सुदूरपश्चिम प्रदेशको मुख्यमन्त्री थारु समुदायबाट बनाउन नसकेको भन्दै आत्मालोचना गरेका थिए ।

‘हामीले यो प्रदेशमा थारु मुख्यमन्त्री बनाउन सकेनौँ । हामी आत्मालोचना गर्न चाहन्छौँ , आगामी दिनमा यो सुदूरपश्चिम प्रदेशमा थारु नेताले मुख्यमन्त्री भएर यहाँको शासन सत्ता चलाउने र पहिचानसहितको सङ्घीयता लागू गर्ने अवस्था हुनेतर्फ राष्ट्रिय मुक्ति मोर्चाले ध्यान दिनु पर्छ ’ उनले भने ।

माओवादी अध्यक्ष पुष्पकमल दाहाल नेतृत्वमा संविधान जारी भएको दाबी गर्दै उनले अझै पहिचानसहितको संविधान निर्माण गर्न सङ्घर्ष गर्न बाकी रहेको बताएका थिए । ‘संविधानलाई समाप्त गर्ने खोल हुँदै छ त्यसका विरुद्ध फेरी सङ्घर्ष गर्नु पर्ने हुनसक्छ । त्यो सङ्घर्ष शान्तिपूर्ण हुने छ’ उनले भनेका थिए ।

काठमाडौं । नेकपा माओवादी केन्द्रले पूर्वराजा ज्ञानेन्द्र शाहको अभिव्यक्तिपछि व्यवस्थाविरोध शक्तिहरु उत्साहित भएको निष्कर्ष निकालेको छ । यद्यपि, राजावादीहरुको सक्रियता लामो समयसम्म नटिक्ने माओवादीको बुझाइ छ ।

खुमलटारमा सोमबार बसेको पदाधिकारी बैठकमा देशको पछिल्ला समसायिमक राजनीतिक घटनाक्रम, अन्तराष्ट्रिय जगत, दलहरुबीच भएका संवाद, पूर्वराजा ज्ञानेन्द्र शाहले दिएको अभिव्यक्ति, अन्तर्राष्ट्रिय जगतमा अमेरिकाको भूमिकालगायतको बिषयमा छलफल भएको सचिव लीलामणि पोखरेलले बताए ।

उनले भने, ‘पूर्वराजाको अभिव्यक्तिले केही प्रतिगामी शक्तिहरु अलिक उत्साहित बन्न खोजेको जस्तो देखिन्छ । उनीहरुले त्यहीअनुसार प्रदर्शन गर्न थालेका छन् । केही हौसिएका पनि देखिन्छन् । तर त्यो लामो समयसम्म रहनसक्ने स्थिति रहन्न ।’

उनले दल विभाजन सम्बन्धी विधेयक र अध्यादेशको विषयमा पनि छलफल भएको बताए ।

उनले भने, ‘अध्यादेश अहिलेसम्म कार्यसूचीमा आएका छैनन्। अध्यादेश खारेज गर्नुपर्छ। अध्यादेश अघि बढाउँदा जनप्रतिनिधिमूलक संस्थालाई कमजोर बनाउन, शासकहरुको स्वेच्छाचारी बन्ने प्रवृत्ति हामी हुन्छ, र गलत कुरालाई निहित उद्देश्य पूरा गर्नैको लागि संसदीय प्रक्रियालाई छल्ने परम्परा बन्छ ।’

उनले अध्यादेशका केही कन्टेनहरु आपत्तिजनक रहेको भन्दै खारेज गर्नुपर्ने बैठकले निष्कर्ष निकालेको सुनाए ।

 

 

काठमाडौं । नेकपा माओवादी केन्द्रका अध्यक्ष पुष्पकमल दाहाल प्रचण्डले तथाकथित दुई तिहाइको सरकारले अध्यादेश ल्याउनु अलोकतान्त्रिक अभ्यास भएको टिप्पणी गरेका छन् ।

नेपालगञ्ज विमानस्थलमा सञ्चारकर्मीहरूसँग कुरा गर्दै दुई तिहाइको अहंकार गर्ने सरकारले सदन खुल्नुअघि नै अध्यादेश ल्याउनु गलत भएको बताए ।

उनले भने, ‘अध्यादेश त पास हुने स्थिति मैले देखेको छैन। राष्ट्रियसभामा जसरी गएको छ त्यो हेर्दा पास हुने स्थिति छैन । अनेक हत्कण्डा अपनाएर पास गरेको भन्ने सुनिन्छ । करोडौँको चलखेल हुन थालेको छ भन्ने कुरा पनि आएको छ । तर जे जे भए पनि अध्यादेश पास हुने स्थिति छैन। केही अध्यादेश त पास हुँदैनन् नै ।’

काठमाडौं । नेकपा माओवादी केन्द्रले पदाधिकारी बैठक बोलाएको छ । पार्टी अध्यक्ष पुष्पकमल दाहाल ‘प्रचण्ड’ निवास खुमलटारमा बस्नेगरी बैठक बोलाइएको सचिव गणेश साहले बताए ।

बैठकमा पछिल्ला समसामयिक राजनीतिक घटनाक्रमदेखि पार्टीको जारी तराईं मधेश अभियानको समीक्षा हुने उनले बताए ।

माओवादीले गत सोमबारदेखि ‘जनतासँग माओवादी : तराई-मधेश जागरण अभियान’को सुरु गरेको थियो । झापाको केचनाकबलबाट शुरू अभियान कञ्चनपुर पुगेर टुंग्याउने माओवादीको तयारी छ ।

अभियानमा अध्यक्ष प्रचण्डसहित पार्टीका उपमहासचिव तहसम्मका नेता सहभागी छन् । माओवादीले अभियानमा जनताको कुरा सुन्ने र सरकारविरुद्ध खबरदारी गर्दै आइरहेको छ ।

जनकपुरधाम । तराई-मधेस जागरण अभियान नेकपा माओवादी केन्द्रले धनुषाको हंसपुर नगरपालिकामा विद्यालय बन्द गराएर सभा गरेको छ ।

हंसपुर नगरपालिका-६ सोनगमास्थित राष्ट्रिय प्रावि विद्यालयमा माओवादीले कार्यक्रम राखेको थियो । अध्यक्ष ‘प्रचण्ड’ सहितका नेताले सम्बोधन गरेका छन् ।

माओवादीका स्थानीय नेताको दबाबले विद्यालय बन्द गरिएको एक शिक्षकले बताए ।

‘अचानक विद्यालय बन्द गर्नुपर्‍यो । पढ्न आएकालाई घर फर्काउनु पर्‍यो’, ती शिक्षकले बताए ।

पठनपाठन नै बन्द गर्ने गरी दलहरूले कार्यक्रम गर्ने गरेको भन्दै अभिभावकले गुनासो गरेका छन् ।