काठमाडौं । नेकपा एमालेपछि सत्ता साझेदार दल नेपाली कांग्रेसले पनि उपसभामुख इन्दिरा रानालाई हटाउन हस्ताक्षर संकलन थालेको छ ।
सांसदहरु सिंहदरबारस्थित संसदीय दलको कार्यालय पुगेर धमाधम हस्ताक्षर गरिरहेका छन् । हस्ताक्षरअघि नेपाली कांग्रेसको पदाधिकारी बैठक बसेको थियो ।
प्रतिनिधिसभामा एमालेका कुल ८८ सांसदमध्ये मोहन बस्नेत निलम्बनमा छन् । अहिले कांग्रेस सांसदको संख्या ८७ रहेको छ ।
उपसभामुख इन्दिरा रानाले आफूसहित पाँच जनालाई भिसाको अन्तर्वार्ताका लागि समय उपलब्ध गराउन लेखेको पत्रको विषयमा आफ्नो पदीय मर्यादा बिर्सेको भन्दै नैतिकतामाथि प्रश्न उठाउँदै हटाउन प्रस्ताव लैजाने सत्ता गठबन्धनले तयारी गरेका हुन् ।
उपसभामुख संवैधानिक परिषद्को सदस्य हुने भएकाले हाल संवैधानिक परिषदमा कांग्रेसको प्रतिनिधित्व नहुँदा रानामगरलाई हटाउने प्रयास यसअघि पनि भएको थियो ।
