Category: नेपाली कांग्रेस

काठमाडौं । स्वास्थ्य तथा जनसंख्या मन्त्री प्रदीप पौडेलले राजीनामा दिएका छन् । लोकतन्त्रको मूल्य र नागरिक अधिकारको पक्षमा उभिँदै स्वास्थ्य मन्त्रीको पदबाट राजीनामा दिएको बताए ।

काठमाडौं । नेपाली कांग्रेसका महामन्त्रीद्वय गगन थापा र विश्वप्रकाश शर्माले एमालेसँगको ७ बुँदे सहमतिको औचित्य समाप्त भएको भन्दै पार्टीबाट सरकारमा गएका मन्त्रीहरुलाई फिर्ता हुन निर्देशन दिएका छन् ।

महामन्त्रीद्वयले संयुक्त विज्ञप्ति निकाले पार्टी सभापति शेरबहादुर देउवादे सबै मन्त्रीलाई फिर्ता नबोलाएर अन्य प्रक्रियाबाट कदम चाल्ने चेतावनी दिएका छन् ।

उनीहरुले प्रधानमन्त्री ओलीले पनि राजीनामा गरेर नयाँ सहमति गर्नुपर्ने बताएका छन् ।

उनीहरुले जेन जी पुस्तालाई पनि जायज माग सम्बोधन गर्न जोड दिने भन्दै आन्दोलनलाई संयमित बनाउन आग्रह गरेका छन्। अहिलेको समस्या समाधान गर्नको लागि सबै राजनीतिक दलहरुसँग खुला छलफलको आह्वान पनि गरेको छन्।

काठमाडौं । जेनजीको आन्दोलनमा हिजो १९ जनाको मृत्यु भएपछि सरकार छोड्न पर्ने भनेर दबाब बढेको बेला कांग्रेसका मन्त्रीहरु बेग्लै छलफलमा जुटेका छन् । कांग्रेसबाट स्वास्थ तथा जनसंख्या मन्त्री प्रदिप पौडेलले कांग्रेसका मन्त्रीहरुले सयुक्त राजीनामा दिने वा के गर्ने भन्ने विषयमा अहिले छलफल भैरहेको बताए ।

कांग्रेसबाट प्रकाशमान सिंहको नेतृत्वमा मन्त्रीहरू सरकार छन् । सिंह उपप्रधान तथा सहरी विकास मन्त्री हुन् । भने, परराष्ट्र मन्त्री आरजु राणाा देउवा , खेलकुद मन्त्री तेजुलाल चौधरी, कानुन मन्त्री अजय चौरसिया, उर्जा मन्त्री दीपक खड्का, वन मन्त्री ऐनबहादुर शाही, स्वास्थ मन्त्री प्रदीप पौडेल, कृषि मन्त्री रामनाथ अधिकारी र पर्यटन मन्त्री बद्री पाण्डे सरकारमा सहभागी छन् ।

१९ जनाको मृत्यु भएपछि हिजो नै गृहमन्त्रीमा रमेश लेखक राजीनामा दिएका थिए ।

यसैबीच सरकारमा सहभागी नेपाली कांग्रेसका नेता डा।शेखर कोइराला पक्षका मन्त्रीहरुलाई राजीनामाको निर्देशन दिइएको छ । सरकारबाट फिर्ता हुन सभापति देउवा नमानेपछि कोइरालाले आफूनिकट मन्त्रीहरुलाई राजीनामा गर्न भनेका हुन् ।

काठमाडौं। सत्तारुढ दल नेपाली कांग्रेसले पदाधिकारी बैठक बोलाएको छ। जेन जी पुस्ताको आन्दोलन उग्र भएपछि सभापति शेरबहादुर देउवाले आकस्मिक बैठक बोलाएका हुन्।

कांग्रेसका मुख्यसचिव कृष्णप्रसाद पौडेलका अनुसार बैठक साँझ ५ बजे सभापति देउवा निवास बुढानीलकण्ठमा बस्नेछ।

आजै महामन्त्रीद्वय गगन थापा र विश्वप्रकाश शर्माले पार्टीका सभापति देउवालाई भेटेर सामाजिक सञ्जाल बन्द गर्ने सरकारको निर्णय र जेन जी पुस्ताको आन्दोलनबारे जानकारी गराएका थिए।

महामन्त्रीद्वयको दबाबपछि देउवाले प्रधानमन्त्री केपी ओलीसँग कुरा गरेर समस्याको समाधान गर्ने जवाफ दिएका थिए।

काठमाडौं । नेपाली कांग्रेसका महामन्त्रीद्वय गगन थापा र विश्वप्रकाश शर्माले पार्टीका सभापति शेरबहादुर देउवासँग भेटवार्ता गरेका छन्।

महामन्त्रीद्वयले पार्टी सभापति देउवालाई बुढानीलकण्ठमा पुगेर भेटवार्ता गरेको प्रचार विभाग प्रमुख मीन विश्वकर्माले बताए। भेटमा समसामयिक विषयमा केन्द्रित भएको उनले बताए।

महामन्त्रीद्वयले सामाजिक सञ्जाल बन्द गर्ने सरकारको निर्णय र जेन जी पुस्ताको आन्दोलनबारे जानकारी गराएका थिए।

महामन्त्रीद्वयको दबाबपछि देउवाले प्रधानमन्त्री केपी ओलीसँग कुरा गरेर समस्याको समाधान गर्ने जवाफ दिएका थिए। सामाजिक सञ्जाल अर्को कुनै विकल्पबिना बन्द गर्दा परेको असरबारे महामन्त्रीद्वयले बताएपछि देउवाले पनि सकारात्मक जवाफ फर्काएको बताइन्छ।

अब देउवाले प्रधानमन्त्रीसहित पार्टीबाट सरकारमा रहेका मन्त्रीहरूसँग पनि छलफल गर्नेछन्। सरकारले सामाजिक सञ्जाल बन्द गर्ने निर्णयको महामन्त्री थापाले सार्वजनिक रूपमै विरोध जनाएका थिए।

देउवाले पनि प्रधानमन्त्री दर्ता गर्ने कुरा मात्रै गरेको र बन्द गर्ने कुरा नगरेको शनिवार विराटनगर पुगेर बताएका थिए।

काठमाडौं । सत्तारुढ दल नेपाली कांग्रेसनिकट नेपाल तरुण दलले जेनजी पुस्ताले आयोजना रेको आन्दोलनप्रति आपत्ति जनाएको छ । तरुण दलका अध्यक्ष विद्वान गुरुङले अराजक परिस्थिति उब्जिन नदिई शान्तिपूर्ण रूपमा आन्दोलन गर्न आग्रह गरेको छ ।

विज्ञप्तिमा भनिएको छ, ‘सरकारले सूचीकृत गर्न आउनू भनेर जारी गरिएको सूचना अनुसार फेसबुक, ट्वीटरलगायतका सामाजिक सञ्जालहरू बन्द भए पछाडि आक्रोशित युवा पुस्ताले गर्न लागिएको जेनजी पुस्ताको भ्रष्टाचारविरोधी लगायतका विषयको नाराहरूसहितको आयोजना गरिएको आन्दोलनमा घुसपैठ हुन सक्ने आशङ्का लागेको छ ।’

भ्रष्टाचारको विषयमा कांग्रेस र नेपाल तरुण दलले सधैँभरी बुलन्द आवाज उठाउँदै आएको गुरुङको जिकिर छ ।

विज्ञप्तिमा भनिएको छ, ‘जेन जी पुस्तालाई हामी ध्यानाकर्षण गराउन चाहन्छौं आज जुन स्वतः स्फूर्तको साथ आन्दोलन गर्न पाउनुभएको छ त्यो तिनै नेताहरूको त्याग, बलिदानले ल्याएको परिवर्तनको कारणले हो तर कुनै नेताको छोरा वा छोरी भएकै कारण उसले आफ्नो व्यक्तिगत जीवन जिउँदा अनेक तवरले विरोध गर्नु कसरी न्यायसङ्गत हुन्छ । जेन जीलाई हाम्रो प्रश्न छ ?’

अहिले फेसबुक मेटा, युट्युब जस्ता सामाजिक सञ्जाल नचल्नाले गर्दा धेरै युवाहरू डिजिटलाइजेसन प्रविधिको उपयोगबाट वञ्चित भएकाले आजको आन्दोलन यही तथ्यमा आधारित रहेको तरुण दलले जनाएको छ ।

रुपन्देही । नेपाली कांग्रेस लुम्बिनीले पार्टीको लुम्बिनी प्रदेश कार्यसमिति सदस्य तथा प्रदेश सभामा पार्टीका उम्मेदार विक्रम सिंह थापालाई कारबाही गरी पदमुक्त गरेको छ ।

पार्टी पद्धतिमा नरहेको र नेतृत्वलाई असहयोग गरेको भन्दै उनलाई कारबाही गरिएको कांग्रेस लुम्बिनीका एक पदाधिकारीले जनाए । पूर्व एसएसपी थापा ८ वर्षयता कांग्रेसमा सकृय राजनीति गर्दै आएका थिए ।

प्रदेश कार्यसमिति कार्यालयले उनलाई पदमुक्त गरिएको पत्र सार्वजनिक गरेको छ ।

नेपाली कांग्रेस विधान २०७१ (संशोधनसहित) को परिच्छेद–७ को धारा १३ ९१० को उपधारा ९१०० बमोजिम थापालाई जिम्मेवारीबाट मुक्त गरिएको नेपाली कांग्रेस लुम्बिनी प्रदेश सभापति अमरसिंह पुनले हस्ताक्षर गरेको विज्ञप्तीमा उल्लेख छ । थापालाई साउन ११ गते नै कार्वाही गरिएपनि अहिलेसम्म यसलाई गोप्य राखिएको थियो ।

थापा कपिलवस्तुको महाराजगंज नगरपालिका–८ निवासी हुन् । पहिला शेखर समूहमा रहेको उनी अहिले देउवा समूहमा लागेका छन् । जिल्ला सभापति अब्दुल कलाम तथा प्रदेश सभापति अमरसिंह पुनसँग उनी असन्तुष्ट रहेका छन् ।

कांग्रेस नेता सुरेन्द्रराज आचार्यले थापालाई हटाइएको पुष्टि गर्दै प्रदेश सभापतिले नै मनोनित गरेको र उहाँले नै हटाएको विषय जानकारीमा आएको अन्य कारणबारे जानकारी नभएको जताए । थापाको भने फोन सम्पर्क हुन सकेन ।

काठमाडौं । गृहमन्त्री रमेश लेखकले कुनै पनि देशको सैन्य रणनीतिमा नेपाल सहभागी नहुने प्रष्ट पारेका छन् । वीरगन्जमा आयोजित पत्रकार सम्मेलनमा बोल्दै सरकारले सीमा सुरक्षा र सीमामा हुने अपराधहरू नियन्त्रण गर्न सरकारले काम गरिरहेको बताए ।

उनले भने, ‘चीनले अघि सारेको ग्लोबल सेक्युरिटी इनिसिएटिभ (जीएसआई)मा नेपाल सहभागी भएको भन्ने कुरा आएको छ। हामी कुनै पनि देशको सैन्य रणनीतिमा सामेल हुँदैनौँ यो कुरा पहिल्यै हामीले भनिसकेका छौँ। कुनै पनि देशको सैन्य रणनीतिमा नेपाल सहभागी हुँदैन। हामी सबैको मित्र छौँ, हाम्रो कसैसँग शत्रु भाव छैन। हामी सबैसँग सहयोग लिन चाहन्छौँ, गर्न पनि चाहन्छौँ। यसबारेमा प्रधानमन्त्री फर्केर आइसकेपछि पनि आफ्नो कुरा भन्नुहुनेछ ।’

उनले लिपुलेकबारे प्रधानमन्त्रीले चीनमा गरेको दाबी सही भएको भन्दै कुनै छिमेकीले चित्त दुखाउनुपर्ने कारण नभएको बताए।

उनले थपे, ‘लिपुलेक नेपाली भूमि हो। त्यो कुरा हामी प्रस्ट भन्न चाहन्छौँ। उहाँहरूको सहमतिमा हाम्रो आपत्ति छ। हामीले हाम्रो भूमिलाई आफ्नो भन्दा कुनै पनि छिमेकीले चित्त दुखाउनुपर्ने कारण छैन। सम्बन्ध बिग्रिनुपर्ने कारण पनि छैन। प्रधानमन्त्रीले आफ्नो कुरा राख्नुभयो। चीनले कुनै प्रतिक्रिया नदिनु उहाँहरूको कुरा हो। तर प्रधानमन्त्रीजी बोल्नुभएको छ।’

काठमाडौं । नेपाली कांग्रेसले राज्य व्यवस्था तथा सुशासन समितिको सभापतिबाट राजीनामा दिएका सांसद रामहरि खतिवडा संसदीय सुनुवाइ समिति (संयुक्त) मा लगेको छ ।

सुनुवाइ समितिको सभापतिबाट ईश्वरी न्यौपाने राजीनामा दिएर राज्य व्यवस्था समितिको सभापति बनेकी थिइन् । खतिवडालाई रिक्त सदस्य पदमा लगिएकको हो ।

आज बसेको प्रतिनिधि सभा बैठकमा उपसभामुख इन्दिरा रानामगरले खतिवडालाई संसदीय सुनुवाइ समितिमा पठाउन गरेको प्रस्ताव सर्वसम्मतिले स्वीकृत गरेको हो ।

संघीय निजामती विधेयक अन्र्तगत कुलिङ पिरियड छेडखानीमा छानबिन समितिले नैतिक जिम्मेवारी ठहर्याएपछि खतिवडाले सभापतिबाट राजीनामा दिएका थिए ।

महेन्द्रनगर ।  नेपाली कांग्रेसका महामन्त्री गगनकुमार थापाले उखु किसानका माग सम्बोधन गरी समस्याको दीर्घकालीन समाधानका लागि सरकारले सरोकार भएका निकायसँग छलफल गर्नुपर्ने बताएका छन् ।

आज जनकपुरधाम विमानस्थलमा संक्षिप्त कुराकानी गर्दै महामन्त्री थापाले उखुको उत्पादन बढाउने विषयमा सरकारले सरोकार भएका निकायसँग छलफल गरी आवश्यक पहल गर्नुपर्ने सुझाव दिए । सरकारले आन्दोलनमा रहेका उखु किसानका माग तत्कालै सम्बोधन गरी उहाँहरूलाई उत्पादन वृद्धिमा प्रोत्साहन गर्नुपर्नेमा जोड दिए।

कृषि मन्त्रालयले किसानलाई अनुदानबापतको ७० रुपैयाँ उपलब्ध गराउन महामन्त्री थापाले आग्रह गरे । उनले नेपाल कम्युनिष्ट पार्टी ९एमाले० र कांग्रेसको सहकार्यमा बनेको वर्तमान सरकारमा केही असमानता रहे पनि सरकार परिवर्तन नहुने उल्लेख गरे ।

उखुको मूल्य तोक्न ढिलाइ गर्ने, भुक्तानीमा समस्या हुने, अनुदान नपाउनेलगायत किसानसँग जोडिएका समस्या दीर्घकालीन रूपमा समाधान गर्न तत्काल छलफलका माध्यमबाट उपाय खोज्नुपर्ने उनको भनाइ छ । उखु किसानद्वारा गरिएको आन्दोलनलाई प्रधानमन्त्री र अर्थमन्त्रीले कुनै प्रतिष्ठाको विषय नबनाउने हो आजै समस्या समाधान हुने उनले धारणा राखे

“चालु आर्थिक वर्षमा अनुदानका लागि रु दुई अर्ब बजेट छुट्याइएको छ । कृषकलाई अनुदान उपलब्ध गराउन उक्त रकम छुट्याइएकाले समस्या समाधान गर्न कुनै द्विविधा छैन”, थापाले भने । उनले किसानका माग पूरा गरी दीर्घकालीन रूपमा समस्या समाधान गर्न सरकारले छलफल गर्नुपर्नेमा जोड दिए ।

रुपन्देही । तीन वर्षअघि भएको निर्वाचनमा अन्तरघातको  गरेकाे भन्दै नेपाली कांग्रेसले  रुपन्देहीका नेताहरुलाई कारबाही थालेकाे छ । उपनिर्वाचनकाे मुखमा कारवाही गर्दा पार्टीलाई क्षति पुग्ने भन्दै स्थानीय नेताहरु चिन्तित बनेका छन् ।

गत निर्वाचनमा आफ्नै पार्टीका उम्मेदवार हराएको आराेपमा नेपाली काँग्रेस लुम्बिनी प्रदेश समितिले प्रदेश समिति सदस्य विष्णु पोखरेललाई तीन वर्षपछि कारबाही गरिएकाे छ ।  उनलाई पार्टी केन्द्रकाे दवाबमा प्रदेश सदस्यकाे जिम्मेवारीबाट हटाइएकाे हाे ।

कार्तिक १७ गते रुपन्देहीमा उपनिर्वाचनको तयारी भइरहेको छ । नेविसंघ रुपन्देहीमा लामो समय काम गरेका र रुपन्देही ५ बाट यसअघि नै प्रदेश सभाको उम्मेदवार भइसकेका युवा नेता पोखरेललाई कारबाही गरिएसँगै अहिले निर्वाचनमा यसको प्रभाव पर्ने भन्दै पार्टी नेताहरुले यसको आलोचना थालेका छन् ।

त्यसो त पोखरेल आफैले यसको कुनै वैधानिकता नभएको र आफूलाई कुनै स्पष्टिकरण समेत नसोधिएको दावी गरेका छन् ।

‘रुपन्देहीमा उपनिर्वाचन आइरहेको छ, त्यो क्षेत्रमा सबै संगठन बनाउने काम गरेको छु । मलाई तीन वर्ष अघिको निराधार आरोपमा यसो गरिएको त्यो पनि सामाजिक सन्जालबाट थाहा पाएको छु । मैले सभापतिलाई के हो भनेर फोन गर्दा उठाउनुभएको छैन । म सबै कुरा प्रष्ट राख्ने मान्छे हुँ । आलोचना नपच्नेलाई मेरो भन्नु केही छैन । मैले पार्टीको नीति र सिद्धान्तभन्दा बाहिर गएर काम गरेको छैन’ उनले भने ।

काठमाडौं । राज्य व्यवस्था तथा सुशासन समितिको सभापतिमा कांग्रेसकी ईश्वरी न्यौपाने निर्विरोध चयन भएको घोषणा गरिएको छ । सत्ता गठबन्धनको तर्फबाट न्यौपानेको एकल उम्मेदवारी परेको थियो ।

निवर्तमान सभापति रामहरि खतिवडालगायतका समिति सदस्यले न्यौपानेलाई समिति बैठकमा खादासहित बधाई दिए । निजामती विधेयकको कुलिङ पिरियड छेडखानीमा संसदीय छानबिन समितिले नैतिक जिम्मेवार ठहराएसँगै खतिवडाले राजीनामा दिएपछि सभापति पद रिक्त थियो ।

पार्टीको निर्णय अनुसार संसदीय सुनुवाइ समितिको सभापतिबाट राजीनामा दिएर न्यौपानेले राज्य व्यवस्था समितिमा उम्मेदवारी दिएकी थिइन् ।

कांग्रेसको समानुपातिक सांसद रहेकी न्यौपानेलाई कांग्रेसले यसअघि सभामुखको उम्मेदवार पनि बनाएको थियो ।

काठमाडौं । संसदीय सुनुवाइ समितिबाट राजीनामा दिएकी ईश्वरी न्यौपानेले राज्य व्यवस्था तथा सुशासन समिति सभापतिको पदमा मनोनयन दर्ता गराएकी छन्।

पार्टीको निर्णय अनुसार न्यौपानेले राज्य व्यवस्था समितिको सभापतिमा उम्मेदवारी दर्ता गराएका हुन्।

उनको प्रस्तावक कांग्रेस सांसद रामहरि खतिवडा छन् भने समर्थक एमाले सांसद कृष्णगोपाल श्रेष्ठ छन्। खतिवडा यसअघि सभापति थिए।

समानुपातिक सांसद रहेकी न्यौपानेलाई कांग्रेसले यसअघि सभामुखको उम्मेदवार पनि बनाएको थियो।

काठमाडौं । संसदीय सुनुवाइ समितिको सभापतिबाट ईश्वरी न्यौपानेले राजीनामा दिएकी छन्।

राज्य व्यवस्था तथा सुशासन समिति सभापतिको पदमा मनोनयन दर्ता गराउनका लागि न्यौपानेले सभामुख देवराज घिमिरेलाई राजीनामा बुझाएकी हुन्।

कांग्रेसको आज बसेको शीर्ष नेताहरूको बैठकले न्यौपानेलाई उम्मेदवार बनाउने निर्णय गरेको थियो। न्यौपानेले राज्य व्यवस्था तथा सुशासन समितिको सभापतिमा उम्मेदवारी दिँदै छिन्।

काठमाडौं । नेपाली कांग्रेसले राज्य व्यवस्था तथा सुशासन समितिको रिक्त सभापतिको उम्मेदवार ईश्वरीदेवी न्यौपानेलाई बनाउने भएको छ । मंगलबार बसेको कांग्रेस पदाधिकारी बैठकले समितिका सदस्य समेत रहेका न्यौपानेलाई सभापतिको उम्मेदवार बनाउने निर्णय गरेको हो ।

पार्टी पदाधिकारी बैठकले निर्णय गरेको र आफूलाई उम्मेदवारी दिन भनिएको न्यौपानेले नेपाल प्रेससँग बताइन् ।

उनले भनिन्, ‘पार्टी पदाधिकारी बैठकले निर्णय गरेको भन्ने सुनियो । अहिले घरबाट निस्किदैँ छु, आधा घण्टापछि उम्मेदवारी दर्ता गर्छु होला ।’

समितिका सदस्य दिलेन्द्रप्रसाद बडुलाई सभापति बनाउने तयारी भए पनि अन्तिम समयमा आएर संसदीयु सुनुवाइ समितिका सभापति रहेका न्यौपानेलाई त्यहाँबाट राजीनामा दिन लगाएर राज्य व्यवस्था समितिको सभापति बनाउने पदाधिकारी बैठकले निर्णय गरेको हो ।

समिति सभापतिका लागि मंगलबार मनोनयन दर्ता र बुधबार निर्वाचनको तालिका छ । कुलिङ पिरियड छेडखानीमा संसदीय समितिले नैतिक जिम्मेवार ठहर्‍याएपछि तत्कालीन सभापति रामहरि खतिवडाले गत साउन २८ मा राजीनामा दिएका थिए ।

रिक्त सभापतिका लागि दिलेन्द्र बडु, सरिता प्रसाई, अम्बिका बस्नेत लगायतका सांसद आकांक्षी देखिएका थिए ।

काठमाडौं । नेपाली कांग्रेसको शीर्ष नेताहरूको बैठक सुरु भएको छ । पार्टी सभापति शेरबहादुर देउवा निवास बूढानीलकण्ठमा बैठक बसिरहेको मुख्यसचिव कृष्णप्रसाद पौडेलले बताए ।

बैठकमा राज्य व्यवस्था तथा सुशासन समितिका सभापति चयन गर्नेबारे छलफल हुनेछ । बैठकमा उपसभापतिद्वय पूर्णबहादुर खड्का र धनराज गुरुङ, महामन्त्रीद्वय गगन थापा र विश्वप्रकाश शर्मा, गृहमन्त्री रमेश लेखक र प्रमुख सचेतक श्याम घिमिरे सहभागी छन् ।

हिजो पनि शीर्ष नेताहरूको बैठक बसेको भएपनि समितिको सभापतिमा सहमति जुट्न सकेको थिएन । समितिको सभापतिमा दिलेन्द्र बडू, हृदयराम थानी, सरिता प्रसाईँ र अम्बिका बस्नेतको नाम चर्चा छ । समितिको सभापति निर्वाचनका लागि आज १ देखि ४ बजेसम्म उम्मेदवारी दर्ता गर्ने कार्यसूची छ ।

काठमाडौं । नेपाली कांग्रेसका नेता डा. शेखर कोइरालाले आन्दोलनरत उखु किसानको माग सम्बोधन गर्न सरकारसँग माग गरेका छन्। उखुको बोटसहित किसान सडक आन्दोलनमा आउनु अत्यन्त दुःखद स्थिति भएको बताएका छन्।

उनले भनेका छन्, ‘खेतीको बेलामा मल नपाउने, खेतमा हुनुपर्ने बेलामा किसान मल किन्न लाइनमा उभिनुपर्ने, उत्पादन भएको दूध सडकमा फाल्नुपर्ने, देशको प्रमुख नगदे बाली उखुमा कहिले भुक्तानी नपाउने, कहिले अनुदान कटौती गरिने, अनि हामी कसरी खाद्यान्नमा आत्मनिर्भर हुन सक्छौँ ?’

कृषिलाई सरकारले प्राथमिकतामा राखेको भनेर किताबमा लेखेर तथा भाषणमा बोलेर मात्रै हुन्छ ? भन्दै प्रश्न गरे।

उनले थपेका छन्, ‘उखुको बोट सहित किसान सडक आन्दोलनमा आउनु अत्यन्त दुःखद स्थिति हो । उनीहरूको माग तुरुन्त पुरा गरौँ ।’

काठमाडौं । प्रतिनिधिसभा अन्तर्गतको राज्य व्यवस्था तथा सुशासन समितिको रिक्त सभापतिमा दिलेन्द्रप्रसाद बडुलाई पठाउने नेपाली कांग्रेसले तयारी गरेको छ । यद्यपि निर्णय भने भइनसकेको कांग्रेस प्रमुख सचेतक श्यामकुमार घिमिरेले नेपाल प्रेससँग बताए ।

कांग्रेसका सांसद एवं समितिका एक सदस्यका अनुसार बडुलाई सभापति बनाउने गरी गृहकार्य सुरू भएको हो । बडु पूर्वमन्त्री समेत भइसकेका छन् ।

सभामुख देवराज घिमिरेले समिति सभापतिको निर्वाचनको मिति बुधबारलाई तय गरेका छ्न । नियमावलीको व्यवस्थाअनुसार सभापति रिक्त भएको १५ दिनभित्र सभापति चयन गरिसक्नुपर्ने व्यवस्था छ । गठबन्धनको दलको सहमति अनुसार समितिको सभापति नेपाली कांग्रेसले पाउने छ ।

संघीय निजामती सेवा विधेयक निर्माणका क्रममा कुलिङ अफ पिरियडको व्यवस्थामा छेडखानीमा छानबिन समितिले नैतिक जिम्मेवार ठहराएपछि रामहरि खतिवडाले साउन २८ मा राजीनामा दिएका थिए ।

काठमाडौं । नेपाली कांग्रेसमा महामन्त्री गगन थापाले कांग्रेस र एमालेबीच भएको सात बुँदे सहमति आफूले पत्रिका पढेर मात्रै थाहा पाएको बताएका छन् ।

प्रतिनिधि सभाको बैठकमा बोल्दै पार्टीले निर्णय गरेपनि फरक मत भएपछि सरकारलाई सफल बनाउनको लागि आफूले काम गरिरहेको बताए ।

उनले भने, ‘फागुन महिनासम्म सरकार सञ्चालन गर्न बनेको संयन्त्रमा बसेर काम पनि गरेँ । सरकार बनेपछि सफल बनाउनुपर्छ भन्ने नै हो । अहिले त्यो जिम्मेवारीमा सक्रिय नरहे पनि सांसद छु, कांग्रेसको जिम्मेवार पदाधिकारी पनि छु । त्यसैले यो सरकार सफल हुनुपर्छ भन्नेमा मेरा काम र भूमिका हुनुपर्छ भन्नेमा सचेत छु ।’

उनले सरकारलाई सफल बनाउनको लागि बन्द कोठामा प्रधानमन्त्री केपी ओलीदेखि पार्टी सभापति शेरबहादुर देउवासम्मलाई निरन्तर दबाब दिइरहेको पनि बताए ।

उनले थपे, ‘मैले भनेको कुरा बन्द कोठामा भन्दा नसुनेपछि कतिपय कुरा बाहिर ल्याउन आवश्यक ठान्छु । बाहिर भनियो भने बन्द कोठामा भएको छलफललाई दबाब दिन्छ भन्ने ठान्छु । त्यसैले सरकारलाई सफल बनाउनको लागि कांग्रेस नचुकिकन लाग्छ।’

काठमाडौं । भारतले लिपुलेकमाथि नेपालको दाबी औचित्यपूर्ण नरहेको भन्दै विज्ञप्ति जारी गरेपछि नेपाली कांग्रेसका महामन्त्री विश्वप्रकाश शर्माले तत्काल सर्वदलीय बैठक बोलाउन सरकारसँग माग गरेका छन्।

नेपालले भारत र चीनबीच नेपाली भूमि लिपुलेक पासबाट द्विपक्षीय व्यापार खोल्न भएको सहमतिप्रति आपत्ति जनाएको थियो। लगत्तै भारतले लिपुलेक पासमाथि नेपालको दाबी स्वीकार्य हुने जनायो।

त्यसबारे महामन्त्री शर्माले भनेका छन्, ‘लिपुलेक नेपालको हो भारत र चीन दुवै छिमेकीको पछिल्लो व्यवहारप्रति स्पष्ट विरोध छ। सरकार, संसद्, दलहरू र सिङ्गो नेपाल राष्ट्रियताको प्रश्नमा एउटै दृष्टि र एउटै प्रतिबद्धतामा उभिनुपर्छ।’

उनले राष्ट्रियतामाथि प्रश्न उठेको बेलामा तत्काल ६ कदम चाल्न सुझाव दिँदै अनेकौँ फरक मतका बीच पनि सिङ्गो नेपाल एउटै दृष्टि र एउटै प्रतिबद्धतामा उभिन जरुरी रहेको बताए।

१. सर्वदलीय/सर्वपक्षीय बैठक सरकारको आह्वानमा ।

२. बैठकमार्फत विकसित घटनाक्रममा हाम्रो ऐक्यबद्ध दृष्टि र साझा प्रतिबद्धता निर्माण ।

३. हाम्रो संसद्ले ३१ जेठ २०७७ मा संविधानको अनुसूची ३ मा सर्वसम्मत पारित गरेर स्पष्ट गरेको ‘चुच्चे नक्सा’ प्रति देशभित्र र अन्तर्राष्ट्रिय जगतमा थप स्पष्टता ।

४. भारत र चीन बिच १५ मे २०१५ मा लिपुलेकबारे भएको अघिल्लो सहमति उपर नेपालले पठाएको कूटनैतिक नोट समेत स्मरण गराउँदै पछिल्लो सहमति उपर पुन कूटनैतिक नोट ।

५. ऐतिहासिक तथ्यहरूका आधारमा हाम्रा दुवै छिमेकीलाई विश्वासमा लिन जरुरी । प्रधानमन्त्रीको आसन्न भ्रमणमा लिपुलेक, लिम्पियाधुरा र कालापानीको विषय प्रवेश ।

६. नेपाल–भारत सीमा र सम्बन्धबारे बौद्धिक सुझावका लागि दुवै देशको सहमतिमा गठित प्रबुद्ध समूह इपीजीको ७० वर्षअघि तयार प्रतिवेदन दुवै देशका प्रधानमन्त्रीले बुझ्न र त्यसलाई आधार मानेर अन्य विषयहरू समेतको हल खोज्न नेपालका तर्फबाट प्रस्ताव ।

काठमाडौं । उपसभामुख इन्दिरा राना मगरलाई पदमुक्त गर्न हस्ताक्षर चलाइरहेका सत्तारुढ दल कांग्रेस र एमालेसहित सरकारलाई समर्थन गर्ने दलहरूको बैठक बोलाइएको छ ।

कांग्रेस संसदीय दलको कार्यालयमा सत्ता गठबन्धनको बैठक बस्ने सूचनापछि आफूलाई पार्टीले खटाएर आएको सीके राउत नेतृत्वको जनमत पार्टीकी नेता अनिता देवीले बताइन् । बैठकमा कांग्रेस,एमाले,जनमत,जसपा र लोसपाका नेताहरू सहभागी हुँदैछन् ।

सत्तापक्षका सबै दलको सहमति जुटाएर प्रस्ताव दर्ताको तयारी छ । सत्तापक्षका १८४ सांसद छन् भने दुई तिहाईका लागि १८३ आवश्यक पर्छ ।