Category: फोटो फिचर

काठमाडौं । वृहत नागरिक आन्दोलनमा सहभागी नागरिक अगुवाहरूले आज बालुवाटारमा प्रदर्शन गरेका छन् ।

चिकित्सा शिक्षा आयोगमाथि राजनीतिक हस्तक्षेप भएको लगायतका विषयमा उनीहरूले विरोध जनाएका हुन् । सर्वोच्चको आदेशविपरीत सरकारले मेडिकल कलेजलाई सम्बन्धन दिने तयारी गरेको भन्दै गरिएको प्रदर्शनमा सञ्जिव उप्रेती, नारायण वाग्ले, खगेन्द्र संग्रौलालगायत सहभागी थिए ।

केहीलाई प्रहरीले पक्राउ गरी भृकुटीमण्डपस्थित नेपाल पुलिस क्लबमा राखेको छ ।

प्रदर्शनका क्रममा स्वास्थ्य सेवा हो, व्यापार होइन, जनस्वास्थ्यमा प्रतिगमन भयो जस्ता प्लेकार्डहरू बोकिएको थियो ।

काठमाडौं । सिद्धार्थ गौतमले विश्व शान्ति स्थापनाका लागि पुर्‍याएको योगदानको स्मरण स्वरुप २५६५ औं बुद्धजयन्ती आज देशभर मनाइँदैछ । बुद्धको जन्म , ज्ञान प्राप्ती र मृत्यु महापरिनिर्माण वैशाख शुक्ल पूर्णिमाको दिन भएको मानिन्छ ।

नेपाललगायत विश्वभरी रहेका बौद्धमार्गीहरूले कोरोना संक्रमणको जोखिमका बीच बुद्धजयन्ती अनौपचारिक रूपमै मनाइरहेका छन् ।

महामारी नियन्त्रणका लागि लागू निषेधाज्ञाका कारण स्वयम्भु, बौद्ध क्षेत्र आज सुनसान छन् । यसअघिका बुद्धजयन्तीहरूमा यी क्षेत्रमा बौद्धधर्मावलम्वी र पर्यटकहरू खचाखच हुन्थे ।

काठमाडौंको बौद्धनाथ स्तुपामा आज रंगरोगन गरेर सिंगारिएको छ ।

हेर्नुस् बुद्धजयन्तीमा स्तुपा क्षेत्रको तस्बिरहरू :

 

काठमाडौं । नयाँ भेरियन्टसहितको कोरोना संक्रमण नियन्त्रणका लागि लागू गरिएको निषेधाज्ञाको तीन साता पुगिसकेको छ ।

यतिखेर अत्यावश्यकीय बाहेकका सबै सेवा बन्द छन् । जोखिम कम गर्न नागरिकलाई घरभित्रै रहन आग्रह गरिएको छ । काठमाडौं उपत्यकामा निषेधाज्ञा कडाइ गर्न स्थानीय प्रशासनले एकपछि अर्को निर्णय गरिरहेको छ । तर, पनि भीडभाड भने उत्तिकै देखिन्छ । बिहान-बेलुकाको तुलनामा दिउँसो भने सडक सुनसान प्राय: देखिन्छ ।

तरकारी, खाद्यान्नलगायतका पसलहरूमा सर्वसाधारणले सामाजिक दूरी र स्वास्थ्य मापदण्ड कायम गर्न नसक्दा संक्रमण दर झन बढेको विज्ञहरूले बताउँदै आएका छन् ।

काठमाडौं । नेकपा (एमाले)का नेताहरुले तत्कालीन महासचिव मदन भण्डारीलाई स्मरण गरेका छन् । प्रधानमन्त्री एवम् पार्टी अध्यक्ष केपी शर्मा ओली लगायतका एमाले नेताहरु तत्कालीन पार्टी कार्यालय रहेको बल्खु पुगेर मदनको शालिकमा माल्यार्पण गरे ।

कोभिड महामारी र निषेधाज्ञाका कारण शीर्ष नेताहरुमात्र उपस्थित भएर श्रद्धान्जली दिइएकाले कसैले पनि भाषण नगरेको एमाले केन्द्रीय कार्यलय सचिव शेरवहादुर तामाङले बताए ।

प्रधामन्त्री ओलीले सोमबार बिहान साढे नौ बजे पुगेर मदनको सालिकमाथि माल्यार्पण गरे। उनीसँगै उनकी पत्नी राधिका शाक्यले पनि मदनको सालिकमा माल्यार्पण गरिन् ।

त्यसपछि महासचिव ईश्वर पोखरेलले मदनप्रति श्रद्धान्जली अर्पण गरे । पोखरेलपछि हालै माओवादी केन्द्र छाडेर एमाले गएका गृहमन्त्री रामबहादुर थापा ‘बादल’ले पनि मदनप्रति श्रद्धान्जली अर्पण गरे ।

कार्यालय सचिव तामाङका अनुसार उनले माधव नेपालसहितका सबै नेताहरुलाई श्रद्धान्जली अर्पण गर्ने कार्यक्रमका लागि एसएमएसमार्फत खबर गरेका थिए । तर, नेपाल भने बल्खु गएनन् । तर, उनी पक्षीय नेताहरु सुरेन्द्र पाण्डे र घनश्याम भुसाल बल्खु पुगेका थिए ।

त्यस्तै एकता अभियान चलाएका नेता बामदेव गौतम पनि बल्खु गएका थिए ।

भण्डारीको २८ वर्षअघि आजकै दिन चितवनको दासढुंगामा सहस्यमय जीप दुर्घटनामा मृत्यु भएको थियो। उनी जनताको बहुदलीय जनबाद (जबज)का प्रणेता हुन् ।

काठमाडौं । आजदेखि कोरोनाविरुद्धको चिनियाँ खोप ‘भेरोसेल’ को दोस्रो डोज लगाउन थालिएको छ ।

काठमाडौं महानगरपालिका तथा उपत्यकाका विभिन्न स्थानीय तहका वडाहरूमा यो अभियान सञ्चालन गरिँदैछ । गत चैत २५ देखि वैशाख १५ सम्म पहिलो डोज लगाएका नागरिकका लागि दोस्रो डोज लगाउन लागिएको हो ।

भेरोसेलनको पहिलो डोज लगाउन केही अस्पताल तोकिएकोमा दोस्रो डोजका लागि भने महानगरको प्रत्येक वडामा खोप केन्द्र तोकिएको हो ।

दोस्रो डोजका लागि पहिलो डोज लगाएको खोप कार्य देखाएपछि तोकिएको केन्द्रमा गई खोप लगाउन सकिने महानगरले जनाएको छ ।

काठमाडौं । मुस्लिम धर्मावलम्वीको महान पर्व रमजान आज । यो पर्वलाई इद-उल-फित्र पनि भनिन्छ । १ महिनाको कठोर उपवासपछि आजको दिन मुस्लिम धर्मावलम्वीहरुले हर्षोल्लासका साथ अल्लाहको प्रार्थाना गरेर मनाउँछन् ।

यो दिन मस्जिदमा गई सामूहिक नमाज पढ्ने प्रचलन छ । नयाँ भेरियन्टसहितको कोरोना संक्रमण दर तीव्र बनेकाले राष्ट्रिय मुस्लिम आयोगले इद उल फित्रका दिन घरमै बसेर नमाज पढ्न आग्रह गरेको थियो ।

मस्जिदहरू सुनसान देखिए ।

काठमाडौं । काठमाडौं उपत्यका लगायत देशका विभिन्न ठाउँमा विहीवार विहानै दर्के झरी परेको छ केही दिनयता मौसममा फेरबदल भइरहेका बेला विहानको दर्के झरीले काठमाडौंका जनजीवनलाई प्रभावित पारेको थियो ।

विहान १० बजेसम्म मात्र पसल खुल्ने भएकाले किनमेल र अन्य कामका लागि निस्केकाहरु झरीको चपेटामा परेका थिए ।

काठमाडौं । नयाँ भेरियन्टसहितको कोरोना संक्रमण दर तीव्र बनेसँगै अहिले बिरामीको उपचार व्यवस्थापनमा अस्पताललाई सकस परिरहेको छ । संक्रमित र मृत्यु हुनेको संख्या ४ र ३ डिजिटमा थपिन थालेको छ ।

काठमाडौं उपत्यकामा हाल ४०,२२२ सक्रिय संक्रमित छन् जसमध्ये काठमाडौं जिल्लामा मात्र २९,२४४ छन् । उपत्यकाका निजी तथा सरकारी अस्पतालले बेड अभाव हुन थालेको बताएका छन् । अक्सिजन अभावको कारण देखाउँदै केही अस्पतालले बिरामी भर्ना नलिने र उपचार गराइरहेका बिरामी पनि डिस्चार्ज गरिदिने बताइरहेका छन् ।

अस्पतालका बेड संक्रमितले भरिन थालेपछि बाहिरै राखेर उपचार गर्न थालिएको छ । त्रिवि शिक्षण अस्पतालको मनमोहन कार्डियो थोरासिक भास्कुलर एण्ड ट्रन्सप्लान्ट सेन्टरको नयाँ भवनमा पनि संक्रमितको उपचार भइरहेको छ । ७०० बेड क्षमताको उक्त भवनमा बिरामीको चापले बाहिर नै राखेर भएपनि उपचार गरिरहेको अस्पतालका प्रवक्ता रामविक्रम अधिकारीले बताए ।

काठमाडौं । प्रधानमन्त्री केपी शर्मा ओलीले विश्वासको मत लिने प्रयोजनको लागि बोलाइएको प्रतिनिधिसभाको बैठक केही बेरमा शुरू हुँदैछ ।

सरकारको सिफारिसमा एक साताअघि नै राष्ट्रपति विद्यादेवी भण्डारीले विश्वासको मत लिने प्रायोजनका लागि संसद बैठक आह्वान गरिसकेकी छन् ।

आज दिउँसो १ बजेका लागि बोलाइएको संसद बैठकमा विश्वासको प्रस्तावमा मतदान हुनेछ । प्रधानमन्त्री केपी शर्मा ओलीको तर्फबाट हिजो नै विश्वासको मत लिने प्रस्ताव संसद सचिवालयमा दर्ता भइसकेको छ ।

उत्तर फर्किएर हेर्दा लहरै बसेका हिमालका ताँती, दक्षिण फर्किए तराईको नीलो नदी देखिने धरान-धनकुटाबीचको भेडेटारको सौन्दर्यबारे नपुगे पनि जानकार नहुने कमै छन् ।

त्यही भेडेटारको झल्को दिन्छ भोजपुरको ‘सुन्तले’ ले । हिमाललगायत वरपरका डाँडाको दृश्यले त्यहाँ पुग्ने जो कोही मन्त्रमुग्ध हुन्छन् नै ।

यहाँबाट मकालु, कन्चनजंघा हिमालको मनमोहक सौन्दर्य तथा अन्य थुप्रै हिमशृखंला प्रष्टै देख्न सकिन्छ । उदाउँदो र अस्ताउँदो सूर्यको दृश्यावलोकनको आनन्द त उत्तिकै । हरियाली जंगल, फराकिलो नागी, सिजनमा फुल्ने गुराँससँगै खोटाङको सीमावर्ती टेम्के चुचुरोदेखि अरुण उपत्यकाको तुम्लिङ फाँटसम्मका प्राकृतिक दृश्यको वर्णन गरी साध्य छैन । हिउँ खेल्न र रमिता हेर्न पनि यहाँ मानिसको भीड लाग्छ ।

मोटर बाटो पुगेसँगै पहाडमा सम्भावनाका ढोकाहरू खुल्दैछन् । भोजपुर नगरपालिका क्षेत्रमै अवस्थित सुन्तलेमा आन्तरिक र वाह्य पर्यटकको चाप दिनदिनै बढ्न थालेको छ ।

समुद्री सतहदेखि २२ सय मिटर उचाइमा पर्ने यो ठाउँ थकान र आलस्यलाई बिर्साउने थलो बनेको उद्योग वाणिज्य संघ भोजपुरका अध्यक्ष ध्रुव श्रेष्ठ बताउँछन् । पर्यटकीय गन्तव्यको सूचीमा रहेको तेन्जिङ-हिलारी हिँडेको ‘मुन्दुम ट्रेल पदमार्ग’ यही ठाउँ भएर जान सकिन्छ ।

यहाँ पुग्न भोजपुर बजारबाट पैदल दुई घण्टा लाग्छ। सवारी साधनबाट आधा घण्टामै पुगिन्छ । सदरमुकामबाट नजिकै भएकाले पनि छुट्टी मनाउने र साथीभाइबीच रमाइलो गर्न जानेको संख्या दिनदिनै बढ्दो छ ।

वर्षैभरि चिसो हुने यहाँ लोकल कुखुराको तिते (किराती समुदायको विशेष परिकार) तोङ्बा, उसिनेको आलु, राँगाको सुकुटी, रायोको साग लगायतका खानेकुराका परिकारहरु विशेषताको रूपमा छन् ।

भोजपुर नगरपालिकाका प्रमुख कैलाशकुमार आले सुन्तले क्षेत्रको विकासका लागि बृहत् योजना ल्याउन लागिएको बताउँछन् । नगर क्षेत्रको पर्यटकीयस्थल पहिचान गरी तिनको प्रवर्द्धन र विकासलाई आफूले प्राथमिकतामा राखेको आलेको भनाइ छ ।

काठमाडौं । अघि पछि सांसद, कर्मचारी र सर्वसाधारणले भरिभराउ हुने मुलुकको प्रमुख प्रशासनिक अड्डा सिंहदरबार हिजो आज सुनसान छ ।

काम र भेटघाटका लागि चाप बढ्ने सिंहदरबारको दक्षिणी गेटमा पनि भीड देखिन्न । नयाँ भेरियन्टसहितको कोरोना संक्रमणदर तीव्र बनेपछि उपत्यकामा वैशाख १६ देखि लकडाउन जारी छ । सरकारले अत्यावश्यकबाहेकका सेवामात्र खुल्ला गरेको छ ।

त्यस्तै कतिपय सरकारी निकायका कर्मचारीलाई आलोपालो लगाइएको छ ।

निषेधाज्ञामा सुनसान सिंहदरबारलाई हामीले क्यामेरामा कैद गरेका छौं ।

 

काठमाडौं । तीव्र गतिमा फैलिएको नयाँ भेरियन्टसहितको कोरोना संक्रमण रोकथाम तथा नियन्त्रणका लागि संघीय राजधानी काठमाडौं उपत्यका साथै देशभरका अधिकांश जिल्लामा अहिले निषेधाज्ञा लागू गरिएको छ ।

संक्रमणको जोखिमका कारण जारी गरिएको निषेधाज्ञाले व्यापार/व्यवसाय चौपट छन् । यसको प्रभाव मानिसको दैनिकीमा पनि उत्तिकै परेको छ ।

कोरोना त्रासले मानसिक तनावसमेत बढ्नसक्ने भन्दै विज्ञहरूले यसमा सचेत रहन सुझाव दिइरहेका छन् । महामारीका कारण धेरै जनसंख्या अहिले घरभित्रै छ । यो समय सदुपयोग गर्दै सिर्जनात्मक काममा खर्चिनु नै मानसिक स्वास्थ्यमा असर कम गर्ने उत्तम उपाय हो ।

निषेधाज्ञाको समयमा ललितपुर, काठमाडौंमा घरबाहिर भेटिएका वृद्ध, बालबालिकालगायतको गतिविधिलाई हामीले क्यामेरामा नियालेका छौं ।

काठमाडौं । कोरोना संक्रमणबाट मृत्यु दर बढेसँगै पशुपति आर्यघाटमा नदी किनारमै शव जलाउन शुरू गरिएको छ ।

कोभिड-१९ बाट मृत्यु भएका शव यसअघि विद्युतीय शवदाह गृहमा मात्र जलाइँदै आएको थियो । शव जलाउन पालो कुर्नुपर्ने भएपछि विद्युतीय शवदाह गृहमा समय अभावका कारण वागमती किनारमा नै शव जलाउन थालिएको हो ।

आइतबार काठमाडाै‌ उपत्यकामा मात्र ३१ वटा शव व्यवस्थापन गरिएको भन्दै सैनिक प्रवक्ता सन्तोषबल्लभ पौडेलले सोमबार ५ बजेसस्ममा पनि त्यति नै संख्याको शव व्यवस्थापनको अनुरोध आएको नेपाल प्रेसलाई बताए ।

दुई वटा विघुतीय शवदाह गृहमध्ये एउटा बिग्रिएको छ । यहाँ एक शव जल्न झण्डै २ घण्टा लाग्छ ।

‘मृत्युदर बढेसँगै शवदाह गृहमा जलाउन निकै समय लाग्ने हुँदा शव थुप्रिने भयो । तर, संक्रमित लाशहरूलाई यतिकै लामो समयसम्म राख्न जोखिम हुने भएकोले पशुपति क्षेत्र विकास कोषसँग समन्वय गरी किनारमा नै लाश जलाउन थालेका छौं’, पौडेलले भने ।

खुल्ला ठाउँमा शव जलाउँदा संक्रमण फैलिने अहिलेसम्म कुनै वैज्ञानिक आधार नभेटिएको सरुवा रोग विशेषज्ञ डा. शेर बहादुर पुनले बताए ।

काठमाडौं । हवाई मार्गबाट गन्तव्यमा पुग्न टिकट काटेका सयौं यात्रु त्रिभुवन विमानस्थलको आन्तरिक टर्मिनलमा आज बिहानैदेखि अलपत्र छन् ।

नयाँ भेरियन्टसहितको कोरोनाको बढ्दो जोखिमका कारण हिजोको मन्त्रिपरिषद् बैठकले आज रातिबाट आन्तरिक उडान बन्द गर्ने निर्णय गरेको थियो । उपत्यका र विभिन्न जिल्लामा निषेधाज्ञा लागू गरिएका कारण यातायातको एकमात्र विकल्प हवाई सेवामार्फत आउनेजाने यात्रुहरूको चाप केही दिनदेखि बढेको थियो ।

यात्रु बढेसँगै वायु सेवा संचालक संघ र नागरिक उड्डयन प्राधिकरणबीच आज ३६ उडान भर्ने गरी सम्झौता भएको संघका प्रवक्ता योगराज कँडेलले बताए । उनका अनुसार आन्तरिक टर्मिनलमा यात्रुको चाप बढेको हो । टिकट भएर पनि उड्न नपाएका यात्रुहरू आक्रोशित बनेपछि विमानस्थलमा प्रहरीको बाक्लो उपस्थिति गराइएको छ ।

पूर्वनिर्धारित उडान तालिकाअनुसार सोमबार दिनभर सेवा जारी रहने कतिपय हवाई कम्पनीले निर्णय समेत गरिसकेका छन् ।

पिपिई पहिरिएर सगरमाथा सफा गर्न व्यस्त छन्, नेपाली सेना । कोरोना कहरबीच नेपाली सेनाले आधार शिविरदेखि क्याम्प टूसम्मको सफाइ सकेका छन् ।

सगरमाथा आरोहणमा हिँडेका केही विदेशीमा कोभिड संक्रमण भएको भनिएसँगै सेनाले पिपिई लगाएरै सफाइको काम गरेको हो ।

वसन्त ऋतुको सगरमाथामा विभिन्न देशबाट ४२ आरोहणदलका करिब ४ सय आरोही आधार शिविर पुगेका छन् । आरोहीको भीडलाई नेपाली टाइम्स अंग्रेजी साप्ताहिकले ‘सगरमाथा शहर’ समेत भनेको छ ।

नेपाली सेनाको ‘सफा हिमाल–२०२१’का समन्वय अधिकृत सेनानी आदित्य कार्कीले भने, ‘सकेसम्म कोभिड–१९ महामारीबाट बँच्न पिपिई लागाएरै सफाइ गरेका हौं ।’

नेपाली सेनाको टोली वैशाख पहिलो सातासगरमाथा आधारशिविर पुगेको हो । सफा हिमाल मिसनअन्तर्गत सगरमाथा क्षेत्रबाट १६ टन फोहोर संकलन गर्ने सेनाको लक्ष्य छ ।

सन् २०१३ २०१९ मा पनि सगरमाथा सफाइमा सक्रिय सेनाले क्रमशः ४ र १० टन फोहोर संकलन गरेको थियो ।
‘सेभ दि हिमालयज फर दि फ्युचर’ नारासहित ‘सफा हिमाल– २०२१’ मिसनमा रहेको नेपाली सेनाले देशका विभिन्न ६ हिमाल एकैसाथ सफाइ गर्दैछ ।

सेनाले सगरमाथासहित ल्होत्से, पुमोरी, आमादब्लम, मकालु र धौलागिरी हिमाल सफाइ गरिरहेको छ ।

विश्व वातावरण दिवसको दिन पारेर जेठ २२ मा सबै हिमालबाट संकलित नकु्हिने फोहोर रिसाइकल गर्ने संस्थालाई हस्तान्तरण गरेर अभियान समापन गर्ने सेनाले जनाएको छ ।

काठमाडौं । कोरोना संक्रमण तीब्र रूपमा बढेपछि काठमाडौं उपत्यकामा लकडाउन गर्ने सरकारको निर्णयपछि घर जाने यात्रुको संख्या ह्वात्तै बढेको छ ।

उपत्यकाका तीन जिल्लाका प्रमुख जिल्ला अधिकारीको सोमबारको संयुक्त बैठकले लकडाउनको सिफारिस बमोजिम साँझको मन्त्रिपरिषद् बैठकले काठमाडौंमा १५ दिनको लकडाउन गर्ने निर्णय गरेको थियो ।

लकडाउन लागू हुनुअघि उपत्यकाबाट घर जानेलाई दिइएको २ दिनको समयसीमासँगै गोङ्गबुस्थित नयाँ बसपार्कमा यात्रुको भीड बढेको छ ।

यात्रुको चापसँगै लामो दूरीका सार्वजनिक यातायातका सिट भरिभराउ भएका छन् । नयाँ बसपार्कबाट ६५ भन्दा बढी जिल्लामा सार्वजनिक यातायात ओहोरदोहोर गर्दै आएका छन् ।

 

काठमाडौं । कोरोनाको दोस्रो लहर फैलिएसँगै ट्राफिक प्रहरीले सडकमा मास्क नलगाइ हिँड्ने यात्रुहरूलाई कडाइ गर्न थालेको छ । आज काठमाडौंका विभिन्न स्थानमा प्रहरीले यात्रुहरुलाई रोकेर उभ्याएको दृष्यहरु देखिए ।

काठमाडौंका सातदोवाटो, जाउलाखेल, किर्तिपुर लगायतका विभिन्न स्थानमा सडक छेउमै ‘होल्डिङ जोन’ भनेर खाली स्थान छुट्यायएका थियो थियो । मास्क नलगाइ हिँडेका यात्रुहरुलाई रोकेर सोधपुछ गर्ने, अनि होल्डिङ जोनमा आधा घण्टासम्म उभ्याएको देखिन्थ्यो ।

पैदल हिँड्ने मात्र नभएर मोटरसाइलमा यात्रा गर्नेहरुल पनि मास्क नलगाएको भेटिए प्रहरीले रोक्ने गरेको छ । यदि तपाईं पनि चर्को घाममा सडकमा उभिएर अरुका लागि रमिता बन्न चाहनुहुन्न भने मास्क लगाएर मात्रै निस्किनुहोला ।

काठमाडौं । २०७२ सालको भूकम्पले देशका सम्पदा क्षेत्रहरूलाई क्षतिविक्षत बनाएको थियो । भूकम्पले भत्काएका सम्पदाहरूमध्ये आधाभन्दा बढीको पुननिर्माण सकिएको छ भने बाँकीको जारी छ ।

२०७२ सालको भूकम्पले ९ सय २० वटा पुरातात्विक सम्पदाहरूमा क्षति पुगेको थियो । विश्व सम्पदा क्षेत्रका १ सय ७० वटा सम्पदा र उपत्यकाका ३ जिल्लाका सानाठूला गरेर ४ सय ६ वटा सम्पदामा पूर्ण क्षति भयो । यस्तै उपत्यका बाहिरका जिल्लामा रहेका ३ सय ४४ वटा सम्पदामा क्षति पुगेको राष्ट्रिय पुनर्निर्माण प्राधिकरणले जनाएको छ ।

क्षति पुगेका ९ सय २० वटा सम्पदामध्ये ४ सय ९३ वटा सम्पदाको पुनर्निर्माण भइसकेको छ । विश्व सम्पदा क्षेत्रमा सूचीकृत १ सय ७० मध्ये १ सय १० वटा सम्पदाको पुनर्निर्माण भइसकेको छ । उपत्यकाका ३ जिल्लाका ४ सय ६ वटा सम्पदामध्ये २ सय ७ वटा सम्पदा पुनर्निर्माण भइसकेका छन् । उपत्यका बाहिरका ३ सय ४४ वटा सम्पदामध्ये १ सय ७६ वटा सम्पदा पुनर्निर्माण सम्पन्न भएका छन् ।

हेर्नुस्  केही सम्पदाहरूकाे ३६०  पानोरामा  फाेटाेहरू:

स्वयम्भु

[wpvr id=”47771″]

बाैद्ध

[wpvr id=”47775″]

बाैद्ध

[wpvr id=”47776″]

बसन्तपुर दरबार स्क्वायर

[wpvr id=”47780″]

बसन्तपुर दरबार स्क्वायर

[wpvr id=”47783″]

पाटन दरबार स्क्वायर

[wpvr id=”47784″]

रानीपाेखरी

[wpvr id=”47785″]

धरहरा

[wpvr id=”47787″]

सुन्धारा

[wpvr id=”47788″]

भक्तपुर दरबार स्क्वायर

[wpvr id=”47789″]

न्यातपाेल

[wpvr id=”47790″]

चाँगुनारायण

[wpvr id=”47791″]