Category: फोटो फिचर

झापा । पूर्वप्रधानमन्त्री तथा एमाले अध्यक्ष केपी शर्मा ओली गृहजिल्ला झापा आएका छन् । काठमाडौंबाट यती एयरलाइन्सको जहाजमा भद्रपुर पुगेका उनलाई विमानस्थलमा नेता-कार्यकर्ताले भव्य स्वागत गरेका थिए ।

ओलीलाई एमाले नेता सुवास नेम्वाङसहित प्रदेश १ का नेता र स्थानीय कार्यकर्ताले स्वागत गरे । उनीसँगै लेखराज भट्ट, अनेरास्ववियू अध्यक्ष सुनिता बराललगायतका नेता कार्यकर्ता पनि झापा आएका छन् ।

यसअघि टीकाको अघिल्लो दिन शुभकामना आदानप्रदान कार्यक्रममा सहभागी हुन ओली झापा आएका थिए ।

यसपाली गृहनगर झापासहित उनी तीन दिन प्रदेश १ मा रहने भएका छन् । आजै १२ बजे बिर्तामोडमा माओवादी कार्यकर्तालाई एमालेमा प्रवेश गराउने कार्यक्रमलाई सम्बोधन गर्नेछन् भने धुलाबारीमा कार्यकर्तालाई सम्बोधन गर्नेछन् ।

भोलि गौरादह नगरपालिका-५ महारानीझोडामा साना किसान महिला सहकारी संस्थाले निर्माण गरेको पाहुना घरको उद्घाटन कार्यक्रम छ । भोलि नै गौरीगञ्ज बजारमा दसैँतिहार, छठको शुभकामना आदानप्रदान कार्यक्रमलाई उनले सम्बोधन गर्ने बताइएको छ ।

भूमिगत कालमा बिताएका सहकर्मीहरूसँग भेटघाट गरी पार्टी नेताहरूसँग छलफल गरेर ओली मंगलबार काठमाडौं फर्कने कार्यतालिका छ ।

काठमाडौं । पूर्वप्रधानमन्त्री तथा एमाले अध्यक्ष केपी शर्मा ओली दसैैं मनाउन गृह जिल्ला झापा पुगेका छन् । भद्रपुर विमानस्थलमा ओर्लदा उनलाई स्थानीय नेता–कार्यकर्ताले भव्य स्वागत गरेका थिए ।

ओलीलाई स्वागत गर्न प्रदेश १ का मुख्यमन्त्री भिम आचार्यसहितको टोली विमानस्थल पुगेको थियो । त्यहाँबाट स्कर्टिङ गरेर उनलाई झापा गाउँपालिकातर्फ लगिएको छ ।

आफ्ना आफन्त भेट्न ओली त्यता गएका हुन् । भेटघाट सकेर ओली आजै बिर्तामोडमा आयोजना हुने शुभकामना आदानप्रदान कार्यक्रममा सहभागी हुनेछन् ।

हेर्नुस विमानस्थलका तस्वीरहरुः

काठमाडौं । सहरी विकास मन्त्रालयमा शुक्रवार साँझ मन्त्रीको स्वागतका लागि बसेका कर्मचारीमा संशय थियो–नयाँ मन्त्री रामकुमारी झाँक्री कडा छिन्, के भनेर झपार्ने हुन् कि ?

तर जसै मन्त्रीको प्रवेश भयो सोचेभन्दा फरक दृष्यमात्र देखियो । गाडीबाट ओर्लेदेखि नै उन्मुक्त हाँसोमा देखिएकी झाँक्रीका हरेक पोजमा हाँसोबाहेक अरु देखिएन ।

नेपालप्रेसकर्मी उमेश कार्कीले झाँक्रीले मन्त्रीको पदभार ग्रहण गर्दाको उनको हाँसोलाई १० तस्बिरमा यसरी कैद गरेका छन् ।

काठमाडौं । गोदावरीमा जम्मा भएका एमाले प्रतिनिधिमध्ये प्राय:को अध्यक्ष केपी शर्मा ओलीसँग तस्बिर खिचाउने चाहना थियो । एमालेको प्रथम विधान महाधिवेशनमा करिब ६ हजार प्रतिनिधि सहभागी थिए । ती सबैले ओलीसँग तस्बिर खिचाउन व्यवहारिक कारणले पनि सम्भव थिएन । त्यसमाथि स्वास्थ्यमा केही असहजका कारण ओलीले आराम गर्नुपरेपछि त्यो झनै सम्भव बनेन ।

 

आफ्नो स्वास्थ्यका कारण महाधिवेशन उद्घाटनको पहिलो दिन केही समय र समापनको केही समयमात्रै ओली महाधिवेशन स्थलमा देखिएका थिए । भौतिकरूपमा ओलीसँग तस्बिर खिचाउन नपाएपछि धेरैले अधिवेशन परिसर स्थलमा राखिएको उनको ठूलो प्रतिमासँग तस्बिर खिचाएका थिए ।

त्यतिले मात्रै रहन नपुग्नेहरूले भने अध्यक्षपछिका नेताहरुसँग तस्बिर खिचाएका थिए । तस्बिर खिच्नका लागि जताततै कार्यकर्ताहरुले नेता घेरेको देखिन्थ्यो । नेताहरुलाई पनि कार्यकर्तासँग तस्बिर खिचाउन भ्याइ, नभ्याइ थियो ।

नेताहरू भीम रावल, लेखराज भट्ट, प्रदीप ज्ञवाली, योगेश भट्टराई,गोकुल बास्कोटा र महेश बस्नेतसँग धेरैले तस्बिर खिचाउने मोह देखाएको हेर्न पाइन्थ्यो । साथै अनेरास्ववियू अध्यक्ष बनेकी सुनिता बरालको पनि ‘क्रेज’ देखिन्थ्यो । धेरै प्रतिनिधिहरूले उनीसँग पनि तस्बिर खिचाइरहेको देख्न सकिन्थ्यो ।

नेपाल प्रेसले कैद गरेका केही तस्बिरहरू :

काठमाडौं । नेकपा एमालेले कार्यकाल सकिन ६ महिना बाँकी रहेका स्थानीय तहका जनप्रतिनिधिहरूको राष्ट्रिय भेला आयोजना गरेको छ । पार्टीको विधान महाधिवेशनमा सहभागी हुन आएका स्थानीय तहका प्रमुख उपप्रमुख, जिल्ला समन्वय समितिका प्रमुख उपप्रमुखसहितको राष्ट्रिय भेला आयोजना गरिएको छ ।

स्थानीय तह विभागले आयोजना गरेको भेलालाई अध्यक्ष केपी शर्मा ओलीलगायतका नेताहरूले सम्बोधन गर्ने कार्यक्रम रहेको जिसस महासंघकी निवर्तमान अध्यक्ष सीता सुन्दासले जानकारी दिइन् ।

भेलामा नगरपालिका संघका अध्यक्ष अशोक ब्यान्जु र गाउँपालिका महासंघका अध्यक्ष होमनारायण श्रेष्ठले आ-आफ्नो प्रस्तुति दिँदैछन् । कार्यक्रममा पार्टी र जनप्रतिनिधिहरूबीचको अन्तर सम्बन्धका बारेमा विभागका प्रमुख देवेन्द्र दाहालले कार्यपत्र प्रस्तुत गर्नेछन् भने भेलामा समृद्धिको अभियानमा केपी ओली सरकारले तीन वर्षमा गरेका कामहरूको समीक्षा हुने ब्यान्जुले बताए । स्थानीय तहमा पनि नेकपा एमाले सबैभन्दा ठूलो दल हो ।

तस्बिरहरू : उमेश कार्की । 

काठमाडौं । तीन दिनदेखि जारी नेकपा एमालेको विधान महाधिवेशन आज सकिँदैछ । ललितपुरको गोदावरीस्थित सनराइज सम्मेलन केन्द्रमा आयोजना गरिएको महाधिवेशनमा देशभरबाट करिब ६ हजार एमाले नेता/कार्यकर्ता सहभागी छन् ।

सम्मेलन हलको प्रांगणमा प्रतिनिधिहरूले सुदूरपश्चिमको मौलिक परम्परा देउडा प्रस्तुत गरेका छन् । देउडा संस्कृतिको संरक्षण र प्रचारप्रसार गर्दै नेताहरू लेखराज भट्टलगायतका महिला तथा पुरुष प्रतिनिधिले देउडा नाचेका हुन् ।

महाधिवेशनमा प्रस्तुत राजनीतिक, सांगठानिक प्रतिवेदनमाथिको समूहगत छलफलपछि सुझाव पेस गर्ने काम सकिएको छ । त्यसउपर उठेका सवाल तथा सुझावबारे प्रतिवेदन प्रस्तुतकर्ताहरू अध्यक्ष केपी शर्मा ओली, महासचिव ईश्वर पोखरेल, उपमहासचिव विष्णुप्रसाद पौडेलले जवाफ दिँदैछन् ।

काठमाडौं । नेपाली कांग्रेसको १४ औं महाधिवेशनअन्तर्गत काठमाडौं महानगर कार्यसमिति चयनका लागि अहिले निर्वाचन भइरहेको छ ।

कांग्रेसको काठमाडौं महानगर समितिको अधिवेशन नभएको १५ वर्ष पुगिसकेको छ । ११औं महाधिवेशनबाट निर्वाचित महानगर सभापति देवरत्न डंगोलको कार्यकाल सकिएपछि बाह्रौं र तेह्रौं महाधिवेशनका बेला काठमाडौं महानगरको अधिवेशन भएको थिएन ।

राष्ट्रिय सभागृहमा जारी निर्वाचनबाट १ सभापति, २ उपसभापति, २ सचिव र २ सह सचिवसहित कार्यसमिति चयन हुनेछ । नेतृत्वका लागि संस्थापन पक्षबाट प्रगतिमान रञ्जित र संस्थापनइतर समूहबाट नीलकाजी शाक्य चुनावी मैदानमा रहेका छन् ।

रञ्जितलाई सभापति शेरबहादुर देउवासहित नेताहरू ध्यानगोविन्द रञ्जित, भीमसेनदास प्रधान, तीर्थराम डंगोललगायतको समर्थन रहेको छ । शाक्यलाई वरिष्ठ नेता रामचन्द्र पौडेल, पूर्व महामन्त्री प्रकाशमान सिंह, केन्द्रीय सदस्य गगन थापालगायतको समर्थन छ ।

अधिवेशन शनिबार उद्घाटन भएपनि आज मतदान भइरहेको हो । एक बजेसम्म मतदान हुने र लगत्तै मतगणा सुरु गरिने निर्वाचन समितिले जनाएको छ ।

तस्बिरहरू : सरोज बैजु । 

काठमाडौं । नेकपा एमालेको प्रथम विधान महाधिवेशन गोदावरीस्थित सनराइज सम्मेलन केन्द्रमा सुरू भएको छ ।

अध्यक्ष केपी शर्मा ओलीको प्रमुख आतिथ्यमा भएको सम्मेलनको सुरूमा कम्युनिष्टहरूको अन्तर्राष्ट्रिय गीत बजाइएको थियो । एमालेका पछिल्ला कार्यक्रममा यो गीत बज्न छाडेकामा महाधिवेशनबाट फेरि सो गीतबाट सुरूआत गरिएको हो ।

अध्यक्ष केपी शर्मा ओलीले पानसमा बत्ती बालेर र मोवाइलको बटम थिचेर लोगो अनावरण गर्दै महाधिवेशनको उद्घाटन गरे ।

विधान महाधिवेशनमा देशभरका ६ हजारभन्दा बढी प्रतिनिधि भेला भएका छन् । ३ दिनसम्म चल्ने महाधिवेशनको पहिलो दिन आजै अध्यक्ष ओलीले राजनीतिक प्रतिवेदन, महासचिव ईश्वर पोखरेलले संगठनात्मक प्रस्ताव र उपमहासचिव एवम् संगठन विभाग प्रमुख विष्णु पौडेलले विधान संशोधन प्रस्ताव पेस गर्नेछन् ।

शनिबार समूहगत रुपमा छलफल गरी आवश्यक सुझावसहित ती प्रतिवेदनहरू पारित हुनेछ । विधान महाधिवेशनले पार्टीको नीति र विधि तय गर्ने पार्टीका प्रवक्ता प्रदीप ज्ञवालीले बताए ।

एमालेले पहिलोपटक पार्टीको नीति निर्माणमा केन्द्रित भएर विधान महाधिवेशन आयोजना गरेको हो । एमालेको राष्ट्रिय महाधिवेशन मंसिरको दोस्रो आयोजना हुनेछ ।

गोदवारी । नेकपा एमालेको प्रथम विधान महाधिवेशनका प्रतिनिधिहरु गोदावरीस्थित सनराइज सम्मेलन केन्द्रमा पुग्ने क्रम जारी रहेको छ ।

मध्यान्ह १२ बजेपछि उद्घाटन हुने विधान महाधिवेशनका प्रतिनिधिलाई बिहान ९ देखि ११ बजेसम्म खाना खाने समय दिइएकाले बिहानै ७ बजेदेखि नै प्रतिनिधिहरु गोदावरी पुगेका हुन् ।

६ हजार प्रतिनिधिहरुका लागि गोदवारीमा व्यवस्था गरिएको छ । देशभरबाट आएका प्रतिनिधिहरू गोदावरीमा भेला हुँदैछन् ।

ललितपुर । एमाले अध्यक्ष केपी शर्मा ओली पहिलो प्रधानमन्त्रीत्वकालमा बुद्धपूर्णिमाको दिन लुम्बिनीमा थिए । सार्वजनिक कार्यक्रममा उनले सम्बोधन गर्ने बेला ठूलो हावाहुरी र पानी परेर टेन्टहरु उडाएपछि उनले तत्कालै घोषणा गरे- अब लुम्बिनी र काठमाडौंमा ५-५ हजार मान्छे अट्ने सभाहल बनाउछौं ।

ओलीको त्यो कार्यकाल घोषणामा मात्र सिमित भयो । त्यो घोषणा गरेको दुई महिना नबित्दै उनलाई प्रधानमन्त्रीबाट हटाइयो । ओली दोस्रो पटक प्रधानमन्त्री भएर आएपछि सभाहल निर्माणको लागि हुटहुटी थाले । उनले आफ्नो टिमसँग उपयुक्त ठाउँ खोज्न आग्रह गरे ।

यसक्रममा बुटवलमा ५ हजार क्षमताको गौतमबुद्ध सभाहलको लागि विष्णु पौडेल लगायतका नेताहरुको पहलमा जग्गा भेटियो । काठमाडौं उपत्यकामा धेरै प्रयासपछि भक्तपुरको बोडेमा ५ हजार क्षमताको र लतिलपुरको गोदावरीमा ३ हजार क्षमताको हल बन्ने जग्गा भेटियो ।

बोडेमा जग्गा प्राप्तिको किचलो देखिएपछि ओलीले तत्कालै गोदावरीमा सभाहल बनाउने प्रक्रिया थाल्न निर्देशन दिए । सरकारी जग्गा भएकाले जग्गा प्राप्ति लगायका कानूनी प्रक्रिया तत्कालै क्याबिनेटबाट टुंगो लगाउने फास्ट ट्र्याक अपनाइएको तत्कालीन प्रधानमन्त्री ओलीका विकास मामिला विज्ञ इन्जिनियर गजेन्द्र थपलियाले बताए ।

ओलीले २०७५ वैशाखभित्र सम्पन्न गर्ने गरी सभाहल बनाउन निर्देशन दिएपछि सरकारका सबै संयन्त्र सक्रिय भए । ५ महिनाभित्र ३ हजार मान्छे अट्ने सभाहल बनाउने भनेर टेण्डर आह्वान भएकोमा त्यसबीचमा कोभिड महामारी शुरु भएकाले योजना अनुसार काम हुन नसकेको थपलियाले बताए ।

तत्कालीन प्रधानमन्त्री अ‍ोलीले २०७६ पुसमा शिलान्यास गरेको सो सभाहलको उद्घाटन २०७८ वैशाख ३१मा ओलीले नै गरे । खासमा सो सभाहल सगरमाथा संवादका लागि चाँडो बनाउने दबाब थियो । सरकारले जलवायु परिवर्तनको विषयमा गर्न लागेको सो अन्तर्राष्ट्रिय सम्मेलन कोभिडका कारण हुन सकेन ।

संयोग नै मान्नुपर्छ गोदवारीस्थित सनराइज सभाहलको शिलान्यास,उद्घाटन र पहिलो औपचारिक कार्यक्रम तीनवटै शुभारम्भ गर्ने अवसर ओलीलाई नै जुर्यो । एमालेको पहिलो विधान महाधिवेशनको सोही सभाहलमा आज ओलीले उद्घाटन गर्दैछन् ।

ओलीले २०७५ वैशाख १७ मा शिलान्यास गरेको लुम्बिनीको गौतमबुद्ध अन्तर्राष्ट्रिय सभाहल पनि निर्माण सम्पन्न भइसकेको र उद्घाटनको लागि तयार रहेको थपलियाले बताए । सो सभाहल उद्घाटनको तयारी भइरहेका बेला सर्वोच्च अदालतको परमादेशबाट ओली सरकार ढलेको थियो ।

नेकपा एमालेले गोदवारीको सनराइज हललाई आफ्नो पौरख र गौरवका रुपमा चित्रण गरेको छ । सोही क्षेत्रबाट निर्वाचित एमालेका सांसद नवराज सिलवालले पुर्वाधार विकासमा एमालेले देखेका सपना पूरा गर्छ भन्ने उदाहरण सनराइज हल भएको बताए ।

एमाले केन्द्रीय प्रचार विभागका उपप्रमुख सूर्य थापाले सनराइज सम्मेलन केन्द्रको शिलान्यास,उद्घाटन र पहिलो विधान महाधिवेशन केपी ओलीबाटै भएको भन्दै यसलाई एमालेको उल्लेखनीय सफलता भनेका छन् ।

सबै तस्बिर: उमेश कार्की/नेपाल प्रेस

काठमाडौं । राष्ट्रिय प्रजातन्त्र पार्टी (राप्रपा) ले काठमाडौंको माइतीघरमा प्रदर्शन गरेको छ । राप्रपा काठमाडौं कार्य समितिको आव्हानमा गरिएको प्रदर्शनमा बढ्दो महंगी नियन्त्रण गर्नुपर्ने, भ्रष्टाचारीलाई कारवाही गर्नुपर्ने आवाज उठाइएको छ ।

प्रदर्शनकारीले अमेरिकी सहायता परियोजना (एमसीसी) राष्ट्रघाती भएको भन्दै त्यसको खारेजीको माग गरेका छन् । राप्रपा कार्यकर्ताले पूर्वराजारानीको तस्बिरअंकित टिसर्टसमेत लगाएका थिए ।

काठमाडौं । नेकपा एमालेको केन्द्रीय कमिठी बैठक सुरू भएको छ । ललितपुरको च्यासलस्थित तुल्सीलाल प्रतिष्ठान भवन च्यासलमा हुने बैठक भोलिसम्म चल्नेछ ।

बैठकमा सहभागी हुन नेताहरू बैठकस्थल पुगिसकेका छन् ।

बैठकमा विधान महाधिवेशनको राजनीतिक प्रतिवेदन, संगठनात्मक प्रस्ताव र विधान संशोधन प्रस्तावमाथि छलफल हुनेछ । सम्भवतः यही वैठकले यी सबै विषयहरू पारित गर्नेछ ।

अध्यक्ष केपी ओलीले राजनीतिक प्रतिवेदन, महासचिव ईश्वर पोखरेलले सांगठानिक प्रतिवेदन र उपमहासचिव विष्णु पौडेलले विधान संशोधन प्रस्ताव प्रस्तुत गर्नेछन् ।

नेकपा एमालेको विधान महाधिवेशन यही असोज १५ देखि १७ सम्म काठमाडौंमा आयोजना हुँदैछ ।

काठमाडौं । नेकपा एकीकृत समाजवादीको पहिलो केन्द्रीय कमिटी बैठक शुरू हुन लागेको छ । बुद्धनगरस्थित क्वालिटी बैंक्वेटमा डाकिएको बैठकका लागि अध्यक्ष माधवकुमार नेपाललगायतका नेताहरू पुगिसकेका छन् ।

आजको बैठकमा केन्द्रीय कमिटी विस्तारको एजेण्डा राखिएको छ । एमाले विभाजनका बेला तत्कालीन एमालेका ५७ जना केन्द्रीय सदस्यको हस्ताक्षर सनाखत गराइएको थियो । अब त्यसमा थप हुने प्रचार विभाग प्रमुख जगन्नाथ खतिवडाले जानकारी दिए ।

आजको बैठकका लागि केन्द्रीय सदस्यहरूलाई ७ वटा एजेण्डा बाँडिएको छ ।

वरिष्ठ नेता झलनाथ खनालको राजनीतिक प्रस्तावमाथि बैठकमा सामूहिक छलफल हुनेछ । आवधिक कार्ययोजना, समसामयिक प्रस्तावहरूमाथि छलफल गरेर बैठक टुंगिने खतिवडाले बताए ।