Category: फोटो फिचर

काठमाडौं । नेकपा एमालेको माधव नेपाल पक्षले बुधबारदेखि राष्ट्रिय कार्यकर्ता भेला गर्दैछ ।

दुई दिने राष्ट्रिय भेलाका लागि भेन्यूका रूपमा ललितपुरको सानेपा हाइटस्थित हेरिटेज ब्यान्क्वेटलाई चयन गरिएको छ ।

पार्टीभित्रको विवादबारे निर्णायक कदम चाल्नुअघि नेपाल पक्षले कार्यकर्ताको पनि ‘मुड’ बुझ्न चाहिरहेको छ । त्यसै अनुसार आयोजान गर्न लागिएको कार्यकता भेलाबारे जानकारी दिन मंगलबार पत्रकार सम्मेलन आयोजना गरियो ।

भेलामा करिब तीन हजार कार्यकर्ता भेला हुने माधव पक्षको दाबी छ । भेलाको पूर्वसन्ध्याम हेरिटेज ब्यान्क्वेटको चहलपहल भने बढेको देखिन्छ ।

काठमाडौं । अन्तर्राष्ट्रिय महिला दिवसको अवसरमा पुन:स्थापित एमालेनिकट विद्यार्थीहरूले सडक माइतीघरमा सांस्कृतिक कार्यक्रम आयोजना गरेका छन् । त्यस अवसरमा नारीवादी एकल नाटक, गीत-संगीत तथा कवितावाचन प्रस्तुत गरिएको थियो ।

अनेरास्ववियूकी केन्द्रीय सदस्य जस्मिन ओझाले बलात्कृत युवतीको भूमिकामा एकल अभिनय देखाएकी थिइन् । उनको अभिनय र संवादले कार्यक्रमस्थलमा सन्नाटा छाएको थियो ।

कार्यक्रममा प्रमुख अतिथि महिला मन्त्री जुली महतो थिइन् भने अनेरास्ववियूकी पूर्वअध्यक्ष नविना लामा र केन्द्रीय सदस्य सुनीता बराल अतिथि थिए ।

काठमाडौं । विश्वव्यापी महामारी बनेको कोरोना भाइरस संक्रमणविरुद्धको दोस्रो चरणको खोप अभियान आजदेखि शुभारम्भ भएकाे छ।

महाराजगञ्‍जस्थित त्रिवि शिक्षण अस्पताल पुगेर खोप लगाई प्रधानमन्त्री केपी शर्मा ओली अभियानको शुरूआत गरेका छन् । प्रधानमन्त्री पत्नी राधिका शाक्यले पनि सँगै खोप लगाएकी छिन् ।

दोस्रो चरणको अभियानअन्तर्गत आजदेखि देशभर ६५ वर्षमाथिका ज्येष्ठ नागरिकलाई खोप प्रदान गरिदैँ छ । वृद्धवृद्धा कोरोना संक्रमणको जोखिम वर्गमा पर्छन् ।

यस्तै हिमाली भेगका १५ जिल्लामा भने ५५ वर्षमाथिका ज्येष्ठ नागरिकलाई खोप प्रदान गरिनेछ । दोस्रो चरणमा करिब १६ लाख ज्येष्ठ नागरिकलाई खोप प्रदान गरिने उनले जनाए ।

खोप अभियान ६ हजार खोप केन्द्रबाट सञ्चालन हुनेछ । यसअघि गत माघ १४ देखि फागुन १० गतेसम्म पहिलो चरणको खोप अभियान सञ्चालन गरिएको थियो । पहिलो चरणमा ४ लाख २९ हजारलाई खोप प्रदान गरिएको थियो ।

काठमाडौं । म्यानमारमा लोकतान्त्रिक आन्दोलनकारीविरुद्ध नरसंहार बन्द गर्न माग गर्दै नागरिक अगूवाहरूले काठमाडौंस्थित म्यानमारको दूतावास अगाडि प्रदर्शन गरेका छन् ।

वृहद नागरिक आन्दोलनको ब्यानरसहित गरिएको प्रदर्शनमा सहभागीहरुले म्यानमारमा लोकतन्त्रका बहाली हुनुपर्ने माग गरेका थिए ।

नागरिक अगुवाहरू डा. गोविन्द केसी, नारायण वाग्ले, खगेन्द्र संग्रौला लगायत करिब दुई दर्जनको उपस्थिति रहेको थियो । सहभागीहरूले विभिन्न नारा लेखिएका प्लेकार्डहरू बोकेका थिए भने म्यानमारमा सेनाले गरेको दम झल्काउने सडक नाटक पनि प्रस्तुत गरिएको थियो ।

काठमाडौं । प्रतिनिधिसभा र राष्ट्रियसभाका सांसदहरूलाई कोरोनाविरुद्धको खोप लगाउन शुरू गरिएको छ ।

बुधबार बिहान १० बजेदेखि नयाँ बानेश्वरस्थित सिभिल अस्पतालमा सांसदहरूलाई खोप दिन शुरू गरिएको हो । पहिलो दिन सभामुख अग्निप्रसाद सापकोटालगायतका सांसदहरूलाई खोप लगाइएको छ । राष्ट्रियसभाका अध्यक्ष, उपाध्यक्षलगायतले पनि खोप लगाउँनेछन् ।

फागुन २३ गतेदेखि प्रतिनिधिसभाको बैठक बस्दैछ ।

खोप लगाएर मात्र संसद भवनमा छिर्न दिइने भएकाले सचिवालयले सबै सांसद, संसद सचिवालयका कर्मचारी, अन्तर्राष्ट्रिय सम्मेलन केन्द्रका कर्मचारी, मर्यादापालक र संसदीय मामिला सम्बन्धी पत्रकारहरूलाई खोप लगाउने व्यवस्था मिलाएको छ ।

खोप लगाइसकेपछि सभामुख अग्निप्रसाद सापकोटाले कोभिड-१९ विरुद्ध पूर्ण विजय हासिल गर्न सकिन्छ भन्ने विश्वास पैदा भएको प्रतिक्रिया दिए ।

काठमाडौं । शैक्षिक क्षेत्रका विभिन्न माग राखेर नेपाल विद्यार्थी संघ त्रिवि समितिले सुरु गरेको रिले अनसन आज २५ औं दिनमा प्रवेश गरेको छ । लामो समयदेखि संघर्ष गर्दा पनि सुनवाइ नभएको भन्दै आन्दोलनकारी आक्रोशित देखिएका छन् ।स्वतन्त्र विद्यार्थी युनियन निर्वाचन तत्काल घोषणा गर्नुपर्ने लगायतका पाँच बुँदे माग राखेर समितिले रिले अनसन सुरु गरेको हो । त्रिभुवन विश्वविद्यालय उपकुलपति कार्यालयमा अनसन बसेका विद्यार्थीहरु माग पुरा नभएसम्म संघर्ष जारी राख्ने बताउँछन् ।

कोभिड–१९ का कारण लामो समयपछि भएको परीक्षा र त्रिविको नतिजा प्रकाशनमा ढिलासुस्तिले विद्यार्थीको शैक्षिक सत्र गुम्ने अवस्था आएको भन्दै परीक्षा भएको एक महिनाभित्रै नतिजा प्रकाशन गर्न अनसनकारीले माग गरेका छन् । त्रिविको क्यालेण्डरअनुसार नयाँ भर्ना प्रक्रिया सुचारु गर्नुपर्ने, त्रिविका प्राध्यापक तथा विद्यार्थी संगठनको नेतृत्वमाथि झूटा मुद्दा लगाउने कार्य बन्द गर्न पनि माग गरिएको छ ।त्रिविमा २५ दिनदेखि नेविसंघको रिले अनसन (फोटो÷भिडियो)
काठमाडौं । शैक्षिक क्षेत्रका विभिन्न माग राखेर नेपाल विद्यार्थी संघ त्रिवि समितिले सुरु गरेको रिले अनसन आज २५ औं दिनमा प्रवेश गरेको छ । लामो समयदेखि संघर्ष गर्दा पनि सुनवाइ नभएको भन्दै आन्दोलनकारी आक्रोशित देखिएका छन् ।

स्वतन्त्र विद्यार्थी युनियन निर्वाचन तत्काल घोषणा गर्नुपर्ने लगायतका पाँच बुँदे माग राखेर समितिले रिले अनसन सुरु गरेको हो । त्रिभुवन विश्वविद्यालय उपकुलपति कार्यालयमा अनसन बसेका विद्यार्थीहरु माग पुरा नभएसम्म संघर्ष जारी राख्ने बताउँछन् ।कोभिड–१९ का कारण लामो समयपछि भएको परीक्षा र त्रिविको नतिजा प्रकाशनमा ढिलासुस्तिले विद्यार्थीको शैक्षिक सत्र गुम्ने अवस्था आएको भन्दै परीक्षा भएको एक महिनाभित्रै नतिजा प्रकाशन गर्न अनसनकारीले माग गरेका छन् । त्रिविको क्यालेण्डरअनुसार नयाँ भर्ना प्रक्रिया सुचारु गर्नुपर्ने, त्रिविका प्राध्यापक तथा विद्यार्थी संगठनको नेतृत्वमाथि झूटा मुद्दा लगाउने कार्य बन्द गर्न पनि माग गरिएको छ ।

तस्वीरहरु: राजन काफ्ले ।

काठमाडौं । प्रतिनिधिसभा विघटनको विरोधमा प्रचण्ड-माधव पक्षको नेकपानिकट आदिवासी जनजाति महासंघले प्रदर्शन गरेको छ ।

चरणवद्ध संघर्ष गरिरहेको प्रचण्ड-माधव पक्षको चौथो चरणको आन्दोलन अन्तर्गत दिउँसो १ बजेदेखि काठमाडौंको रत्नपार्कमा प्रदर्शन गरिएको हो ।

आदिवासी जनजातिहरू परम्परागत र जातीय भेषभुषामा विरोध प्रदर्शनमा सहभागी थिए ।

काठमाडौं । प्रचण्ड-माधव समर्थित अनेरास्ववियूका कार्यकर्ताले नारायणहिटी अगाडि ‘प्रतिगमनको विरोध’ मा जुत्ता हानेर प्रदर्शन गरेका छन् ।

सयौंको संख्यामा जम्मा भएका कार्यकर्ताले विभिन्न नारावाजी गर्दै जुत्ता हानेका थिए ।

केपी ओलीको प्रतिमा बनाएर उनीहरुले त्यसलाई ‘प्रतिगमन’ को संज्ञा दिएका थिए ।

हेर्नुस्  तस्बिरहरू:

काठमाडौं । प्रतिनिधिसभा विघटनको विरोधमा विभिन्न पेशा क्षेत्रका अगुवाहरूले काठमाडौंको टुँडिखेलबाहिर नागरिक प्रदर्शन गरेका छन् ।

‘टुँडिखेल मार्च’ नाम दिइएको प्रदर्शन शुक्रबार दिउँसो गरिएको हो । प्रजातन्त्र दिवसको अवसर पारेर गरिएको प्रदर्शनमा साहित्यकार, पत्रकार, अधिकारकर्मी, सम्पदा संरक्षणकर्मीलगायतका अगुवाहरू सहभागी थिए ।

वृहत नागरिक आन्दोलन लेखिएको ब्यानरमा गरिएको प्रदर्शनमा टुँडिखेलको जमिन सार्वजनिक भएको घोषणासमेत गरिएको छ । नागरिक सभामा खगेन्द्र संग्रौला, नारायण वाग्लेलगायत सहभागी थिए ।

काठमाडौं । प्रतिनिधिसभा विघटनविरुद्ध आन्दोलनरत प्रचण्ड-माधव पक्षीय नेकपाले काठमाडौंको टुँडिखेल वरपर मानव साङ्लोसहित घेराउ गरेको छ ।

बुधबारदेखि शुरू भएको चौथो चरणकाे संघर्षका कार्यक्रमअन्तर्गत आज अपरान्ह टुँडिखेलबाहिर मानव साङ्लो बनाएर विरोध प्रदर्शन गरिएको हो ।

नयाँ चरणको आन्दोलनअन्तर्गत फागुन २ गते नेकपा प्रचण्ड-माधव पक्षले ५ देखि २१ फागुनसम्म गर्ने संघर्षका कार्यक्रम सार्वजनिक गरेको थियो ।