Category: स्थानीय निर्वाचन–२०७९

सुर्खेत । कर्णाली प्रदेशका ७९ पालिकामध्ये ६० वटाको नतिजा सार्वजनिक भएको छ । जसमध्ये कर्णालीका तीन पालिकामा निर्विरोध नेतृत्व चयन भइसकेको थियो भने बाँकी ५७ वटा पालिकाको मतगणना सकिएसँगै नतिजा सार्वजनिक भएको निर्वाचन आयोगले जनाएको छ । १९ पालिकाको भने मतगणना जारी छ ।

६० पालिकाको नतिजाअनुसार नेपाली कांग्रेस २५ पालिकाको नेतृत्वसहित पहिलो स्थानमा छ । दोस्रो स्थानमा रहेको नेकपा माओवादी केन्द्रले १८ पालिका जितेको छ भने नेकपा एमालेले ११ पालिकाको नेतृत्व हात पारेको छ । नेकपा एकीकृत समाजवादीले तीन पालिका जितेको छ । प्रदेशका तीन पालिकाको नेतृत्वमा स्वतन्त्र उम्मेदवारले जितेका छन् ।

कांग्रेसले जितेका पालिका 

१) खार्पुनाथ गाउँपालिका (हुम्ला)– कर्णबहादुर रावल
२) कुमाख गाउँपालिका (सल्यान)– मानबहादुर बुढाथोकी
३) त्रिवेणी गाउँपालिका (सल्यान)– खिमबहादुर रावत
४) भैरवी गाउँपालिका ( दैलेख)– रिताकुमारी शाही
५) कनकासुन्दरी गाउँपालिका(जुम्ला) – दामोदर आचार्य
६) महाबु गाउँपालिका(दैलेख) – लक्ष्मण गुरुङ
७) ठूलोभेरी नगरपालिका(डोल्पा) – स्वर्णबहादुर बुढा
८) हिमा गाउँपालिका(जुम्ला) – लक्ष्मण शाही
९) तिलागुफा नगरपालिका(कालिकोट)– शंकरप्रसाद उपाध्याय
१०) मुगूम कार्मारोङ गाउँपालिका (मुगु) – छिरिङ क्याप्ने लामा
११) सिद्धकुमाख गाउँपालिका (सल्यान)– भरत गिरी
१२) ठाटीकाँध गाउँपालिका(दैलेख)– रक्षबहादुर शाह
१३) कुशे गाउँपालिका (जाजरकोट) – हरिचन्द्र बस्नेत
१४) बाँफिकोट गाउँपालिका(रुकुम पश्चिम) – जनककुमार बाँठामगर
१५) चामुण्डा विन्द्रासैनी नगरपालिका(दैलेख) – गणेशकुमार शाही
१६) शारदा नगरपालिका (सल्यान) – प्रकाश भण्डारी
१७) शिवालय गाउँपालिका (जाजरकोट) – शेरबहादुर शाही
१८) पातारासी गाउँपालिका (जुम्ला) – पूर्णसिंह बोहोरा
१९) छायाँनाथ रारा नगरपालिका (मुगु) – विष्णुकुमार भाम
२०) पञ्चपुरी नगरपालिका (सुर्खेत) – लालविर भण्डारी
२१) बराहताल गाउँपालिका (सुर्खेत) –भीम बहादुर भण्डारी
२२) लेकबेशी नगरपालिका (सुर्खेत) –उमेश कुमार पौडेल
२३) नरहरीनाथ गाउँपालिका (कालिकोट) – नगेन्द्रबहादुर विष्ट
२४) गुर्भाकोट नगरपालिका ( सुर्खेत) – हस्त पुन
२५) छेडागाड नगरपालिका (जाजारकोट) – रत्नबहादुर खड्का

माओवादीले जितेका पालिका

१) जगदुल्ला गाउँपालिका (डोल्पा) – नारासिङ रोकाय
२) मुड्केचुला गाउँपालिका(डोल्पा) – दत्तबहादुर शाही
३) नौमुले गाउँपालिका (दैलेख) – छविराम सुवेदी
४) ताँजाकोट गाउँपालिका (हुम्ला)– लालकेश जैसी
५) सानीभेरी गाउँपालिका(रुकुम पश्चिम) – बिर्खबहादुर विष्ट
६) नाम्खा गाउँपालिका(हुम्ला) – प्रेमबहादुर लामा
७) पलाँता गाउँपालिका (कालिकोट) – विष्णुबहादुर रोकाया
८) भगवतिमाई गाउँपालिका(दैलेख) – गणेश थापा
९) शुभकालिका गाउँपालिका(कालिकोट)– गोविन्दप्रसाद आचार्य
१०) सिमकोट गाउँपालिका (हुम्ला) – विजय भण्डारी
११) सिंजा गाउँपालिका (जुम्ला) – पूर्णप्रसाद धिताल
१२) नलगाड नगरपालिका (जाजरकोट) – डम्बरबहादुर रावत
१३) बनगाड कुपिण्डे नगरपालिका (सल्यान) – कर्णबहादुर बुढाथोकी
१४) त्रिवेणी गाउँपालिका (रुकुम पश्चिम) – गणेशकुमार केसी
१५) महाबै गाउँपालिका (कालीकोट) – खेमबहादुर सिंह
१६) चौरजहारी नगरपालिका (रुकुम पश्चिम) – पुष्प बादी
१७) आठबिसकोट नगरपालिका (रुकुम पश्चिम) – रबि के.सी.
१८) दार्मा गाउँपालिका (सल्यान) –निम बहादुर केसी

एमालेले जितेका पालिका 

१) शेफोक्सुण्डो गाउँपालिका (डोल्पा)– धावा सम्डुङ गुरुङ(निर्विरोध)
२) गुराँस गाउँपालिका (दैलेख) – टोपबहादुर बिसी
३) डुङ्गेश्वर गाउँपालिका (दैलेख)– सुन्दरकुमार केसी
४) नारायण नगरपालिका (दैलेख) – लोमन शर्मा
५) जुनीचाँदे गाउँपालिका (जाजरकोट) – बेदबहादुर शाही
६) चिङ्गाड गाउँपालिका (सुर्खेत) – बोधविक्रम जिसी
७) भेरी नगरपालिका (जाजरकोट) – सिपी घर्ती
८) त्रिपुरासुन्दरी नगरपालिका (डोल्पा) – जुनचन्द्र रोकाय
९) कालिमाटी गाउँपालिका (सल्यान) – दानबहादुर केसी
१०) छत्रेश्वरी गाउँपालिका (सल्यान) – ओज बहादुर बुढाथोकी
११) आठविस नगरपालिका (दैलेख) – तर्क बहादुर बडुवाल

एकीकृत समाजवादीले जितेका पालिका

१) काइके गाउँपालिका (डोल्पा)– अंगतकुमार राना (निर्विरोध)
२) छार्काताङसोङ गाउँपालिका (डोल्पा)– सेनाङ गुरूङ (निर्विरोध)
३) कपुरकोट गाउँपालिका(सल्यान)– दुर्गा पुन

स्वतन्त्र उम्मेदवार

१) खाँडाचक्र नगरपालिका (कालीकोट)– कमलबहादुर शाही
२) सान्नी त्रिवेणी गाउँपालिका (कालीकोट)– मोहनबहादुर केसी
३) चन्दननाथ नगरपालिका (जुम्ला)– राजुसिंह कठायत

रुपन्देही । रुपन्देहीको देवदह नगरपालिकाको मेयर र उपमेयर दुवैमा नेकपा एमालेका उम्मेदवार विजयी हुने निश्चित भएको छ ।

एमालेका उम्मेदवार ध्रुव खरेल मेयर र विद्यालक्ष्मी गुरुङ उपमेयरमा निर्वाचित हुने निश्चित भएको हो ।

चार सय मत गन्द बाँकी हुँदा उनीहरु दुवैजना एक हजारभन्दा बढी मतसहित अगाडी भएपछि जित सुनिश्चित भएको हो ।

रुपन्देहीका १६ पालिकाहरुमध्ये एमालेले करिब जितेको यो पहिलो पालिका हो ।

दमक। दमक नगरपालिकाको कुल २५ हजार १४ मत गणना सकिँदा एमालेकी मेयर उम्मेदवार गीता अधिकारी पौडेलले १२३ मतले अग्रता लिएकी छन् । अधिकारीले १० हजार ७ सय ९३ मत प्राप्त गर्दा उनका प्रतिस्पर्धी राप्रपाका राम थापाले १० हजार ६ सय ७० मत पाएका छन् ।

उपप्रमुखमा पनि नेकपा एमलेका उम्मेदवार अम्बिका प्रसाद खनाल अगाडि छन् । उनले १० हजार ५ सय ४३ मत ल्याएका छन् भने गठबन्धनका तर्फबाट उम्मेदवार बनेकी रेगनी भट्टराईले १० हजार ३ सय ६२ मत प्राप्त गरेकी छिन्।

अहिले सम्म दमकमा वडा नम्बर १, २, ३ ,४ ८ , ९ र १० को मत गणना सकिएको छ ।

सुर्खेत । दैलेखको आठबीस नगरपालिकामा नेपाली कांग्रेसको तर्फबाट नगरप्रमुखमा उम्मेदवार बनेका प्रेमप्रकाश शाहीले पराजय स्वीकार गर्दै आफ्ना प्रतिस्पर्धी एमालेका तर्कबहादुर बडुवाललाई बधाई दिएका छन् ।

उनले सामाजिक सञ्जाल फेसबुमा स्टाटस लैख्दै बडुवाललाई बधाई दिएका हुन् । उनले आफ्नो लडाइँ जातसँग नभइ विचारसँग भएका कारण पराजय भोग्नुपरेको बताएका छन् ।

उनले लेखेका छन्– मेरो लडाइँ विचारको थियो, जातसँग थिएन तर भोगियो । अग्रिम बधाई आदरणीय मामा तर्क बडुवाललाई ।’

आठबीस नगरपालिकाका क्षेत्री समूदाय एक भएका कारण चुनाव हार्नुपरेको उनको बुझाइ छ ।