Category: स्वास्थ्य-जीवनशैली

दिल्ली । पछिल्लो २४ घण्टामा भारतमा कोरोनाभाइरसका १ लाख ४१ हजार ९८३ जना संक्रमित थपिएका छन् । स्वास्थ्य मन्त्रालयका अनुसार सोही अवधीमा संक्रमणले २८५ जनाको मृत्यु भएको छ ।

४० हजार ८१६ जना संक्रमणमुक्त भएका छन् ।

सक्रिय संक्रमित संख्या ४ लाख ६६ हजार ३११ पुगेको छ । एकैदिनमा एक्टिभ केसमा एकलाख वृद्धि भएको छ ।

लगातार दोस्रो दिन भारतमा संक्रमित संख्या एकलाख माथि छ । सबैभन्दा बढी महाराष्ट्र राज्यमा ४० हजार ९२५ केस देखिएका छन् । बंगालमा १८ हजार २१३ र दिल्लीमा १७ हजार ३३५ संक्रमित देखिएका छन् ।

राजधानी दिल्लीमा शुक्रबार राती १० बजेदेखि सोमबार बिहान ५ बजेसम्म कर्फ्यु आदेश जारी गरिएको छ । यो दौरानमा सर्वसाधारणलाई घरबाट बाहिर निस्कन अनुमति छैन ।

काठमाडौं । पछिल्लो २४ घण्टामा मुलुकमा ९६८ जना कोरोनाभाइरस संक्रमित थपिएका छन् । स्वास्थ्य मन्त्रालयका अनुसार १४ हजार ९७१ कूल नमुना परीक्षण (८२७२ पीसीआर र ६६९९ एन्टीजेन) गर्दा ती संक्रमित थपिएका हुन् ।

कोभिड संक्रमणको कारण आज कुनै मृत्यु भएको छैन । पछिल्लो २४ घण्टामा २६२ जना निको भएका छन् ।

सक्रिय संक्रमित संख्या ५७४१ पुगेको छ । आज २ लाख ६३ हजार जनाले कोभिडविरुद्धको खोप लगाएका छन् ।

आजको दैनिक संक्रमणदर झन्डै ७ प्रतिशत पुगेको छ ।

काठमाडौं उपत्यकाका तीन जिल्लामा ३६९ जना संक्रमित थपिएका छन् । काठमाडौंमा २८४, ललितपुरमा ६२ र भक्तपुरमा २३ जना संक्रमित थपिएका छन् ।

दिल्ली । भारतमा कोभिड संक्रमितको संख्या एकलाख नाघेको छ । पछिल्लो २४ घन्टामा एक लाख १७ हजार १०० जनामा संक्रमण देखिएको छ । यो अवधिमा ३०४ जनाको कोभिडका कारण मृत्यु भएको छ ।

भारतमा एक साताअघि दैनिक संक्रमण १० हजार थियो । कोभिडको नयाँ भेरियन्ट ओमिक्रोन फैलिएसँगै कोभिड संक्रमितको संख्या बढेको छ ।

भारतमा २६ राज्यमा ओमिक्रोन भेरिअन्ट देखिएको छ । सात महिनापछि पहिलो पटक संक्रमितको संख्या एक लाख नाघेको हो । सन् २०२१ को ६ जुनमा भारतमा १ लाखभन्दा बढी नयाँ संक्रमित देखिएका थिए ।

कोभिडबाट महाराष्ट्र सबैभन्दा बढी प्रभावित छ । महाराष्ट्रमा शुक्रबार ३६ हजार २६५ नयाँ संक्रमित भेटिएका छन् । संक्रमण बढेपछि मुम्बईमा लकडाउन गर्ने तयारी भएको छ ।

काठमाडौं । पछिल्लो २४ घण्टामा मुलुकमा ५४० जना कोरोनाभाइरस संक्रमित थपिएका छन् । स्वास्थ्य मन्त्रालयका अनुसार १२ हजार ९९ नमुना (७२०९ पीसीआर र ४८९० एन्टीजेन) परीक्षण गर्दा ती संक्रमित थपिएका छन् ।

सोही अवधीमा थप १ जनाको कोभिड संक्रमणले मृत्यु भएको छ । २७१ जना निको भएर घर फर्किएका छन् ।

सक्रिय संक्रमित संख्या ५४३१ पुगेको छ । १ लाख २० हजार जनाले बिहीबार कोभिडविरुद्धको खोप लगाएका छन् ।

आजको दैनिक संक्रमणदर झन्डै ७ प्रतिशत पुगेको छ । आज पुष्टि भएको संक्रमण गत तीन महिनायताकै उच्च हो । गत कात्तिक १० गते ५८२ संक्रमण पुष्टि भएको थियो ।

काठमाडौं उपत्यकामा आज ३१० जना संक्रमित थपिएका छन् जसमा काठमाडौं जिल्लामा २२१ जना, ललितपुरमा ५९ र भक्तपुरमा ३० जना संक्रमित थपिएका छन् ।

पीसीआर परीक्षण गर्दा कूल संक्रमित संख्या ५ लाख ३० हजार ४८० र एन्टीजेन परीक्षण गर्दा ९६ हजार ४४५ संक्रमित पुष्टि भएको छ । कूल मृत्यु ११ हजार ६०२ छ ।

काठमाडौं । स्वास्थ्य तथा जनसङ्ख्यामन्त्री विरोध खतिवडा र नेपालका लागि जापानका राजदूत किकुता युताकाबीच भेटघाट भएको छ । मन्त्रालयमा आज आयोजित भेटमा दुई देशबीच परस्परिक सहयोग र कोभिड–१९ को रोकथाम तथा नियन्त्रणका लागि निर्वाह गर्नसक्ने भूमिकाबारे छलफल भएको थियो ।

मन्त्री खतिवडाले कोभिड–१९ निवारणका लागि नेपाललाई आवश्यक सामग्री उपलब्ध गराएकामा जापान सरकारलाई धन्यवाद दिए । जापानले नेपाललाई १६० थान अक्सिजन जेनेरेटर, २५ थान ब्लड ग्यास एनालाइजर, २५ थान पोर्टेबल अल्ट्रासाउन्ड इमेज डायग्नोस्टिक सिस्टम र छ थान जापानमा निर्मित एम्बुलेन्स उपलब्ध गराएको थियो ।

मन्त्री खतिवडाले जापान सरकारले कोभिड–१९ महामारीको रोकथामका साथै जनताको रक्षा, जीविकोपार्जन र महामारीपछिको आर्थिक पुनरुत्थानका लागि नेपाललाई प्राथमिकता दिएको उल्लेख गरे । उनले नेपाल–जापानबीचको सम्बन्धलाई अझ सुदृढ बनाउन राजदूत युताकाबाट निर्वाह भएको भूमिकाको प्रशंसा गर्दै दुई देश र जनताको पारस्परिक हितका लागि मिलेर काम गर्नुपर्नेमा जोड दिए ।

आगामी दिनमा पनि जापान सरकारबाट नेपालको स्वास्थ्य क्षेत्रमा निरन्तर सहयोगको अपेक्षा गर्दै मन्त्री खतिवडाले पूर्वाधार विकास, गरिबी निवारण, कृषि, साना तथा मझौला उद्यमलाई सहयोग, जनस्वास्थ्य तथा शिक्षाको सुधार, मानव संशाधनको विकासलगायत क्षेत्रमा महत्वपूर्ण जापान सरकारको निरन्तर सहयोग रहदै आएको छ भने ।

राजदूत युताकाले कोभिड–१९ को नियन्त्रणमा आफूहरुले सहयोग गर्दै आइरहेको र फेरि पनि सहयोग गर्न तयार रहेको बताए । उनले यसअघि जापान सरकारले नेपाललाई कोभ्याक्स सुविधाअन्तर्गत २० करोड अमेरिकी डलर बराबरको खोप उपलब्ध गराउनाका साथै अहिले ८० करोड अमेरिकी डलर उपलब्ध गराउने प्रतिबद्धता जनाएको जानकारी गराएका थिए । रासस

दिल्ली । पछिल्लो २४ घण्टामा भारतमा ९० हजार ९२८ जना कोभिड-१९ संक्रमित थपिएका छन् । स्वास्थ्य मन्त्रालयका अनुसार सोही अवधीमा ३२५ जनाको मृत्यु भएको छ भने १९ हजार २०६ जना निको भएका छन् ।

सक्रिय संक्रमित संख्या २ लाख ८५ हजार ४०१ पुगेको छ । दैनिक संक्रमणदर ६.४३ प्रतिशत पुगेको छ ।

पछिल्लो २४ घण्टामा ४९५ वटा ओमिक्रोन भेरिएन्ट संक्रमण पुष्टि भएको छ । त्यहाँ कूल ओमिक्रोन संक्रमण केस संख्या २६३० पुगेको छ ।

महाराष्ट्रमा ओमिक्रोनका ७९७ केस पुष्टि भएका छन् । दिल्लीमा ४६५, राजस्थानमा २३६, केरलामा २३४, कर्णाटका २२६, गुजरातमा २०४ र तामिलनाडुमा १२१ संक्रमण पुष्टि भएका छन् ।

काठमाडौं । स्वास्थ्य मन्त्रालयले अस्पतालका ३० प्रतिशत बेड कोभिड संक्रमित बिरामीले भरिए स्मार्ट लकडाउनमा जाने संकेत गरेको छ ।

बुधबार मन्त्रालयद्वारा आयोजित नियमित प्रेस ब्रिफिङमा प्रवक्ता संगीता कौशल मिश्राले अस्पतालमा बेडको स्थितीबारे रिर्पोटिङ गर्न अस्पतालहरुलाई निर्देशन दिइन् ।

‘स्मार्ट लकडाउनको कार्यविधिले ३० प्रतिशतभन्दा बढी बेड भरिए प्रणालीमा चाप आउन नदिन स्मार्ट लकडाउन गर्नुपर्ने भनेको छ’ उनले भनिन्, ‘त्यस्तो अवस्था आउन नदिन सबै नागरिकले अनिवार्य जनस्वास्थ्यका मापदण्ड पालना गर्नुपर्ने हुन्छ ।’

बुधबार नेपालमा ४३५ जना कोभिड संक्रमित थपिएका छन् । यो संक्रमण तीन महिनायताकै उच्च हो । यसअघि कात्तिक २३ गते ४४३ जनामा संक्रमण पुष्टि भएको थियो ।

नेपालको कोरोनाको आर भ्यालू पनि १.०६ प्रतिशत पुगेको छ । आर भ्यालू एक प्रतिशतभन्दा बढ्नुले महामारी नियन्त्रणबाहिर गएको संकेत गर्छ । प्रेस ब्रिफिङमा प्रवक्ता मिश्राले सम्भावित तेस्रो लहरसँग जुध्न मन्त्रालयले तयारी सुरु गरेको समेत बताइन् ।

मन्त्रालयको तथ्यांकअनुसार बुधबार काठमाडौंमा सबैभन्दा धेरै २०९ जना संक्रमित पुष्टि भएका छन् । ललितपुरमा २६ र भक्तपुरमा १८ जना संक्रमण पुष्टि भएको छ ।

अहिलेसम्म नेपालमा ओमिक्रोनका ३ वटा केस पुष्टि भएका छन् । ओमिक्रोन पत्ता लगाउन मन्त्रालयले जिन सिक्वेन्सिङको काम गरिरहेको समेत प्रवक्ता मिश्राले बताइन् ।

काठमाडौं । पछिल्लो २४ घण्टामा मुलुकमा ४३५ जना कोभिड संक्रमित थपिएका छन् । स्वास्थ्य मन्त्रालयका अनुसार १० हजार २६७ नमुना (३७० पीसीआर र ३५५२ एन्टीजेन) नमुना परीक्षण गर्दा संक्रमित थपिएका छन् ।

आजको दैनिक संक्रमणदर झन्डै ६ प्रतिशत पुगेको छ ।

आज कोभिड संक्रमणको कारण मृत्यु आँकडा छैन । आज थप २३९ जना निको भएका छन् ।

आजसम्म सक्रिय संक्रमित संख्या ५२२५ पुगेको छ । पछिल्लो २४ घण्टामा २ लाख ४६ हजार जनाले कोभिडविरुद्धको खोप लगाएका छन् ।

पटना । नेपाल सीमावर्ती भारतीय राज्यमा ओमिक्रोन संक्रमण फैलिएपछि रात्रीकालिन कर्फ्यु घोषणा गरिएको छ । राती १० बजेदेखि ५ बजेसम्म लागू हुने कर्फ्युमा सपिङ मल, स्वीमिङ पुल, क्लब, सिनेमा घर, रंगशाला, जिमखाना बन्द हुनेछन् ।

जनवरी ६ देखि सुरु हुने कर्फ्यु जनवरी २१ सम्म लागू हुने मुख्यमन्त्री नितिश कुमारले जनाएका छन् । उनकै अध्यक्षतामा बसेको कोभिड सम्बन्धी उच्चस्तरीय कार्यदलको बैठकले कर्फ्यु लागू गर्ने निर्णय गरेको हो ।

बैठकपछि मुख्य सचिव अमिर सुभानीले प्रतिबन्धहरुबारे घोषणा गरेका हुन् । सबै सरकारी र निजी कार्यलयमा ५० प्रतिशत कर्मचारी राखेर काम गर्न पाइने भएको छ ।

नेपालसँग सीमा जोडिएको राज्य बिहारमा ओमिक्रोन संक्रमण फैलनेक्रममा छ । सोही बाटो हुँदै नेपालमा समेत मानिसहरु आवतजावत गर्ने भएकाले नेपालमा संक्रमणको जोखिम अझै बढेको छ ।

काठमाडौं । सरकारले कोभिड-१९ विरुद्धको बुस्टर डोज खोप दिने कार्य स्थगित भएको जनाएको छ ।

थप प्राविधिक विषयहरु छलफल तथा तयारी गरी आगामी माघ महिनादेखि यस विषयमा जानकारी गराउने स्वास्थ्य मन्त्रालयले जनाएको छ ।

प्रवक्ता संगीता कौशल मिश्राले विज्ञप्ति जारी गर्दै सबै नागरिकलाई कोभिड-१९ विरुद्धको खोप चाँडै उपलब्ध गराउन महत्वपूर्ण भएको जनाएकी छिन् ।

मन्त्रालयले सोमबार विज्ञप्ति जारी गर्दै विभिन्न पाँच प्रकारका बिरामी र ६० वर्षभन्दा माथिल्लो उमेरका नागरिकलाई बुस्टर डोज दिने निर्णय गरेको थियो ।

तर, सरकारले बुस्टर डोज चाहिँ भनेको छैन । उसले ‘खोपको एक अतिरिक्त मात्रा’ भनेको छ । सरकारले चैतसम्म लक्षित जनसंख्यालाई खोप लगाइसक्ने बताएपछि ओमिक्रोन भेरिएन्टको कारणले सरकारलाई चुनौति थपिएको छ । 

काठमाडौं । नेपालमा आज ३९३ जना कोरोना संक्रमित थपिएका छन् ।

स्वास्थ्य तथा जनसंख्या मन्त्रालयका अनुसार ७ हजार ७९४ जनाको पीसीआर परीक्षण गर्दा ३५५ जनामा संक्रमण पुष्टि भएको हो । यस्तै १ हजार ५३५ जनाको एन्टीजेन परीक्षण गर्दा ३८ जनामा संक्रमण देखिएको हो ।

मन्त्रालयले आज थप तीन जनाको मृत्यु भएको जनाएको छ । यस्तै २६३ जना संक्रमित डिस्चार्ज भएका छन् ।

आज देशभरी ५ हजार ९४ जना सक्रिय संक्रमित रहेका छन् ।

आज काठमाडौं उपत्यकामा १ हजार ९९, भक्तपुरमा ५१४ र ललितपुरमा ५९५ जना सक्रिय संक्रमित रहेका छन् ।

न्यूयोर्क । कोरोनाभाइरसको नयाँ भेरिएन्टले अमेरिकालाई चपेटामा पारेको छ । एकैदिनमा मात्र अमेरिकामा १० लाख कोरोना संक्रमित थपिएका छन् । जोन हप्किन्स युनिभर्सिटीले सार्वजनिक गरेको डेटामा आइतबार अमेरिकामा १० लाख कोरोना संक्रमित थपिएको उल्लेख छ ।

मंगलबार राष्ट्रपति जो बाइडेन र उपराष्ट्रपति कमला ह्यारिसले बढ्दो भाइरस संक्रमणलाई लिएर आगामी रणनीति तय गर्ने योजना बनाएका छन् ।

अमेरिकी फुड एन्ड ड्रग एड्मिनिस्ट्रेसनले सोमबार १२ देखि १५ वर्ष उमेर समूहका बालबालिकालाई कोरोनाको बुस्टर डोज दिइने जनाएको छ ।

दिल्ली । भारतमा गत २४ घण्टामा कोरोनाभाइरसबाट थप ३७ हजार ३७९ सङ्क्रमित भएका केन्द्रीय स्वास्थ्य र परिवार कल्याण मन्त्रालयले मङ्गलबार जानकारी दिएको छ । यसैसँगै भारतमा कोरोना शुरु भएदेखि हालसम्म तीन करोड ४८ लाख ८ हजार ८८६ जना सङ्क्रमित भएका छन् ।

गत २४ घण्टामा भएका सङ्क्रमित मध्ये एक हजार ८९२ जना भने ओमिक्रोन भेरियन्टका सङ्क्रमित रहेका पनि समाचारमा जनाइएको छ । ती मध्ये पनि ७६६ जना भने निको भएका छन् । सोही अवधिमा थप १२४ जनाको कोरोना सङ्क्रमणका कारण मृत्यु भएको छ । यसैसँगै भारतमा कोरोनाको कारण ज्यान गुमाउने व्यक्तिको संख्या चार लाख ८२ हजार १७ पुगेको मन्त्रालयले थप जानकारी दिएको छ ।

भारतमा अहिले सङ्क्रमित अवस्थामै रहेकाको सङ्ख्या एक लाख ७१ हजार ८३० रहेको छ । अहिले सङ्क्रमित अवस्थामै रहेकाको सङ्ख्या कूल सङ्क्रमितको सङ्ख्याको ०.४९ प्रतिशत रहेको मन्त्रालयले जनाएको छ । गएको २४ घण्टामा भारतमा एघार हजार ७ जना कोरोनाबाट मुक्त भएका छन् । यसैसँगै कोरोना शुरु भएयता हालसम्म तीन करोड ४३ लाख ६ हजार ४१४ जनालाई कोरोना सङ्क्रमण निको भएका छन् । भारतमा कोरोना भाइरस निको हुने दर ९८.१३ प्रतिशत रहेको जनाइएको छ ।

भारतमा कोरोना शुरु भएदेखि हालसम्म ६८ करोड २४ लाख भन्दा बढी व्यक्तिको कोरोना परीक्षण भएको छ । यहाँ सन् २०२१ को जनवरी १६ बाट कोरोना भाइरसविरुद्ध खोप अभियान शुरु भएको थियो । सो समयदेखि हालसम्म एक अर्व ४६ करोड ७० लाख भन्दा बढी डोज खोप लगाइएको जनाइएको छ । रासस

काठमाडौं । सरकारले लक्षित समूहलाई आजबाट कोभिड–१९ विरुद्धको अतिरिक्त खोप दिँदैछ ।

कोभिड–१९ विरुद्धको पूर्ण मात्रा खोप लगाएको तीन महिना पुगेका तर सरकारको मापदण्ड अनुसार लक्षित समूहमा परेकालाई खोपको थप एउटा मात्र दिइन लागिएको हो ।

कसले पाउँछन् अतिरिक्त खोप ?

• मध्यम तथा गम्भीर रुपमा रोग प्रतिरोधात्मक क्षमता कम भएका व्यक्ति
• सक्रिय क्यान्सरका रोगी
• अंग प्रत्यारोपण गरेका बिरामी
• एचआईभी संक्रमण भएका बिरामी

उपचारका क्रममा रोग प्रतिरोधात्मक क्षमता कम गराउने औषधि सेवन गरिरहेका बिरामी र भेरोसेल वा सिनोफार्म खोप लगाएका ६० वर्ष तथा सोभन्दा माथिका ज्येष्ठ नागरिकलाई खोपको अतिरिक्त मात्रा दिन लागिएको स्वास्थ्य मन्त्रालयका सहप्रवक्ता डा. समीरकुमार अधिकारीले जानकारी दिए ।

लक्षित व्यक्तिले खोप कार्डसहित नजिकैको स्वास्थ्य संस्थामा गएर अतिरिक्त मात्रा खोप लगाउन सक्नेछन् ।

काठमाण्डौ । आगामी बुधवारदेखि मौसम बदली भएर पानी पर्ने सम्भावना रहेको मौसमविद्ले जनाएका छन् । पश्चिमी वायु सक्रिय हुने भएकाले बुधवार बेलुकादेखि शुक्रवारसम्म मौसम बदली भएर पानी पर्ने सम्भावना रहेको जनाइएको छ ।

पश्चिमी वायुको असरको कारण पानी पर्ने सम्भावना रहेको मौसमविद् प्रतिभा मानन्धरले जनाइन् । शुक्रवार सुदुरपश्चिम क्षेत्रबाट पश्चिमी वायुको प्रभाव देखिन थाल्ने भएकाले सुदूरपश्चिममा बुधवार धेरै पानी पर्ने सम्भावना रहेको जनाइएको छ ।

त्यसपछि बिस्तारै मध्य हुँदै पूर्वतर्फ सर्नेछ र देशभरि नै प्रभाव पर्ने उनले जनाइएको छ ।

मौसम बदलीले मुलुकका धेरै ठाउँमा पानी पर्ने र उच्च पहाडी तथा हिमाली क्षेत्रमा हिमपातको सम्भावना छ । मौसम बदली भएसँगै न्यूनतम र अधिकतम तापक्रम घट्ने भएकाले चिसो अझै बढ्न सक्ने सम्भावना छ ।

काठमाडौं । सरकारले ६ प्रकारका बिरामीलाई मात्र कोभिड-१९ विरुद्धको बुस्टर डोज दिने निर्णय गरेको छ । तर, यसलाई बुस्टर डोज भन्न अस्वीकार गर्दै सरकारले ‘थप एक अतिरिक्त मात्रा’ भएको जनाएको छ ।

सोमबार सूचना जारी गर्दै सरकारले खोप लगाएको ३ महिना पुगेकालाई पहिले जुन खोप लगाएको त्यही खोपको अर्को मात्रा दिइने जनाएको छ । खोप लगाउन खोप कार्डसहित स्वास्थ्य संस्थामा सम्पर्क राख्न भनिएको छ ।

कस-कसले खोपको तेस्रो मात्रा पाउनेछन् ?

मध्यम तथा गम्भीररुपमा रोग प्रतिरोधात्मक क्षमता कम भएका व्यक्तिहरु, सक्रिय क्यान्सर रोगीहरु, अंग प्रत्यारोपण गरेका व्यक्तिहरु, एचआइभी भएका बिरामीहरु, उपचारको क्रममा रोग प्रतिरोधात्मक क्षमता कम गराउने औषधीहरु सेवन गरिरहेका बिरामी, भेरोसेल तथा सिनोफार्म खोप लगाएका ६० वर्ष र सो भन्दा माथिल्लो उमेरका व्यक्तिहरुले अतिरिक्त खोप पाउने भएका छन् ।

काठमाडौं । पछिल्लो २४ घण्टामा मुलुकमा ३२६ जना कोरोनाभाइरस संक्रमित थपिएका छन् । स्वास्थ्य तथा जनसंख्या मन्त्रालयका अनुसार १२ हजार ४९८ नमुना (९७०० पीसीआर र २७९८ एन्टीजेन) गर्दा ती संक्रमित थपिएका हुन् ।

सोही अवधिमा थप दुई जनाको कोरोना संक्रमण मृत्यु भएको छ । २५५ जना निको भएका छन् ।

आजको दैनिक संक्रमणदर ३ प्रतिशत छ ।

सक्रिय संक्रमित संख्या ५ हजार ५ पुगेको छ । काठमाडौंमा १४४, ललितपुरमा २८ र भक्तपुरमा १६ जना कोरोना संक्रमण पुष्टि भएको छ । सोमबार काठमाडौं उपत्यकामा १८८ जना संक्रमण देखिएको छ ।

काठमाडौं उपत्यकाका तीन जिल्लामा सक्रिय संक्रमित संख्या ५०० भन्दा माथि छ । सोलुखुम्बु, मनाङ, मुस्ताङ, रसुवा, हुम्ला, मुगु र बाजुरामा आज संक्रमण पुष्टि भएको छैन ।

सुनसरी, कास्की, बाँके र कैलालीमा सक्रिय संक्रमित संख्या २०० भन्दा माथि छ । ३ लाख ४४ हजार जनाले पछिल्लो २४ घण्टामा कोभिडविरुद्ध खोप लगाएका छन् ।

स्वास्थ्य मन्त्रालयका अनुसार अहिलेसम्म पीसीआर विधिबाट गरिएको परीक्षणबाट ८ लाख २८ हजार ९८६ जनामा कोरोना संक्रमण पुष्टि भएको छ । एन्टिजेन परीक्षणबाट ९६ हजार २४५ जनामा संक्रमण पुष्टि भएको छ।

हालसम्म ८ लाख १२ हजार ४१९ जना कोरोनामुक्त भएका छन् । कोरोनाबाट मृत्यु हुनेको कुल संख्या ११ हजार ५९६ पुगेको छ

दिल्ली । भारतमा एकसातामै कोरोनाभाइरस संक्रमण २०० प्रतिशतले वृद्धि भएको छ । स्वास्थ्य मन्त्रालयका अनुसार पछिल्लो २४ घण्टामा मात्र त्यहाँ ३३ हजार ७५० कोरोना संक्रमित थपिएका छन् ।

जसमध्ये १७५ जनामा ओमिक्रोन संक्रमण पुष्टि भएको छ ।

सोही अवधीमा १२३ जनाको मृत्यु भएको छ । अहिलेसम्म ४ लाख ८१ हजार ८९३ मृतक संख्या पुगेको छ ।

भारतमा सक्रिय संक्रमित संख्या १ लाख ४५ हजार ५८२ पुगेको छ । केन्द्रिय स्वास्थ्य मन्त्रालयका अनुसार ओमिक्रोन भेरिएन्ट संक्रमण पुष्टि संख्या १७०० पुगेको छ ।

महाराष्ट्रमा ओमिक्रोन संक्रमित सख्ंया ५१०, दिल्लीमा ३५१, केरलामा १५६, गुजरातमा १३६ र तामिलनाडुमा १२१ पुगेको छ । यसैबीच भारतमा आजदेखि १५ देखि १८ वर्ष उमेर समूहका बालबालिकालाई कोभिडविरुद्धको खोप लगाउन सुरु गरिएको छ ।

दिल्ली । भारतमा कोरोनाभाइरसबाट थप झण्डै २३ हजार नयाँ सङ्क्रमित भएका छन् । सरकारी अधिकारीले शनिबार दिएको जानकारीअनुसार पछिल्लो २४ घण्टामा २२ हजार ७७५ नयाँ सङ्क्रमित भएका हुन् ।

सोही अवधिमा कोरोनाका कारण ४०६ को मृत्यु भएको पनि भारतको केन्द्रीय स्वास्थ्य मन्त्रालयले जनाएको छ । नयाँ सङ्क्रमितमध्ये एक हजार ४३१ जनालाई भने ओमिक्रोनको सङ्क्रमण पुष्टि भएको अधिकारीले जनाएका छन् ।

भारतमा अहिलेसम्म २३ राज्यमा ओमिक्रोनको सङ्क्रमण पुष्टि भएको र यो फैलिने क्रम तीव्र भएको उनीहरुको भनाइ छ । ओमिक्रोनबाट सबैभन्दा बढी प्रभावित महाराष्ट्र राज्य रहेको छ । त्यसपछि धेरै केन्द्रीय राजधानीसमेत रहेको दिल्ली राज्यमा ओमिक्रोनका सङ्क्रमित भेटिएका छन् ।

भारतमा पछिल्लो एक दिनमा आठ हजार ९४९ कोरोनाभाइरसबाट सङ्क्रमणमुक्त भएका छन् । योसँगै अहिलेसम्म सङ्क्रमणमुक्त भएकाको सङ्ख्या तीन करोड ४२ लाख ७५ हजार ३१२ पुगेको छ । मन्त्रालयका अनुसार भारतमा अहिले एक लाख चार हजार ७८१ जना सङ्क्रमित अवस्थामै रहेका छन् ।

काठमाडौं । नेपालमा आज कोरोना संक्रमितको संख्यामा वृद्धि भएको छ । स्वास्थ्य तथा जनसंख्या मन्त्रालयका अनुसार २० हजार ९५९ जनामा परीक्षण गर्दा ३८२ जनामा संक्रमण पुष्टि भएको हो ।

मन्त्रालयले ५ हजार ७ जनाको पीसीआर परीक्षण गर्दा ३४२ र १५ हजार ९५२ जनाको एन्टीजेन परीक्षण गर्दा ४० जनामा संक्रमण पुष्टि भएको जनाएको छ ।

यस्तै आज २५२ जना संक्रमित निको भएर घर फर्किएका छन् । मृत्यु हुनेको संख्या भने आज शून्य रहेको छ ।

देशभरी ४ हजार ९६९ जना सक्रिय संक्रमित रहेका छन् ।

काठमाडौँ । हिमालय क्षेत्रका हिमनदीको क्षेत्रफल र आयतन घट्ने क्रममा रहेको तथ्य जलवायु परिवर्तनसम्बन्धी अध्ययनको एक प्रतिवेदनले सार्वजनिक गरेको छ । ट्रान्सपरेन्सी इन्टरनेशनल (टिआइ) नेपालले इसिमोडलगायत संस्थाको सहयोगमा गरेको अध्ययन प्रतिवेदन शुक्रबार राजधानीमा सार्वजनिक गरिएको छ ।

नेपालको हिमाली क्षेत्रमा जमेर रहेका पानीका स्रोत र यसको तल्लो तटीय क्षेत्रमा जलवायु परिवर्तनको असर बुझ्न अध्ययन गरिएको कार्यक्रममा जानकारी गराइएको छ ।

हिमाली क्षेत्रको भौगोलिक अवस्था, उत्तर-दक्षिणमा छोटो दूरीमा उचाइ परिवर्तनको कारणले तापक्रम र वर्षाको भिन्नतामा उच्च परिवर्तन देखिएको प्रतिवेदनमा उल्लेख गरिएको छ । नेपालमा सन् १९७७ देखि २०१० सम्म करिब २४ प्रतिशतले हिमनदीको क्षेत्रफल घटेको यसअघिको एक अध्ययन प्रतिवेदनको निष्कर्षलाई पनि पछिल्लो अध्ययनले सार्वजनिक गरेको छ । सन् १९७० देखि २००७ सम्म नेपालको खुम्बु क्षेत्रमा पर्ने इम्जा र ल्होत्से हिमनदीको उचाइ घटेको तथ्य पनि अध्ययनले सार्वजनिक गरेको छ ।

हिमतालको तीव्र विकासले हिमताल विष्फोटबाट हुने बाढीको जोखिम बढेको छ । कोशी, गण्डकी र कर्णाली जलाधारमा सम्भावित खतरनाक ४७ वटा हिमताल पहिचान गरिएका छन् । यसमध्ये २१ वटा नेपालको उच्च हिमाली क्षेत्रमा, २५ वटा तिब्बतमा र एउटा भारतमा पर्ने अध्ययन प्रतिवेदनमा उल्लेख छ । हालसम्म नेपाल हिमशृङ्खलाबाट ३५ वटा हिमताल विष्फोटन भएको विभिन्न स्रोतमा उल्लेख गरिएको तथ्यलाई पनि अध्ययन बाहिर ल्याएको छ ।

अध्ययन कार्यदलका संयोजक मोहनबहादुर चन्द सन् १९६३ मा कञ्चनजङ्घा क्षेत्रमा हिमताल फुटेको तथ्य स्थलगत अध्ययनका क्रममा स्थानीय बूढापाकाबाट पुष्टि भएको बताउँछन् । यसको अभिलेख भने कतै नभएको र यो विषय सञ्चारमाध्यममा पनि नआएको उनले कार्यक्रममा सुनाए ।

कार्यक्रममा पूर्ववातावरण सचिव भएर काम गरिसकेका कृष्ण ज्ञवालीले यस्ता विषयमा छलफल गर्ने वातावरण परिषद् प्रधानमन्त्रीको अध्यक्षतामा गठन गरिए पनि त्यसको बैठक नै कम बस्ने गरेको जानकारी गराए । परिषद्को बोझिलो संरचना भएकाले कमै बैठक बस्ने गरेको समेत उनको अनुभव छ ।

वन तथा वातावरण मन्त्रालयका उपसचिव डा अरुणप्रकाश भट्टले पछिल्लो समय मेलम्चीमा आएको बाढी, मनाङको हिमपहिरो र सुदूरपश्चिम प्रदेशमा बेमौसममा पानी परी धानबाली नष्ट भएको घटना जलवायु परिवर्तनको प्रभाव भएको बताए ।

विकसित राष्ट्रले कार्वन उत्सर्जन गर्दा आएको यो समस्या समाधानमा पनि तिनै देशले भूमिका खेल्नुपर्ने उहाँको भनाइ छ । सन् २०११ को अध्ययन अनुसार नेपालले ०।०५६ प्रतिशतमात्र कार्बन उत्सर्जन गर्छ ।

कार्यक्रममा टिआइ नेपालका अध्यक्ष पद्मिनी प्रधानाङ्ग, उपाध्यक्ष बुद्धिनारायण श्रेष्ठ, महासचिव मुकुन्दबहादुर प्रधान, त्रिभुवन विश्वविद्यालय वातावरण विज्ञान केन्द्रीय विभागका रमेशराज पन्तलगायतले जलवायु परिवर्तनका विषयमा नेपालले आफ्नै स्रोतबाट विस्तृत अध्ययन सुरु गर्नुपर्नेमा जोड दिएका थिए ।

राजधानी काठमाडौँ उपत्यकालगायत प्रमुख सहरमा फैलिएको प्रदूषण रोकेर पनि जलवायु परिवर्तनबाट हुने समस्या रोक्न सहयोग गर्न सकिने उनीहरुको भनाई थियो । स्थानीय तहले जलवायु परिवर्तनसम्बन्धी अध्ययन जनचेतना जगाउन छुट्याउने बजेट रकमान्तर गरी विकास निर्माणमै लगाइने गरिँदा पनि समस्याका बारेमा जनतालाई जागरुक गराउन नसकिएकाले यसतर्फ ध्यान दिनुपर्नेमा उनीहरुले जोड दिएका थिए ।

काठमाडौं । पछिल्लो २४ घण्टामा मुलुकमा २३५ जना कोभिड बिरामी थपिएका छन् ।

७ हजार ८८५ जनाको पीसीआर परीक्षण गर्दा २२४ जना र १ हजार १९९ जनाको एन्टीजेन परीक्षण गर्दा ६ जना गरी २३५ जनामा संक्रमण पुष्टि भएको स्वास्थ्य तथा जनसंख्या मन्त्रालयलले जनाएको छ।

सोही अवधीमा थप ४ जनाको कोभिड संक्रमणले मृत्‍यु भएको छ भने २१२ जना संक्रमणमुक्त भएका छन्।

शुक्रबार थपिएसँगै नेपालमा कोरोना संक्रमितको कुल संख्या ९ लाख २४ हजार ६३३ पुगेको छ। योसँगै नेपाल मृत्‍यु हुनेको संख्या ११ हजार ५९४ पुगेको छ भने ८ लाख ११ हजार ९५८ जना संक्रमणमुक्त भएका छन् ।

काठमाडौं । नेपालमा आज कोरोना भाइरसका २४१ जना संक्रमित थप भएका छन् ।

स्वास्थ्य तथा जनसंख्या मन्त्रालयका अनुसार ६ हजार ८१४ जनाको पीसीआर परीक्षण गर्दा २३५ र २ हजार ८३ जनाको परीक्षण गर्दा ६ जनामा संक्रमण पुष्टि भएको हो ।

मन्त्रालयले आज २२८ जना संक्रमित निको भएर घर फर्किएका छन् ।

आज कोरोनाबाट मृत्यु हुनेको संख्या शून्य रहेको छ । देशभरी ४ हजार ८७१ जना सक्रिय संक्रमित रहेका छन् ।

झापा । घुन्सा फाउन्डेसनको मुटुरोग सम्बन्धि स्वास्थ्य शिविरबाट तीनहजार बढीले निःशुल्क सेवा लिएका छन् ।

फाउण्डेसनकी संस्थापक यान्जोम शेर्पाले ६७ जनाको मुटुको गम्भीर रोग पत्ता लगाई निःशुल्क सल्यक्रियाको लागि सिफारिस गरिएको बताइन् ।

पूर्व प्रधामन्त्री केपी शर्मा ओलीले उद्घाटन गरेको शिविरमा विपन्नहरुलाई प्राथमिकता दिइएको थियो । शिविर सञ्चालनमा दमकका मेयर रोमनाथ ओली, उपमेयर गीता अधिकारी लगायतले सहयोग गरेका थिए ।

घुन्सा फाउण्डेसन, दमक नगरपालिका र विपन्नका लागि स्वास्थ्य नेपालको संयुक्त आयोजनामा शिविर भएको हो ।

शिक्षण अस्पताल मनमोहन कार्डियोथोरासिक भास्कुलर एण्ड ट्रान्सप्लाण्ट सेन्टरको प्राविधिक सहयोग रहेको शिविरमा प्रतिष्ठित चिकित्सकले मुटुको जाँच गरेका थिए ।