काठमाडौं । रोमान्टिक नायकको छवि बनाएका प्रदिप खड्का अहिले दुईवटा चलचित्रलाई लिएर चर्चामा छन् । पहिलो, उनले फरक भूमिकामा अभिनय गरेको चलचित्र ‘प्रकाश’ यही भदौ १० गतेबाट रिलिज हुँदैछ । दोस्रो, उनले अभिनय गरेको चलचित्र ‘प्रेमगीत–३’ ले विश्वकै ठूलो फिल्म बजार मुम्बइमा प्रवेश पाएको छ ।
भारतीय सहरमा प्रेमगीत २ का पोष्टरहरु टाँगिएको समाचारले नेपाली सञ्चारमाध्यममा राम्रै चर्चा बटुल्यो । उक्त चलचित्रको भारत मै आयोजना गरिएको प्रेसमिटमा प्रदिप पनि सहभागी भए । चलचित्र रिलिज हुन भने अझै केही समय प्रतिक्षा गर्नुपर्ने छ ।
नायक खड्का यतिबेला उत्साहित त छन् नै, सँगसँगै केही नर्भस पनि । दिनेश राउत निर्देशित चलचित्र प्रकाशमा उनले चुनौतिपूर्ण भूमिका निर्वाह गरे, तर यसको रिजल्ट कस्तो आउला भन्ने व्यग्रता छ । अहिलेसम्म बनाएको रोमान्टिक हिरोको छापलाई यो चलचित्रले तोड्न सक्छ र उनलाई नयाँ उचाई दिन सक्छ । तर, दर्शकले रुचाएनन् भने उनको मिहिनेत खेर जान पनि सक्छ ।
अर्कोतर्फ, योभन्दा ठूलो परीक्षा प्रेमगीत ३ मा दिनुपर्ने छ, आगामी असोजमा । नेपालसँगै भारतमा पनि यो चलचत्रि रिलिज हुँदैछ । पहिलोपटक कुनै नेपाली चलचित्रले भारतीय बजारको मेनस्ट्रिममा प्रवेश पाएको हो । अब यसले कस्तो ब्यापार गर्ला भन्ने सबैले चासोका साथ हेरिरहेका छन् ।
यी दुई विषयमा केन्द्रीत रहेर खड्कासँग नेपाल प्रेसले गरेको कुराकानीः
चलचित्र ‘प्रकाश’ का लागि अफर आउँदा कतिको च्यालेन्जिङ लागेको थियो ?
प्रकाश गर्नुअघि मैले यो चलचित्र गरुम् या नगरुम् भनेर एकचोटी पनि सोचिनँ । बरु एक्टिङ क्लास सुरु भएपछि चाहिँ मलाई ‘ओहो गल्ती गरेँ कि क्या हो’ जस्तो महसुस भएको थियो । मैले अलि अल्छी गरेको र व्यक्तिगत प्रतिबद्धता मिट गर्न नसकेकाले कुनै पल चाहीँ नचाहिने पङ्गा उठाए कि क्या हो जस्तो भएको थियो ।
मैले प्रकाश गर्दा एकचोटी पनि केही सोचिनँ भन्नुभयो । त्यसोभए कुनै पनि चलचित्र छनौट गर्दा के–के कुरालाई ध्यान दिनुहुन्छ ?
म तीनवटा कुरालाई जहिल्यै पनि बेस बनाएर काम गर्छु । स्क्रिप्ट त कहिल्यै सुन्दा पनि सुन्दिनँ । पहिलो–चलचित्रमा नयाँपन के छ ? दोस्रो– चलचित्रको वान लाइन आइडिया के हो वा भनौँ चलचित्रले के सन्देश दिन खोजेको छ ? तेस्रो– चलचित्रको सुरु, मध्य र अन्त्यमा के हुन्छ ?
यति सुनेपछि म आफ्नो दिमाग खेलाउँछु । उहाँहरुले आफ्नो विचार भन्नुहुन्छ । अनि त्यहीँबाट अरु नयाँ कुराहरुको पनि सिर्जना हुन्छ । मलाई म्याटर गर्ने भनेको चलचित्र बनाउनुको मुख्य मनसाय के हो भन्ने मात्र हो । मनसाय राम्रो भए त्यहीँबाट स्क्रिप्ट जन्मिन्छ । फिल्म बनाउनेको नियतमा म प्रश्न गर्छु । नियत ठीक भए सबै आफैँ ठीक हुन्छ ।
प्रेमगीतको टिमले पनि प्रकाशलाई सपोर्ट गरिरहनुभएको छ । त्यही भएर त अहिलेसम्म प्रेमगीतको कुनै गीत वा ट्रेलर सार्वजनिक भएको छैन । कन्टेन्टले चलचित्र चल्ने हो । कन्टेन्ट के हो भन्ने कुरा टिजर र ट्रेलरमार्फत दर्शकहरुमाझ पुगिसक्यो भन्ने कुरामा मलाई पूर्ण विश्वास छ ।
हाल आइरहेका अन्तर्वार्ताहरुमा तपार्ईले आफूले आफूलाई अलिक आध्यात्मिक र प्रेरक किसिमको व्यक्तिको रुपमा प्रस्तुत गरिराख्नुभएको छ । आफू अभिनित चलचित्र रिलिज हुने समय आएकाले गर्दा असल छवि देखाउन खोज्नुभएको हो ?
यस्तो हो । तपाईले मेरो चार–पाँच वर्ष अगाडिका अन्तर्वार्ताहरु हेर्नुभयो भने पनि मैले यस्तै कुराहरु गरेको देख्न सक्नुहुन्छ । फरक के भयो भने त्यतिबेला म लभ स्टोरी चलचित्रहरु गर्दै थिएँ । त्यही भएर पनि होला, मेरा शब्दहरुलाई त्यो समयमा दर्शकहरुले त्यति ध्यान दिनुभएन । लभ हिरो भएकाले मेरा कुनै पनि शब्द वा वाक्यहरुलाई गम्भीर नलिनुभएको हुनसक्छ । अहिले म गम्भीर रोलमा छु । त्यसैले सबैले गम्भीर हिसाबले लिनुभएको होला ।
आध्यात्मिक कुराहरुका सन्दर्भमा, यो मेरो आफ्नै पृष्ठभूमिले गर्दा हो भन्छु म चाहिँ । जब म कक्षा नौ, १० मा पढ्थेँ त्यतिबेला दुई–चारवटा त्यस्ता संघ–संस्थामा आवद्ध थिएँ, जहाँ धर्मका कुराहरु हुन्थे । जहाँ वेदका पाठहरु हुन्थे । म बैंगलोरमा कक्षा ११, १२ मा पढ्दाखेरि नै त्यहाँ हुने हरेक वेदका पाठहरु वाचन गर्थेँ । त्यसैले पनि मलाई आध्यात्मिक कुराहरुको ज्ञान अलिक धेरै छ ।
भनेपछि चलचित्रमा गम्भीर भूमिका निर्वाह गरिएन भने दर्शकले पनि हल्का रुपमा लिँदा रहेछन् हगी ?
त्यस्तो पनि अलिक भन्न मिल्दैन । सायद त्यतिखेर मैले प्रस्तुत गरेको ढाँचा अलिक गहकिलो नभएको हुनसक्ला । जे पनि हुनसक्छ । दर्शकहरु र उहाँहरुको मानसिकता पनि परिवर्तन भएको हुनसक्छ । त्यतिबेला म लभ हिरो हुँदा सायद दर्शकहरुलाई त्यही मात्र मन पथ्र्यो होला । त्यो समयदेखि आजकोे समयसम्म आइँपुग्दा दर्शकहरुको टेस्ट परिवर्तन भयो होला । त्यसैले आज मलाई यो भूमिकामा रुचाउनुभएको हुनसक्छ र मैले बोलेको कुराहरुलाई मन पराउनुभएको हुनसक्छ ।
कोही व्यक्ति सिधा बाटोमा हिँडदा मात्र टर्निङ प्वाईन्ट आउने हो । अहिले म आफूले आफूलाई वृद्धि र उत्थान गर्ने बाटोतर्फ लैजाँदै छु । टर्निङ प्वाईन्टभन्दा पनि यो चलचित्रले मेरो करियरमा एउटा सफलताको सिँढी थप्ला ।
प्रकाशको क्यारेक्टरमा आफूलाई ढाल्न कतिको गाह्रो भयो ?
धेरै गाह्रो भएन । त्यो समय म त्यति व्यस्त थिइनँ । प्रेमगीतको सुटिङ पनि सकेर लगभग सात, आठ महिनादेखि फ्री नै बसिरहेको थिएँ । त्यसैले पनि यो चलचित्रको लागि तयारी गर्न मलाई कुनै मानसिक दबाब भएन । पर्याप्त समय पाएँ । त्यही हो, मनमा चलचित्रलाई न्याय दिन सक्छु कि सक्दिन भन्ने मात्र डर थियो ।
यो चलचित्रबाट कत्तिको आशावादी हुनुहुन्छ ?
म चाहिँ फेरि ‘होप फर द बेस्ट, प्रिपेयर फर द वर्स्ट’ भन्ने सिद्धान्तलाई मनमा राखेर हिँडने मान्छे हो । मेरो अपेक्षा जहिल्यै पनि बेस्ट नै रहन्छ । तर म वर्स्ट परिस्थितिको लागी पनि तयार भएर बस्छु ।
जताततै भइरहेको प्रेमगीतको चर्चाले प्रकाशलाई ओझेलमा पारेको पनि चर्चा छ नि ?
अहिले भईरहेको प्रेमगीतको चर्चाले दर्शकहरुको मनमा यस्तो प्रश्न उठनु स्वभाविक हो । ५०, ६० वर्षको इतिहासमा केही नयाँ कुरा हुँदा यतिको चर्चा जरुरी पनि छ जस्तो लाग्छ । प्रेमगीतको ७, ८ दिनको चर्चाले प्रकाशलाई छायाँमा पार्यो होला त्यो पनि म मान्छु । तर भोलि घरमा बिहे हुँदैछ भन्दैमा आज मान्छे भोकै त पक्कै बस्दैन होला । रिलिज डेटमै एक महिनाको ग्याप छ । प्रेमगीतको लागि भनेर एक महिनादेखि घरबाटै कोही ननिस्की वा कुनै चलचित्र नहेरी त बस्नुहुन्न होला ।
म स्टार यताउता भन्दा पनि कहिलेकाहीँ आफैँ कलाकार हो कि हैन भन्ने कुराको सोचमा पर्छु । कहिले पनि मेरो मनमा म हिरो बन्छु, चलचित्र खेल्छु भन्ने थिएन । दर्शकहरुको मायाले आज म यहाँ छु ।
प्रेमगीतको टिमले पनि प्रकाशलाई सपोर्ट गरिरहनुभएको छ । त्यही भएर त अहिलेसम्म प्रेमगीतको कुनै गीत वा ट्रेलर सार्वजनिक भएको छैन । कन्टेन्टले चलचित्र चल्ने हो । कन्टेन्ट के हो भन्ने कुरा टिजर र ट्रेलरमार्फत दर्शकहरुमाझ पुगिसक्यो भन्ने कुरामा मलाई पूर्ण विश्वास छ ।
प्रदीपको जीवनमा प्रकाश चलचित्र एउटा टर्निङ प्वाईन्ट बन्ला ?
कोही व्यक्ति सिधा बाटोमा हिँडदा मात्र टर्निङ प्वाईन्ट आउने हो । अहिले म आफूले आफूलाई वृद्धि र उत्थान गर्ने बाटोतर्फ लैजाँदै छु । टर्निङ प्वाईन्टभन्दा पनि यो चलचित्रले मेरो करियरमा एउटा सफलताको सिँढी थप्ला ।
प्रकाश चलचित्रका लागि स्थानीय भाषा सिक्न कत्तिको गाह्रो भयो ?
मलाई एउटा कलाकार जस्तो परिस्थितिमा पनि भिज्न सक्ने हुनुपर्छ जस्तो लाग्छ । रचनात्मक त निर्देशक हुने हो । मैले कहिल्यै पनि स्क्रिप्ट हेरेर यो कसरी गर्ने होला भनेर सोचेर बसिनँ । दिएको स्क्रिप्टलाई मैले त्यहाँका बासिन्दाहरुले कसरी बोल्छन् भन्ने कुरालाई मनमा राखेर, त्यहाँको बारेमा अध्ययन गरेर अभ्यास गरेँ । त्यहाँका बासिन्दाहरुको मुखबाट ‘तपाई त हामी जस्तै बोल्नुहुन्छ’ भन्ने वाक्य नआइन्जेल मैले भाषाको तयारी गरेको हो ।
प्रेमगीत र प्रकाशमध्ये एउटा छान्नुपर्दा कुन छान्नुहुन्छ ?
के आधारमा छान्ने भन्ने नै कुरा आउँछ । स्टोरी कन्सेप्टको कुरा गर्ने हो भने प्रकाशलाई छान्छु । स्कोपको कुरा गर्ने हो भने प्रेमगीत ।
भनेपछि ‘प्रेमगीत’ को स्टोरी कन्सेप्ट कमजोर छ ?
त्यस्तो भन्न खोजेको हैन । स्कोप मतलब धेरैभन्दा धेरै दर्शहरुलाई तान्न सक्छ भन्ने हो । स्टोरीको कुरा गर्ने हो भने तपाई प्रेमगीतमा यस्तो होला कहानी भनेर अनुमान गर्न सक्नुहुन्छ । लभ कन्सेप्टमा बनेको चलचित्र भएकाले । तर प्रकाशको स्टोरी तपाईलाई अनुमान गर्न गाह्रो हुन्छ ।
यदि फिल्म ‘प्रेमगीत’ नायिका पूजा शर्मा र ‘प्रकाश’ कि अभिनेत्री दिया मास्केमध्ये एक छान्नुपर्यो भने ?
के आधारमा छान्ने भन्ने कुरा आउँछ । याक्टिङ, सबैसँग घुलमिल हुने स्वभाव, प्रकृति र मिलनसारको आधारमा म दिया मास्के छान्छु ।
यहाँ मान्छे अनुसारको कुरा हुन्छ । कोही धेरै लुक्यो भने चर्चा हुन्छ भन्छन्, कोही कन्ट्रोभर्सी निकाल्यो भने । कन्ट्रोभर्सीकै कुरा गर्नुपर्दा मलाई चाहिँ कन्ट्रोभर्सीले हाईप बढ्छ भन्ने लाग्दैन । दर्शकको मन कामले जित्ने हो, कन्ट्रोभर्सीले होइन ।
केही भारतीय मिडियाहरुमा तपाईंलाई नेपालको सबैभन्दा ठूलो स्टार भनेर चित्रण गरियो । के यो चलचित्रले तपाईंलाई नेपालको नम्बर १ स्टार बनाउला ?
म स्टार यताउता भन्दा पनि कहिलेकाहीँ आफैँ कलाकार हो कि हैन भन्ने कुराको सोचमा पर्छु । कहिले पनि मेरो मनमा म हिरो बन्छु, चलचित्र खेल्छु भन्ने थिएन । दर्शकहरुको मायाले आज म यहाँ छु ।
जति पनि भारतीय मिडियाहरुबाट ठूलो स्टार भन्ने समाचारहरु आयो, ती सबै मिडियाहरु भारतका एकदमै प्रामाणिक र भरपर्दा मिडियाहरु हुन् । मैले व्यक्तिगत रुपमा उहाँहरुसँग कुरा गरेर मेरो बारेमा लेख्नु पनि भनेको हैन । न त उहाँहरु कुनै पैसामा बिक्ने व्यक्तिहरु नै हो । उहाँहरुले मेरो बारेमा लेख्नुअघि पक्कै केही अध्ययन र सर्वेक्षण त गर्नुभयो होला । त्यसै केही नसोची लेख्नुभएन होला । अध्ययन गर्दा उहाँहरुलाई जे लाग्यो त्यही लेख्नुभयो । म उहाँहरुलाई ईज्जत गर्छु र उहाँहरुले लेखेका कुरालाई सहर्ष स्विकार्छु ।
तपाईंले चलचित्रमा पारिश्रमिक नलिएको कुराहरु बजारमा फैलियो । एक्कासी यो कुराहरु उठ्नु चलचित्र चलाउने एउटा रणनीति हो ?
यदि पारिश्रमिक नलिएको कुरा चलचित्र चलाउने रणनीति हो भने यो सात, आठ वर्ष अघिको नै रणनीति हो भन्छु म । योभन्दा अघिका कति चलचित्रहरुमा पारिश्रमिक नलिएका कुराहरु मैले त्यतिबेला पनि भनेकै हो । त्यतिबेला यस्तो केही कुरा आएन । यदि अहिले यस्तो कुरा आउँछ भने यो बुझिन्छ कि म खत्रैै रहेछु। सात–आठ वर्षदेखि यत्रो रणनीति सोचेर बस्नु सानो कुरा हैन नि त ।
कन्ट्रोभर्सी जति आयो त्यति कलाकारलाई फाइदा हुन्छ भनिन्छ । तपाईंको मान्यता के छ ?
यहाँ मान्छे अनुसारको कुरा हुन्छ । कोही धेरै लुक्यो भने चर्चा हुन्छ भन्छन्, कोही कन्ट्रोभर्सी निकाल्यो भने । कन्ट्रोभर्सीकै कुरा गर्नुपर्दा मलाई चाहिँ कन्ट्रोभर्सीले हाईप बढ्छ भन्ने लाग्दैन । दर्शकको मन कामले जित्ने हो, कन्ट्रोभर्सीले होइन ।
तपाईं आफूले आफूलाई तीन वाक्यमा बर्णन गर्नुपर्यो भने कसरी गर्नुहुन्छ ?
समय र परिस्थितिअनुसार जहाँ र जस्तो माहोलमा पनि भिज्न सक्ने, जिन्दगीमा जेजस्तो भए पनि ओके भनेर अघि बढ्न सक्ने र समय, अवस्था र भाग्यलाई विश्वास गर्ने ।
माइलो हर्कबुङले पार गर्न सकेनन्, पारी पुगेका दाइलाई सोध्दा ‘चेलीको रगत पार्नू’ भने । अनि चेलीको खुट्टाको कान्छी औंला काटेर रगत दिएपछि ढोका खुल्यो र तरे । तर, चेलीको खुट्टामा रगत रोकिएन । तुरुन्तै चेलीको मृत्यु भयो । चेलीको रगत केराको पातमा खसेको थियो । त्यो पात बाख्राले खायो । त्यसैले राईहरुले बाख्रालाई कुलपित्रमा चलाउँदैनन् । बाख्राको मासु खान नहुने पनि जनविस्वास छ ।
