Category: कलाप्रेस

काठमाडौं । सरकारले सामाजिक दूरीको मापदण्ड पालना गर्दै फिल्म छायांकनको अनुमति दिने तयारी गरेको छ । संचार मन्त्रालयसँग यसबारे अनौपचारिक छलफल भएको र केही दिनमै औपचारिकरुपमा अनुमति दिने तयारी रहेको चलचित्र विकास बोर्डले जनाएको छ ।

बोर्ड अध्यक्ष दयाराम दाहालका अनुसार नयाँ मन्त्री नियुक्त हुने वित्तिकै छायांकन अनुमति दिने बारे औपचारिक घोषणा हुनेछ । सरकारले अनुमति नदिएपनि अहिले फिल्म सुटिङ धमाधम हुन थालेको छ र बोर्डले सहजीकरण गरिरहेको छ । ‘सुटिङ सुरु भैसकेको छ र हामीले कुनै अप्ठ्यारो नहोस् भनेर सहजीकरण गरिरहेका छौं’ दाहालले नेपाल प्रेसलाई भने, ‘औपचारिक निर्णय भने केही दिनमै गर्ने तयारी छ ।’

कोभिड-१९ को दोस्रो लहरको रोकथामका लागि निषेधाज्ञा लागू भएसँगै फिल्म छायांकन पनि रोकिएको थियो । तर, तत्काल फिल्म हल खुल्ने सम्भावना चाहिँ छैन । यसका लागि कोभिड संकट व्यवस्थापन केन्द्र सीसीएमसीले निर्णय गर्नुपर्छ ।

कसरी गर्ने तयारी छ सुटिङ ?

सरकारले अहिले २५ जनाभन्दा बढी संख्यामा सार्वजनिक थलोमा भेला हुन रोक लगाएको छ । फिल्म सुटिङ गर्दा २५ जनाभन्दा कम संख्यामा कास्ट एन्ड क्रिउ उपस्थित गराएर मात्र छायांकनको अनुमति दिने तयारी छ ।

साथै, कोभिड-१९ संक्रमण फैलन नपाउने र सामाजिक दूरी पालना गर्ने लगायतका प्रोटोकल पालना गराउने प्रतिबद्धता पनि मागिने भएको छ । कम व्यक्ति उपस्थित भएर सुटिङको अनुमति दिने सरकारको तयारी छ ।

यसका लागि अध्यक्ष दाहालले मन्त्रालयमा परामर्श गरिरहेका छन् ।

सिनेमा हल कहिले खुल्नेछ ?

स्वास्थ्य मन्त्रालयका अनुसार कोभिड संक्रमण दर १० प्रतिशत झरेमात्र फिल्म हल खुलाइने भएको छ । अहिले संक्रमण दर २१ प्रतिशत छ । काठमाडौंका प्रजिअ कालिप्रसाद पराजुलीका अनुसार १० प्रतिशतमा संक्रमण नझरेसम्म भीडभाड हुने थलो खुलाइनेछैन ।

काठमाडौं । गर्भावस्था मात्र हैन, अन्य क्षणलाई पनि कसरी सेलिव्रेसन गर्नुपर्छ भन्ने मामिलामा प्रियंका कार्की अगाडि छिन् । विहे, अफेयर, फिल्मदेखि पछिल्लो समय गर्भावस्थामा उनले खिचाएका तस्विरहरु ट्रेन्डिङमा छन् ।

कान्स फिल्म फेस्टिभल ताका चर्किएको कन्ट्रोभर्सी होस् या पछिल्लो पटक बेबी–बम्पवाला तस्विर । सामाजिक संजालमा उनी हटकेक बनेकी छिन् । कतिपयले उनी उत्ताउलो बनेको टिप्पणी गरेका छन् भने कतिपयले निजी जीवनलाई उनले सेलिव्रेसन गर्न पाउनुपर्छ भनेर टिप्पणी गरेका छन् ।

आयुष्मान देशराजसँग विहे गरेपछि प्रियंका अहिले ललितपुरको भैंसेपाटीस्थित घरमै बसिरहेकी छिन् । प्रियंकालाई भनेर अहिले उनको घर सजाइएको छ । उनलाई बधाई दिन दिनहुँ उनको घरमा साथीभाइको घुइँचो समेत लाग्ने गरेको छ ।

मंगलबार सामाजिक संजालमा प्रियंकाले आफ्ना साथीहरुसँग स्विमिङ पुलका हट तस्विरहरु सेयर गरेकी छिन् । जहाँ, उनीहरु प्रियंकाको गर्भावस्थालाई उन्मुक्त भएर सेलिव्रेसन गरिरहेका छन् ।

काठमाडौं । टेलिभिजन गायन रियालिटी प्रतिस्पर्धा नेपाल आइडलको चौंथो सिजन संचालन हुने भएको छ ।

तीन सिजनका लागि फ्रेन्चाइजको अनुमति पाएको आयोजकले चौंथो सिजनलाई पनि अनुमति पाएपछि प्रतिस्पर्धा पुनः हुन लागेको हो ।

लिखित अनुमति प्राप्त भएपछि चौंथो सिजनको काममा अघि बढ्ने आइडलका संचालक सुरेश पौडेलले जानकारी दिए । अनुमति पत्र प्राप्त हुनासाथ चौंथो सिजनको प्रोमो सार्वजनिक गर्ने तयारी भएको छ ।

चौंथो सिजनमा निर्णायकहरु पनि परिवर्तन हुने जनाइएको छ । केही समयदेखि सोज बन्द थियो ।

काठमाडौं । मनोरञ्जन क्षेत्रका सेलेव्रिटीका लागि कार प्रतिष्ठाको सूचक पनि हो । आम्दानीमा वृद्धि हुन थालेपछि बढेको लिभिङ स्ट्यान्डर्ड सँगै कलाकार महंगा सवारी साधनप्रति आकर्षित हुन थालेका छन् ।

पछिल्लो साता गायक प्रकाश सपुत र नायक पुष्प खड्का यही कुराले चर्चामा रहे । ५० लाखभन्दा बढी मूल्यको कार किनेपछि यी दुई समकालिन कलाकार चर्चामा छन् । अहिलेका कलाकारले कार चढ्ने हैसियत पनि राख्छन् भन्ने सन्देश सामाजिक संजालमा हुने गरेको छ ।

‘मारुनी’ फेम्ड अभिनेता खड्काले सोमबार ७० लाख मूल्य पर्ने कार खरिद गरे । क्रेटाको उक्त मूल्यको कार किनेपछि पुष्पले आफ्नो सपना पुरा भएको बताएका छन् ।

कैलाली जन्मथलो भएका पुष्पले मिहेनतले कार किनेको भन्दै खुशि बाँडेका छन् । उनले यसका लागि दर्शक र निर्मातालाई धन्यवाद समेत दिएका छन् । कोरोना कहरले फिल्मको काम ठप्प भएपछि पुष्पका लागि म्युजिक भिडिओ आम्दानीको प्लेटफर्म बनेको छ ।

गत महीना कार चढ्ने सेलेव्रिटीको सूचीमा अटाए गायक प्रकाश सपुत । उनले ५० लाख मूल्य पर्ने हुन्डाइ क्रेटाको कार खरिद गरे । त्यसपछि उनले फेसबुकमा स्टेटस लेखे, ‘कलाकार भएर पनि कार चढ्न सकिन्छ है ।’

हुन त, सेलेव्रिटीको लागि सवारी साधनको कुरा नयाँ हैन, यद्यपी संघर्ष र सिर्जनशिलताले सफल हुने कलाकारका लागि यो एउटा हौसला पनि हो ।

मुम्बई । लामो समयको पर्खाइपछि अन्ततः भारतीय टेलिभिजनमा कपिल शर्मा सो फर्किएको छ । चाँडै प्रसारण हुने सोका लागि कपिलले आफ्नो पुरानो टीमसँग सोको छायांकन पनि पुरा गरेका छन् ।

आउने सिजनमा पनि कपिलसँगै भारती सिंह, कृष्णा अभिषेक, कीकू शारदा, चंदन प्रभाकर र सुदेश लहरी पनि हुनेछन् ।

कपिलले हालै सोसल मिडिया एकाउन्टमा टीमसँग एउटा सुन्दर तस्विर सेयर गरेका छन् । ‘पुराना अनुहारसँग नयाँ सुरुआत’ उनले क्याप्सन लेखेका छन् ।

दोस्रोपटक बुवा बनेका कपिलले सोबाट ब्रेक लिएका थिए । लकडाउन सुरु भएसँगै उनले सो बन्द गर्ने निर्णय गरेका थिए । अब एक महीनापछि सोनी टिभीमा कपिलको सो फर्कनेछ । तर, यसबारे औपचारिक घोषणा भने हुन बाँकी छ ।

काठमाडौं । सन्दर्भ थियो : धर्ती आकाश बोलको गीत रिलिज गर्ने कार्यक्रम । मञ्चमा अतिथि थिए पूजा शर्मा र आकाश श्रेष्ठ । झन्डै एकघण्टा उनीहरु सँगै रहे र एकापसमा बोलेनन् ।

शुक्रबार चावहिलस्थित केएल टावरको फिल्म हलमा देखिएको दृश्य हो यो । गत महीनासम्म गहिरो प्रेममा रहेको यो जोडी अहिले अलग भएजस्तो देखिएको छ । यो अनुमान किनपनि सहि छ भने उक्त कार्यक्रममा सँगै भएरपनि पूजा र आकाश दुबैजना बोलेनन् ।

उनीहरुबीच ब्रेकअप भएको यो भन्दा बलियो प्रमाण हुन सक्दैन । किनभने, परिस्थिती बताउन दृश्य नै काफी छ । पूजा पछिल्लो सिट र आकाश अघिल्लो सिटमा बसेका थिए । यतिसम्मकी एकापसमा मुखामुख पनि गरेनन् ।

अर्जुन पोखरेलद्वारा संगीतबद्ध यो गीतमा पूजा र आकाशले नै अभिनय गरेका छन् । जब गीतलाई पर्दामा देखाउन थालियो, तब पूजा रुन थालिन् । उनी छेउ बसेका साथीहरुले उनको छचल्किएको आँसु पुछिरहेको देखिन्थ्यो । तर, पूजाले आकाशसँग सीधै नबोलेपनि आफ्नो सास रहेसम्म मित्रता रहिरहने बताइन् ।

यसैमहीना रजतपटका प्रकाश सुवेदीले संचालन गरेको एक राहत बाँड्ने कार्यक्रममा आकाश गएपछि पूजासँगको सम्बन्ध बिग्रिएको हो । सुवेदीसँग पूजा यसअघि नै क्रुद्ध छिन् । सुवेदीकै कारण आकाश र पूजाको सम्बन्धमा दरार देखिएको हो ।

काठमाडौं । बीस वर्षपछि भिडिओ प्लेटफर्ममा रिलिज भएको यशकुमारको हिट गीत ‘तिम्रो मन बदलिएछ’ले अहिले पनि राम्रो प्रशंसा बटुलेको छ ।

दुई दिनमै १० लाख भ्यूजको रेकर्ड राखेपछि गायक यशकुमार अहिले मख्ख छन् । उनको खुशि यत्तिकैमा सीमित रहेन । भिडिओको कास्ट एन्ड क्रिउसँगै उनले खुशियालीमा केक समेत काटे ।

यशकुमारसँगै निर्देशक निकेश खड्का, अभिनेता सागर लम्साल, जुम्ल्याहा दिदीबहिनी प्रिन्सी र प्रिज्माले टीमसँग मिलेर केक काटे । सोमबार मध्यान्हसम्म १२ लाख ६२ हजारले गीतलाई हेरेका छन् । यो गीतमा फिमेल भोकल चाहिँ मिलन अमात्यको छ । यसअघि चाहिँ सपनाश्रीले स्वर दिएकी थिइन् ।

काठमाडौं । अभिनेत्री प्रियंका चोपडा आजदेखि ३९ वर्ष लागेकी छिन् । उनी पछिल्ला दिनहरुमा लन्डनमा आफ्नो वेबसिरिज सिटाडेलको छायांकनमा व्यस्त छिन् । सो सिरिज भारत, इटाली र मेक्सिकाको ज्वाइन्ट प्रोजेक्ट पनि हो ।

प्रियंका आफ्नो फेसन स्टाइलले चर्चामा रहन्छिन् । कान्स रेडकार्पेट होस् या अस्कर अवार्डको मञ्च, प्रियंकाको आउटफिट सँधै चर्चामा रहने गर्छ ।

जन्मदिनमा पति निक जोनससहित बलिउड तथा हलिउडका अन्य सेलेव्रिटी पनि प्रियंकालाई बधाई दिएका छन् । नेपालमा समेत फ्यान फलोइङ भएकी प्रियंकाले सन् २०१८ मा नेपाली भाषाको फिल्म ‘पाहुना : द लिटल भिजिटर्स’ निर्माण गरेकी थिइन् ।

 

View this post on Instagram

 

A post shared by NICK JONɅS (@nickjonas)

नेपालको माओवादी सशष्त्र द्वन्द्वले विस्थापित भएर भारत पुगेका एक दम्पत्ति र सन्तानको विछोडको कथा पेश गर्ने यो फिल्म नेपाली सिनेमा घरमा समेत रिलिज भएको थियो । टोरन्टो लगायतका अन्तर्राष्ट्रिय फेस्टिभलमा रिलिज भएको यो फिल्मलाई समीक्षकले समेत रुचाएका थिए ।

सन् २००० मा विश्व सुन्दरीको ताज समेत जितेकी प्रियंका बलिउडमा सर्वाधिक कमाइ गर्ने अभिनेत्रीको सूचीमा पर्छिन् । गतवर्ष उनले लेखेको बायोग्राफी पुस्तक ‘अनफिनिस्ड’ न्यूयोर्क टाइम्सको बेस्ट सेलिङ पुस्तकमा समेत परेको थियो ।नेपाली सिनेमा घरमा रिलिज भएका प्रियंकाका फिल्महरुले बक्सअफिस सफलता पनि प्राप्त गरेका छन् ।

काठमाडौं । अभिनेत्री नम्रता सापकोटाले आफूलाई विहे नगरीकनै बच्चाको चाहना भएको बताएकी छिन् । एक टेलिभिजनसँगको अन्तर्वार्तामा मोडल तथा अभिनेत्रीले आफू सिंगल मदर बन्न चाहेको बताएकी हुन् ।

उनले भनिन्, ‘अहिले म विवाह चाहँदिन तर, बच्चा चाहिँ चाहन्छु । दुई चार वर्षमा मेरो विहे भएन भने बच्चा चाहिँ पाउँछु होला ।’

विहे नै नगरीकन पनि बच्चा पाउन सकिने उनको भनाई छ । विहेभन्दा आफूलाई बच्चा पाउन मन लागेको उनले बताइन् । समाज र समय विस्तारै परिवर्तन भएको बताउँदै नम्रताले सिंगल मदरको ट्रेन्ड बढेको पनि जनाएकी छिन् ।

आमाको माध्यममार्फत बच्चा जन्माउनुले वैधानिक पाएको बताउँदै नम्रताले बच्चा पाउनु आफ्नो इच्छा भएको बताइन् ।

काठमाडौं । फिल्म कलाकारले अर्थमन्त्री जनाद्र्धन शर्मालाई भेट् गर्दै कोभिड-१९ विरुद्धको खोप र कलाकार संघको भवनका लागि बजेट मागेका छन् ।

अध्यक्ष रविन्द्र खड्कासहितको कलाकार संघको टोलीले शुक्रबार मन्त्री शर्मालाई भेट्दै तत्काल खोप दिलाउन माग गरेको हो ।

सो अवसरमा कलाकार टोलीले मन्त्री शर्मालाई सफल कार्यकालको बधाई तथा शुभकामना दिएको थियो । महामारीको कारण कलाकार तथा उक्त क्षेत्रलाई परेको समस्याबारे पनि अवगत गराइएको थियो ।

मन्त्री शर्माले जवाफमा आफू सकारात्मक रहेको बताउँदै माग पुरा गर्न पहल गर्ने प्रतिबद्धता जनाएका थिए । अध्यक्ष खड्का, उपाध्यक्ष मोहन निरौलासहित भुवन केसी, धीरेन शाक्य, गोविन्द शाही लगायतले मन्त्रीलाई भेटेका थिए ।

काठमाडौं । प्रीति आलेको स्वरमा रहेको गीत ‘सोल्टी राजाको टुम्लेट’ यो साता युट्युवमा सबैभन्दा बढी हेरिने नेपाली गीत बनेको छ । एक सातामै यसलाई २० लाख ६ हजार ९८८ पटक हेरिएको छ । यसलाई अहिलेसम्म ३० लाख ९६ हजार १४९ पटक हेरिएको छ ।

खुमन अधिकारीको संगीतमा रहेको तीजको गीत ‘कुरा काटन’ दोस्रो शीर्ष स्थानमा छ । यो गीतलाई पछिल्लो सात दिनमा १७ लाख ३८ हजार ४०६ पटक हेरिएको छ ।

महेश काफ्लेको स्वरबद्ध गीत ‘माया बिरानी २’ तेस्रो स्थानमा छ । यसलाई पछिल्लो साता १४ लाख ९७ हजार २१५ पटक हेरिएको छ । रुटिन अफ नेपाल बन्दले तयार पारेको पछिल्लो सूचीमा यो साता नयाँ गीतहरु समावेश भएका छन् ।

हेर्नूस साताको भ्यूज सूची :

१) ‘सोल्टी राजाको टुम्लेट’ (प्रीती आले) : (२० लाख ६ हजार ९८८)

२) ‘कुरा काटन’ (खुमन अधिकारी) : (१७ लाख ३८ हजार ४०६)

३) ‘माया विरानी २-तातो गोली’ (महेश काफ्ले) : (१४ लाख ९७ हजार २१५)

४) ‘मायाले संसार चल्दैन’ (बबुल गिरी) : (११ लख ८८ हजार ५४९)

५) ‘हङकङको साडीले’ (तिलक वली र समिक्षा अधिकारी) : (१० लाख ६९ हजार ८८)

६) ‘रुदाँ रुदैँ’ (बादल थापा) : (९ लाख ३ हजार १३१)

७) ‘छम्की देउ पानी’ (सुकादेव अधिकारी र सुनिता ठकुरी) : (७ लाख ९२ हजार ५२)

८) ‘हैन र माया’ (पशुपति शर्मा) : (७ लाख ८७ हजार २३७)

९) ‘को होला त्यो–२’ (अस्मिता अधिकारी) : (७ लाख ७७ हजार १६०)

१०) ‘डाँडाँ घरे साईली’ (स्वरुपराज आचार्य) : (७ लाख ४ हजार ७३७)

काठमाडौं । नेपाली संगीतका ब्लकबस्टर कम्पोजर राजनराज शिवाकोटीको नयाँ ट्रयाक ‘फूलकुमारी’ शुक्रबार इन्टरनेट रिलिज भएको छ ।

समाचारवालीको रुपमा चर्चित श्री पाण्डे र अभिनेता पल शाहको रोमान्स समावेश गीतमा राजनले आफ्नो सांगीतिक स्वाद मिसाएका छन् । एकपछि अर्को हिट गीत पस्किरहेका पल र राजनको यो जुगलबन्दीलाई पनि दर्शकले रुचाउने अपेक्षा छ ।

गीतमा टच्ची शब्दको प्रयोग गर्न माहिर राजनराजले यसमा प्रेमिकालाई फकाउन प्रयोग हुने शब्दावलीको भरमार प्रयोग गरेका छन् । डा. प्रकाश पौडेलद्वारा लिखित शब्दमा राजन स्वयमको गायन तथा संगीत छ ।

एसियन म्युजिकले रिलिज गरेको यो गीतलाई तन्नेरी दर्शक तथा श्रोताले रुचाउन सक्ने आशा संगीतकार शिवाकोटीले लिएका छन् । हेर्नूस गीत :

काठमाडौं । दुई दशकअघिको त्यो गीत चर्चित गीतलाई कण्ठ पार्ने श्रोता धेरै थिए । उक्त ट्रयाजेडी गीत प्रेमीप्रेमिकाको रोजाइमा थियो । २० वर्षपछि पनि यो गीत सुन्दा उत्तिकै ताजा लाग्छ ।

यो गीत हो यशकुमारद्वारा स्वरबद्ध ‘तिम्रो मन बदलिएछ ।’

२०५८ सालमा रिलिज भएको उक्त गीतको अडियोले अन्ततः २०७८ सालमा आएर भिडिओ प्राप्त गरेको छ । शुक्रबार इन्टरनेटमा रिलिज भएको यो गीतमा टीकटकमा हिट जुम्ल्याहा दिदीबहिनी प्रिज्मा र प्रिन्सी खतिवडासहित सागर लम्साल बले फिचर्ड छन् ।

यशकुमार आफै र गायिका मिलन नेवार पनि गीतमा फिचर्ड छन् । निकेश खड्काद्वारा निर्देशित गीत हेर्दा २० वर्ष अगाडिको गीत सुन्दाको याद ताजा हुन्छ ।

दुई दशकपछि यो गीतले भिडिओ पाउनु पछाडि पनि रोचक कुरा छ । अभिनेता बलेकै अनुरोधमा यशकुमारले भिडिओ निर्माणको अनुमति दिएका हुन् । सुरुमा यशकुमारले पाँच गीत दिएपनि सागरले सोबाट छनौट गरेर यसमाथि भिडिओ बनाउने जमर्को गरेका थिए ।

‘यो गीत अहिले पनि समयसापेक्ष लाग्छ । त्यतिबेला यो गीत सुन्ने बाउहरुका छोरा अहिले जवान भैसके । दुबै पुस्तालाई यो गीत मनपर्नेछ’ यशकुमारले नेपाल प्रेसलाई भने, ‘अहिले सुन्दा पनि गीत उत्तिकै ताजा लाग्छ ।’

हेर्नूस गीत :

काठमाडौं । कान्तिपुर टेलिभिजनबाट प्रशारण हुने रियालिटी शो ‘द कमेडी च्याम्पियन’मा प्रतिस्पर्धा गरिरहेका विक्की अग्रवाललाई जिताउन सिक्किमका मुख्यमन्त्री प्रेम सिंह तामाङ (गोले)ले पाँच लाख भारु सहयोग गरेका छन् । कमेडी च्याम्पियनमा उत्कृष्ट छाप छोडिरहेका विक्की सिक्किमका युवा हुन् ।

जनताको भोटबाट सर्वोत्कृष्ट छनोट हुने भएकाले प्रतिस्पर्धीहरुका लागि आर्थिक संकलन महत्वपूर्ण हुन्छ । सिक्किममा विक्कीलाई भोट गर्न अभियान नै चलाइएको छ । यसै सिलसिलामा गोलेले विक्कीका अभिभावकलाई भेटेर पाँच लाख दिएका हुन् ।

मुख्यमन्त्री गोले तथा सिक्किम चलचित्र विकास बोर्डले अग्रवाललाई प्रतियोगितामा सफलताका लागि शुभकामना दिएका छन् । विक्की कमेडी च्याम्पियनको टप ७ मा पुगिसकेका छन् ।

मुम्बई । भाइरस महामारीको तेस्रो लहरको कारण बलिउडको रिलिज क्यालेन्डर पुनः एकपटक असफल हुने देखिएको छ । अक्षयकुमारको ‘बेल बटम’ जुलाई २७ मा रिलिज तयारी थियो तर, अगस्ट १५ मा ल्याउने तयारी छ । बलिउड पुनः एकपटक पर्ख र हेरको मनस्थितीमा छ ।

बलिउडका २२ फिल्ममा अहिले १७०० करोड भारुभन्दा बढी पैसा फसेको छ । अर्कोतर्फ निर्माण कार्य पनि तीव्ररुपमा सुरु हुन सकेको छैन । नयाँ फिल्म घोषणा त भएका छन् तर, कहिले सम्पन्न हुने हो, टुंगो छैन ।

कुन-कुन फिल्मको रिलिज रोकिएको छ ?

ट्रेड एनालिस्ट कोमल नाहटाका अनुसार धेरै फिल्म रिलिजको लाइनअपमा रहेकाले ज्यादा आपूर्तिको परिस्थिती आउनेछैन । किनभने यीमध्ये केही फिल्म ओटीटीमा रिलिज हुनसक्छन् । बलिउडमा केही फिल्म हल खुलेका छन् र केही खुलेका छैनन् ।

कुन-कुन फिल्मको निर्माण भैरहेको छ ?

ठूला फिल्महरुले ८० प्रतिशत अकुपेन्सी हुने परिस्थितीसम्म प्रतीक्षा गरिरहेका छन् । यसकारण हल खोल्न अनुमति दिइएका स्थानका संचालकले पनि हल खोल्न मानेका छैनन् ।

अहिले फिल्म निर्माण जम्मा ५ प्रतिशतले भैरहेको छ । मुम्बई अहिले पनि आंशिक लकडाउनमै छ जसले गर्दा यसको असर देखिएको छ । प्रत्येक अभिनेता वा अभिनेत्रीले एकभन्दा सोभन्दा बढी फिल्ममा काम गरेका छन् । उनीहरुको तालिका प्रभावित भएको छ ।

कुन-कुन फिल्मको घोषणा भयो ?

तेस्रो लहर आउने सम्भावित कारण निर्माताहरुले नयाँ मिति घोषणा गरेका छैनन् । ट्रेड एनालिस्ट नाहटाका अनुसार बलिउडको चक्र रोकिएको छ र निर्माण पनि धिमा छ ।

ओटीटीमा कुन-कुन फिल्म आउँदैछन् ?

पोखरा । आजदेखि म्याक्स टेलिभिजनमा गुरुङ फिल्महरुको प्रिमियर सुरु भएको छ । शुक्रबार फिल्म हलमा समेत व्यवसायिक सफलता हासिल गरेको मैंरिमो रिलिज भएको छ ।

कोरोना महामारीको कारण हलहरु बन्द हुँदा दर्शकलाई घरमै बसेर फिल्मको मनोरञ्जन दिलाउन गुरुङ फिल्म वितरक कम्पनी मुनाल फिल्म्स र म्याक्स टिभीले यस्तो सुविधा ल्याएका हुन् ।

पोखरामा आयोजित पत्रकार सम्मेलनमा गुरुङ फिल्म एसोसिएसनका अध्यक्ष भोजबहादुर गुरुङ र म्याक्स टिभीका अध्यक्ष ध्रुव शर्माले यसबारे जानकारी गराए । अध्यक्ष गुरुङले महामारीको समयमा पनि दर्शकलाई घरमै बसेर फिल्म हेराउन आफूहरुले जमर्को गरेको बताए ।

म्याक्स टिभी अध्यक्ष शर्माले यो प्रयास सफल भए गण्डकी प्रदेशका अन्य भाषिक र व्यवसायिक फिल्मलाई पनि रिलिज गर्ने सोच बनाएको बताए । मैंरिमोपछि गोरे गुरुङको ‘हेर्बै च्ह’ र मनोज गुरुङको गेटपास प्रदर्शन हुने भएका छन् ।

म्याक्स टिभीको च्यानल नम्बर ७७७ मा दर्शकले पे–पर–भ्यूको आधारमा ३२५ रुपैयाँ तिरेर फिल्म हेर्न सक्नेछन् । मैंरिमो दिनमा ४ पटक प्रदर्शन हुने भएको छ । दिउँसो १२, अपरान्ह ३, बेलुका ६ र राती ९ बजे सो टाइम राखिएको छ । महामारीको कारण सिनेमा घर बन्द हुँदा जिफानले फिल्म रिलिजको लागि यस्तो व्यवस्था गरेको हो । अध्यक्ष गुरुङले निकट भविष्यमा ओटीटी प्लेटफर्ममा पनि फिल्म रिलिजको तयारी भैरहेको बताए ।

काठमाडौं । निषेधाज्ञाले अहिले पनि फिल्मसहितको मनोरञ्जन क्षेत्र ठप्प छ । कहिलेदेखि फिल्म क्षेत्र पुनः चलायमान हुन्छ भन्ने निधो पनि छैन । यस्तोमा, कलाकारहरु फुर्सदिला पनि छन् ।

कुनैबेला बेफुर्सदी कलाकारहरु फुर्सदिलो बनेपछि अहिले टेलिभिजन सिरिज, रियालिटी सो र म्युजिक भिडिओमा व्यस्त हुन थालेका छन् । राजेश हमालदेखि पछिल्लो छिमलका चल्तीका कलाकारको दैनिकी म्युजिक भिडिओमा व्यस्त छ ।

तीज पर्व नजिकिँदै गर्दा पनि अहिले कलाकारलाई भ्यानभ्याइ छ । अभिनेता राजेश हमाल पनि म्युजिक भिडिओमा व्यस्त हुन थालेका छन् । फिल्म ‘सत्यम’ साइन्ड गरेका हमाल फिल्म क्षेत्र कहिलेदेखि फर्किने टुंगो नलागेपछि अहिले भिडिओ छायांकनमा लागेका छन् ।

सोमबारदेखि छायांकन सुरु भएको ‘हामी देश बचाऊँ’ बोलको गीतमा हमालले अभिनय गरेका छन् । साथै, हमाल थप केही म्युजिक भिडिओमा व्यस्त हुने तयारीमा छन् । निर्देशक तथा अभिनेत्री दीपाश्री निरौला पनि अहिले तीजको एक गीत छायांकनमा व्यस्त छिन् । उनीसहित अन्य कलाकार पनि अहिले सांगीतिक भिडिओमै व्यस्त छन् ।

काठमाडौं । निषेधाज्ञा खुकुलो भएपछि अहिले कलाकार धमाधम सांगीतिक भिडिओमा व्यस्त हुन थालेका छन् । यस्तोमा अभिनेता राजेश हमालको हातमा पनि केही म्युजिक भिडिओ छन् ।

रोचक कुरा, हमाल मात्र हैन, पत्नी मधु पनि अहिले म्युजिक भिडिओमा देखिन थालेकी छिन् । विहे अघि केही म्यागजिनमा मोडलिङ गरेको अनुभव पनि छ मधुलाई । हमालकै आग्रहमा मधुले पनि भिडिओमा मोडलिङ गरेकी छिन् ।

मधु र आफूले भिडिओमा मोडलिङ गरेको जानकारी हमालले सामाजिक संजालमार्फत दिएका छन् । ‘काम सँगसँगै’ हमालले फेसबुकमा लेखेका छन् । मधुले पनि हमाललाई यस्तो काममा साथ दिएकी छिन् ।

निषेधाज्ञा खुकुलो भएपछि हमाललाई लिएर केही म्युजिक भिडिओको छायांकन धमाधम भैरहेको छ ।

मुम्बई । अमिताभ बच्चनले आफ्ना फ्यानका लागि एउटा ठूलो घोषणा गरेका छन् जसलाई उनले ट्वीटरमा पोस्ट गरे । उनको घोषणाअनुसार उनले आफ्ना साहित्यकार पिता हरिवंशराय बच्चनका सबै पुस्तकलाई आफ्नो आवाजमा रेकर्ड गर्ने तयारी गरेका छन् ।

उनी लेख्छन्, ‘म आफ्नो पूजनीय पिताजीको लेखनीलाई आफूबाट टाढा राख्न सक्दिन । अब उनका गम्भीर कुराहरु मेरो आवाजमा सुन्नूस ।’

अमिताभले आफ्नो ट्वीटरमा पोस्ट गरेको एक तस्विरमा उनी आफ्ना पिता हरिवंश राय बच्चनद्वारा लिखित एक पुस्तक ‘प्रतिनिधि कविताहरु’सहित देखिएका छन् ।

T 3966 – पूज्य बाबूजी के लेखन से अपने आप को ज़्यादा दूर नहीं रखता ; और अब उनका उच्चारण , अपने स्वर में 🙏 pic.twitter.com/rdL6Jfexzv

— Amitabh Bachchan (@SrBachchan) July 14, 2021

तरपनि उनले यो प्रोजेक्टलाई गोप्य राखेका छन् । तर, उनले हरिवंश राय बच्चनको कुन पुस्तकलाई आधिकारिकरुपमा रेकर्ड गरिएको छैन भनेर खुलाएका छैनन् । अमिताभका फ्यानले उनको यो घोषणालाई प्रचारप्रसार गर्न सुरु गरेका छन् ।

काठमाडौं । विश्वकै ठूलो फिल्म फेस्टिभल कान्स अहिले फ्रान्समा जारी छ । फेस्टिभलकै क्रममा अहिले लगानी र वितरणका लागि आकर्षक मानिने कान्स फिल्म बजार पनि चलिरहेको छ ।

अहिले सातवटा दक्षिण एसियाली फिल्महरु लगानीकर्ता खोज्दै कान्समा पुगेका छन् । जसमध्ये तीनवटा फिल्म नेपालबाट छन् जसमा सुविना श्रेष्ठको देवी, सनिर पाण्डेको ‘नो विन्टर होलिडे’ र पासाङ दावा शेर्पाको ‘कुहिरोपारीको सहर’ छन् ।

देवी र नो विन्टर होलिड डकुमेन्ट्री हुन् भने कुहिरोपारीको सहर फिचर फिल्म हो । अन्य अन्तर्राष्ट्रिय प्रतिस्पर्धा पनि जितेका यी तीनैवटा फिल्मले निर्माण तथा वितरणका लागि लगानीकर्ता खोजेका हुन् ।

जुलाई ६ देखि सुरु भएको कान्स आगामी शनिबार सकिँदैछ । गतवर्ष महामारीको कारण स्थगित भएको कान्स यसपटक भौतिकरुपमा आयोजना भएपनि विगतको जस्तो आकर्षण नदेखिएको हलिउड रिपोर्टर म्यागजिनले उल्लेख गरेको छ ।

काठमाडौं । मुलुकको सबैभन्दा ठूलो मल्टिप्लेक्स चेन क्यूएफएक्सले दमौली र वीरगञ्जमा नयाँ आउटलेट स्थापना गरेको छ । निषेधाज्ञा खुले लगत्तै दमौलीको हल संचालनमा आउने र दशैं अगाडिदेखि वीरगञ्जको सुरु हुने क्यूएफएक्सले जनाएको छ ।

क्यूएफएक्स तथा रेगल सिनेमाज्का निर्देशक नकिम उद्दिनले दमौलीको हल तयार भएको र वीरगञ्जको हल तीन महीनामा पुरा हुनेछ । निषेधाज्ञाको कारण निर्माणमा ढिलाइ भएका हलहरुको अहिले धमाधम निर्माण भैरहेको छ ।

दमौलीको एपेक्स मलमा क्यूएफएक्सको फ्रेन्चाइजमा हल खुलेको हो । दुईवटा अडिटोरियम रहेको हलमा झन्डै ३ सय सिट छन् । एउटा अडिटोरियममा थ्रीडी प्रविधि जडान छ । दमौली हलको ९० प्रतिशत निर्माण पुरा भएको छ ।

वीरगंजको हलमा तीनवटा अडिटोरियम रहेको र एउटा हलमा ३६० वटा सिट रहेको जनाइएको छ ।

निषेधाज्ञाअघि क्यूएफएक्सका १२ हल थिए । जयनेपाल र कुमारी हल बन्द भएपछि दुईवटा हल थपिएका छन् । क्यूएफएक्सको पर्दा संख्या २९ पुगेको छ । हल तयार भएपनि कोरोना महामारीको कारण कहिलेदेखि फिल्म हल संचालनमा आउँछन् टुंगो छैन ।

काठमाडौं । निषेधाज्ञापछि मनोरञ्जन क्षेत्र पुनः लयमा फर्कने तयारीमा छ । फिल्म क्षेत्र ठप्प रहेपनि म्युजिक भिडिओ र टेलिफिल्महरु धमाधम निर्माण तथा प्रदर्शन भैरहेका छन् । यस्तोमा, रजनी केसीको मुख्य भूमिका रहेको टेलिसिरियल डन्ट माइन्ड आजदेखि टेलिभिजनमा फर्कने तयारीमा छ ।

सामाजिक संजालमार्फत उनले बुधबारदेखि आफू अभिनित सिरियल डन्ट माइन्ड सुचारु हुन लागेको जनाएकी छिन् । उनी लेख्छिन्, ‘‘डन्ट माइन्ड’ निषेधाज्ञाले रोकिएको श्रृंखला ‘डन्ट माइन्ड’ आज बुधबारदेखि फेरि सुरु हुन लागेको छ ।’

अभिनेता समेत रहेका निर्मल शर्मा ‘गैँडा’ र कमल मैनालीले मिलेर निर्देशन गरेको सिरियल बुधबार साँझ ८ बजे हिमालयन टेलिभिजनबाट प्रसारण हुनेछ । यो सिरियलमा रविन शर्मा, कमल मैनाली, सुनिता श्रेष्ठ, स्मारिका खनाल लगायतको मुख्य अभिनय छ । श्रृंखला म्युजिक नेपालको प्रस्तुतिमा सिरियल निर्माण भएको हो ।

‘सक्किगो नी’, ‘जुठे’लगायतका सिरियल चाहिँ गतसातादेखि सुरु भएका छन् भने केही सुरु हुने क्रममा छन् ।

काठमाडौं । अभिनेता सौगात मल्ल र अभिनेत्री सृष्टि श्रेष्ठ केहीवर्ष यता अफेयरमा छन् । उनीहरु लिभइन टुगेदर रहेको चर्चा पनि छ । फिल्मसँगै अफस्क्रिनमा समेत उनीहरुको केमेस्ट्री मिलेको देखिन्छ ।

पूर्वमिस नेपाल समेत रहेकी सृष्टि र सौगातले झन्डै चारवर्षदेखि डेट गरिरहेका छन् । उनीहरु सार्वजनिकरुपमा खुलेरै प्रेम व्यक्त गरिरहेका छन् । उनीहरु गम्भीर प्रेममा रहेको कुरा उनी निकटदेखि उनका फ्यानहरु सबैलाई अवगत छ ।

अब भने यो जोडी विहे तयारीमा छ । यसवर्ष विहे गर्ने उनीहरुको योजना छ । ‘हामीले चाह्यौं भने जहिले पनि विहे हुन सक्छ तर, हामी यसवर्ष विहे गर्ने कि भन्ने योजनामा छौं’ नेपाल प्रेससँग सौगातले भने, ‘हामी कसरी अघि बढ्ने भन्ने बारेमा एकदमै गम्भीर छौं ।’

यसवर्षदेखि फिल्म निर्माण थालेका सौगातलाई सृष्टिले साथ दिइरहेकी छिन् । फिल्मबाहेकका काममा पनि उनीहरु एकसाथ अघि बढेका छन् । सुवर्ण थापाले निर्देशन गरेको फिल्म ‘सेक्रेट्स अफ राधा’मा सौगातले लगानी गरेका छन् र पोस्टप्रोडक्सन पनि सुरु भएको छ ।

काठमाडौं । तीनजना तन्नेरी फिल्म निर्माताहरु शान्ता नेपाली, सुनिल गुरुङ र ज्योत्सनासिंह ठकुरीले पाँच–पाँच लाख रुपैयाँ राशीको ‘लघु फिल्म निर्माण पुरस्कार’ प्राप्त गरेका छन् ।

भर्चुअल प्रेसमिटमा आयोजित समारोहमा उनीहरुलाई बिराटनगरस्थित नर्थ साउथ कलेक्टिभ्सले पुरस्कार प्रदान गरेको हो । नेपालीको फिल्म मुना, ठकुरीको एलेक्सिया र गुरुङको विन्ड हर्सले पुरस्कार जितेका हुन् ।

उनीहरुले सन् २०२१ को अन्त्यसम्म फिल्म निर्माण गर्नुपर्नेछ । १५ मिनेटको आख्यान विधाको फिल्म बनाउन उनीहरुलाई पुरस्कार प्रदान गरिएको हो ।

उक्त संस्थाले गोग्राह फिल्म कार्यशाला आयोजना गरिरहेको छ । निर्देशक दीपक रौनियारले यसअघि बिराटनगर फिल्म कार्यशालाको रुपमा यसलाई चलाउँदै आएका थिए ।

काठमाडौं । एक टेलिभिजनमा अन्तर्वार्ता दिन पुगेपछि अभिनेता आकाश श्रेष्ठ र अभिनेत्री पूजा शर्माबीच सम्बन्ध बिग्रिएको अड्कलबाजी चल्यो । पूजाले पनि आकाशले आफूलाई धोका दिएको बताइन् ।

यी दुईजना बीच केही समय सम्बन्ध चिसिएको गसिप पनि चल्यो । अब भने यी दुईबीच सम्बन्ध सुधार भएको देखिएको छ । अभिनेता श्रेष्ठले पूजासँग सम्बन्ध नबिग्रिएको बताएका छन् ।

दुई साताअघि पूजासँग हार्दिक सम्बन्ध नभएका रजतपट कार्यक्रम संचालक प्रकाश सुवेदीको कार्यक्रममा आकाश पुगेपछि पूजाले पत्रकार ऋषि धमलासँग आफूलाई आकाशले धोका दिएको बताएकी थिइन् ।

तर, आफू प्रकाश सुवेदीसँग नमिलेको भनेर आकाशले पूजालाई सम्झाएपछि सम्बन्धमा सुधार भएको स्रोतले बताएको छ । उनीहरु चाँडै संगीतकार अर्जुन पोखरेलको एक म्युजिक भिडियोमा पनि काम गर्ने तयारीमा छन् ।

हालैको एक अन्तर्वार्तामा आकाशले सम्बन्ध नबिग्रिएको दाबी गरे । उनी भन्छन्, ‘हामी हरेक दिन बोलिरहेकै हुन्छौं । मिडियामा कसरी बोलचाल बन्द भयो भनियो मलाई थाहा छैन । केही दिनअघि हामी भेटेको तस्विर पनि बाहिर आएको थियो । एकसाथ काम पनि गरिरहेका छौं । बाहिरको हल्लाले गर्दा हाम्रो व्यक्तिगत सम्बन्ध कहिल्यै बिग्रदैंन र बिग्रनु पनि हुँदैन ।’

काठमाडौं । सरकारले काभ्रेको साँगा र सुनसरीको बराह क्षेत्रमा अत्याधुनिक फिल्म स्टुडियो निर्माण गर्ने भएको छ । साँगामा निर्माण हुने स्टुडियोको डीपीआर तयार भएको र बराह क्षेत्रको डीपीआर साउनदेखि सुरु हुने चलचित्र विकास बोर्डले जनाएको छ ।

बोर्ड अध्यक्ष दयाराम दाहालका अनुसार २० करोडको लागतमा साँगामा स्टुडियो निर्माण हुनेछ र अहिले जग्गा प्राप्तीका लागि तयारी भैरहेको छ । ‘डीपीआर पुरा भयो र जग्गा प्राप्ती हुने वित्तिकै साँगामा स्टुडियो बन्छ’ दाहालले नेपाल प्रेसलाई भने ।

यस्तै, प्रदेश १ सरकार र स्थानीयबासिन्दाको समन्वयमा बोर्डले सुनसरीको बराह क्षेत्रमा पनि स्टुडियो निर्माण गर्ने भएको छ । साउनदेखि यसको लागि डीपीआर तयार हुने र काम अघि बढ्ने अध्यक्ष दाहालले बताए ।

भारत सीमावर्ती भएकाले पनि बराह क्षेत्रमा मैथिली, भोजपुरी र किराँत जातिय र क्षेत्रीय फिल्मको सुटिङ गर्ने उद्देश्यले बराह क्षेत्रलाई स्टुडियोको रुपमा विकास गर्न लागिएको दाहालले जनाए ।

लस-एन्जल्स । ब्राड पिटसँग डिभोर्स गरेपछि हलिउड डीभा एन्जेलिना जोली अहिले सिंगल छिन् । अर्कोतर्फ, सेलेना गोमेजसँग ब्रेकअप भएपछि गायक विकेन्ड एक्ला छन् ।

अहिले हलिउडमा जोली र विकेन्डबीच डेटिङ चलिरहेको गसिप छ । किनभने, उनीहरु केही सातायता धेरैपटक सँगै देखिएका छन् । हलिउड लाइफ म्यागजिनका अनुसार लस एन्जल्समा सँगै डिनर गरेपछि उनीहरुले फ्यानहरुलाई चौकाएका थिए ।

त्यसको एकदिनपछि उनीहरु लस-एन्जल्सको एक कन्सर्टमा सहभागि भए । एन्जेलिनाले आफ्ना दुई छोरीलाई पनि कन्सर्टमा सँगै ल्याएकी थिइन् । जारी तस्विरहरुमा यी दुईजना रमाइलो गरिरहेको देखिएको छ ।

गत जुन ३० मा लस एन्जल्सको एक चर्चित रेष्टुराँमा सँगै डिनर गरेपछि यी दुईजनाको फोटो सार्वजनिक भएको थियो । पूर्वपति ब्राड पिटसँग कस्टडीको युद्ध लडिरहेकी एन्जेलिना यही समयमा विकेन्डसँग अफेयरमा रहेको हल्ला चलेको हो ।

मुम्बई । दक्षिण भारतीय सुपरस्टार रजनीकान्तले राजनीतिबाट सन्यास लिएको घोषणा गरेका छन् । सोमबार उनले आफ्नो दल ‘रजनी मक्कल मंद्रम’लाई विगठनको घोषणा गरे ।

आफ्नो पार्टीका पदाधिकारीसँग कुरा गर्दै उनले भविष्यमा आफू राजनीतिमा फर्कने सम्भावना नरहेको समेत बताए । भारतीय अखबार दैनिक भाष्करका अनुसार सबैजना पदाधिकारीसँग मिलेर उनले यस्तो निर्णय लिएका हुन् ।

उनले रजनी फ्यान क्लब एसोसिएसन नामक सामाजिक संस्था खोल्ने घोषणा गरेका छन् जसले सामाजिक क्षेत्रमा कार्य गर्नेछ । गत डिसेम्बर २९ मा उनले खराब स्वास्थ्यको कारण आफू राजनीतिबाट टाढा बस्ने बताएका थिए ।

“I don’t have plans to enter politics in future,” says actor Rajinikanth, dissolves Rajini Makkal Mandram pic.twitter.com/updoKb5HnY

— ANI (@ANI) July 12, 2021

तामिल भाषामा एक पत्र लेख्दै उनले राजनीतिक दल बिनै आफू सामाजिक सेवामा लाग्ने बताएका थिए । उनले आफ्नो यस फैसलाले फ्यानहरु निराश हुने भएकाले फ्यानसँग माफी पनि मागेका छन् ।

गत डिसेम्बर २५ मा रक्तचाप र थकानका कारण उनी हैदराबादको एपोलो अस्पताल भर्ना भएका थिए । डिसेम्बर ३१ मा उनले राजनीतिक दल घोषणा गरेका थिए ।