Category: कलाप्रेस

काठमाडौं । यो उमेरमा पनि वरिष्ठ अभिनेता नीर शाह उत्तिकै फुर्तिला लाग्छन् । कोरोनाकालमा शाहको दैनिक केही निजी कामसँगै म्युजिक भिडिओमा अभिनय गर्दै बितिरहेको छ । गायक सनुप पौडेलको नयाँ गीत ‘मेरा आकाशका तारा’मा शाह फिचर्ड छन् । शुक्रबार राजधानीमा आयोजित प्रेसमिटमा गीत लन्च गरियो ।

बाबु र छोराको प्रेम र विछोडको कथा प्रस्तुत गर्ने गीतमा शाह र गौरव विष्टको अभिनय छ । सन्दिप बस्नेतको शब्दमा तयार भएको यो गीतमा राज सागरको संगीत छ । गीतकार सन्दिपले आफ्नो पिताको संझनामा यो गीत कोरेका हुन् । अनुप योञ्जनको निर्देशनमा तयार भएको यो गीतको भिडियोमा ज्ञानेन्द्र शर्मा हुमागाँइको छायांकन, डिन्सन शाहको सम्पादन छ ।

हेर्नूस गीत :

काठमाडौं । सम्राट चौलागाईद्वारा संगीतबद्ध तीजको गीत ‘सम्झिनी पानी छम्किनी’ साता युट्युवमा सर्वाधिक हेरिने नेपाली गीत बनेको छ । यसलाई सात दिनमा ५७ लाख ४५ हजारले हेरेका छन् ।

भुवन केसी, दीपाश्री निरौला, आकाश श्रेष्ठ र स्वस्तिमा खड्का फिचर्ड गीत गतसाता इन्टरनेट रिलिज भएको थियो ।

दोस्रो स्थानमा मेलिना राई र विष्णु घिमिरेको जोखौं माया छ । कार्टुन्ज क्रिउ फिचरिङ गीतलाई एक सातामा २६ लाख ८९ हजार पटक हेरिएको छ । यसको कूल भ्यूज ३० लाख ११ हजार छ ।

तेस्रो स्थानमा निकिता थापाद्वारा स्वरबद्ध र पल शाह तथा मलिका महत फिचर्ड तिम्रो मनमा ए कान्छाको फिमेल भर्सन छ । यो गीतलाई पछिल्लो सात दिनमा १५ लाखले हेरेका छन् । रुटिन अफ नेपाल बन्दको साप्ताहिक अध्ययनको आधारमा उत्कृष्ट दश गीतको सूची तयार पारिएको हो ।

यस साता सर्वाधिक हेरिएका नेपाली गीत भ्यूजको क्रमानूसार :

१) सम्झिनी पानी छम्किनी :

२) जोखौं माया :

३) तिम्रो मनमा ए कान्छा :

४) सोल्टी राजाको टुम्लेट :

५) ससुराली जाने हो :

६) माया बिरानी २ : तातो गोली

७) नाची देऊ पुतली :

८) कुरा काट्ने :

९) तिम्रो मन बदलिएछ :

१०) सानी माया :

 

काठमाडौं । अभिनेत्री पूजा शर्मा र नायक आकाश श्रेष्ठबीचको निकटता केही समयदेखि पेज थ्री गसिपको विषय बनिरहेको थियो । उनीहरुले आफूहरुलाई साथी मात्र बताए पनि धेरैले प्रेमी–प्रेमिकाको रुपमा हेरेका थिए । तर, अहिले उनीहरुको सम्वन्धमा बदलाव आएको छ ।

आकाशले गत बिहीबार हुन्डाइ कम्पनीको क्रेटा कार आफ्नो घरमा भित्र्याए । ७० लाख मूल्यमा उनले कार किनेको समाचार मिडियामा सार्वजनिक भयो । त्यसको दुई दिनपछि पुजा पनि हुन्डाइको शोरुममा पुगिन् । उनले पनि सोही क्रेटा कार किनेर आफ्नो नयाँ घर लगिन् ।

पुजा र आकाशले सल्लाह गरेर एउटै कार किनेका हुन् त ? त्यस्तो देखिँदैन । न आकाशले कार किन्दा पुजा साथमा थिइन्, न पुजाले कार किन्दा आकाश साथ थिए । दुवैले एक–अर्कालाई थाहा नदिइकन आ–आफ्नो कार किनेको बताइन्छ । पहिले–पहिले जुनसुकै हरेक निर्णय आपसी सल्लाहमा गर्ने उनीहरुको सम्वन्धमा निकै चिसोपना आएको छनक यो घटनाबाट मिल्छ ।

जुन कार आकाशले किने पुजाले पनि त्यही किन छनोट गरिन् ? के यो माया हो ? या प्रतिस्पर्धा ? धेरैको अन्मानमा यो प्रतिस्पर्धा हो । पछिल्लो समय पुजाको नाम अर्कै पुरुषसँग जोडिएको छ । आकाशसँग उनको दुरी बढेको छ । त्यही भएर उनीहरुबीच ‘तँ भन्दा म के कम ?’ को होड सुरु भएको एकथरिको बुझाइ छ । हामीले यस विषयमा जान्न खोज्दा दुवैजनाको फोन रिसिभ भएन ।

काठमाडौं । पछिल्लो समय महंगा गाडी सेलेव्रिटी सिम्बोल समेत बन्न थालेको छ । कारका सौखिन सेलेव्रिटी टन्नै छन् नेपालमा । तर, आफ्नै कमाइमा गाडी चढ्नु र घर किन्नुले भने केही अर्थ राख्छ ।

अभिनेत्री पूजा शर्मा यस्तै एक पात्र हुन् जसले हालै आफ्नै कमाइमा घर निर्माण गरिन् । बिहीबार भने उनले हुन्डाइको क्रेटा कार खरिद गरेकी छिन् । ७० लाख नगद तिरेरै उनले गाडी किनिन् ।

सोरुमबाट गाडी निकालेपछि पूजाले आफैले कार हाँक्दै आमालाई घरसम्म चढाएर लगिन् । तीनवर्ष अघि पनि पूजाले आफ्नै कार चढ्थिन । तर, कारकी सौखिन पूजाले नयाँ कार किनेकी हुन् ।
पूजा पछिल्लो समयकी व्यस्त कलाकार हुन् । पछिल्लो पटक पुष्प खड्का, प्रकाश सपुत लगायतले कार किनेका छन् ।

तस्विर सौजन्य : रमाइलो छ

काठमाडौं । नाजिर हुसेन, मुकुन भुषाल, रविन्द्र झा अभिनित फिल्म ‘लभ सर्कल’को अफिसियल ट्रेलर रिलिज भएको छ । फिल्म साउन २९ गते ओटीटी प्लेटफर्ममा रिलिज हुने जनाइएको छ ।

२ मिनेट ४६ सेकेन्ड लामो ट्रेलरमा प्रेम, यौन, अपराध र धोका चित्रण गरिएको छ । बसन्त निरौला निर्देशित फिल्मको ट्रेलरमा सुमन कोइराला, पवित्रा आचार्य र रिस्ता बस्नेत समेत फिचर्ड छन् ।

रहस्य र अपराधको कथा बुनिएको फिल्मलाई ओमप्रकाश अग्रवाल र रोशन पौडेलले निर्माण गरेका हुन् । फिल्ममा अभिमन्यु निरवीद्वारा लिखित पटकथा, दिव्य सुवेदीको छायांकन समावेश छ ।

कोरोनाभाइरस महामारीको कारण फिल्मले ओटीटीमा रिलिज योजना बुनेको हो । मीटीभको प्रस्तुतिमा ओएसआर डिजिटल प्रालिले फिल्म निर्माण गरेको हो । हेर्नूस ट्रेलर :

https://www.youtube.com/watch?v=5f12gY6sE5Y

काठमाडौं । पछिल्लो समय कलाकारहरु म्युजिक भिडियो निर्माणमा केन्द्रित हुन थालेका छन् । यही मेसोमा गायक नवीन के भट्टराईले आफ्नो कमब्याक गीत लन्च गरेका छन् ।

‘सम्झिरहन्छु’ बोलको यो ट्रयाक उनका अघिल्ला गीतभन्दा केही पृथक लाग्छ । नवीनको गायकीका प्रशंसकलाई यो गीत निकै मनपर्न सक्छ । किनभने धेरैपछि नवीन आफ्ना ब्रान्डेड आवाजमा फर्किएका छन् ।

धर्मपत्नी समेत रहेकी नवीनाले नवीनको यो गीतलाई निर्देशन गरेकी छिन् । राज कट्वाल र वर्षा शिवाकोटी गीतमा फिचर्ड छन् । अहिले रिलेसनसिपमा रहेको यो जोडीले गीतको भिडिओमा पनि जोडी बाँधेका छन् ।

हेर्नूस गीत :

काठमाडौं । कोभिड-१९ महामारीले संकटग्रस्त फिल्म तथा मनोरञ्जन उद्योगलाई विशेष आर्थिक प्याकेजको व्यवस्था गर्न सरकारको न्यूनतम साझा कार्यदलले सरकारलाई सुझाव दिएको छ ।

आज बालुवाटारमा गठबन्धनका शीर्ष नेताहरुलाई बुझाइएको प्रतिवेदनमा कोरोना महामारीले असर पुगेको क्षेत्रलाई प्याकेज र महामारी नियन्त्रणलाई केन्द्रमा राखिएको छ ।

संयुक्त सरकारका प्राथमिकता शीर्षकको ८ नम्बर बुँदामा लेखिएको छ : कोभिडका कारण सङ्कटग्रस्त उद्योगधन्दा, पर्यटन व्यवसाय, सञ्चार, यातायात, पार्टी प्यालेस, सिनेमा तथा मनोरञ्जन उद्योगलगायतका क्षेत्रहरू तथा श्रमजीवी, विपन्न, बेराजगार आदिको उत्थानका लागि बिशेष आर्थिक प्याकेजको व्यवस्था गर्ने ।

कांग्रेस नेता पूर्णबहादुर खड्का नेतृत्वको कार्यदलले प्रधानमन्त्री देउवा, माओवादी केन्द्र अध्यक्ष पुष्पकमल दाहाल लगायतका गठबन्धनका शीर्ष नेतालाई प्रतिवेदन बुझाएको हो ।

बजेटमा फिल्म क्षेत्रलाई गरिएको सम्बोधन पर्याप्त नभएको भन्दै न्यूनतम साझा कार्यक्रममा समावेश गर्न फिल्म सम्बद्ध निकायले माग गर्दै आएका थिए । अहिले फिल्म तथा मनोरञ्जन क्षेत्र ठप्प छ ।

काठमाडौं । गएको महीनादेखि पूर्वमिस नेपाल माल्भिका सुब्बा ४० वर्ष लागिन् । उनका छोरा रियोको उमेर नै ५ वर्ष पुग्यो । यो उमेरमा पनि माल्भिकाको सौन्दर्यमा कमी आएको छैन । उनी अहिले पनि फिट एन्ड फाइन लुक्समा देखिन्छिन् ।

बुधबार इन्स्टाग्राममा उनले पोस्ट गरेको एउटा तस्विरको चर्चा चलेको छ जहाँ उनी अहिले पनि हट देखिन्छिन् । नगरकोटको होटल मिस्टिक माउन्टेनको पुलमा खिचिएको तस्विरमा माल्भिकाले महिला हुनु र महिलाको शारीरिक बनावटमा आउने परिवर्तनको चर्चा गरेकी छिन् ।

उनी लेख्छिन्, ‘महिलाको शरिर धेरैखाले चरणबाट गुज्रने गर्छ जसमध्ये प्यारेन्टहुड पनि एक हो । प्रेगनेन्सी बम्प देखाउँदा सहनुपरेको आलोचना होस् या जन्मिएदेखि महसुस गरेको आफ्नै असुरक्षादेखि– लामो समयपछि मैले आफ्नो शारिरीक बनावट र ढाँचालाई जस्तो छ त्यस्तैरुपमा स्वीकार्ने निधो गरेकी छु ।’

‘शरिरमा बसेका धर्साहरु, चाउरीन थालेको छाला, असन्तुलिन ब्रेस्टहरु र बच्चा जन्माउन बसेको दाग म सबैलाई प्रेम गर्छु । म आफ्नो शरिरलाई प्रेम गर्छु ।’ माल्भिकाको यो पोस्टले एकैसाथ महिला हुनु, आमा बन्नु र त्यसलाई स्वीकार्नुपर्ने सकारात्मक सन्देश दिएको छ । उनको यो पोस्टमा अन्य सेलेव्रिटीले पनि समर्थन जनाएका छन् ।

काठमाडौं । तन्नेरी पुस्तामाझ चर्चित टेलिभिजन रियालिटी सो हिमालय रोडिजको चौंथो सिजनलाई सिमोस सुनुवारले निर्देशन गर्ने भएका छन् । ‘मिसन पैसा’ फेम्ड सुनुवार नेपाली फिल्ममा एक्सन निर्देशकको रुपमा चर्चित छन् ।

अघिल्ला तीनवटै सिजन निर्देशन गरेका अमनप्रताप अधिकारीले हात झिकेपछि निर्माण युनिटले सिमोसलाई निर्देशकमा अनुबन्धित गरेको हो । नयाँ टीमसहित कन्सेप्ट आएको र आफू प्राइम टिभीमा व्यस्त हुनुपर्ने भएको भन्दै अमनले सो छाडेका हुन् ।

सोका निर्णायकमध्येका एक अनुपविक्रम शाहीले भदौ दोस्रो सातादेखि डिजिटल अडिसन सुरु हुने र सम्भवतः दशैं अघि प्रसारण आरम्भ हुने तयारी रहेको नेपाल प्रेसलाई दिए ।

स्रोतका अनुसार सिमोसले नयाँ कन्सेप्टसहित रोडिज निर्देशन गर्ने तयारी गरिरहेका छन् । निर्णायकहरु भने यथावत रहने जनाइएको छ । अनुपसहित आशिष राना लाउरे, दिया मास्के, समन श्रेष्ठ, रेमनदास श्रेष्ठ रोडिजका निर्णायक रहेका छन् ।

 

काठमाडौं । पप गायिका रिहाना अर्बपतिको सूचीमा समावेश भएकी छिन् । फोर्ब्स म्यागजिनका अनुसार उनी विश्व मनोरञ्जनकै दोस्रो सर्वाधिक धनी सेलिव्रेटी समेत बनेकी छिन् ।

रिहानाको कूल सम्पति १.७ बिलियन डलर पुगेको छ । यो यति सम्पति संगीतबाट भने कमाइ गरेकी हैनन्, उनको कस्मेटिक ब्रान्ड फेन्टी ब्यूटी कस्मेटिक कम्पनीबाट रिहानाले यति कमाइ गरेकी हुन् ।

उक्त कम्पनीबाट रिहानाले २७० मिलियन डलर कमाइ गरेको जनाइएको छ । संगीत र अभिनयबाट हुने थप कमाइ जोड्दा रिहानाको कूल सम्पति १.७ बिलियन डलर पुगेको हो ।

मनोरञ्जन क्षेत्रमा विश्वकै धनी सेलिव्रेटी ओफ्रा विन्फ्रेपछि रिहाना सम्पतिको हिसाबले दोस्रो स्थानमा छिन् । वास्तविक नाम रोविन फेन्टी रहेकी रिहानाले सन् २०१७ मा लक्जरी गुड निर्माता कम्पनी एलभीएमचसँग मिलेर फेन्टी ब्यूटी स्थापना गरेकी थिइन् ।

सबै उमेर समूहका महिलालाई लक्षित गर्दै रिहानाले ४० विभिन्न मेकअप प्रसाधनहरुको सेवा सुरु गरेकी थिइन् जसले छोटो समयमै ख्याति कमायो । यसले अन्य प्रतिस्पर्धी ब्रान्डलाई पनि उछिन्न सक्यो ।

मुम्बई । अमेजन प्राइमले अक्षय कुमार स्टारर ‘बेलबटम’लाई ओटीटी प्लेटफर्म रिलिजको लागि ४५ करोड भारुमा खरिद गरेको छ । यसअघि ९० करोड भारुमा डील भएपनि भारतीय संचारमाध्यमका अनुसार ओटीटीमा आउने भएपछि उक्त मूल्यमा फिल्मको राइट किनिएको हो ।

अब दक्षिण भारतीय फिल्म मास्टरजस्तै बेलबटम पनि हलमा रिलिज भएको दुई सातामा ओटीटी प्लेटफर्ममा रिलिज हुने भएको छ । फिल्म निर्माता तथा बजार विज्ञ गिरीश जौहरका अनुसार बेलबटम रिलिज हुने बेलासम्म महाराष्ट्र राज्यमा जारी लकडाउनमा केही खुकुलो हुनसक्छ ।

उनका अनुसार गोवा, महाराष्ट्र र गुजरातका फिल्म हलहरु केही अकुपेन्सीसहित खुल्न सक्छन् । केही ठाउँमा विकेन्डमा फिल्म हल खोल्न रोक लगाइएको अवस्था छ । यसैबीच, निर्देशक रोहित सेठ्ठीले डिजिटल प्लेटफर्ममै फिल्म रिलिज गर्नेबारे नेटफिल्क्ससँग अन्तिम छलफल थालेका छन् । नेटफिल्क्सले थप प्रतीक्षा नगर्ने संकेत दिएपछि रोहितले छलफल चलाएका हुन् ।

काठमाडौं । मिस सुप्रान्यासनलमा नेपालले प्रदर्शन गर्ने पोशाक गोर्खाली सैनिकलाई समर्पित गरिने भएको छ । मिस नेपाल आयोजक संस्था हिडन ट्रेजरले आधिकारिक पोशाक सार्वजनिक गर्दै यस्तो जानकारी दिएको हो ।

कोरियोग्राफर रचना गुरुङ शर्माको कन्सेप्टमा तयार पारिएको पोशाकमा मिस नेपाल सुप्रान्यासनल सिमल कनौजिया आकर्षक देखिएकी छिन् । गोर्खा आर्मीको पोशाकमा नेपाली बहादुरीका प्रतीकहरु खुकरी र पोशाकसहित राष्ट्रिय झण्डालाई पनि चित्रण गरिएको छ ।

‘यो राष्ट्रिय पोशाकले हामीलाई गौरवान्तित र सुरक्षित राख्न प्राणोत्सर्ग गर्ने गोर्खाली सैनिकप्रति सम्मान र माया प्रस्तुत गर्नेछ’ हिडन ट्रेजरद्वारा जारी विज्ञप्तिमा उल्लेख छ । अगस्ट २१ मा पोल्यान्डमा आयोजना हुने सुप्रान्यासनलमा भाग लिन सम्बन्धित विधाकी विजेता मिस नेपाल कनौजिया यसैसाता त्यहाँ पुगेकी छिन् ।

काठमाडौं । यतिबेला गायक दुर्गेश थापा चर्चाको केन्द्रमा छन् । ‘ख्यास्स पुतली’ बोलको तीज गीत रिलिज गरेपछि उनको चर्चा चुलिएको छ । राष्ट्रिय लोकगीत तथा दोहोरी प्रतिष्ठानले संस्थागतरुपमै बहिस्कार गर्ने निर्णय गरेपछि त दुर्गेशको चर्चा यत्तिकैमा सीमित छैन ।

दुर्गेशका प्रशंसकले भने, उनी गीत गाउन स्वतन्त्र हुनुपर्ने र सेन्सरसिप जरुरी नभएको बताउने गरेका छन् । दुर्गेश स्वयमले पनि आफ्नो गीत हीपहप भएको र दोहोरी भएकाले बहिस्कारको कुनै अर्थ नरहेको बताएका छन् ।

उनले गीतमार्फत आलोचकलाई जवाफ दिने बताएका छन् । उनले केही साताभित्रै ‘बहिस्कार’ बोलको गीत रिलिज गर्ने तयारी गरेका छन् । ‘यही गीतमार्फत म आलोचकलाई जवाफ दिन चाहन्छु’ नेपाल प्रेससँग उनले भने, ‘म आफूमा इमान्दार छु र बहिस्कारले कुनै अर्थ राख्दैन ।’

प्रतिष्ठानका निवर्तमान अध्यक्ष र सल्लाहकारले पनि अश्लिल लाग्ने शब्दहरु प्रयोग गरेर गीत ल्याएको स्मरण गर्दै दुर्गेशले उनीहरुलाई पनि कार्वाही गर्नुपर्ने अडान राखेका छन् ।

मुम्बई । बलिउड खेलाडी अक्षय कुमार नयाँ फिल्म ‘बेलबटम’ ट्रेलरसहित पुनः फर्किएका छन् । १९ अगस्टमा रिलिज हुने फिल्ममा अक्षय एक जासूसको चरित्रमा देखिनेछन् ।

उनीसहित फिल्ममा वाणी कपुर, हुमा कुरेशी, लारा दत्ता पनि फिचर्ड हुनेछन् । सामाजिक संजालमार्फत अक्षयले ट्रेलर सेयर गरेका छन् ।

सन् १९८४ मा भएको विमान अपहरण घटनामा फिल्म आधारित छ । लगातार पाँचपटक विमान अपहरणको घटनापछि छानविन गर्न भारतले एक जासूसलाई जिम्मा लगाएको थियो ।

जसको कोड नाम बेलबटम थियो र उक्त अपहरणमा २१० जनालाई बन्दी बनाइएको थियो । फिल्ममा वाणीले अक्षयकी पत्नीको भूमिका निर्वाह गरेकी छिन् । हुमा कुरेशी छानविनमा सघाउने एक सहयोगीको भूमिकामा छिन् । रञ्जित तिवारी निर्देशित फिल्म अगस्ट १९ मा रिलिज तयारीमा छ ।

काठमाडौं । बरिष्ठ अभिनेता मदनदास श्रेष्ठलाई सरकारले विभूषण समितिको सदस्यमा नियुक्त गरेको छ । राष्ट्रिय जीवनमा उल्लेखनीय योगदान दिएबापत हालै बसेको मन्त्रिपरिषद् बैठकले श्रेष्ठलाई समितिमा नियुक्त गरेको हो ।

गृहमन्त्री अध्यक्ष रहने समितिमा अन्य पाँच सदस्य हुनेछन् । अभिनेता श्रेष्ठसहित समितिमा गोविन्द प्रसाद शर्मा, डा. भूषण श्रेष्ठ, ओमप्रकाश महतो, नरबहादुर कँडेल मनोनित भएका छन् ।

अभिनेता श्रेष्ठले समितिमा आफूलाई नियुक्त गरेकोमा सरकारलाई धन्यवाद दिएका छन् भने अन्य कलाकारले श्रेष्ठलाई बधाई दिएका छन् । रंगमंच, टिभी, नाटक, फिल्मदेखि पछिल्लो समय दोलखामा फिल्म स्टुडियो निर्माणमा श्रेष्ठ सक्रिय छन् ।

काठमाडौं । पल शाहको नाम धेरै मोडल र अभिनेत्रीसँग जोडियो । आँचल शर्मा, वर्षा राउत, रियाशा दाहाल, मलिका महत र गरिमा शर्मासँग उनको केमेस्ट्रीको चर्चा हुने गरेको छ ।

तर, पलको चर्चा गरिमासँग विशेष हुने गर्छ । किनभने, यो जोडीले पछिल्लो समय हिट गीतहरु पस्किइरहेको छ । यही मेसोमा पल र गरिमा फिचर्ड गीत ‘एउटा सपना छ’ मंगलबार इन्टरनेट रिलिज भएको छ ।

राजधानीमा आयोजित प्रेसमिटमा गीत लन्च गरियो । पुष्पन प्रधानको संगीत र मून प्रसाईको स्वर रहेको गीतमा यी दुईजनाले अभिनय गरेका छन् ।

मिडियासँग पल र गरिमा दुबै रोमान्टिक सुनिए । वास्तविक जीवनमा धेरैपटक विहे गरेका पलले अनस्क्रिन विहे भने दर्जनौंपटक भएको बताए । गरिमासँग ती अनस्क्रिन तीनपटक विहे गरेको भन्दै उनले ठट्टा पस्किए ।

‘पहिलो विहे आँचल शर्मासँग भएको थियो । त्यसपछि वर्षा राउत, रियाशा दाहाल र गरिमा शर्मासँग भयो । गरिमासँग त तीनपटक भयो’ पलले भने । निषेधाज्ञा खुकुलो भएसँगै पल र गरिमा पछिल्लो समय म्युजिक भिडियोमा व्यस्त भएका छन् ।

काठमाडौं । अभिनेत्री गरिमा पन्तले सन्तानलाई जन्म दिएकी छिन् । सामाजिक संजालमा छोरीको तस्विर राख्दै उनले आफू आमा बनेको जनाएकी छिन् ।

केही समयअघि उनका बेबी बम्पका तस्विर चर्चित भएका थिए । छोरीको नाम प्रिसा राखेको पनि उनले जनाएकी छिन् ।

करियरले सफलता प्राप्त गरिरहँदा गरिमा बेल्जियम गएकी थिइन् जहाँ उनले हरि शर्मा थपलियासँग विहे गरेकी थिइन् । थपलिया बेल्जियमस्थित नेपाली व्यवसायी हुन् ।

गरिमाको फिल्म झोले व्यवसायिक तथा समिक्षात्मक सफलता प्राप्त गरेका थियो । उनले तीन घुम्ती, फूल फिल्ममा समेत अभिनय गरेकी छन् ।

काठमाडौं । गायकद्धय प्रताप दास र अस्मिता अधिकारीको नयाँ गीत ‘जिउनु छ साथमा’ रिलिज भएको छ । राजधानीमा आयोजित प्रेसमिटमा म्युजिक भिडियो लन्च गरियो ।

पुष्प खड्का, प्रकृति घिमिरे र छत्र श्रेष्ठ फिचर्ड गीत रोमान्टिक महसुस हुन्छ । ज्ञानेन्द्र गिरीको शब्द तथा संगीत रहेको गीतमा प्रेमिल जोडीको भावनालाई चित्रण गरिएको छ । भिडिओलाई सुलेमान शंकर इकुले निर्देशन गरेका हुन् ।

हेर्नूस गीत :

काठमाडौं । पूर्वमिस नेपाल श्रृंखला खतिवडा अध्ययनका लागि अमेरिका प्रस्थान गरेकी छिन् । सोमबार बेलुका त्रिभुवन विमानस्थल हुँदै उनी अमेरिका हानिएकी हुन् ।

श्रृंखलालाई बिदाई गर्न एयरपोर्टमा उनका प्रेमी सिसन बानियाँ र परिवारका केही सदस्य पुगेका थिए । सिसन र परिवारले उनलाई शुभकामना दिए र मुस्कान साटासाट गरे ।

एयरपोर्टमा समेत श्रृंखला र सिसनको प्रेम छचल्किएको देखिन्थ्यो । सिसनले श्रृंखलालाई आंलिगन गर्दै शुभयात्रा भने । श्रृंखला मिस नेपाल भएदेखि नै सिसन र श्रृंखलाको प्रेमको पालुवा पलाएको थियो ।

न्यूयोर्कमा अवतरण भएपछि श्रृंखला त्यहाँ आयोजना हुने मिस नेपाल नर्थ अमेरिका ब्यूटी पेजेन्टमा जज बनेर सहभागि हुनेछिन् । श्रृंखलालाई आयोजकले अतिथिको रुपमा बोलाएका छन् ।

खासमा अमेरिकाको हावर्ड विश्वविद्यालयमा सहरी विकास विषयमा स्नातकोत्तर पढ्न श्रृंखला त्यता गएकी हुन् । आर्किटेक्चरमा स्नातक गरेकी श्रृंखलाले थप अध्ययनका लागि भन्दै अमेरिका गएकी हुन् ।

उनले केही समय अघि मात्रै नेपालमा गाथा नामक कम्पनी संचालनमा ल्याएकी थिइन् ।

तस्विरहरु : उमेश कार्की

 

काठमाडौं । विश्व सुप्रान्यासनल पेजेन्टमा भाग लिन मिस नेपाल सिमल कनौजिया सोमबार बेलुका पोल्यान्डतर्फ प्रस्थान गरेकी छिन् ।

अगस्ट २१ मा पोल्यान्डको नोवा साजमा आयोजना हुने प्रतिस्पर्धामा भाग लिन सिमल त्यसतर्फ प्रस्थान गरेकी हुन् । प्रस्थान गर्नुअघि त्रिभुवन विमानस्थलमा नेपाल प्रेससँग कुरा गर्दै उनले आत्मविश्वास बोकेर जान लागेकी बताइन् ।

गत डिसेम्बर ५ मा कोरोनाभाइरस महामारीको बीचमा काठमाडौंमा भएको मिस नेपाल प्रतिस्पर्धामा सिमलले मिस सुप्रान्यासनल विधामा जित हासिल गरेकी थिइन् ।

सिमललाई विमानस्थलमा हिडन ट्रेजरका प्रतिनिधिहरुले राष्ट्रिय झण्डासहित बिदाई गरेका थिए ।

काठमाडौं । लोक तथा दोहोरी गीत प्रतिष्ठानले गायक दुर्गेश थापालाई आजीवन सदस्य नरहने गरी संस्थाबाट निष्कासनको घोषणा गरेको छ । साथै, संस्थाले थापासँग सहकार्य नगर्ने निर्णय पनि गरेको छ ।

साउन १७ गते बसेको बैठकले थापालाई कार्वाहीको निर्णय गरेको प्रतिष्ठानअन्तर्गत गठित विकृति विसंगति न्यूनीकरण विभागका संयोजक शिव हमालले नेपाल प्रेसलाई जानकारी दिए ।

‘हामीले आधिकारिक निर्णय गरेका छौं र जरुरी परे विज्ञप्ति पनि जारी गर्नेछौं’ हमालले भने, ‘उहाँलाई स्पष्टीकरण मागेका पनि थियौं । तर, उहाँले आफ्नो गीत लोकदोहोरी नभएर हिपहप भएकाले संस्थाको निर्णय नमान्ने जवाफ दिनुभयो ।’

आफूहरुले व्यक्तिभन्दा पनि प्रवृत्तिको विरोध गरेकाले भविष्यमा अन्य कलाकारको लागि पनि यो पाठ हुने उनको भनाई छ । ‘सच्चिएर आएको खण्डमा दुर्गेशजीलाई संस्थामा स्वागत हुन्छ’ उनले भने ।

दुर्गेशले गतसाता ख्यास्स पुतली बोलको तीज गीतलाई युट्युवमा रिलिज गरेका थिए । गीतमा प्रयुक्त ख्यास्स पुतली शब्दलाई सच्याउन प्रतिष्ठानले विज्ञप्तिमार्फत आग्रह गरेको थियो । तर, थापाले अन्य कलाकारले पनि यस्तै शैलीका शब्द प्रयोग गरेकाले नहटाउने अडान राखेका थिए ।

बेइजिङ । चिनियाँ प्रहरीले विश्वचर्चित पपगायक क्रिस वुलाई बलात्कार अभियोगमा पक्राउ गरेको छ । चिनियाँ मूलका यी क्यानडेली गायकलाई मीटु अभियानकर्ताले अभियोग लगाउँदै आएका थिए ।

पपगायकलाई पक्राउ गरिएको घटनाले चीनमा तरंग सिर्जना गरेको छ । गायक वुलाई लगाइएको आरोपबारे प्रहरीले विस्तृत नखुलाएपनि युनिभर्सिटीकी एक १८ वर्षिया विद्यार्थीले आफूलाई अवसरको लोभ देखाएर यौन सम्बन्ध बनाएको आरोप लगाएपछि पक्राउ गरिएको जनाएको छ ।

यौन दुव्र्यहारविरुद्ध सुरु भएको मीटु अभियान सुरु भएपछि पक्राउ पर्ने ३० वर्षिय गायक वु अहिलेसम्मकै ठूला अनुहार हुन् । कोरियाली पप ब्यान्ड एक्सओबाट गायन करियर थालेका उनी पछिल्लो समय सोलो मोडेल र गायकको रुपमा प्रख्यात छन् ।

तर, उनले आफूविरुद्ध लगाइएका अभियोगलाई खण्डन गरेका छन् । शनिबार राती सामाजिक संजालमा पोस्ट गरिएको एक सूचनामा चायोयाङ डिस्ट्रिक्स प्रहरीले गायक वुविरुद्ध लगाइएका आरोपबारे अनुसन्धान भैरहेको जनाएको छ ।

आरोप लगाउने युवती डु मेइजुले गत डिसेम्बरमा आफूलाई गायक वुका एजेन्टले काम छ भन्दै बोलाएको र यौन शोषण गरेको आरोप लगाएकी छिन् ।

काठमाडौँ। कोरोनाभाइरस महामारीले फिल्म हलहरु बन्द हुँदा निर्माताको रोजाइमा ओटीटी प्लेटफर्म पर्न थालेका छन् । नाजिर हुसेन अभिनित फिल्म ‘लभ सर्कल’ पनि अब ओटीटीमा रिलिज हुने भएको छ । फिल्मले प्रदर्शन मिति घोषणा गर्दै फस्टलुक पोस्टर पनि लन्च गरेको छ ।

निर्माताका अनुसार नेटटिभी, डीसहोम लगायतका प्लेटफर्ममा यो फिल्म साउन २९ गते रिलिज हुनेछ । डिजिटल राइट खरिद गरेको ओएसआर डीजीटलले अन्य प्लेटफर्ममा पनि फिल्म रिलिज हुने जनाएको छ । मी टिभीको प्रस्तुतिमा निर्माण भएको फिल्मलाई ओमप्रकाश अग्रवाल र रोशन पौडेलले निर्माण गरेका हुन्। कमेडी र सस्पेन्स थ्रिलर जनरामा बनेको फिल्मको निर्देशन बसन्त निरौलाले गरेका हुन्।

लकडाउनले फुर्सदमा रहेका कलाकार तथा प्राविधिकलाई राहत मिलोस् भनेर डिजिटल प्लेटफर्ममा मात्र प्रदर्शन गर्न लागिएको निर्देशक निरौलाले जानकारी दिए । महामारीसँगै फिल्मलाई चलायमान बनाउन पनि रिलिज प्रभावकारी हुने आशा उनले लिएका छन् ।

फिल्ममा नाजिर हुसेन, मुकुन भुषाल, पवित्रा आचार्य, रबिन्द्र झा, रिस्ता बस्नेत र सुमन कोइरालाको अभिनय छ। कमेडी च्याम्पियनमा दले दाईको नामले चिनिएका सुमन कोइराला यही फिल्ममार्फत डेब्यु गर्दैछन् । फिल्ममा अंकितबाबु अधिकारीको संगीत, श्रीधर पौडेलको पोस्टर फोटोग्राफी, मुख्य सहायक निर्देशक बिनय पौडेल, लेखन अभिमन्यु निरवी, कोरियोग्राफी पवित्रा आचार्य र सम्पादन शाहील खान र मिलन श्रेष्ठको छ।

काठमाडौं । कोरोनाभाइरस महामारीले डेढवर्षदेखि मनोरञ्जन क्षेत्र पूर्णतया ठप्प छ । अब कहिलेदेखि फिल्म, नाटक, संगीत र फेसनका गतिविधि सामान्य अवस्थामा फर्किन्छन् भन्ने प्रश्नको जवाफ कसैसँग छैन । गतवर्ष चैत ११ गते पहिलोे लकडाउन भएयता फिल्म क्षेत्र १० महीना ठप्प रह्यो । कोरोनाको दोस्रो लहर रोकथामका लागि जारी निषेधाज्ञा अहिले पनि जारी छ र फिल्म क्षेत्र अहिले पनि लकडाउनमै छ ।

सरकारले दशैं आसपासबाट भाइरसको तेस्रो लहर आउने प्रक्षेपण गरेसँगै परिस्थितीलाई झनै अन्यौल बनाइदिएको छ । महामारीले सबैभन्दा बढी प्रभावित फिल्म र संगीत क्षेत्र अहिले सबैभन्दा प्रभावित छ । देशभरका ७२ हजार फिल्मका सिटहरु रित्तो भएको मात्र हैन, यस क्षेत्रमा आश्रित हजारौंको भविष्य समेत चौपट बनेको छ । कतिपय सँधैका लागि पलायन भएका छन् भने कुनैबेलाका सुपरस्टारहरुले अहिले वैकल्पिक पेशा व्यवसाय सुरु गरेका छन् ।

नेपाल चलचित्र संघका अनुसार ३० प्रतिशत फिल्म हल सँधैका लागि बन्द भएका छन् । नेपाली फिल्म परिवर्तनको साक्षी बनेका कुमारी र जयनेपाल फिल्म हल सँधैका लागि बन्द भए । अन्य धेरै हल बन्द हुने क्रममा छन् । कोरोनाको पहिलो लहरले धक्का दिएको फिल्म क्षेत्रलाई दोस्रो लहरले उठ्नै नसक्ने गरी सुताइदियो । तेस्रो लहरले अझै बढी फिल्म तथा संगीतकर्मी पेशाबाट पलायन हुने जोखिम रहेको जानकार बताउँछन् ।

केही यस्ता कलाकार छन् जो महामारीअघि निकै हिट रहे । उनीहरुका प्रत्येक फिल्म करोड क्लबमा प्रवेश मात्र गरेनन्, बक्सअफिसमा पैसा छाप्ने नामहरु थिए । महामारीको कारण अहिले नाम चलेका कलाकार पनि वैकल्पिक पेशातर्फ सोझिएका छन् ।

कतिपय कलाकार वैकल्पिक व्यवसायमा लागेका छन् भने कतिपय प्राविधिक सँधैका लागि पलायन भएका छन् । महामारीले स्वदेशमा भविष्य नदेखेपछि विदेश पलायन हुने सेलेव्रिटीको सूची पनि लामै छ । अधिकांश कलाकार आर्थिक कठिनाइ र मानसिक समस्यासँग संघर्ष गरिरहेका छन् । स्वभावैले लार्जर द्यान लाइफ चरित्र अँगाल्ने कलाकारको जीवन हातमुख जोर्ने कुरामै संघर्ष गरिरहेको स्थिती हो अहिले ।

महामारीले कलाकारलाई वैकल्पिक पेशा अँगाल्न पनि बाध्य तुल्याइदिएको छ । चल्तीका कलाकार समेत अहिले आफ्ना ब्रान्ड प्रवद्र्धन गर्नेदेखि व्यवसाय सुरुआत गर्ने चटोरामा व्यस्त छन् । कतिपयले विभिन्न कम्पनीमा सेयरहोल्डरको काम थालेका छन् भने कतिपयले डिजिटल प्लेटफर्मबाट आफूलाई व्यस्त राख्ने प्रयास गरेका छन् । फाट्टफुट्ट केही कलाकार म्युजिक भिडिओमा व्यस्त हुने गरेपनि सँधैभरि यस्तो निरन्तरता हुने कुरामा अन्यौलता छ ।

तेस्रो लहर सुरु हुने भएपछि मनोरञ्जन क्षेत्र थप संकटमा पर्ने देखिएको छ । बरिष्ठ फिल्म निर्देशक एवं निर्माता अशोक शर्मा महामारीको कारण नेपाली फिल्म दशवर्ष पछाडि धकेलिएको बताउँछन् । ‘केही वर्ष मात्र हैन, लयमा फर्कन अझै दशवर्ष लाग्छ’ उनी भन्छन्, ‘यसले फिल्म निर्माण, प्रदर्शन र वितरणको चक्र नै खलबलिएको छ ।’ भाइरसका आगामी लहरले पार्ने असरलाई अनुमानै गर्न नसकिने शर्माको कथन छ ।

चलचित्र विकास बोर्डका अध्यक्ष दयाराम दाहाल फिल्म क्षेत्रलाई लयमा फर्काउन सरकारले पहल गरिरहेको बताउँछन् । ‘परिस्थिती निश्चित नै छैन । सकेसम्म परिस्थितीलाई सामान्य अवस्थामा फर्काउन हामीले कोभिड राहत प्याकेज ल्याउन पहल गरिरहेका छौं । आगामी मौद्रिक नीतिले पनि यो समस्यालाई पहल हुने विश्वास लिएको छु’ दाहाल भन्छन, ‘समस्यामा परेका कलाकार र फिल्मकर्मीलाई हामीले बोर्डबाटै सहयोग गरिरहेका छौं । कसैलाई गाह्रो हुन दिएका छैनौं ।’

केही यस्ता कलाकार छन् जो महामारीअघि निकै हिट रहे । उनीहरुका प्रत्येक फिल्म करोड क्लबमा प्रवेश मात्र गरेनन्, बक्सअफिसमा पैसा छाप्ने नामहरु थिए । महामारीको कारण अहिले नाम चलेका कलाकार पनि वैकल्पिक पेशातर्फ सोझिएका छन् । जसमा सर्वाधिक कमाइ गरेको नेपाली फिल्म छक्का पञ्जाका निर्माता दीपकराज गिरीदेखि पछिल्लो छिमलमा रुचाइएकी दीपिका प्रसाईँसम्म छन् । केही सेलेव्रिटीलाई बुझौं जसले कलाकारितासँगै महामारीबीचमा पनि वैकल्पिक पेशालाई पनि निरन्तरता दिइरहेका छन् ।

दीपकराज गिरी : गाईपालनदेखि अर्गानिक भिलेजसम्म

फिल्मको हाँस्यविधामा अग्रणी अभिनेता एवं निर्माता दीपकराज गिरी अझै केही वर्ष आफ्नो ब्लकबस्टर सिरिज ‘छक्का पञ्जा’लाई निर्माण गर्ने योजनामा छैनन् । भाइरस संक्रमणको अवस्था सामान्य रहे यसवर्ष होमप्रोडक्सन बाहेकका कुनै फिल्म बनाउने उनको योजना छ । तर, दीपकको प्राथमिकतामा अहिले फिल्म हैन बरु अर्कै एक व्यवसाय सुरु हुँदैछ । दीपक अहिले आफ्नो जन्मथलो चन्द्रागिरी नगरपालिकाको दहचोकस्थित पुख्र्यौली जग्गामा फार्म हाउस बनाउँदैछन् ।

फार्म हाउसमा गाईपालन गर्ने र त्यसलाई अर्गानिक भिलेजको रुपमा विकास गर्ने तयारीमा छन् उनी । फार्म हाउसलाई भविष्यमा आउटडोर फिल्म स्टुडियोको रुपमा विकास गर्ने उनको लक्ष्य छ । लेख्दा लेख्दैको स्क्रिप्टलाई थान्को लगाएर उनी तयारीमा जुटेका हुन् । हजुरबुबाले जोडेको जग्गामा फार्म हाउस बनाउन अघिल्लो लकडाउनदेखि उनले सुरुआत गरेका छन् । ‘भर्खर सुरु हुँदैछ । पुरा हुन अझै दुईतीन वर्ष लाग्न सक्छ’ नेपाल प्रेससँग उनले भने ।

‘सबैभन्दा पहिला त लकडाउनले गर्दा नै वैकल्पिक पेशामा लागिएको हो । लकडाउन नहुँदा खालि सिनेमा मात्र हुन्थ्यो । दिमागमा फिल्म बनाउने कुरा मात्र हुन्थ्यो । कथा लेख्ने सोचिन्थ्यो । लकडाउनले चैँ फुर्सदमा के गर्ने भन्ने सोच्न थालियो र व्यवसायतर्फ लागिएको हो’ उनले भने ।

यति मात्र होइन उनी अहिले कृषिकर्म गर्नलाई जमिनहरु किन्ने र भाडामा लिने काम गरिरहेका छन् । आफू जन्मेको गाउँलाई संरक्षण गर्ने र नाफा नभए पनि गाउँलाई सुन्दर बनाउनतर्फ लागेको दीपक बताउँछन् । व्यवसायलाई दीर्घकालिन रुपमा अगाडी बढाउँदै र परिस्थिती अनुकूल भए फिल्म सुटिङ गर्ने कामलाई पनि दशैंतिहार पछि निरन्तरता दिने उनको भनाई छ ।

दीपिका र दीवाकर : सहकारीदेखि रेष्टुरेन्टसम्म

निर्देशक दिवाकर भट्टराई र नायिका दीपिका प्रसाइँ सम्बन्धले पति पत्नी हुन् । दोस्रो लहरको निषेधाज्ञा सुरु हुनुअघि दुबैजना आफ्नो लगानीको फिल्म निर्माणको तयारीमा थिए । निषेधाज्ञासँगै सुटिङ रोकिएन मात्रै, उनीहरु वैकल्पिक कामतर्फ सोझिए । फिल्मको काम ठप्प भएपछि दुबैजना मिलेर विभिन्न व्यवसायमा हात हालेका छन् । यो जोडीले ललितपुरस्थित कुमारीपाटीमा वित्तिय सहकारी व्यवसाय सुरु गरेको छ ।

लाखौं लगानीमा काठमाडौंको गैरीधारामा रेष्टुरेन्ट पनि खोलेका छन् । थप व्यवसाय गर्ने योजना अनुसार यसैसाता साता धनगढीमा लोकेसन हेरेर पनि आएका छन् । दीवाकर लकडाउनअघि फिल्म ‘तिमी सँगै हुने मन छ’को छायांकन तयारीमा थिए । बन्दले गर्दा उनको प्रोजेक्ट अनिश्चितकालको लागि पोस्टपोन्ड भएको छ । भन्छन्, एकदुई वर्ष भयो कोरोनाले काम नभएको । अहिले पनि कोरोनाको तेस्रो लहरको कुरा आइरहेको छ । फिल्म क्षेत्र खोल्न पाईरहेको छैन । जीवनलाई अगाडी बढाउन समस्या भएर नै वैकल्पीक पेशा सुरु गरेका हौं ।’

उनीहरु अझै चारदेखि पाँच वटासम्म रेष्टुरेन्टको फ्रेन्चाइज खोल्ने तयारीमा छन् । दिवाकर भन्छन्, ‘पुरै क्षेत्रहरु नखुली फिल्म सुुट गर्न मिल्दैन । मैले इन्डियाबाट बोलाएको कलाकारलाई लकडाउनको कारणले फर्काइसकेको छु । त्यसैले कोभिडको खोपहरु लगाइसकेपछि बोलाउँछु ।’ फिल्मसँगै सहकारी, रेष्टुरेन्टजस्ता पेशालाई समय मिलाएर अघि बढ्ने योजनामा दीवाकर र दीपिका छन् । ‘अब फिल्म र व्यवसायलाई समय मिलाएर अघि बढाउनेछौं’ उनले भने । कोरोनाको परिस्थिती सामान्य भए रोकिएको फिल्म ‘तिमीसँगै हुने मन छ’लाई दशैंतिहार पछि छायांकन गर्ने तयारीमा उनी छन् ।

वर्षा र संजोग : चिया अड्डाको फ्रेन्चाइज विस्तारमा

 

अभिनय करियरसँगै प्रेम विहे गरेको यो जोडी दर्शकले रुचाउने नाम हो । लकडाउनअघि यी दुबैजना व्यस्त थिए । पाइपलाइनमा केही फिल्महरु पनि । साइन गरेका फिल्महरु लकडाउनले रोकिएपछि संजोग र वर्षाले नयाँ काइदा निकाले : चिया बेच्ने । उनीहरुले चियाको ब्रान्डिङ गर्ने सोचअनुसार खोले चिया अड्डा । लाखौं लगानी गरेर यो जोडीले काठमाडौंको नयाँबानेश्वरमा चियाको व्यापार थालेका छन् । उनीहरुको व्यवसायमा दीपाश्री निरौला र दीपकराज गिरीले पनि सघाएका छन् ।

रहरले नभई परिस्थितिले यो व्यवसायमा आइपुगेको उनीहरुको कथन छ । संजोग भन्छन्, ‘लकडाउनकै कारण हामीले चिया अड्डा खोल्न पायौं, लकडाउन हाम्रा लागि एउटा माध्यम बन्यो । आगामी दुईतीन वर्षमा दसवटा चिया अड्डा खोल्ने सोच छ ।’ लकडाउनले गर्दा व्यवसाय कसरी अगाडि लैजानुपर्छ भनेर बुझ्ने अवसर पाएको उनी बताउँछन् । कोरोनाका कारण वैकल्पिक पेशा अपनाउनुपर्ने अवस्था आएकाले चिया अड्डामा पनि लगानी गरिएको संजोगको भनाई छ ।

साम्राज्ञी शाह : अनलाइन कस्ट्युम व्यापारमा व्यस्त

भुवन केसीले निर्माण गरेको फिल्म ‘ड्रीम्स’ हिट भएपछि साम्राज्ञी शाहले त्यसयता पछाडि फर्केर हेर्नुपरेन । उनले लगातार हिट फिल्म दिइरहिन् । उनको नामकै लागि निर्माताले करोडौंको जोखिम समेत उठाउन पछि परेनन् । मल्टिप्लेक्स र तन्नेरी दर्शकमाझ हिट हिरोइन साम्राज्ञी अहिले भने महामारीले गर्दा वैकल्पिक व्यवसायमा व्यस्त भएकी छिन् । लकडाउनअघि ‘रातो टीका निधारमा’ फिल्ममा देखिएकी उनले ‘तिम्रो मेरो साथ’ मा समेत काम गरिन् । ती फिल्मले उनलाई सोचेजस्तो बक्सअफिस सफलता दिएन । मारुनी फिल्मले राहत दिएपनि त्यो पर्याप्त रहेन । तर, भाइरस लकडाउनपछि साम्राज्ञीको व्यस्तता बदलिएको छ ।

तपाईं इन्स्टाग्राम एकाउन्ट स्क्रल गर्नुहुन्छ भने साम्राज्ञीको व्यस्तता देख्नुहुन्छ । ‘प्याप्ड’ नामक अनलाइन कस्ट्युम व्यापार थालेकी साम्राज्ञीले इन्स्टाग्राम, फेसबुकजस्ता सामाजिक संजालबाट ब्रान्डको प्रवद्र्धन मात्र गरेकी छैनन, उनी यिनै प्लेटफर्मबाट ग्राहकसँग अन्तक्रिया गर्छिन् । आउने अर्डरको आधारमा उनले विश्वभरि कस्ट्युमहरु डेलिभर समेत गर्छिन् । अनलाइनमा स्टाइलिस लेडीज परिधान विक्रीलाई राखेकी छिन् । टाइमलाइनमा केटीहरुलाई लक्षित गर्दै स्टाइलिस परिधानका तस्विर पोस्ट गर्छिन् । उनको अनलाइन सर्भिसमा प्यान्ट, सट्, ब्लेजर, सिल्की ड्रेस, टू पीसजस्ता डिजाइन उपलब्ध छन् ।

कलाकर्मी कोही कुखुरापालनदेखि तरकारी फलाउँदै

निर्देशक गणेश पाण्डे अहिले काठमाडौंको बागमती करिडोर नजिक चिया पसल संचालन गर्न व्यस्त छन् । अभिनेत्री आँचल शर्मा पति उदिप श्रेष्ठको क्लिनिक चलाउन व्यस्त छिन् । अभिनेत्री वर्षा शिवाकोटीले पहिलो लहरको महामारीपछि एक कार्यालयको व्यवस्थापनको गर्न थालेको जनाएकी थिइन् । नाम चलेका केही फिल्म प्राविधिकहरु अहिले घर फर्किएर तरकारी व्यवसाय र ठेक्का पट्टामा समेत संलग्न हुन थालेका छन् । प्रायः फिल्म हल बन्द भएपछि त्यहाँका स्टाफहरु गाउँ फर्किएर कृषिकर्म व्यस्त छन् भने कतिपयले रेष्टुरेन्टजस्ता व्यवसाय थालेका छन् ।

चलचित्र प्राविधिक संघका अध्यक्ष पुष्कर लामा एउटा प्राविधिक उत्पादन गर्न पाँचवर्ष लाग्ने भएकाले एकजना प्राविधिक पनि पलायन हुनु राष्ट्रकै लागि क्षति हुने बताउँछन् । उनका अनुसार पहिलो लहरकै लकडाउनमा १५ देखि २० प्रतिशत प्राविधिक पलायन भएका थिए । दोस्रो लहरमा सो संख्यामा वृद्धि भएको लामा बताउँछन् । लामाकै पहलमा विपन्न प्राविधिकलाई राहत वितरण गर्ने काम पनि भैरहेको छ ।

राजेश भन्छन् : कलाकारिता असुरक्षित पेशा

कुनैबेला निकै व्यस्त रहने अभिनेता राजेश हमाल पहिलो लकडाउनमा टेलिभिजन कार्यक्रममा व्यस्त रहे । दोस्रो लहरको लकडाउनमा भने उनी बेरोजगारजस्तै छन् । पत्नी मधु र उनी अहिले केही म्युजिक भिडिओमा व्यस्त छन् । राजेश हमालले अहिले कति फुर्सदमा छन् भन्ने कुरा बुझ्न उनका सामाजिक संजालका टाइमलाइन हेरे पुग्छ । फुर्सदमा टीकटक बनाउनेदेखि म्युजिक भिडिओ प्रवद्र्धनमा उनको व्यस्तता देख्न पाइन्छ । निषेधाज्ञा खुल्ने वित्तिकै हमाल मोटिभेसनल स्पिकर बनेर देश दौडाहामा निस्कने तयारीमा छन् ।

हालैको एक टेलिभिजन अन्तर्वार्तामा हमालले नेपालमा मात्र नभएर विश्वभर नै कलाकारिता असुरक्षित पेशा भएको बताए । महामारीको कारण झनै असुरक्षा पैदा भएको जनाउँदै उनले यस्तो अनुभव आफूले पटक-पटक गरेको स्मरण समेत गरे । सुरुमा एउटा फिल्म हिट हुने भएपनि त्यसपछिका फिल्म नचल्ने बताउँदै उनी सुरक्षित हुने पेशा रोज्न पनि नयाँ छिमलका कलाकारलाई सुझाव दिन्छन् ।

उनी भन्छन्, ‘कलाकारितामा लागेर सफलता हासिल हुन्छ, करिअर बन्छ, जीविकोपार्जन लामो समयसम्म गरिरहन सकिन्छ भन्ने कुनै ग्यारेन्टी छैन । कलाकारिता क्षेत्रको कुरा गर्दा, यो वर्ष त म चलेँ तर अर्को वर्ष चल्छु कि चल्दिन भनेर असुरक्षित महसुस हुन्थ्यो, पहिलो फिल्म भव्यताका साथ रुचाइयो भने पनि दोस्रो फिल्मलाई पनि त्यही अनुपातमा रुचाइन्छ भन्ने कुनै ग्यारेन्टी छैन ।’

फिल्म क्षेत्रमा हात हाल्दा प्लान-बी चाहिने हमालको सुझाव छ । ‘यो क्षेत्रमा सफल भइएन भने अर्को पेशामा जान्छु भनेर ठोस योेजना बनाउनु पर्छ’, उनी भन्छन् ‘कलाकारिताभन्दा अन्य पेशामा काम गर्दा दीर्घकालिन हुन्छ ।’ प्रस्तुत कलाकारहरु त प्रतिनिधि पात्र मात्र हुन्, महामारीको कारण चम्किलो जीवनभित्र दुःखजिलो जीवन बाँच्नेहरुको कथा अझै दुरुह छ ।

काठमाडौं । गायन रियालिटी सो द भ्वाइस अफ नेपालको चालु सिजनका अन्तिम प्रतिस्पर्धी छानिएका छन् । शुक्रबार सम्पन्न सेमीफाइनलबाट अन्तिम चार प्रतिस्पर्धी छनौट भएका हुन् ।

चारजना कोचको तर्फबाट एक-एक प्रतिस्पर्धी फाइनल प्रवेश गरेका हुन् । टीम दीप श्रेष्ठबाट आर्यन तामाङ, टीम प्रमोद खरेलबाट किरण गजमेर, टीम राजु लामाबाट तारा श्रीश मगर र टीम तृष्णा गुरुङबाट ज्वाला राई छानिएका हुन् ।

यी चारजनाबीच फिनाली हुनेछ र तीमध्ये एक सिजनका विजेता हुनेछन् ।

लस एन्जल्स । सम्झौता विपरित ओटीटी प्लेटफर्ममा फिल्म रिलिज गरेको भन्दै हलिउड अभिनेत्री स्कारलेट जोहान्सनले निर्माता कम्पनी डिज्ने स्टुडियोविरुद्ध मुद्दा दायर गरेकी छिन् ।

डिज्नेले यसअघि जोहान्सन अभिनित ‘ब्ल्याक विडो’ डिज्ने प्लस प्लेटफर्ममा रिलिज गरेको थियो । महामारीको कारण डिज्नेको यो बहुचर्चित फिल्म थिएटर र ओटीटीमा रिलिज भएको थियो ।

स्ट्रिमिङ सर्भिसबाट नाफा कमाउने उद्देश्यलाई ध्यानमा राख्दै डिज्नेले ओटीटीमा फिल्म रिलिज गरेको आरोप जोहान्सनले लगाएकी छिन् । डिज्नेका प्रवक्ताले विज्ञप्ति जारी गर्दै कम्पनीविरुद्ध दायर मुद्दाको कुनै अर्थ नभएको बताएका छन् ।

‘दायर मुद्दाको कुनै औचित्य छैन किनभने कोभिड–१९ महामारी रोकथामको दीर्घकालिन प्रयत्नका लागि यसले सघाउन पुर्‍याउँदैन’ विज्ञप्तिमा उल्लेख छ, ‘डिज्ने प्लसमा ब्ल्याक विडो फिल्म प्रिमियरले अन्ततः जोहान्सनकै क्षमता वृद्धि गर्नेछ र क्षतिको पूर्ति समेत गर्नेछ ।’

महामारीको कारण रिलिजमा ढिलाइ भएको फिल्म ब्ल्याक विडो गत जनवरीमा विश्वभरका हलसँगै डिज्ने प्लस प्लेटफर्ममा रिलिज भएको थियो । डिज्नेका अनुसार डिज्ने प्लस रिलिजबाट फिल्मले ६० मिलियन डलर कमाइ गरेको थियो ।