काठमाडौँ । गत शुक्रबारदेखि देशभर प्रदर्शनमा रहेको नेपाली चलचित्र ‘बगान’ले सफलतामा नयाँ सङ्केत दिइरहेको छ । मंगलबार देशभर राम्रो अकुपेन्सीसहित चलेको यो चलचित्रले काठमाडौं उपत्यका बाहिरका हलहरूमा पनि व्यापारको नयाँ सम्भावना देखाएको छ । मंगलबारका शोहरूमा दर्शकको उपस्थिती उच्च देखिएको थियो । यसैबीच पूर्वराष्ट्रपति विद्यादेवी भण्डारी सहित कलाकर्मी, राजनीतिज्ञ, साहित्यकार तथा विश्लेषकहरूले मंगलबार साँझ ‘बगान’ हेरेका छन् ।
अभिनयमा सदावहार लोकप्रिय सरोज खनालको निर्देशनमा एकल आमा र उनले हुर्काएकी छोरीको कथामा बनेको यो चलचित्र हेरेपश्चात पूर्वराष्ट्रपति भण्डारीले चलचित्रको कथावस्तु राम्रो रहेको र समाजमा नयाँ सन्देश दिने प्रतिक्रिया दिईन् ।
वरिष्ठ पत्रकार तथा राजनीतिज्ञ रवीन्द्र मिश्रले जुन विषयवस्तुलाई प्रोत्साहित गर्नुपर्छ सो विषय ‘बगान’ले उठाएको बताए । उनले पुरुष महिला दुवैले मुखले अधिकारको कुरा गरेपनि भित्री मनले आफुसँग सम्बन्धित एकल महिलाले विवाह नगरेहुन्थ्यो भन्ने सोच समाजमा अहिले पनि विद्यमान रहेको र यो विषयलाई शसक्त रूपमा चलचित्रमा प्रस्तुत गरिएको प्रतिक्रिया दिए । पूर्वमन्त्री हिसिला यमीले अभिनेत्री करिश्मा मानन्धर आफै पनि तमाम् महिलाहरूको लागि प्रेरणा रहेको बताउँदै उस्तै प्रकृतिको चलचित्र हेर्न पाएको बताईन् ।
वरिष्ठ कलाकार मदनकृष्ण श्रेष्ठले यो चलचित्र आमा छोरी नै आएर हेर्नुपर्ने बताए । ‘नारीमाथी भईरहेको अन्यायको विषय उठेको छ । समाजको लागि राम्रो सन्देश दिएको छ । जे जति देखाईएको छ, सबै मनले स्विकारेको छ’, श्रेष्ठले भने, ‘महिलाहरूले सतिप्रथा जस्तो सुन्दै डरलाग्ने अन्याय पनि भोगेका थिए । अहिले पनि श्रीमान वितेपछि समाजमा जिउँदै जलेर बस्नुपर्ने बाध्यता छँदैछ । यो कथा उठाएकोमा सरोज खनाललाई धन्यवाद छ ।’
वरिष्ठ कलाकार हरिवंश आचार्यले यो चलचित्रको विषय नै मुटु छुने रहेको बताए । ‘जो मानिसले एक्लो जीवन बिताउनुपर्छ उसले मुटुमा भएको कुरा छैन है भनेर बाहिर राखेर हिँड्नुपर्छ । यो विषय नै त्यस्तै छ’, आचार्यले भने । उनले निर्देशनमा हात हालेका खनालले राम्रो काम गरेको बताउँदै नव अभिनेत्री प्रमिला कार्की र अभिनेत्री मानन्धरको तारिफ गरे । कलाकार किरण केसीले चलचित्रमा धेरैपटक रुवाएको भन्दै अभिनेत्री कार्कीको प्रशंसा गरे । प्रमिलालाई साथमा राख्दै उनले भने, ‘तपाईंलाई भगवानले अभिनय गर्न नै भनेर पठाएको हुन् । भविष्य उज्जव छ ।’ यो चलचित्रमा अभिनयका माहिरहरूले अभिनय गरेको बताउँदै उनले यो चलचित्र सबै नेपालीले हेर्नैपर्ने रहेको जिकिर गरे ।
निर्देशक तुलसी घिमिरेले यो विषय एकदम सुनौलो र समाजको लागि बलियो सन्देश रहेको बताए । यो चलचित्रले मानिसको जीवनसँग प्रत्यक्ष सम्बन्ध राख्ने उल्लेख गरे । संविधानविद् भिमार्जुन आचार्यले नेपाली समाजमा संवेदना हराउँदै गएको अवस्थामा हाम्रै समाजको संवेदनशिल विषय उठान भएको बताए । नेपाल प्रहरीका पूर्व डिआईजी रमेश खरेलले आम नेपालीले यो चलचित्र हेर्न अनुरोध गरे ।
विशिष्ट व्यक्तिहरूबाट प्रशंसा पाएकी अभिनेत्री प्रमिला कार्कीले नयाँ आएको कलाकारको लागि उत्कृष्ट रहेको प्रतिक्रियाहरू आउँदा केही भन्नै नसक्ने अवस्था आएको जनाईन् । उनले भनिन्, ‘मैले सँधै कोहीपनि व्यक्ति पुरुष वा महिला भएरभन्दा पनि मान्छे भएर बाँच्न पाउनुपर्छ भन्ने आवाज उठाउने गरेको छु । यो चलचित्रमा मेरो पात्र पनि त्यस्तै मैले आगामी दिनमा पनि मैले निभाएका भूमिकाले समाज परिवर्तनको बाटो देखाउने हुनुपर्छ र त्यस्तै चाहन्छु ।’
मंगलबार बगान हेर्न दर्जनौँको सङ्ख्यामा विशिष्ट व्यक्तिहरू काठमाडौं सुन्धाराको सिभिल मलस्थित क्युएफएक्स सिनेमा हल पुगेका थिए ।
अभिनयका पारङ्गत अभिनेता सरोज खनालले प्रथम पटक निर्देशन गरेको चलचित्र ‘बगान’मा करिश्मा मानन्धर, आकाश श्रेष्ठ, प्रमिला कार्की, नीर शाह, बसुन्धरा भुषाल र मिथिला शर्मा लगायतको अभिनय रहेको छ । निर्देशक खनालको पनि यसमा प्रमुख भूमिका छ । अभिनेत्री कार्कीले यहि चलचित्रबाट अभिनयमा डेब्यु गरेकी हुन् ।
स्वप्निल नीरवको कथामा आधारित रहि बनेको यो चलचित्र नेपाली वेबसाइट डटकमको प्रस्तुतीमा बनेको हो । ‘बगान’का निर्माता सुरेश वाग्ले हुन् भने कार्यकारी निर्माता विनोद मानन्धर हुन् । यसमा गौरीशंकर धुजुको डिओपी, उत्सव दाहाल र नारायण जिसीको छायांकन, सन्देश शाहको सम्पादन, समिर मियाँको भि.एफ.एक्स. तथा रेनिश फागोको कलर करेक्शन रहेको छ । ब्याकराउन्ड स्कोर सुजिल कर्माचार्य र साउन्ड मिक्सिंग मुकेश शाहको रहेको छ । हरि लम्साल र सुवास भुषालको संगीत रहेको चलचित्रका गीतमा अञ्जु पन्त, सुगम पोखरेल र अस्मिता अधिकारीको स्वर रहेको छ ।
यो चलचित्र नेपाल रिलिजपछि अमेरिकासहित नेपालीको बसोबास रहने विभिन्न देशहरुमा फिल्म प्रदर्शन हुनेछ । ‘बगान’को वितरण रिच इन्टरटेन्मेन्ट र डिसिएनले काठमाडौँ उपत्यका र बाहिर एफडी कम्पनीले गरेको छ ।
केयू स्थापनामा सुरेशराज शर्मा, डाक्टर सीताराम अधिकारी, भद्रमान तुलाधर र रमेशनाथ ढुंगेल मिलेर नयाँ विश्वविद्यालय खोल्ने योजना बनाए । नेपालका विद्यार्थीहरु प्राविधिक तथा गुणस्तरीय उच्च शिक्षा लिन भारत, सोभियत संघ, बंगलादेश र फिलिपिन्स आदि देश जाने प्रचलन रोक्न नयाँ विश्वविद्यालय स्थापनाको सोच ल्याइएको थियो ।
केयूको मुख्यालय चाँगुनारायण क्षेत्रमा बन्ने पक्कापक्की भएको थियो । भक्तपुर जिल्ला पञ्चायतका तत्कालीन प्रधान पञ्च गणेशबहादुर खत्रीले तीन क्षेत्र देखाए । अहिले ठिमीमा बनेको क्षयरोग निवारण केन्द्र भएको क्षेत्र, नलिञ्चोक र चाँगुनारायण देखाए । शर्माको टोलीले चाँगुनारायण क्षेत्र मन परायो । सुरुमा ९७ रोपनी जग्गा पाउने र पछि थप ४० रोपनी पाउने आश्वासन पायो । डेनिस आर्किटेक्ट निल्स एक्सेलले नक्सांकन पनि गरे । गुरुयोजनाअनुसार एक हजार २०० सम्म विद्यार्थी अटाउने गरी तयारी गरियो । अचानक पुरातत्व विभागले एक पत्र पठाएर जंगल क्षेत्र भएको तथा विश्व सम्पदा क्षेत्र भएको भन्दै क्याम्पस बन्न नदिने भन्यो । शर्मालगायतको टोलीले राजा वीरेन्द्रसँग गुहारे । वीरेन्द्रले पनि नयाँ ठाउँ खोज्न सम्बन्धित अधिकारीहरुलाई निर्देशन दिए । यसरी चाँगुनारायण क्षेत्रको सम्भावना टर्यो ।
वीरेन्द्र विश्वविद्यालय बनाउनेदेखि मेडिकल सम्बन्धन दिन दबाब
हालसम्म केयूमा ५० बढी देशका झन्डै पाँच हजार विदेशी विद्यार्थीहरुले पढेको तथ्यांक शर्माले दिएका छन् । यस्तै विश्वविद्यालयबाट झन्डै ४० हजार नेपाली विद्यार्थीहरुले पढेको भन्दै शर्माले केयू भविष्यमा एसियाका उत्कृष्ट १०० र विश्वका उत्कृष्ट ५०० विश्वविद्यालयको सूचीमा दरिने लक्ष्य भएको उल्लेख गरेका छन् । विश्वविद्यालयको थप बलियो उपस्थिति बनाउन एक शक्तिशाली बोर्ड अफ ट्रस्टी बनाएर विश्वविद्यालयलाई स्वायत्तता दिनुपर्ने बताउँदै शर्माले केयूलाई आगामी दुईतीन दशकमा विश्वस्तरीय बनाउन हरेक वर्ष पाँच हजार विद्यार्थी भर्ना, खोजमूलक आवासीय कक्षाहरुदेखि वर्षको तीन अर्ब लगानी आवश्यक भएको बताएका छन् ।
सामाजिक सञ्जालमा केही दिनदेखि ताम्राकारको निधनलाई लिएर निर्देशकलगायतले भनेका भनाइहरु सार्वजनिक भइरहेका छन् । कलाकार र अन्य प्रयोगकर्ताले सामाजिक सञ्जालमार्फत पनि घटनाको छानबिन गरी यथार्थ पत्ता लगाउन माग राखेका छन् ।
