Author: Shyamkrishna Dahal

काठमाडौं । प्रदेश १ मा नेकपा विभाजनको असरले प्रदेशसभा बैठकमै मुठभेडको सम्भावना बढिरहेका बेला सोही प्रकृति झेलिरहेको वागमतीको प्रदेशसभा बैठक भने सहज रुपमा अघि बढाउन दलहरु सहमत भएका छन् ।

आज बस्न लागेको प्रदेशसभा बैठकमा दलका नेताहरुले शुभकामना मन्तव्य दिने बाहेक अरु कार्यसूची राखिएको छैन । नेकपा संसदीय दलका प्रमुख सचेतक केशव पाण्डेका अनुसार दल विभाजन नभएकै रुपमा आजको बैठकमा प्रस्तुत हुने तयारी छ ।

उनका अनुसार आजको बैठकमा नेकपा संसदीय दलको नेता तथा मुख्यमन्त्रीका रुपमा डोरमणि पौडेलले सम्बोधन गर्नेछन् । त्यस्तै विगतदेखिनै नेकपाको तर्फबाट बोल्ने परम्परा कायम राख्दै अष्टलक्ष्मी शाक्यले शुभकामना दिने कार्यक्रम छ ।

सबै दलका नेताहरुले शुभकामना मन्तव्य दिने र अविश्वास प्रस्ताव पेश गर्ने पक्षले चाहेमा विहीवारको बैठकमा सो प्रस्ताव टेबुल हुने बताइएको छ । अविश्वास प्रस्तावको व्यहोरामै त्रुटी रहेको भन्दै पाण्डेले सो प्रस्ताव पेश नहुने सम्भावना पनि उत्तिकै रहेको बताए ।

नेकपा विभाजन लगत्तै वागमतीका मुख्यमन्त्री डोरमणि पौडेलविरुद्ध प्रचण्ड माधव पक्षले अविश्वास प्रस्ताव दर्ता गराएको छ । सो पक्षले पौडेललाई दलको नेताबाट हटाएको घोषणा गर्दै अष्टलक्ष्मी शाक्यलाई नेता चयन गरेको छ ।

पोखरा । गण्डकी प्रदेश सभाको विशेष अधिवेशन संयुक्त संसदीय अनुगमन समिति गठन गर्दै मंगलबार सकिएको छ । सर्वदलीय सहमतिमा सभामा प्रस्तुत साझा संकल्प प्रस्ताव कोभिड-१९, महंगी नियन्त्रण आदि नियन्त्रण गर्न ९ सदस्यीय समिति गठन गरेको हो ।

समितिमा विभाजित नेकपा ओली समूहका मायानाथ अधिकारी, मित्रकुमारी गुरुङ सुवेदी र रोशन गाहामगर, प्रचण्ड–माधव समूहका आशा कोइराला, चन्द्रबहादुर बुढा, राजमोका खिमविक्रम शाही, जसपाकी धनमाया लामा पोखरेल, कांग्रेसका मणिभद्र शर्मा र सरिता गुरुङसहितको संसदीय समिति गठन भएको हो ।

प्रदेश सभा नियमावलीको नियम १५२ अनुसार संसदीय अनुगमन समिति गठन गर्न सक्ने उल्लेख छ । समितको कार्यकाल ३ महिनाको हुनेछ भने समितिले नै निर्धारण गर्ने सभामुख नेत्रनाथ अधिकारीले जानकारी दिएका छन् ।

प्रतिनिधि सभा विघटनपछि विभाजित बनेको सत्तारुढ दल नेकपा विवादका कारण अन्य प्रदेशमा सभा बस्न सकेको छैन । तर, गण्डकी प्रदेशमा भने विपक्षी दलहरूकै आग्रह र मागमा विशेष अधिवेशन डाकिएको थियो । जसमा कोभिड नियन्त्रणबारे १३ बुँदे साझा संकल्प प्रस्ताव पेश भएको थियो ।

सर्वदलीय सहमतिमा विशेष अधिवेशनको पाँचौं बैठकमा कांग्रेस संसदीय दलका नेता कृष्णचन्द्र नेपाली पोखरलेले प्रस्ताव पेश गरेका थिए । प्रस्तावको समर्थकमा जनता समाजवादी पार्टीका सांसद हरिशरण आचार्य, नेकपा संसदीय दलका प्रमुख सचेतक मायानाथ अधिकारी, नेकपा सांसद गायत्री गुरुङ र राष्ट्रिय जनमोर्चाका सांसद कृष्ण थापा थिए ।

संसद गफ गर्ने थलो होइन : मुख्यमन्त्री

सभामा गण्डकी प्रदेशका मुख्यमन्त्री पृथ्वीसुब्बा गुरुङले संसदलाई गफ गर्ने थलो नबनाउन आग्रह गरेका छन् । अधिवेशनमा उठेका प्रश्नको जवाफ दिँदै मुख्यमन्त्री गुरुङले भने, ‘जनताका समस्या समाधान गर्ने थलो हो । यहाँ क्रियटिभ छलफल हुन जरुरी छ । सरकार र सबै सांसद मिलेर प्रदेशलाई भिन्न बनाऔं ।’

कोरोना महामारी नियन्त्रणमा प्रदेशले उल्लेख्य काम गर्दागर्दै विपक्षी पार्टीभन्दा पनि आफ्नै पार्टीबाट विरोध आएको मुख्यमन्त्री गुरुङको गुनासो थियो । ‘पार्टीभित्रै बाट बढी विरो आयो । जहिले यो भएन, त्यो भएन भनियो । तर, यत्रो महामारी हुँदा पनि त्योबारे छलफल कहिल्यै भएन,’ उनले भने ।

अन्य प्रदेशमा आर्थिक वृद्धिदर ऋणात्मक हुँदा भने गण्डकीको धेरै आर्थिक वृद्धिदर रहेको दाबी मुख्यमन्त्री गुरुङ थियो । उनले भने ‘प्रदेशमा केही महंगी बढेको भएपनि आर्थिक वृद्धिदरमा हामी नै अघि छौं ।’ उनले आर्थिक वृद्धिदर बढाउने र गरिबीको रेखा घटाउने गरी काम गरिरहेको सुनाए ।

हालै नेपालमा पनि देखा परेको नयाँ प्रजातिको कोरोना भाइरस फैलिन नदिन प्रदेशले संघीय सरकारसँग समन्वय गरी अघि बढ्ने बताएका छन् । उनले प्रदेशका जिल्ला अस्पतालमा भेन्टिलेटरसहितको सघन कक्ष बनाउन लागेको भएपनि जनशक्ति अभावका कारण काम अघि बढ्न नसकेको दु:खेसो पोखे । उनले भने, ‘प्रदेशका सबै जिल्लामा भेन्टिलेटरसहितको सघन उपचार केन्द्र बनाउन लागेका छौं । तर, जनशक्ति अभावले कामै शुरू गर्न सकेका छैनौं ।’

काठमाडौं । विभाजित नेकपाका अध्यक्ष माधवकुमार नेपालले २०७१ सालमा केपी ओली अध्यक्ष भएपछि एमालेको ओरालो यात्रा शुरू भएको बताएका छन् ।

सम्पादहरुसँगको अन्तरक्रियामा नेपालले भने- ‘हाम्रो त बिजोग भो । ओलीबाट धेरै पीडा पाइयो । मनको बह कसलाई कह भनेर बसेका थियौं ।’ ओलीले पार्टी एकताको प्रस्ताव ल्याउँदा राहत महसुस गरे पनि पुन: विधि मिच्न थालेको उनको दु:खेसो थियो ।

‘ केपीले बैठकमा एकताको प्रस्ताव ल्याएपछि ओलीको पेलान र प्रवृतिबाट मुक्ति पाइने भयो भनेर ठूलो राहत महसुस भयो । तर, एकतापछि फेरि विधि मिच्न थालियो। अस्पतालमा बैठक बोलाइयो, बालकोटमा बैठक बोलाउने काम भो अहिले हामी ओलीबाट मुक्त भएका छौँ’, नेपालले भने ।

नेपालले भने- ‘ओलीले पहिलो नम्बरमा मलाई जेल कोच्ने र त्यसपछि प्रचण्डलाई जेल कोच्ने योजना बनाएको थिए । ललिता निवास प्रकरण त्यहीँको योजनाबाट थियो ।’

काठमाडौं । प्रतिनिधिसभा विघटनविरुद्ध सर्वोच्च अदालतमा परेको रिटमा मंगलबार ५ जनाले बहस गरेका छन् । रिट निवेदकहरुका तर्फबाट अधिवक्ताहरू शिवकुमार यादव, शेरबहादुर ढुंगाना, हर्कबहादुर रावल, रुद्र शर्मा र चन्द्रकान्त ज्ञवालीले बहस गरेका हुन् । ज्ञवालीको बहस जारी रहँदै मुद्धा हेर्दाहेर्दैमा राखेर भोलिका लागि सुनुवाइ तोकिएको छ । भोलि पनि ज्ञवालीले बहस गर्नेछन् ।

निवेदकका तर्फबाट बहसकर्ताहरूले प्रतिनिधिसभा विघटन असंवैधानिक भएको दाबी गरेका छन् । उनीहरूले प्रधानमन्त्री केपी शर्मा ओलीले आफ्नो पद जोगाउन संविधान नै धरापमा पारेकोले प्रतिनिधिसभा विघटन बदर गर्नुपर्ने धारणा राखेका छन् ।

प्रधानमन्त्री ओलीको सिफारिसमा राष्ट्रपति विद्यादेवी भण्डारीले पुस ५ गते प्रतिनिधि सभा विघटन गरेपछि विघटनविरुद्ध सर्वोच्चमा १३ वटा रीट दर्ता भएका थिए ।

काठमाडौं । प्रधानमन्त्री केपी शर्मा ओली नेतृत्वको नेकपाले वागमती प्रदेश कमिटीको अध्यक्षबाट नारायण दाहाललाई कारबाही गरेको छ ।

ओलीपक्षीय प्रदेश कमिटीको मंगलवारको बैठकले दाहाललाई अध्यक्षबाट हटाएर साबिक कमिटीका सचिव आनन्द पोखरेललाई प्रदेश कमिटीको अध्यक्ष चयन गरेको छ ।

प्रदेशको संयोजन गरिरहेका नेता ईश्वर पोखरेलले अध्यक्षमा आनन्द पोखरेल र प्रदेश कमिटी सचिवमा खेम लोहनीको नाम प्रस्ताव गरेका थिए ।
पूर्वमन्त्री पोखरेल दोलखाबाट २ पटक सांसद भइसकेका नेता हुन् भने खेम लोहनी विघटित प्रतिनिधिसभामा धादिङबाट निर्वाचित भएका थिए । उनी २०५४ सालमा धादिङ जिल्ला विकास समिति सभापति भएका थिए ।

२१९ सदस्यीय प्रदेश कमिटीका बहुमत सदस्यहरु उपस्थित रहेको बैठकले नयाँ नेतृत्व चयन गरेको पोखरेलले नेपालप्रेसलाई बताए । इन्जार्ज अष्टलक्ष्मी शाक्य र अध्यक्ष नारायण दाहाल प्रचण्ड माधव पक्षमा लागेपछि अ‍ोली पक्षले कमिटी पुनर्गठन गरेको हो । दाहाल अर्का अध्यक्ष प्रचण्डका भाइ हुन् ।

विराटनगर । नेकपा ओलीपक्षीय संसदीय दलको बैठक फनपार्कमा बसेको छ । दलका नेता एवं मुख्यमन्त्री शेरधन राईको अध्यक्षतामा बसेको बैठकले भोलि प्रदेश सभाको बैठकमा अविश्‍वासको प्रस्तावको सामना गर्न रणनीति बनाउने बताइएको छ ।

प्रदेश सभाको हिउँदे अधिवेशन भोलि २ बजेदेखि शुरू हुँदैछ ।

प्रचण्ड-माधव पक्षका सांसदहरूले मुख्यमन्त्री शेरधन राईविरुद्ध अविश्‍वासको प्रस्ताव दर्ता गराएका छन् । आफ्नो पक्षमा ४२ सांसद रहेको बताएपनि शुरूमा अविश्‍वासको प्रस्तावमा ३७ सांसदले हस्ताक्षर गरेका थिए । तीमध्ये ५ जना सांसदले हस्ताक्षर फिर्ता लिएर मुख्यमन्त्री राईलाई साथ दिएका छन् । राई नेतृत्वको सरकारको कित्तामा आएका प्रदेश सभा सदस्यहरूमा जसमाया गजमेर, गोपालचन्द्र बुढाथोकी, श्रीप्रसाद मैनाली, कला घले र बसन्तीदेवी यादव छन् ।

संसदीय दलका नेता शेरधन राईले १६ सांसदलाई कारबाही गरेसँगै उनीहरूलाई प्रदेश सभा बैठकमा प्रवेश रोक लगाउने तयारीमा रहेको प्रमुख सचेतक बुद्विकुमारराज भण्डारीले जानकारी दिए ।

पार्टी विभाजन भइनसकेको अवस्थामा दलको नेता शेरधन राईनै भएकाले दलको नेताको हैसियतमा उनीहरूलाई कारबाही गरिएकाले उनीहरूले अब प्रदेश सभाको काम कारबाहीमा सहभागी हुन नपाउने उनको दाबी छ ।

दुवै समूहले एक-अर्कालाई गरेको कारबाही अवैधानिक भएको दाबी गर्दै प्रदेश सभाको भोलिको बैठकमा सहभागी हुने पक्षमा प्रचण्ड-माधव पक्ष रहेका छन् भने ओली पक्षले कारबाही गरेका सांसदलाई प्रवेश नदिने तयारीमा छन् । जसका कारण भोलिको प्रदेश सभा बैठक मुडभेठतर्फ जाने सम्भावना बढेको छ ।

काठमाडौं । नेपाल कम्युनिष्‍ट पार्टीको आधिकारिकता आफ्नो रहेको दाबी गर्दै ऋषि कट्टेलले दायर गरेको मुद्दाको सुनुवाइ आज पनि स्थगित भएको छ ।

न्यायाधीशद्वय वमकुमार श्रेष्ठ र कुमार रेग्मीको संयुक्त इजलासमा परेको मुद्दाको सुनुवाई महान्यायाधिवक्ता कार्यालयले नभ्याउने भनेपछि स्थगित भएको हो ।

कट्टेलको मुद्दा २ वर्षदेखि सर्वोच्च अदालतमा विचाराधीन छ । तीन साताअघि तोकिएको सुनुवाई कट्टेलका वकीललाई मातृशोक परेका कारण स्थगित भएको थियो ।

नेकपा अध्यक्ष कट्टेल २०७५ मंसिरमा केपी ओली र प्रचण्ड नेतृत्वको नेकपाको दर्ता खारेज माग गर्दै अदालत गएका थिए ।

आयोगमा दर्ता रहेको आफ्नो दल कायमै रहदा निर्वाचन आयोगले ओली प्रचण्ड नेतृत्वको नेकपालाई आधिकारिकता दिएपछि उनी अदालत गएका थिए ।

निर्वाचन आयोगमा नेकपा दल कट्टेलको नाममा दर्ता छ । सो नाम जुधेपछि सत्तारुढ नेकपाले कोष्टमा नेकपा थपेर दर्ता गरेको थियो ।

काठमाडौं । विभाजित नेकपाका अध्यक्ष पुष्पकमल दाहाल प्रचण्डले केपी ओलीले भारतसँग मिलेर प्रतिनिधिसभा विघटन गरेको आरोप लगाएका छन् ।

आफूनिकट पत्रकार भेलालाई मंगलवार काठमाडौंमा सम्बोधन गर्दै प्रचण्डले भारतको नाम नलिई भने- ‘हिजो जसको विरुद्ध राष्ट्रवाद देखाउनुभएको थियो, आज त्यहीसँग मिलेर प्रतिगमन गर्नुभयो । उहाँको राष्ट्रवाद खोक्रो साबित भयो ।’

अर्को प्रसंगमा प्रचण्डले ओलीले पूर्वएमालेलाई विश्वासमा लिन नसकेको तर अहिले आएर आफूले एमालेभित्र खेलेको आरोप लगाइरहेको बताए । केही समयअघिमात्र मिलेको प्रचण्डले कसरी पूर्व एमालेलाई विश्वासमा लिने अवस्था आयो भन्ने ओलीले सोच्नुपर्ने बताए ।

‘कठोर हुनुपर्‍यो भने म भित्तामा पुर्‍याउन पनि सक्छु। अहिले तयार पनि भएको छु। केपी ओलि,अब तपाईं सिद्धिनुभयो । अब उहाँको हातमा केही छैन। अब अन्तै छ। उहाँको समय धेरै छैन’, उनले भने ।

काठमाडौं । प्रदेश १ को प्रचण्ड-माधव नेपाल पक्षधर संसदीय दलले मुख्यमन्त्री शेरधन राईले आफूहरुमाथि गरेको कारवाही अवैधानिक भएको र प्रदेशसभा बैठकमा प्रवेशबाट रोक्न खोजिए दुर्भाग्य हुने चेतावनी दिएको छ ।

विराटनगरमा जारी बैठककै बीचमा पत्रकारसँग कुरा गर्दै प्रदेशसभा सदस्य तथा नेकपा नेता राजेन्द्रकुमार राईले बलजफ्ती गर्न खोजिए सभामुखले मर्यादापालक लगाएर रोक्ने वा संसद बैठक स्थगित गर्नुपर्ने बताए ।

राईले भने, ‘हामीहरु एकले अर्कोलाई गरेको कारबाही सभामुखले मान्नुभएको छैन । बैठक चलाउने उहाँको दायित्व हो । हामीलाई निलम्बन गरेर बैठकमा प्रवेश गर्न नदिनेसम्मको कुरा आएको छ । यस्तो भयो भने दुर्भाग्य हुन्छ ।’

दलका नेता मुख्यमन्त्री राईले भीम आचार्य, राजेन्द्र राई, इन्द्र आङ्वोसहित १६जना सांसदलाई निलम्बन गरेको सूचना प्रदेशसभा सचिवालयमा दिएका छन् । विधान अनुसार निलम्बित सांसदलाई ३ महिनासम्म बैठकमा सहभागी हुनबाट रोकिने दाबी राई पक्षको छ ।

नेकपाका ६७ सांसदमध्ये आचार्य पक्षको बैठकमा आज ३३ जना सहभागी भएका छन् । प्रदेशसभाको बैठक भोलिबाट बस्दैछ ।

काठमाडौं । विभाजित नेकपाका अध्यक्ष पुष्पकमल दाहाल ‘प्रचण्ड’ ले प्रतिगमनविरुद्ध लडाइँ गर्नुपर्ने बेला फेरि आएको बताएका छन् ।

प्रचण्ड-माधवपक्षीय पत्रकार भेलालाई सम्बोधन गर्दै दाहालले यो प्रतिनिधि सभाको मात्रै विघटन नभएर, संविधानको पनि विघटन भएको जिकिर गरे । उनले भने, ‘प्रधानमन्त्रीको विघटनको भाषामा राजाको गन्ध ह्वास्‍सै आएको छ । ओलीको हरेक भाषामा राजतन्त्रको आभास मिल्छ ।’

‘मैले बोलेको कुराको बेला-बेला अपभ्रंश पनि हुने गरेको छ । हेर्दाहेर्दै आफ्नै पार्टीको, आफैँले प्रस्ताव गरेको प्रधानमन्त्रीले संविधानको बच्चाको हत्या भएको छ । मैले कुनै हिंसाको प्रोत्साहन गर्न विद्यार्थीलाई आक्रमक हुन भनेको होइन । केपी ओलीको कदमप्रति हाम्रो आक्रोश छ । हामी बन्दुक होइन मतपत्रको भाषाबाट देश निर्माण गर्ने हो’, प्रचण्डले भने ।

प्रज्ञा भवनमा २ दिनअघि विद्यार्थी भेलामा उनले आफूलाई यसपटक किन-किन टाउको चिलाएको भन्दै आन्दोलन आक्रामक बनाउन निर्देशन दिएका थिए ।

प्रचण्डले आफू हिजो जनयुद्ध गर्दा पनि मर्न तयार भएर हिँडेको र फेरि पनि मर्न तयार रहेको बताएँदै भेजिटेरियन (शाकाहरी) खालको आन्दोलनले काम नहुने दाबी गरेका थिए ।

विराटनगर । नेकपा प्रचण्ड-माधव पक्षका सांसदहरूको बैठक शुरू भएको छ । होटल एसियाटिकमा जारी बैठकमा ३३ सांसद उपस्थित छन् । प्रचण्ड-माधव पक्षका दलका नेता भीम आचार्यको अध्यक्षमा बसेको बैठकमा नेकपाका नेताहरू प्रदेशका सचिव हिमाल राई , प्रदेश कार्यलय सचिव टंक गिरी र सह-ईन्चार्ज सावित्री काफ्ले सहभागी छन् । बैठकमा नेकपा संसदीय दलका उपनेता टंक आङबो अनुपस्थित छन् ।

समूहमा रहेको भनिएका आङबोसहित सांसद तुलसीप्रसाद न्यौपाने, टंक आङबो, गुलेफुन मिँया अनुपस्थित छन् । प्रस्तावमा हस्ताक्षर नगरेका राजन राई र बलबहादुर साम्सुहाङ भने सहभागी छन्।

प्रचण्ड-माधव समूहका ३७ संसदले मुख्यमन्त्री शेरधन राईविरुद्धको अविश्‍वास प्रस्ताव प्रदेश सभामा दर्ता गराएका छन् । प्रस्तावमा हस्ताक्षरकर्तामध्ये ५ सांसदले मुख्यमन्त्री राईलाई सघाउने भन्दै प्रचण्ड माधव समूहको क्याम्प परिवर्तन गरिसकेका छन् ।

प्रदेश सभाको हिउँदे अधिवेशन बुधबारबाट शुरु हुँदैछ । प्रदेशसभामा अविश्वास प्रस्ताव निर्णयार्थ प्रस्तुत हुनेछ । प्रदेश १ का मुख्यमन्त्री शेरधन राईले सरकारलाई कुनै पनि हालतमा विघटन हुन नदिने दाबी गर्दै आएका छन् ।

काठमाडौं । नेकपा विभाजनसँगै त्यस पार्टीसँग नजिक रहेका पत्रकारहरु पनि औपचारिक रुपमा विभाजित भएका छन् । नेकपासम्बद्ध प्रेस संगठनका अलग-अलग भेला आयोजनासँगै पत्रकारहरुको विभाजन भएको हो ।

प्रचण्ड-माधव नेपाल पक्षधर पत्रकारहरुको भेला आज काठमाडौंको प्रज्ञा भवनमा भइरहेको छ । भेलालाई अध्यक्षद्धय पुष्पकमल दाहाल प्रचण्ड र माधवकुमार नेपालले सम्बोधन गर्ने संगठनका नेता राजेश राईले बताए ।

भेलाअघि प्रचण्ड-माधव पक्षधर पत्रकारहरुको र्‍याली भृकुटीमण्डपबाट शुरु भएर प्रज्ञा भवन पुगेको थियो । भेलाका सहभागीले प्रतिनिधिसभा विघटनलाई असंवैधानिक र प्रतिगामी भन्दै नारा लगाएका थिए ।

भेलामा देशभरका संगठनका नेताहरु सहभागी भएका छन् । केपी ओली पक्षले पनि माघ ८ गते राष्ट्रिय भेला बोलाएको छ । संगठनका संयोजक महेश्वर दाहाल प्रचण्ड-माधव पक्षमा छन् भने सहसंयोजक गणेश बस्नेत ओली पक्षमा छन् ।

प्रचण्ड-माधव पक्षका पत्रकारहरूको विरोध प्रदर्शनका तस्बिरहरू –

विराटनगर । प्रदेश १ कांग्रेस संसदीय दलको बैठक शुरु भएको छ । प्रदेश सभा संसदीय दलको हलमा जारी बैठकले नेकपाको ओली वा प्रचण्ड-माधव समूहमध्ये कुन पक्षलाई सघाउने बारेमा तय गर्नेछ।

कुल ९३ जना प्रदेशसभा सदस्य रहेको प्रदेश १ मा नेकपाका ६७ जना सांसद छन्। तर अहिलेपनि कांग्रेसको साथ नभई नेकपाको दुवै पक्ष अविश्वासको प्रस्ताव पास या फेला गराउन नसक्ने अवस्थामा छन् ।

प्रदेश सभामा २१ सिट रहेको कांग्रेसले कसलाई समर्थन गर्ने भन्ने कांग्रेसले अहिलेसम्म आधिकारिक निर्णय सार्वजनिक गरिसकेको छैन । कांग्रेसले अविश्वास प्रस्तावको मतदानमा तटस्थ बस्यो भने प्रस्ताव फेल हुनेछ । तर, त्यसपछि एक महिनाभित्र राईले विश्वासको मत लिनु पर्नेछ ।

प्रस्ताव बहुमतले पास या फेल गर्न ४७ मत आवश्‍क पर्छ पर्छ । प्रस्ताव पास या फेल गर्ने बारे नेकपाका दुवै समुह अल्पमतमा छन् । नेकपा दल विभाजन नभएपनि सांसद दुवै समूहमा विभाजित भएकाले दुवै बहुमत पुग्ने अवस्था छैन ।

प्रदेश १ का मुख्यमन्त्री शेरधन राईविरुद्ध प्रचण्ड-माधव पक्षका सांसदहरूले अविश्वासको प्रस्ताव दर्ता गराएका छन् । तत्कालीन समयमा आफ्ना पक्षमा ४२ सांसद रहेको दाबी गदै आएको थियो । तर, ५ सांसदको कित्ता परिवर्तन र तटस्थ रहेका भनिएका केही सांसद पनि राईकै पक्षमा उभिने भएपछि भीम आचार्यको पक्षमा अब ३२ सांसदमात्र छन् ।

यो पनि पढ्नुहोस् – दलभित्र अल्पमतमा पुगेका राई बहुमततिर, सरकार जोगाउन कांग्रेसको साथ खोज्दै

जनकपुरधाम । मधेस आन्दोलनका क्रममा घाइते भएकाहरूलाई थप उपचार गर्न प्रदेश सरकारले गत वर्ष नै चेक दिए पनि रकम भने अझै पाएका छैनन् । उनीहरूको अवस्था अनुसार रकम सहयोग गरिएको छ । चेक पाएकाहरूको बैंक खाता र नागरिकता नहुँदा रकम भुक्तानी हुन नसकेको हो ।

प्रदेश २ का आन्तरिक मामिला तथा कानुन मन्त्री ज्ञानेन्द्रकुमार यादव चेक नसाटिएका १०/१२ जना रहेकोले उनीहरूलाई नयाँ चेक उपलब्ध गराउन लागिएको छ ।

आन्दोलनका सहिद परिवारलाई भने बलिदानी दिवसको अवसर पारेर प्रदेश २ सरकारले आर्थिक सहयोग र सम्मान गरेको छ ।

सोमबार जनकपुरमा एक कार्यक्रम गरेर ६० सहिद परिवारलाई २५ हजारका दरले राहतस्वरूप रकम दिइयो। प्रमुख अतिथि जसपा बरिष्ठ नेता राजेन्द्र महतोले उनीहरूलाई सम्मानसँगै सहयोग रकम हस्तान्तरण गरे ।

आन्दोलनताका गरिएको प्रतिबद्धता अनुरूप प्रदेश सरकारले सहिद परिवारहरूका लागि सहयोगलाई निरन्तरता दिनुपर्ने महतोले बताए ।

कार्यक्रममा जसपा नेता अनिल झा, मुख्यमन्त्री लालबाबु राउत, भौतिक पूर्वाधार विकास मन्त्री जीतेन्द्र सोनल, आन्तरिक मामिला तथा कानुन मन्त्री ज्ञानेन्द्र यादव, सामाजिक विकास मन्त्री नवलकिशोर साह सहभागी थिए । उनीहरुले सहिदको सपना पूरा नभएसम्म संघर्ष जारी राख्ने  प्रतिबद्धता जनाएका छन् ।

सुर्खेत । कर्णाली प्रदेशसभाकी सांसद झुवा कामीको जीवन संघर्ष र सहसको कथा रोचक मात्रै छैन, उत्प्रेरक पनि छ । ४० सदस्य रहेको प्रदेशसभामा एक मात्र भोटे भाषा बोल्ने सांसद् छिन्, झोवा कामी । उनी समानुपातिकतर्फबाट नेपाली कांग्रेसको प्रतिनिधित्व गर्दै कर्णाली प्रदेश सभामा पुगेकी हुन् ।

अहिले कर्णाली प्रदेशसभामा उनले गरेका भाषण सबैको चासो र चर्चाको विषय बन्‍न थालेको छ । उनले सदनमा उठाएका कुरालाई सञ्चारमाध्यमले पनि उत्तिकै प्राथमिकता दिन्छन् । उनका यसअघिका कतिपय अभिव्यक्ति सामाजिक सञ्‍जालमा भाइरल बनेका छन् ।

समानुपातिक सांसद भन्‍नासाथ हेयभावले हेर्ने हाम्रो समाजलाई सदनमा झोवाको दरिलो र गर्विलो उपस्थितिले जवाफ दिएको छ ।

झोवाले सदनमा गरेको सम्बोधनलाई पूर्वप्रधानमन्त्री डा. बाबुराम भट्टराईदेखि कांग्रेस प्रवक्ता विश्वप्रकाश शर्मालगायतले शेयर गरिसकेका छन् ।

काँक्रा चोरेर खाइयो

साविकको मुगु जिल्ला माँग्री गाविसमा भएको थियो झोवाको जन्म । हालको मुगुकार्मारौंङ्ग गाउँपालिका वडा नम्बर ७ मा पर्छ उनको जन्मघर । जुन ठाउँ मुगु सदरमुकामदेखि सात घण्टाको पैदल यात्राबाट मात्र पुगिन्छ ।

‘बाल्यकालमा गोठालो जाने गर्थेँ । गाई, बाच्छी, १५ वटा थिए । झोवा जातको चौँरीगाई हेराउन जान्थ्यौँ । बुवा- आमा दिदी र म मात्रै थियौँ । दिदी विवाह गरेर गईन ।

उनी चाहिँ श्रीमानसँगै माइतमा बसिन्, नेपाल प्रेससँग बाल्यकाल अनुभव सुनाउँदै उनले भनिन्, ‘नौ वर्षको उमेरमा जंगलमा घाँस काट्न जाँदा भीरबाट लडेर चोट लागेको थियो । टाउकोमा दाग छ । सानोमा दुई-चार जना साथी मिलेर काँक्रा चोर्ने र खाने गर्थ्यौँ । राति चोर्न जान्थ्यौँ । कसैले पनि हामीले काँक्रा चोरेर खाएको थाहा पाएनन् ।’

जबर्जस्ती गराइयो विवाह

१९ वर्षको हुँदा विवाह बन्धनमा बाँधिएकी गरेकी झोवा आफ्‍नो इच्छाविपरीत विवाह गराइएको बताउँछिन् । दिदीले विवाह गरेपछि उनका बुवा-आमाले घरज्वाइँ खोजेर विवाह गराइदिए ।

‘त्यो विवाह मैले चाहेर गरेकी होइन । मेरो बाबु-आमाले अर्काकोमा भागेर (विवाह) जान्छ कि भनेर घर ज्वाइँ ल्याउनुभयो । त्यसअगाडि दिदी गइसक्नु भएको थियो । भाइ नभएका कारण मेरो जबर्जस्ती विवाह भयो । म रुदैं थिएँ तर पनि बाध्य भएँ । मलाई समाजले एक दिन विवाह गर्नेपर्छ भनेर फकाए’, उनले भनिन् । उनले २० वर्षकै उमेरमा पहिलो सन्तान जन्माइन् ।

खस आर्य देखे भाग्ने चलन

‘हाम्रो चलन के थियो भने खस आर्यहरू घरगाउँमा देख्नासाथ हामी लुक्थ्यौँ । गाउँमा हामी भोटे भाषा नै प्रयोग गर्‍थ्यौँ । हामीमध्ये कोहीले लामा भाषामा पढ्थे । हामीलाई कसैले पढ्न भनेन । पढ्ने कि काम गर्ने भन्ने हुन्थ्यो ।

त्यो समयमा छोरीलाई पढाउन हुँदैन भन्ने मान्यता सबैमा थियो’, उनले सुनाइन्, ‘२०५८ सालमा गमगढीमा आयौं । ५९ सालमा माओवादीको चहल-पहल गाउँमा धेरै थियो । मेरो पुर्खा नै नेपाली कांग्रेसमा थियो । मलाई त्यहाँका स्थानीय दाजुभाईले वडा सभापति बनाएछन् । म वडासभापति भएको खबर माओवादीले सुनिसकेका थिए । सभापति बनाएपछि मलाई घरमै कसैले जानै दिएनन् । मेरो घर माओवादीले लुटयो । यार्सागुम्वा लिए । मलाई गमगढीमै मार्न भनेर आए ।’

उतिवेला तत्कालीन गाविसको ८ नम्बर वडाको सभापति भएकै कारण मलाई माओवादीले लखेटेका थिए । देशमा संकटकाल थियो । यो नै मेरा लागि राजनीतिको आरम्भ थियो भन्ने अहिले लाग्छ । उतिवेला गमगढी जान पनि नसकिने, गाउँ पनि जान नसकिने अवस्था थियो । जंगलै जंगलको यात्रा गरेर म गमगढी आएँ ।

गमगढीमै कोठा भाडामा लिएर बस्यौँ । शुरूमा धेरै दुःख पायौँ । दुनियाँको भारी बोक्ने होटल खोलेर भाँडा माझ्‍ने काम गर्‍यौँ । जिल्लामा आइसकेपछि राजनीति धेरै भएन । म गमगढीमा जिल्ला कार्य समितिमा दुईजनाको प्रतिस्पर्धा भयो । सोरु गाउँपालिकाका तुल्सी नेपालीले ७६ मैले ७७ मत ल्याएँ । म एक मतले विजयी भएँ । धेरै खुशी भएँ । एक मतले विजय पाउँदा आफूले गर्व गरेँ । सबै खुशी पनि भए ।

राजीनामा दिने सोच आयो

उनी समानुपातिक संसद भइसकेपछि पहिलो पटक सुर्खेत आइन् । ‘सुर्खेत आइसकेपछि दुःख पाइयो । पढाइ थिएन । भाषा आउँदैन थियो । पाँच वर्ष कहिले जाला भनेर लाग्थ्यो । पहिलो अधिवेशनमा मैले एक शब्द पनि बोल्न सकिन । पत्रकारले समाचार नै लेखे । आफैँलाई हिनताबोध पनि भयो । मेरो बेइज्जती भएको ठानेर सदनमा बोल्न दबाब पर्‍यो’, झोवा भन्छिन्, ‘ सभामुख राजबहादुर शाही र मेरो दलका नेता जीवन बहादुर शाहीले बारम्बार सदनमा बोल्न भन्थे । राति बोल्छु भनेर जान्थेँ तर हलमा जाँदा पसिना छुट्थ्यो । एक मनले राजीनामा दिने सोच आयो तर कोर्चुग लामाले हिम्मत दिनुभयो । दोश्रो अधिवेशनमा मैले बोलेँ ।’

तर, त्यही बोलीले आफूलाई चर्चामा ल्याएकोमा दंग पर्दै उनी स्मरण गर्छिन् । ‘जब मैले बोलेँ, सबैतिर फैलियो खुशी लाग्यो । आफ्ना गाउँका जनताले भोगेको कुरा टक्कर लिएरै डर नमानी राख्‍ने गर्छु । मेरो बारेमा समाचार नआएको भए सायद म राजीनामा नै दिन्थेँ होला । त्यो समाचारले मलाई थप कुरा गर्न, बोल्न, दबाब त दियो नै, सबैले बोल्छन् मैले किन नबोल्नु, विग्रे विग्रोस भनेर मैले सदनमा सुरुमा दुइ मिनेट मात्रै सुरुमा बोलें । गाउँमा सिँचाइ नभएको, बाटोघाटो नबनेको कुरा उठाएँ । त्यसपछि मलाई सयौंको फोन आएको थियो । त्यो फोनले साहस थपियो ।

विकास गर्न सकिएन

‘हामी जनजाती, दलित, विपन्न व्यक्तिलाई राज्यले अवसर दियो । दलले हामीलाई छान्यो । गाउँबाट तालीगाली दुवै पाउँछु’ उनी भन्छिन्, ‘जनताको चित्त बुझाउन पाएको भए, विकास गर्न पाएको भए मन खुशी हुन्थ्यो । साधन र स्रोत थोरै छ । जनताको इच्छा पूरा हुँदैन ।’

काठमाडौं । प्रदेश १ का मुख्यमन्त्री शेरधन राईविरुद्ध अविश्‍वासको प्रस्तावमा हस्ताक्षर गरेकामध्ये तीन सांसदले आफ्नो हस्ताक्षर फिर्ता लिएका छन् ।

प्रदेश सांसद जसमाया गजमेर, गोपालचन्द्र बुढाथोकी र श्रीप्रसाद मैनालीले हस्ताक्षर फिर्ता लिएका हुन् । प्रदेश सभा सचिवालयमा सामूहिक निवेदन गर्दै उनीहरूले नेकपाको सरकारविरुद्ध नेकपाकै सांसदहरूले अविश्‍वास प्रस्ताव दर्ता गर्न उपयुक्त नठानेको भन्दै उक्त प्रस्तावको हस्ताक्षर फिर्ता लिएको घोषणा गरेका छन् ।

जसमायाले प्रदेश १ को सामाजिक विकास राज्यमन्त्री पदबाट राजीनामा दिएर अविश्वास प्रस्तावमा हस्ताक्षर गरेकी थिइन् ।

यसअघिनै बसन्ती यादव र कला घलेले हस्ताक्षर फिर्ता गरिसकेका छन् । शेरधनविरुद्ध अविश्वास प्रस्तावमा हस्ताक्षर गर्ने ५ जना सांसदले फिर्ता लिएपछि अब नेकपा प्रदेशसभा संसदीय दलमा मुख्यमन्त्री राई बहुमतमा पुगेका छन् ।

भीम आचार्यलाई मुख्यमन्त्री बनाउन माग गर्दै नेकपाका प्रदेश १ का ६६ मध्ये ३७ सांसदले हस्ताक्षर गरेका थिए । सभामुखसहित प्रदेशसभामा नेकपाका ६७ सांसद छन् । अब अविश्वास प्रस्तावको पक्षमा ३२ सांसद रहेका छन् भने विपक्षमा ३४ सांसद पुगेका छन् ।

तर, दुवै पक्षले अविश्‍वासको प्रस्ताव पारित गराउन वा सरकारको समर्थनका लागि कांग्रेसको साथ लिनुपर्ने भएको छ।

काठमाडौं । विभाजित नेकपाका अध्यक्ष पुष्पकमल दाहाल प्रचण्डले प्रधानमन्त्री केपी ओली विरुद्ध आम हड्ताल गर्नुपर्ने अवस्था आउने बताएका छन् ।

अखिल नेपाल महिला संघको बैठकलाई सोमवार काठमाडौंमा सम्बोधन गर्दै प्रचण्डले माघ १६ गतेको विशाल शक्ति प्रदर्शनपछि आम हड्तालतिर जानुपर्ने अवस्था आउन सक्ने बताए ।

प्रचण्डले भने–हामी आन्दोलन बढाउँदै जान्छौं । आम हड्तालतिर जानु पर्ने अवस्था आउन सक्छ । त्यहाँसम्म पुग्दा हामीले ब्याटल जितिसक्छौं र जसरी पनि हामीले यो ब्याटल जित्नैपर्छ ।

ओलीप्रति आक्रामक रुपमा प्रस्तुत भएका प्रचण्डले आफूहरु सिंह भएकाले ओलीविरुद्ध गर्जिनुपर्ने बताए । उनले प्रधानमन्त्रीलाई भेडाको संज्ञा दिए ।

प्रचण्डले भने– हामी पनि कता कता केपी ओली जस्ता भेडाको संगत गर्दा गर्दै भेडा जस्ता पो भयौं । हामी सिंहका सन्तान हौं, जुरुक्क उठेर गर्जियौं भने केपी ओली जस्ता भेडाहरु बाँकी रहँदैनन् ।

यो पनि पढ्नुहोस्

ओली भर्सेस प्रचण्ड-माधवको दोहोरी ब्याटल, दर्शक दीर्घामा देउवा-पौडेल जुहारी (भिडियो रिपोर्ट)

काठमाडौं । प्रचण्ड-माधवकुमार नेपाल नेतृत्वको नेकपाले आज प्रधानमन्त्री तथा विभाजित पार्टीका अध्यक्षा केपी शर्मा ओलीलाई साधारण सदस्यबाट निष्कासन गर्न अन्तिम स्पष्टीकरण माग्ने भएको छ ।

विभाजित समूहका अध्यक्ष माधव नेपालले सोमवार महिला संघको बैठकलाई सम्बोधन गर्दै आज अन्तिम स्पष्टिकरण पठाइने र त्यसपछि सदस्य पनि नरहने गरी निष्कासन हुने बताए ।

नेपालले भने- ‘आजै अन्तिम स्पष्टीकरणपत्र पठाउँदैछौं । तपाईं सुध्रिनुभएन,पार्टीको विधान पालना गर्नुभएन,अनुशासन उल्लंघन गर्नुभयो । अध्यक्षबाट हटाएर केन्द्रीय सदस्यसम्म त राखेको थियौं अब झनै मैमत्त हुँदै जानुभयो । जे पायो त्यही बोलिरहनुभएको छ । अब तपाईंलाई तह लगाउने कुनै उपाय रहेन ।’

नेपालले ओलीलाई पार्टीको बहुमतले पनि तह लगाउन नसकेको र संविधानले पनि बाँध्‍न नसकेको भन्दै तानाशाहीको चरम सिमा नाघेको बताए । ओली सुध्रिने कुनै सम्भावना नरहेको भन्दै उनले मैमत्तकारी प्रवृतिको वाहक बनेको आरोप लगाए ।

नेपालले भने-अब कम्युनिस्ट पार्टीले भन्नुपर्छ कस्तो कुपुत्र जन्माइयो केपी ओली ।

काठमाडौं। अधिवक्ता दिनमणि पोखरेलले प्रधानमन्त्री केपी शर्मा ओलीको स्वार्थका लागि जननिर्वाचित संसद ‘भिक्टिम’ हुन नहुने टिप्पणी गरेका छन्।

सोमबार सर्वोच्च अदालतमा संसद विघटनविरुद्धको रिटका पक्षमा बहस गर्दै अधिवक्ता पोखरेलले पार्टीभित्रको समस्या समाधान गर्न नसकेपछि संसद भंग गर्न नमिल्ने बताए।

‘आफू सरकार चलाउन सकिन भन्दैमा अर्को सरकार आउने बाटो नै बन्द गर्ने उद्देश्य प्रधानमन्त्रीमा देखियो श्रीमान्,’ सभामुख अग्निप्रसाद सापकोटको तर्फबाट बहसमा भाग लिँदै उनले भने, ‘यो राजनीतिक होइन संविधान उल्लंघनको सवाल हो।’

उनले संविधानले प्रधानमन्त्रीलाई संसद विघटनको अधिकार नभएको समेत जिकिर गरे।