Author: Anisha Tiwari

काठमाडौं । साफ च्याम्पियनसीप अन्तर्गत हिजो भएको खेलमा नेपालले श्रीलंकालाई ३–२ नतिजाले स्तब्ध तुल्यायो । नेपालको जितमा प्रशिक्षक अब्दुल्लाह अल्मुताइरीको उत्साह अहिले चर्चाको विषय बनेको छ ।

पहिलो खेलमा माल्दिभ्यसलाई हराएको नेपाल दोस्रोमा श्रीलंकाविरुद्ध आत्मविश्वासपूर्वक मैदानमा उत्रिएको थियो । तर अनपेक्षित तवरले श्रीलंकाले सुरुदेखि खेल आफ्नो पकडमा राख्यो । नेपाल निरन्तर दबाबमा पर्दा मैदानबाहिर अब्दुल्लाह तनावग्रस्त देखिएका थिए । एकपटक नेपालविरुद्ध श्रीलंकालाई अम्पायरले फाउल दिएपछि प्रोटेस्ट गर्दा उनले पहेँलो कार्डसमेत खाए ।

खेलमा श्रीलंकाको दवदवाकै बीच नेपालले ३३ औं मिनेटमा गोल निकाल्यो । नेपालका स्ट्राइकर सुमन लामाले गरेको पहिलो प्रहारलाई श्रीलंकाका गोलरक्षकले सुन्दर बचाउ गरेपछि दोस्रो प्रहारमा उनले गोल गरेका थिए । गोलपछि नेपाली समर्थकहरु खुशीमा झुम्न थाले । यता, प्रशिक्षक अब्दुल्लाहले पनि आफ्नो उत्साह थाम्न सकेनन् । उनी दुवै हात हावामा फैलाएर नाच्न थाले ।

नेपालका लागि अञ्जन विष्टले दोस्रो र आयूष घलानले तेस्रो गोल गर्दा पनि प्रशिक्षक उति नै खुशी भए । खेल अवधिभर प्रशिक्षक अब्दुल्लाह टचलाइनबाहिर नेपाली टिमको हौसला बढाइरहेका थिए । उनको भागभंगिमाले अर्जेन्टिनाका भुतपूर्व प्रशिक्षक स्व‍ म्याराडोनालाई सम्झाइदिएको थियो ।

प्रशिक्षक अब्दुल्लाहको नाच अहिले टिकटकमा भाइरल भएको छ । समर्थकहरुले नेपाली फुटबलप्रति उनको यस्तो ‘प्यासन’ को सह्राहना गरेका छन् । मनैदेखि नेपाली टिमको जिम्मवारी वहन गरेको भनेर धन्यवाद दिएका छन् ।

भावुक स्वभावका अब्दुल्लाहले केही समयअघि प्रशिक्षकबाट राजीनामा दिने घोषणा गरेका थिए । उनले सामाजिक सञ्जालमा यस्तो घोषणा गरे पनि फुटबल संघलाई राजीनामा भने बुझाएनन् ।

साफ च्याम्पियनसीपमा नेपाल फाइनल नजिक पुग्दा धेरैले उनलाई नै जस दिइरहेका छन् । यदि नेपाल फाइनलमा पुग्यो वा उपाधि जित्यो भने नेपाली फुटबलमा अब्दुल्लाहको अविस्मरणीय योगदान हुनेछ ।

https://www.youtube.com/watch?v=iP1l_UC9wSw

काठमाडौं । करिब आधा समय १० जनामा सीमित भएको बंगलादेशविरुद्धको अग्रता जोगाउन नसेको भारत साफ च्याम्पियनसिपमा १–१ गोलको बराबरीमा रोकिएको छ । सोमबार माल्दिभ्सको मालेमा भएको आफ्नो पहिलो खेलमा साविक उपविजेता भारतले सुरुआतमा अग्रता लिएको थियो ।

खेलको २६औं मिनेटमा भारतीय टोलीका कप्तान सुनील क्षेत्रीले गोल गर्दै भारतलाई अग्रता दिलाएका थिए । बल पोसेसनसँगै खेलमा पनि हाबी बनेको भारतले पहिलो हाफमा १–० को अग्रता कायम राखेको थियो ।

दोस्रो हाफमा खेलमा फर्किने प्रयत्नरत बंगलादेशलाई सुरुआतमै ठूलो धक्का लागेको थियो । विश्वनाथ घोशले ५४औं मिनेटमा रातो कार्डको सामना गर्दै मैदानबाट बाहिरिनु परेपछि बंगलादेशको खेलमा फर्किने सम्भावना करिब करिब टुङ्गिएको मानिएको थियो ।

तर, निर्धारित समयको खेल सकिन १६ मिनेट बाँकी रहँदा अप्रत्याशितरूपमा बंगलादेशले पुनरागमन गर्यो । बंगलादेशका लागि ७४औं मिनेटमा यासिन अराफतले गरेको गोल नै भारतविरुद्ध गुमाइसकेको अंक खोस्न पर्याप्त बन्यो ।

शुक्रबारदेखि सुरु भएको दक्षिण एसियाली फुटबलको सबैभन्दा ठूलो प्रतियोगिता साफको पहिलो खेलमा बंगलादेशले श्रीलंकालाई १–० को नतिजामा पराजित गरेको थियो । साविक उपविजेता भारतसँगको बराबरीसँगै बंगलादेशले दुई खेलबाट चार अंक जोडेको छ । भारतले भने यो पहिलो खेल हो ।

प्रतियोगिताको सदाबहार दाबेदार रहेर पनि फाइनल पुग्न असफल नेपालले पनि आयोजक तथा साविक विजेता माल्दिभ्सविरुद्ध १–० को सनसनीपूर्ण जित निकाल्दै प्रतियोगितामा राम्रो सुरुआत गरेको छ ।

शुक्रबार नै भएको खेलमा नेपाललाई जित दिलाउन एक मात्र निर्णायक गोल मनिष डाँगीले गरेका थिए । नेपालले आफ्नो दोस्रो खेलमा आजराति ९ः ४५ बजे श्रीलंकासँग खेल्दै छ ।

पाँच टोली सहभागी प्रतियोगिताको समूह चरणबाट शीर्ष दुई टोलीले फाइनलमा उपाधिका लागि प्रतिस्पर्धा गर्नेछन् ।

काठमाडौं । एभरेष्ट प्रिमियर लिग (ईपीएल)अन्तर्गत सोमबार हुने दोस्रो खेलमा काठमाडौं किङ्ग्स–११ विरुद्ध पोखरा राइनोजले टस जितेर फिल्डिङ गर्ने भएको छ । त्रिवि क्रिकेट मैदानमा केही बेरमा सुरु हुने खेलका लागि पोखराका कप्तान विनोद भण्डारीले टस जितेर फिल्डिङ रोजेका हुन् ।

सुरुआती चार खेलबाट ५ अंक जोडेको पोखरा यसअघि नै प्ले अफमा पुगिसेकेको छ । तर, तीन खेलमा दुई अंक मात्र जोडेको काठमाडौंले भने आजको खेलमा जित हासिल गरे प्लेअफमा स्थान बनाउने छ ।

हालसम्म चितवन टाइगर्स, भैरहवा ग्लाडिएटर्स र पोखरा राइनोज प्ले अफमा पुगिसकेका छन् । आजको खेलमा काठमाडौंले आजको खेलमा जित हासिल गरे प्लेअफमा स्थान सुरक्षित गर्नेछ भने ललितपुर बाहिरिने छ ।

काठमाडौं । प्रदीप ऐरीको अर्धशतकप्रेरित भैरहवा ग्लाडिएटर्सले एभरेष्ट प्रिमियर लिग (ईपीएल)मा चितवन टाइगर्सको अपराजित यात्रामा पूर्णविराम लगाइदिएको छ । सोमबार त्रिवि क्रिकेट मैदानमा टस जितेर ब्याटिङ गरेको चितवनले निर्धारित २० ओभरमा ८ विकेट गुमाएर १ सय ६४ रनको योगफल तयार गरेको थियो ।

दोस्रो इनिङमा १ सय ६५ रनको लक्ष्य पछ्याएको भैरहवाले १७।२ ओभरमा तीन विकेट गुमाएर लक्ष्य पूरा गर्यो । भैरहवालाई ६ विकेटको जित दिलाउन आक्रामक इनिङ खेलेका ओपनर प्रदीपले ४३ बलमा ८ चौका र ३ छक्कासहित ७२ रनको शानदार अर्धशतकीय इनिङ खेले । यस्तै ओपनर तमिक इकबलले ३० बलमा ५ चौका र १ छक्कासहित ४० रन जोडेर पेभेलियन फर्किँदा उपुल थरङ्गा ३९ र कुशल मल्ल १ रनमा अविजित रहे । त्यसअघि रोहित पौडेल ६ तथा आरिफ शेख १ रन जोडेर पेभेलियन फर्केका थिए ।

बलिङतर्फ चितवनका लागि करिम जनतले २ तथा सागर ढकाल र भीम सार्कीले १–१ विकेट लिए ।

पहिलो इनिङमा चितवनले ८ विकेट गुमाएर १ सय ६४ रनको योगफल तयार गरेको थियो ।

दुई खेल अगावै प्ले अफमा पुगिसकेको चितवनले नियमित कप्तान सोमपाल कामी, विरन्दीपसिंह र साहब आलमको स्थानमा गौमत केसी, सेकुगे प्रसन्ना र देव खनाललाई मौका दिएको थियो । चितवनका लागि ओपनिङमा उत्रिएका मोहम्मद शहजादले करिम जनतसँग ४२ रनको साझेदारी गर्दै २४ बलमा ३ चौका र २ छक्कासहित ३२ रनको योगदान गरे ।

यस्तै, करिमले ३७ बलमा १ चौका र २ छक्कासहित ३५ तथा सेकुगे प्रसन्नाले २४ र दीलिप नाथ १३ रन जोडेर पेभेलियन फर्किँदा कमलसिंह ऐरी ७ र गोतम केसी शून्यमा अविजित रहे। त्यसअघि भीम सार्की १४, देव खनाल ५ र ओपनर खडक बोहरा १ रनमा पेभेलियन फर्केका थिए ।

बलिङतर्फ भैरहवाका लागि कुशल मल्लले ४ ओभरमा १५ रन खर्चेर २ विकेट लिए । यस्तै, अविनाश बोहराले ४ ओभरमा ३८ रन खर्चेर तीन विकेट लिए । यस्तै, धमिका प्रसाद, दुर्गेश गुप्ता र कृष्ण कार्कीले १÷१ विकेट लिए ।

दुवै टोली प्ले अफमा पुगिसकेका छन् । सुरुआती चार खेलमा जित निकालेको चितवनको ८ अंक छ । र शीर्ष स्थानमा छ भने तीन खेलमा ६ अंक जोडेको भैरहवा तेस्रो स्थानमा छ । दोस्रो स्थानको पोखरा राइनोज पनि प्ले अफमा पुगिसकेको छ ।

प्ले अफमा लागि एक स्थान पूरा हुन बाँकी छ भने काठमाडौं किङ्ग्स–११ र साविक विजेता ललितपुर प्याट्रिओट्सको सम्भावना बाँकी छ ।

काठमाडौं । एभरेष्ट प्रिमियर लिग (ईपीएल)अन्तर्गत सोमबार जारी पहिलो खेलमा टस जितेर ब्याटिङ रोजेको चितवन टाइगर्सले भैरहवा ग्लाडिएटर्सलाई १ सय ६५ रनको लक्ष्य दिएको छ । निर्धारित २० ओभरमा चितवनले ८ विकेट गुमाएर १ सय ६४ रनको योगफल तयार गरेको हो ।

दुई खेल अगावै प्ले अफमा पुगिसकेको चितवनले नियमित कप्तान सोमपाल कामी, विरन्दीपसिंह र साहब आलमको स्थानमा गौमत केसी, सेकुगे प्रसन्ना र देव खनाललाई मौका दिएको थियो । चितवनका लागि ओपनिङमा उत्रिएका मोहम्मद शहजादले करिम जनतसँग ४२ रनको साझेदारी गर्दै २४ बलमा ३ चौका र २ छक्कासहित ३२ रनको योगदान गरे ।

यस्तै, करिमले ३७ बलमा १ चौका र २ छक्कासहित ३५ तथा सेकुगे प्रसन्नाले २४ र दीलिप नाथ १३ रन जोडेर पेभेलियन फर्किँदा कमलसिंह ऐरी ७ र गोतम केसी शून्यमा अविजित रहे। त्यसअघि भीम सार्की १४, देव खनाल ५ र ओपनर खडक बोहरा १ रनमा पेभेलियन फर्केका थिए ।

बलिङतर्फ भैरहवाका लागि कुशल मल्लले ४ ओभरमा १५ रन खर्चेर २ विकेट लिए । यस्तै, अविनाश बोहराले ४ ओभरमा ३८ रन खर्चेर तीन विकेट लिए । यस्तै, धमिका प्रसाद, दुर्गेश गुप्ता र कृष्ण कार्कीले १/१ विकेट लिए ।

दुवै टोली प्ले अफमा पुगिसकेका छन् । सुरुआती चार खेलमा अपराजित चितवनको ८ अंक छ । र शीर्ष स्थानमा छ भने तीन खेलमा ४ अंक जोडेको भैरहवा तेस्रो स्थानमा छ ।