काठमाडौं । मन्त्री कुलमान घिसिङ संरक्षक रहेको उज्यालो नेपाल पार्टीको औपचारिक घोषणा सभा सुरू भएको छ । प्रज्ञा भवन कमलादीमा आयोजित घोषणा सभामा घिसिङ पनि पुगेका छन् । उनले सभामा सम्बोधन गर्ने बताइएको छ ।
हाल पूर्व ऊर्जासचिव अनुपकुमार उपाध्याय अध्यक्ष रहेको उज्यालो नेपालमा कुलमान चुनावअघि जोडिने तयारी छ । कार्यक्रमस्थलमा पार्टिको हरियो झण्डा र चुनाव चिन्ह ‘चिम’ अंकित टोपी लगाएर नेता-कार्यकर्ता र समर्थक पुगेका छन् ।
आज पार्टीको दीर्घकालीन दृष्टि, मूल ध्येय र विस्तृत घोषणापत्र २०८२, औपचारिक रूपमा सार्वजनिक गरिने बताइएको छ । पार्टीको सैद्धान्तिक दृष्टिकोण, प्राथमिकता र कार्य योजनालाई स्पष्ट रूपमा सार्वजनिक गर्ने पार्टीको तयारी छ ।
पार्टीले यसअघि मंसिर १२ गते जारी गरेको विज्ञप्तिमा दलहरूको भीडमा थप एक नयाँ दलको रूपमा मात्रै नभई उज्यालो सपना साकार पार्नसक्ने नेतृत्व, कार्यकुशलता र अनुभव भएको दाबी गरेको थियो । पार्टीले आम नेपाली जनताले विश्वास र भरोसा गरेको नेतृत्व गर्ने बताएको थियो ।
Leave a Reply