झापा । नेकपा एमालेनिकट विद्यार्थी संगठन अनेरास्ववियुले मेची-महाकाली ‘विद्यार्थी जागरण यात्रा’ सुरू गरेको छ । केन्द्रीय अध्यक्ष दीपक धामीले झापाबाट अभियानको शुभारम्भ गरेका छन् ।
नवपुस्ताका विद्यार्थी कृतिका शिवाकोटीलाई अखिलको झण्डा हस्तान्तरण गर्दै अभियान थालनी गरिएको धामीले बताए । अनेरास्ववियुका विद्यार्थीहरूको काँधमा देश बचाउने जिम्मेवारी आएको भन्दै उनले देशभित्र सामाजिक सद्भाव भड्काउने र अराजकताविरुद्ध प्रतिकारमा उत्रिनुपर्ने बताए । आन्दोलनका नाममा युवाहरूलाई देश जलाउने काममा प्रयोग गरिएको उनको भनाइ छ ।
जेन-जी आन्दोलनपश्चातको गलत भाष्यलाई चिर्दै नवपुस्तालाई राजनीतिक रूपमा सचेत बनाउँदै स्वाधीनताको पक्षमा उभ्याउन साथै संगठन विस्तार र जागरणलाई प्राथमिकतामा राखेर अभियान चलाइएको धामीले बताए ।
कार्यक्रममा महासचिव अञ्जना शिवाकोटीले अनेरास्ववियु अब हरेक शैक्षिक संस्थाहरूको कक्षा-कक्षामा पुग्ने बताइन् ।
Leave a Reply