पाकिस्तानको सर्वोच्च अदालतमा विष्फोट

काठमाडौं । पाकिस्तानको सर्वोच्च अदालत (सुप्रिम कोर्ट) इस्लामावादमा विष्फोट भएको खबर छ । स्रोतलाई उद्धृत गर्दै पाकिस्तानी सञ्चार माध्यम समाटिभीले जनाए अनुसार अदालतको केन्द्रीय वातानुकूलित प्रणाली मर्मतका क्रममा विष्फोट भएको हो ।

समाचार अनुसार अचानक भएको विष्फोटनले त्रास सिर्जना भएको छ । अदालत परिसरमा धक्का महसुस गरिएको छ । त्यहाँ रहेका वकिल, न्यायाधीश र कर्मचारीहरू सुरक्षित स्थानतर्फ लागेका छन् ।

विष्फोटका कारण कोर्ट नम्बर ६ क्षतिग्रस्त भएको छ । समाचारका अनुसार विष्फोटन अघि न्यायाधीशहरू अली बकर नजफी र शहजाद मलिकको सुनुवाइ रहेको थियो ।

घाइते मजदुरहरूलाई उपचारका लागि नजिकैको अस्पतालमा लगिएको छ । घाइतेको अवस्था सामान्य छ । विष्फोटनको कारण पत्ता लगाउने काम भइरहेको समाचारमा जनाइएको छ ।

समाचार संस्था डनका अनुसार अदालतको भवनका केही भाग क्षतिग्रस्त भएका छन् । घाइतेहरुलाई बाहिर निकालिएको छ ।