आप्रवासीको बायोमेट्रिक डेटा र डिएनए नमुना संकलन गर्दै ट्रम्प प्रशासन

काठमाडौं । अमेरिकी गृह सुरक्षा विभाग (डीएचएस) ले आप्रवासीहरूको बायोमेट्रिक डेटा र डिएनए नमूुना संकलन गर्ने भएको छ । यो नयाँ नियम अमेरिकी राष्ट्रपति डोनाल्ड ट्रम्पको प्रशासनले प्रस्ताव गरेको हो । यो प्रस्तावलाई अमेरिकी आप्रवासन नीतिको परिवर्तनमा एउटा ठूलो र महत्वपूर्ण कदमका रुपमा लिइएको छ ।

अमेरिकी गृह सुरक्षा विभागले वयस्क आवेदकबाट सीमित बायोमेट्रिक्स फिङ्गर प्रिन्ट लिँदै गरेकामा यो नियम परिवर्तन गरी सबै उमेरका आप्रवासीहरूको डिएनए तथ्यांक प्रयोग गर्ने निर्णय गरेको हो । फिङ्गर प्रिन्टसँगै डिएनए, आइरिस स्क्यान, अनुहारको पहिचान, आवाज र व्यवहारको नमूनासमेत संकलन गर्ने छ । विभागले अध्यागमन प्रक्रियाका लागि मात्र नभएर गैर नागरिकलाई पक्राउ गर्दासमेत उनीहरूको बायोमेट्रिक्स संकलन गर्नेछ ।

कानूनविद्हरूले यो नियमले अदालतमा चुनौती थप्ने बताएका छन् । नियमले गोपनियता, सरकारी शक्ति र डिएनए डेटा प्रयोगबारे जटिल संवैधानिक प्रश्न उठाउने कानूनविद्ले चिन्ता व्यक्त गरेका छन् । ओबामा प्रशासनअन्तर्गत संघीय अधिकारीले यस्तो बायोमेट्रिक्स संकलनलाई अव्यवहारिक ठानेका थिए । तर यो प्रस्ताव ट्रम्प प्रशासनले उल्टाइदिएको छ । विज्ञहरूले यो प्रस्ताव अमेरिकी सर्वोच्च अदालतसम्म पुग्न सक्ने बताएका छन् ।