मलेसिया अन्तर प्रदेश च्याम्पियनसिपः सीता सर्वोत्कृष्ट, दुई कविता उत्कृष्ट

काठमाडौं । मलेसियाको अन्तर प्रदेश टी–२० च्याम्पियनसिपमा नेपाली खेलाडीले उत्कृष्ट प्रदर्शन गरेका छन् ।

सेलान्गोरलाई च्याम्पियन बनाउन उत्कृष्ट प्रदर्शन गरेकी नेपाली क्रिकेटर सीता रानामगर प्रतियोगिताकै सर्वाेत्कृष्ट खेलाडी घोषित भइन् । उनले एक सय १८ रन र ७ विकेट लिइन् ।

सीताकै टोलीबाट कविता जोशी १३ विकेट लिँदै प्रतियोगिताकी उत्कृष्ट बलर बनिन् । यस्तै उपविजेता बनेको सारावकबाट खेलेकी कविता कुँवर उत्कृष्ट ब्याटर बनिन् ।

उनले एक सय ९४ रन बनाइन् । सीता र दुई कवितासँग रुविना क्षेत्री, पूजा महतो र राजमती ऐरीले उक्त च्याम्पियनसिप खेलेका थिए ।