काठमाडौं । ग्लोबल आइएमई बैंकले साधारण सभा बोलाएको छ । बैंकले गत आर्थिक वर्षको मुनाफाबाट शेयरधनीहरुलाई वितरण गर्ने घोषणा गरेको लाभांश पारित गर्न साधारण सभा बोलाएको हो ।
बैंकको साधारण सभा आगामी कात्तिक २६ गते नेपाल प्रज्ञा प्रतिष्ठान कमलादीमा हुनेछ । बैंकको यो १९ औँ वार्षिक साधारण सभा हो । सभामा हाल कायम चुक्ता पूँजीको ८ प्रतिशतका दरले नगद लाभांश (कर प्रयोजनार्थ सहित) वितरण गर्ने प्रस्ताव पारित गरिनेछ ।
साधारण सभाले प्रबन्ध पत्र तथा नियमावली संशोधन गर्न सञ्चालक समितिलाई अख्तियारी दिने, लेखापरीक्षक नियुक्त गर्ने लगायतका प्रस्तावहरू पनि पारित गर्ने भएको छ ।
Leave a Reply