ओली र लेखकविरुद्धको जाहेरी आयोगबाट प्रहरीमै फिर्ता, कारबाहीको अधिकार सरकारलाई नै

काठमाडौं । भदौ २३ र २४ गते भएका घटनालाई लिएर परेका जाहेरीका विषयमा प्रहरी र जाँचबुझ आयोगबीच असमझदारी देखिएको छ ।

आयोगको आज बसेको बैठकले तत्कालीन प्रधानमन्त्री केपी शर्मा ओली र गृहमन्त्री रमेश लेखकविरुद्ध परेका जाहेरी प्रहरीलाई नै फिर्ता पठाउने निर्णय लिएको हो । काठमाडौं प्रहरी परिसरमा परेका ती जाहेरी आयोगको कार्यक्षेत्र भन्दै प्रहरीले दर्ता गर्न मानेको थिएन ।

जाहेरी स्वीकार गरी आयोगमा पठाइएको थियो । तर, आयोगले फेरि प्रहरीमा फिर्ता गरिदिएको छ ।