काठमाडौं । अख्तियार दुरुपयोग अनुसन्धान आयोगले बाँके जिल्ला अदालतका नायब सुब्बा रामप्रसाद धमलालाई १२ हजार घुससहित नियन्त्रणमा लिएको छ ।
फैसलाको प्रतिलिपि उपलब्ध गराउने प्रयोजनका लागि सेवाग्राहीसँग घुस तथा रिसवत मागेको सूचना एवं उजुरीका आधारमा धमलालाई पक्राउ गरिएको अख्तियारले जनाएको हो ।
अख्तियार दुरुपयोग अनुसन्धान आयोगको कार्यालय, बुटवल, सम्पर्क कार्यालय नेपालगञ्जबाट खटिएको टोलीले धमलालाई नेपालगञ्ज उपमहानगरपालिका ९, शान्तिनगरस्थित यातायात चोकबाट आज रंगेहात पक्राउ गरेको हो ।
धमलाले सेवाग्राहीबाट घुसबापतको रकम लिइसकेको अवस्थामा उनलाई उक्त रकमसहित नियन्त्रणमा लिइएको अख्तियारका प्रवक्ता राजेन्द्रकुमार पौडेलले जारी गरेको प्रेस विज्ञप्तिमा उल्लेख छ । पक्राउ परेका नायब सुब्बा धमलामाथि थप अनुसन्धान भइरहेको अख्तियारले जनाएको छ।
Leave a Reply