काठमाडौं । नेकपा एसका अध्यक्ष माधव कुमार नेपालले पूर्वराष्ट्रपति विद्यादेवी भण्डारीको सदस्यता खारेज भएकोबारे टिप्पणी गरेका छन् ।
सुरुमा आफैंले नेतृत्वका लागि अघि बढ्न भनेर पछाडि सदस्यता खारेज खारेजको नेपालले टिप्पणी गरे ।
शुक्रबार पार्टीको काठमाडौं क्षेत्र नम्बर ७ निर्वाचन क्षेत्रीय कमिटीले काठमाडौंमा आयोजना गरेको कार्यक्रममा अध्यक्ष नेपालले प्रधानमन्त्री केपी शर्मा ओलीले नै सुरुमा पूर्वराष्ट्रपति भण्डारीलाई पार्टीको सदस्यता दिएको बताए ।
उनले भने, ‘तपाईंहरुलाई प्रमाण चाहिन्छ ? मसँग छ मोबाइलमा । छ महिना पहिले भाषण गरेको । कसले भाषण गरेको नामै नभनिहालौं । पुगिहाल्छ फेरि कानमा, त्यसो हुनाले यति मात्रै भनौं ।’
‘विद्याजी तपाईं अघि बढ्नुस् । अध्यक्ष बन्नुपर्छ भन्ने अहिले चाहिँ आँखै निकाल्दिने हो कि खुट्टा भाँच्दिने हो जसरी हेर्ने विचरा विद्या भण्डारीजीलाई ।’
Leave a Reply