काठमाडौं । अभिनेता नाजिर हुसेन अभिनित चलचित्र ‘गुन्यु चोलो स्द ड्रेस’को प्रि–बुकिङसंगै शो बाँडफाट भएको छ । भोलि शुक्रबारबाट प्रदर्शनमा आउन लागेको यो चलचित्रको शो निकाल्दै हलहरुले प्रि–बुकिङ ओपन गरेको हो।
चलचित्रले देशब्यापी ८४ शो पाएको छ। हलमा नेपाली चलचित्र धेरै भए तापनि गुन्यो चोलोु ले सन्तोषजनक शो पाएको हो । अहिले हलमा गत हप्ता प्रदर्शनमा आएका तिन चलचित्रहरु ‘मोहर’, ‘जनै हराएको मान्छे’ र ‘माग्ने राजा’ सहित आजैबाट प्रदर्शनमा आएको ‘कोशेढुंगा’ लागिरहेको छ। सबै चलचित्रलाई शो दिनुपरेकाले ‘गुन्यु चोलो स् द ड्रेस’ को भागमा सिमित शो परेको हो । तर, पनि चलचित्रले पाएको शोलाई लिएर निर्माण टिम सन्तुष्ट छ।
देशकै ठूलो मल्टिप्लेक्स चेन क्यूएफएक्सले काठमाडौंमा मात्रै पहिलो दिनको लागी यो चलचित्रलाई १४ शो दिएको छ । त्यस्तै, यो चलचित्रलाई आइ।एन।आई सिनेमाजले ८ शो, वान सिनेमाले ४ शो, एफ।क्युबले २ शो र बिग मुभिजले २ शो दिएको छ। चलचित्रलाई अन्य चेनहरुले पनि सुखद शो दिएका छन् । दर्शक बढे हलहरूले शो बढाउनेछन् ।
समुन्द्र भट्टको निर्देशन रहेको चलचित्र ‘गुन्यु चोलो स् द ड्रेस’ लैंगिक अल्पसंख्यक पारालैंगिक पात्रको कथामा बनेको छ । चलचित्रमा नाजिर हुसेनले पारालैंगिक महिला अर्थात ट्रान्सवुमनको भूमिका निर्वाह गरेका छन् ।
नाजिरसँगै चलचित्रमा सञ्चिता लुइँटेल, सुशील सिटौला, राजकुमार घोष, शिशिर राणा, अनुपम श्रेष्ठ र विशाल पहारीको मुख्य भूमिका छ। नेपाली र हलिउड फिल्म प्रोड्क्सन हाउसको संयुक्त कोल्याबोरेसनमा बनेको यो चलचित्रमा आकाश बुढाथोकी र भि–भन्से जानुबोनको लगानी छ ।
Leave a Reply