काठमाडाैं । विष्णु सापकोटा अष्ट्रेलियामा आफ्नो व्यवसाय विस्तारमा लागेका छन् । उनले हालैमात्र आफ्नो मायालु ग्रुप अफ कम्पनिज अन्तर्गत ६ वटा नयाँ उत्पादन लन्च गरे ।
सांगीतिक कार्यक्रमका लागि अष्ट्रेलिया पुगेका गायक प्रमोद खरेल निम्त्याएर उनले रिबन काट्न लगाएका थिए । अष्ट्रेलियन सरकारको मापदण्ड पूरा गरेर नयाँ उत्पादन ल्याएको सापकोटाको दावी छ ।
लन्च गरिएका उत्पादनमा राइस कुकर, स्मार्ट राइस कुकर, प्रेसर कुकर, एयर फ्रायर, वाटर किटल र कफी एण्ड स्पाइस ग्रिन्डर छन् । अहिले अष्ट्रेलियाको सिड्नीमा दुई स्टोर र क्यानबेरामा एक स्टोरबाट आफ्ना उत्पादनहरु बिक्री गरिरहेको सापकोटाले बताए ।
उनले भने, ‘तर अनलाइन अर्डरमार्फत अष्ट्रेलियाभरि नै डेलिभरी दिने गरेका छौं ।’
हिजो प्रमोद खरेल र ‘द परम्परा’ को कार्यक्रममा बिक्रीको १० प्रतिशत रकम च्यारिटीका लागि दिएको सापकोटाले जानकारी दिए । नेपालमा अटिजम भइरहेका बच्चाहरुको सहयोगार्थ आफूहरुले च्यारिटीलाई १० प्रतिशत रकम दिएको उनको भनाइ छ ।
अब मायालुका उत्पादनहरुको नेपालमा पनि आउटलेट खोल्ने योजनामा रहेको समेत सापकोटाले बताए । मायालु ग्रुप अफ कम्पनिज सन् २०१४ मा स्थापना भएको थियो । डेढ वर्षदेखि यसले आफ्नो उत्पादनहरु पनि बजारमा लागिरहेको छ ।
Leave a Reply