तीज गीतको भ्यूजः विष्णु माझी नै अगाडि, पछ्याउँदै कोशेढुंगा र एलिना

काठमाडौं । यस वर्ष पछि गायिका विष्णु माझीको गीत ‘म त नराउरी’ सर्वाधिक हेरिने तीज गीत बनेको छ ।

अघिल्ला वर्षका गीतहरूले जस्तो ठूलो चर्चा नपाए पनि भ्युजको मामलामा उनको गीत नै शीर्ष स्थानमा छ । अहिलेसम्म माझीको गीतलाई ७३ लाख बढीले हेरिसेका छन् ।

माफीको पछिपछि चलचित्र ‘कोशेढुंगा’को गीत ‘नत्र भने जिन्दगी व्यर्थ छ’ले पनि राम्रै भ्युज पाएको छ । खेम सेन्चुरी र समीक्षा अधिकारीको स्वर रहेको यो गीतलाई अहिलेसम्म ६४ लाखले हेरेका छन् । गीतमा अभिनेत्रीत्रय सुरक्षा पन्त, नीति शाह र ऋचा शर्माले ठुम्का लगाएका छन् ।

सँगै चर्चामा रहेको अर्को तीज गीत छ, ‘छोरीको शिर आमा’ । एलिना चौहानको स्वर रहेको यस गीतले अहिलेसम्म ६१ लाख भ्युज पाइसकेको छ । लक्ष्मी मल्लाको स्वर रहेको ‘तीजका गीत हुन्थे सुन’लाई पनि अहिलेसम्म ६० लाख बढीले हेरिसकेका छन् । त्यस्तै एलिनाकै ‘पृथ्वी छोडेर’ बोलको गीतले ३८ लाख भ्युज पाइसकेको छ ।