नर्वेकी राजकुमारीका छोरामाथि ४ जनामाथि बलात्कारसहित ३२ वटा मुद्दा दर्ता

काठमाडौं । नर्वेकी राजकुमारी मेटे मेरिटका छोरा मारियस बर्ग होइबीमाथि बलात्कारका ४ वटासहित कुला ३२ वटा मुद्दा दर्ता भएका छन् । उनीमाथि उनकी एक पूर्वप्रेमिकाको साथ दुर्व्यवहार तथा अन्य एकजनामाथि कानून उल्लंघनको आरोप समेत लगाइएको छ ।

२८ वर्षीय बर्ग नर्वेका भावी राजा अर्थात युवराज हाकोनका झड्केला छोरा हुन् । नर्वेकी राजकुमारी मेटे मेरिटको राजकुमार हाकोनसँग विवाहभन्दा पहिले अर्कै पुरुषसँग प्रेम सम्बन्धका बेला जन्मिएका थिए ।

उनी जन्मेपछि राजकुमारीले राजकुमार हाकोनसँग विहे गरेकी थिइन् । राजकुमारतिरबाट उनका २ सन्तान छन् । हाकोन उनका पिता हराल्ड पाँचौपछि राजा बन्ने उत्तराधिकारी हुन् ।

आरोपी बर्गले भने आफूविरुद्धका गम्भीर आरोप अश्वीकार गर्दै कम सजायको अपिल गरेका छन् । यदि आरोप प्रमाणित भए उनीमाथि १० वर्ष जेल सजाय हुनसक्छ ।