विद्यालय शिक्षा विधेयकको प्रतिवेदन समितिमा पेश, अध्ययनका लागि सदस्यलाई वितरण

काठमाडौं । विद्यालय शिक्षा विधेयकको प्रतिवेदन संसदीय समितिमा पेश भएको छ । शिक्षा, स्वास्थ्य तथा सूचना प्रविधि समितिका सचिव दशरथ धमालाले सोमबारको बैठकमा पेश गरेका हुन् ।

समितिका सचिवले पेश गरेको प्रतिवेदन समितिका सदस्यलाई पनि वितरण गरिएको छ । यस अघि १६३ दफा रहेकोमा अब १७४ वटा दफा भएका छन् ।

यस अघिको विधेयकमा १४ वटा दफा थपिएका, ३ वटा दफा हटाइएका छन् भने ९८ वटा दफा केहि न केहि हिसावले संशोधन भएका छन् ।

प्रतिवेदन अध्ययन गरेर समितिका सदस्यले आगामी बैठकमा छलफल गरेर विधेयकको प्रतिवेदन पारित गर्ने तयारी छ ।