रुपन्देही । नेकपा एसको केन्द्रीय सदस्य तथा रुपन्देही अध्यक्षबाट राजीनामा दिएर बसेका युवा नेता राजु गुरुङ लामो समय यत्तिकै बसेका थिए ।
पछिल्लो केही समय उनी एमालेसँग नजिकिएको उनले सार्वजनिक गरेका केही तस्बिरहरूले पुष्टि गरे पनि आधिकारिक रूपमा केही सार्वजनिक गरिएको थिएन । तर उनी एमालेका नेताहरूलाई भेटेका तस्बिर सामाजिक सञ्जालमा राखिरहेका थिए ।
बुधवार मात्रै गुरुङलाई एमालेले लुम्बिनी प्रदेश कमिटी सदस्यको जिम्मेवारी दिइएको हो ।
उनीसँगै बुधवारै नेकपा एसको केन्द्रीय सदस्य छाडेर आएकी सिनपाकी पूर्व उपमेयर उमा काफ्ले र रोल्पामा माओवादी छाडेर आएका शान्तराज बोहोरालाई पनि प्रदेश कमिटी सदस्यको जिम्मेवारी दिइएको एमाले लुम्बिनीका अध्यक्ष राधाकृष्ण कंडेलले जानकारी दिए । उनका अनुसार प्रदेश कमिटी अब २३८ सदस्यीय बनेको छ ।
Leave a Reply