काठमाडौं । गायक खेम सेन्चुरी एक महिनाको सांगीतिक यात्राका लागि क्यानडा जाने क्रममा दिल्ली उड्न लाग्दा अचानक बिरामी भएका छन् ।
त्रिभुवन अन्तर्राष्ट्रिय विमानस्थलको यात्री प्रतीक्षालयमा रहँदा अचानक पेटमा समस्या देखिएपछि सिनामंगलस्थित केएमसी अस्पतालमा भर्ना गरिएको उनका निकटस्थ शम्भु कुँवरले सामाजिक सञ्जालमार्फत जानकारी दिएका छन् ।
उनी सांगीतिक कार्यक्रमका लागि क्यानडा, इजरायल र अस्ट्रेलिया जान लागेका थिए ।
उनको स्वास्थ्य अवस्था क्रमिक सुधार आइरहेको कुँवरले जानकारी गराएका छन् ।
बिरामीका कारण अगस्ट ९ मा क्यानडामा हुने “हिमालयन मेला” कार्यक्रममा भने उपस्थिति जनाउन नसक्ने भएका छन् ।
यद्यपि चिकित्सकहरुसँगको परामर्शमा बाँकी कार्यक्रममा जाने योजनामा रहेको पनि बताइएको छ ।
Leave a Reply