काठमाडौं । उत्तरी गाजामा मानवीय सहायता र खानेकुराको प्रतिक्षा गरिरहेका प्यालेस्टिनीमाथि इजरायली सेनाले बम र गोली प्रहार गर्दा कम्तिमा ३८ जना सर्वसाधारणको ज्यान गएको छ ।
समाचार एजेन्सी एएफपीका अनुसार धेरै दिनदेखि खान नपाएका प्यालेस्टिनीहरु मानवीय सहायताको प्रतिक्षामा थिए । निहत्था भोकाहरुमाथि सैन्य हमला गरेर इजरायलले ३० जनाको हत्या र ३ सय भन्दा बढीलाई घाइते बनाएको नागरिक सुरक्षा एजेन्सीले जनाएको छ ।
यता इजरायली सेनाले भने गाजाबासीलाई खानेकुराको सहयोग गर्न ट्रकको छेउछाउ जम्मा भएपछि चेतावनीका लागि गोली चलाइएको जनाएको छ ।
गाजाको अल शिफा अस्पतालका निर्देशक मोहम्मद अबू सलमियाले एएफपीलाई बताए अनुसार सो घटनापछि अस्पतालमा ३५ जनाको शब ल्याइएको छ ।
अस्पतालले कम्तिमा ४८ प्यालेस्टिनीको हत्या भएको जनाएको छ । यसैबीच अमेरिकी सिनेटर बर्नी स्याण्डर्सले इजरायली प्रधानमन्त्रीलाई घृणास्पद ढाँट शासकको संख्या दिदै भोकले मरिरहेका प्यालेस्टिनी बालबालिकाको पक्षमा अमेरिका उभिनुपर्ने बताएका छन् ।
उनले संयुक्त राज्य अमेरिकाले इजरायलको नरसंहारकारी सरकारलाई निर्दोष मानिसहरूलाई मार्न प्रयोग गरिने करोडौं डलरको सैन्य सहायता बन्द गर्न राष्ट्रपति ट्रम्पको ध्यानकर्षण गराएका छन् ।
Leave a Reply