काठमाडौं । गैरआवासीय नेपाली संघ (एनआरएनए) राष्ट्रिय समन्वय परिषद्, इजरायलको अध्यक्षका लागि अलिमहम्मद मियाँले उम्मेदवारी घोषणा गरेका छन् ।
सन् २०२५–२०२७ सम्मको कार्यकालका लागि वर्तमान महासचिव समेत रहेका मियाँले अध्यक्ष पदमा आफ्नो उम्मेदवारी घोषणा गरेका हुन् ।
आफ्नो उम्मेदवारी घोषणा गर्दै मियाँले आफू पदको लागि मात्र नभई इजरायलमा रहेका नेपालीहरूको सुखदुःख, पीडा र समस्याहरूको समन्वय गरी समाधान गर्न प्रतिबद्ध रहेको बताएका छन् ।
विगतमा संघको सचिव र महासचिवको भूमिका निर्वाह गरिसकेका मियाँले आफ्नो अनुभवलाई संस्थाको सुधारमा लगाउने वाचा गरेका छन् ।
उनले भने, ‘संस्थाको विधान एवं लक्ष्य अनुसार, इमानदारीता, नैतिकता, एकता, पारदर्शिता, रुपान्तरण, सक्षम र सबल नेतृत्वको पहिचानमा म योग्य छु । मेरो कार्य अवधि भित्र संस्थाभित्र रहेको हरेक किसिमका बिकृतिहरु, विसंगति र अनिमियताको सुधार्ने गर्ने छु ।’
उनी २०१९–२०२१ र २०२१–२०२३ मा सचिव तथा २०२३–२०२५ मा महासचिवको रूपमा काम गरेका थिए ।
Leave a Reply