आयरल्याण्ड । सन् २००९ मा गैरआवासीय नेपाली संघ (एनआरएनए) आयरल्याण्डको एक साधारण कार्यसमिति सदस्यको रुपमा सामाजिक यात्रा थालेका चेतराज ओली डेढ दशकपछि सोही संस्थाको सर्वोच्च पद, अध्यक्षका लागि मैदानमा उत्रिएका छन् ।
अहिले उपाध्यक्ष रहेका ओलीले २०२५-२०२७ कार्यकालका लागि आफ्नो उम्मेदवारी घोषणा गरेका छन् ।
ओलीको उम्मेदवारी केवल एक पदको चितवन समाज आयरल्याण्डको संस्थापक अध्यक्षको रुपमा दुई कार्यकाल नेतृत्व गरेका उनले प्रवासी नेपालीलाई एकताबद्ध बनाउन खेलेको भूमिकाकने प्रशंसा हुँदै आएको छ ।
’नेपाल लाइब्रेरी फाउन्डेसन’ को युरोप संयोजकको रुपमा उनले नेपालका दुर्गम विद्यालयदेखि कारागारसम्म पुस्तकालय स्थापनामा पनि सहयोग गरेका छन् ।
आफ्नो उम्मेदवारी घोषणासँगै उनले भने, ‘यो मेरो व्यक्तिगत उम्मेदवारी मात्र होइन, यो एउटा अनुभवी टीमको सामूहिक प्रतिबद्धता हो । हामीले विगतमा सिकेका छौँ, भोगेका छौँ र अब त्यही अनुभवलाई आयरल्याण्डका नेपालीको हितमा लगाउनेछौँ ।’
उनले आफ्नो टीममा वर्तमान कार्यसमितिमा रहेर खारिएका अधिकांश सदस्यलाई नै पदोन्नतिसहित अघि बढाउने रणनीति लिएका छन् । यसले संस्थाको निरन्तरता र स्थायित्वलाई बल दिने उनको विश्वास छ ।
Leave a Reply