जापानका पूर्वप्रधानमन्त्री भन्छन्- अमेरिकी सैनिक शिविर जापानबाट हट्नुपर्छ (भिडिओ)

काठमाडौं । जापानका पूर्वप्रधानमन्त्री युकिओ हातोयामाले अमेरिकाले जापानमा राखेका सैन्य शिविरहरू हटाउनुपर्ने बताएका छन् । रुसी विश्व च्यानल आरटीसँग कुरा गर्दै हातोयामाले हालै अमेरिकाले इरानमा गरेको आक्रमणपछि इरानले कतारस्थित अमेरिकी सैन्य शिविरमा गरेको जवाफी आक्रमणको उदाहरण दिँदै, ताइवानको तनाव बढेमा चीनले जापानस्थित अमेरिकी सैन्य शिविरमा पनि यस्तै हमला गर्न सक्ने भय रहेको बताएका छन् ।

हातोयामाका अनुसार, जापानका थुप्रै महिलाहरू अमेरिकी सैनिकबाट बलात्कार र हिंसाको शिकार भए तापनि ‘सुरक्षा’ को नाममा जापानले ती घटनामा स्पष्ट र कडा सवाल उठाउन सकेको छैन ।

उनले भनेका छन्, ‘जापानले नेटोको सदस्य बन्ने कुरा गर्नुहुन्न ।’