काठमाडौं । नेपाली कांग्रेसका केन्द्रीय सदस्य अजयबाबु शिवाकोटीले निजामती सेवा विधेयकमा गरिएको छलछामले संसद्को अपमान भएको बताएका छन् ।
दुई वर्षको कुलिङ पिरियडको स्पष्ट व्यवस्था राख्दै प्रतिनिधिसभाले पारित गरेको विधेयकलाई केही व्यक्तिको साँघुरो स्वार्थका लागि तोडमोड गर्नु लोकतान्त्रिक विधि र संसद्प्रतिको विश्वासमाथिको ठाडो प्रहार भएको उनले बताए ।
शिवाकोटीले भने, ‘विधेयकको मर्मविपरीत छलछाम गरी परिवर्तन गर्नु र संसद्लाई गुमराहमा राख्नु संसद्को गरिमामाथि धावा हो । यस्तो कार्य नागरिकको विश्वासमाथिको धोका पनि हो। व्यक्तिगत रूपमा म यस्तो अपारदर्शी चलखेलको कडा विरोध गर्छु ।’
संसद्मा पारित विधेयकमा किन, कसको इशारामा, कुन प्रक्रियाबाट परिवर्तन भयो तत्काल छानबिन र संलग्न सबैलाई कानुनी दायरामा ल्याउन माग गरे । केही व्यक्तिको स्वार्थका लागि संसद्को निर्णय उल्ट्याउने प्रवृत्तिलाई रोक्नुपर्नेमा जोड दिए ।
Leave a Reply