‘व्यवस्थापिकामाथि कार्यपालिका हाबी भयो, छानबिन नभएसम्म कुनै विधेयक अघि बढ्न दिँदैनौँ’ (भिडिओ)

काठमाडौं । नेकपा एकीकृत समाजवादीमा वरिष्ठ उपाध्यक्ष राजेन्द्र पाण्डेले निजामती विधेयकमा कुलिङ पिरियडबारे भएको छेडखानीमा संलग्न भएकाहरूलाई कारबाही गर्न माग गरेका छन्।

सभामुखसँग छलफलपछि बाहिरिने क्रममा सञ्चारकर्मीहरूसँग कुरा गर्दै यो विषय टुङ्गोमा नपुगेसम्म अब समितिको बैठक बस्न नसक्ने बताए।

उनले भने, ‘यसमा संलग्नलाई कारबाही गरिएन भने राज्य व्यवस्था समितिको बैठक पनि बस्दैनौँ। अब कुनै विधेयक पास पनि हुँदैनन्। प्रहरीकोसहित अन्य थुप्रै महत्त्वपूर्ण विधेयकहरू छन्। पास पनि हुँदैन। हामी मात्रै होइन, अरू संसदीय समितिका सदस्यहरूले पनि पास गर्ने एउटा, निर्णय गरेर आउने अर्को, संसद्मा लैजाने अर्को हुने भएपनि अविश्वासको स्थिति सिर्जना भयो। सांसदहरूको अपमान भयो।’

व्यवस्थापिकामाथि कार्यपालिका हाबी भएको भन्दै सिङ्गो व्यवस्थामाथि नै हानी गर्ने बताए।