‘कुलिङ पिरियड’ को हेराफेरीबारे माओवादी- षड्यन्त्रका साथ नीच काम गरियो, छानबिन गरी कारबाही होस् (भिडिओ)

काठमाडौं । नेकपा माओवादी केन्द्रका उपमहासचिव जनार्दन शर्माले निजामती सेवा विधेयकमा कुलिङ पिरियडबारे गरिएको हेराफेरी गम्भिर अपराध भन्दै छानबिन गरी संलग्नलाई कारबाहीको माग गरेका छन् ।

सभामुखसमक्ष आफूले छानबिन गरी कारबाही प्रक्रिया अघि बढाएर सच्याउन ध्यानाकर्षण गराएको उनले बताए ।

‘कुलिङ पिरियडको विवाद नियतवश समितिले पास गरेको विषयभन्दा बाहिर गएको भन्दै समिति सदस्यहरूको भनाइ छ । सभापतिले पनि आफ्नो जानकारीबिना भयो भन्नुभयो । संसदको उपहास र सार्वभौममाथि हस्तक्षेप गर्ने गरी षड्यन्त्र र नीच काम गरियो, यो सरासरी बदमासी हो । पहिले छानबिन हुनुपर्छ । यसको जिम्मेवारी सचिव सभापति वा समिति कसले लिने ? लिनुपर्छ ।’

उनले कानून निर्माणमा यस्ता छलछाम गरी हेराफेरि हुने अवस्था ले जनताले व्यवस्थापिका र कानूनमाथि कसरी विश्वास गर्ने भन्ने गम्भिर प्रश्न उठेको बताए ।

‘हामीप्रति प्रश्न उठेको छ । छानबिन गरी कारबाही प्रक्रिया अघि बढाएरमा सच्याउने कुरा अघि बढ्नुपर्छ । यो गम्भिर प्रकृतिको अपराध हो । सभामुखले छानबिनका लागि कस्तो प्रक्रिया अपनाउनुहुन्छ । उहाँको कार्यक्षेत्रभित्र पर्ने कुरा हो’, शर्माले भने ।

सभामुखले विधेयकमा भएको हेराफेरीबारे समितिका सभापति, सदस्यलगायतसँग छलफल गरेका छन् ।