दाङ । घोराहीमा ‘राष्ट्रिय लुम्बिनी रोड रेस’ हुने भएको छ । लुम्बिनी प्रदेश खेलकुद परिषद् को आयोजनामा १० किलोमिटर रोड रेस प्रतियोगिता सदस्य सचिव तिरनदाज गौतमले जानकारी दिए ।
प्रतियोगिता यहीं असार १४ बिहान ७ बजे घोराहीस्थित महेन्द्र बहुमुखी क्याम्पसबाट सुरू हुने छ । प्रतियोगितामा राष्ट्रिय स्तरका महिला तथा पुरुष खेलाडी सहभागी हुने छन् । प्रतियोगितामा भाग लिन असार १३ गतेसम्म नाम दर्ता गर्ने समय सीमा तोकिएको छ ।
खेलकुदको विकाससँगै खेलाडी पहिचान गर्दै प्रदेशमा दक्ष खेलाडी उत्पादन गर्न प्रतियोगिता आयोजना गरिएको प्रदेश खेलकुद परिषद् लुम्बिनीका सदस्य कैलाश रोकाले बताए ।
लुम्बिनी रोड रेस प्रतियोगितामा प्रथम हुने पुरुष-महिला खेलाडीलाई जनही ५०–५० हजार रुपैयाँ पुरस्कारको व्यवस्था गरिएको छ ।
यसै गरी दोस्रो हुनेले जनही ३०–३० हजार, तेस्रो हुनेले जनही २०–२० हजार, चौथो हुनेले जनही १५–१५ हजार र पाँचौँ हुनेले जनही १०–१० हजार रुपैयाँ पुरस्कार पाउने छन् ।
प्रतियोगितामा सहभागी भएका पुरुष महिला खेलाडी मध्ये छैटौँ,सातौँ,आठौँ,नवौँ र दसौँ हुनेलाई पनि समान ५–५ हजार रुपैयाँ हौसला स्वरूप प्रदान गरिने छ ।
Leave a Reply